Tíminn - 17.08.1991, Blaðsíða 2
10
HELGIN
Laugardagur 17. ágúst 1991
MENNTAMÁLARÁÐUNEYTIÐ
Stöðupróf í fram-
haldsskólum
Stöðupróf (framhaldsskólum á haustönn 1991 eru haldln sem
hér segir:
Þriöjud. 20. ágúst kl. 18.00 Enska
Miðvikud. 21. águst kl. 18.00 Franska, spænska
Fimmtud. 22. ágúst kl. 18.00 Þýska
Föstud. 23. ágúst kl. 18.00 Stæröfræði, norska, sænska
Prófin eru haldin I Menntaskólanum við Hamrahlfö og eru op-
in nemendum úr öllum framhaldsskólum. Þeir sem ætla að
gangast undir þessi próf eru beðnir um að tilkynna þátttöku
slna á skrifstofu Menntaskólans viö Hamrahllð. Skráning er
hafin.
HEILSUGÆSLAN í REYKJAVÍK
auglýsir eftir
Hjúkrunarfræðingi
í hluta- eða fullt starf við Heilsugæslustöðina í Hlíðum.
Upplýsingar gefur hjúkrunarforstjóri í síma 622320.
Hjúkrunarfræðingi
í hlutastarf við Heilsugæslustöðina í Efra- Breiðholti.
Upplýsingar gefur hjúkrunarforstjóri í síma 670200.
Umsóknareyðublöð liggja frammi á af-
greiðslu Heilsuverndarstöðvar Reykjavíkur
við Barónstíg 47.
Umsóknum skal skila til starfsmannastjóra
heilsugæslustöðva í Reykjavík, Barónsstíg
47.
FÉLAGSMÁLASTOFNUN REYKJAVÍKURBORGAR
Síöumúla 39-108 Reykjavík - Sími 678500
Fax 686270
Félagsráðgjafi
Laus er 75% staða félagsráðgjafa á félagsráðgjafasviði
öldrunarþjónustudeildar í Síðumúla 39.
Starfið er fólgið í ráðgjöf og aðstoð við aldraða, mati á hús-
næðis- og þjónustuþörf og meðferð umsókna um húsnæði
og fjárhagsaðstoð.
Nánari upplýsingar veita yfirmaður öldrunarþjónustudeild-
ar, Sigurbjörg Sigurgeirsdóttir, og forstöðumaður félags-
ráðgjafasviðs, Ásta Þórðardóttir, í síma 678500.
Umsóknarfrestur er til 30. ágúst nk.
Þroskaþjálfi —
meðferðarfulltrúi
Fjölskylduheimili fatlaðra barna, Akurgerði 20, óskar eftir
að ráða þroskaþjálfa og/eða meðferðarfulltrúa.
Æskilegt er að umsækjandi hafi reynslu af starfi með fötl-
uðum börnum. Um er að ræða dag, kvöld og helgarvaktir.
Nánari upplýsingar veitir forstöðumaður í síma 681311 og
21682.
Umsóknarfrestur er til 30. ágúst nk.
Umsóknum skal skila til Félagsmálastofnunar Reykjavík-
urborgar, Síðumúla 39, á umsóknareyðublöðum sem þar
fást.
Innkaupastofnun Reykjavíkurborgar, f.h. Byggingar-
deildar borgarverkfræðings, óskar eftir tilboðum í jarð-
vinnu vegna fyrirhugaðrar frjálsíþróttaaðstöðu í Laug-
ardal.
Helstu magntölur eru:
Gröftur 8.500 m3.
Fylling 12.100 m3.
Útboðsgögn veröa afhent á skrifstofu vorri, Frlkirkjuvegi 3, Reykjavlk,
gegn kr. 10.000,-skilatryggingu.
Tilboðin verða opnuð á sama stað fimmtudaginn 5. september 1991, kl.
11.00.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800
Sigurður Ingjaldsson frá Balaskarði. Fyrsta bindi ævisögu hans
kom út 1913. Bindin urðu þrjú og þykir sagan merkileg jafnt fyrir
efni sem stil.
Nótt á Þyr-
ilsbrún...
„Það hefði ég gert hefði ég vitað það
í tíma. En á ég að svíkja aðra sem ég
er búinn að lofa til þess að geta tek-
ið af yður?" segi ég. Ég spurði svona
til að vita hvað hann segði, því ekki
datt mér í hug að svíkja aðra til þess
að taka af honum, þó hann vaeri
biskup. En hann segir: „Ekki er það
nú gott. Ég get nú komið þessu með
pósti." „Það vil ég helst," segi ég.
„En það gæti komist heim í hlað
með það sama ef þér tækjuð það,“ og
heyri ég að honum er það mikið
áhugamál að ég taki þetta, svo ég bið
hann að lofa mér að sjá hvað það sé
og hann kemur með það og sé ég að
það fer ekki mikið fyrir því, en það
var fislétt eftir stærð og var vaxdúk-
ur utan um bögglana. Ég bið hann
að vigta þá og voru þeir báðir fjögur
pund. Hann sagði að þetta væri dýr-
indis tau. Ég segi: „Ef þér viljið
hætta á að senda þetta með mér, þá
held ég að ég verði að reyna að taka
það,“ og varð hann mjög glaður og
spyr mig hvað ég viiji hafa fyrir það.
En ég segi að hann viti hvað póstur
taki. Kemur hann nú með ríkisdal
og segist gefa mér fyrir þrjú bréf og
sendinguna og var það miklu meira
en póstur tók. Ég þakka honum fyr-
ir borgunina, en hann þakkar mér
fyrir að ég gerði þetta. Svo var kom-
ið með kaffi með brauði og þegar ég
er búinn að drekka þakka ég honum
fyrir og kveð Eirík Briem, sem var
þarna inni, en biskup fór út með
mér og hélt þar fyrir mér hjart-
næma og nokkuð langa ræðu og bað
guð að leiða mig og blessa í þessari
ferð og alla mína ævi að vera minn
leiðtogi og vemdari á allri minni
ófarinni lífsleið og taka mig svo til
sín þegar honum þóknaðist.
Eg varð óumræðilega glaður af
þessu og fannst ég hefði verið
ánægður þó hann hefði ekki borgað
mér neitt fyrir það sem ég gerði fyr-
ir hann. Ræða hans var ekki
munnflapur, það heyrði ég, því hann
var mjög hrærður og lika varð ég
hræðrður og kvaddi hann mig með
alúðarþakklæti fyrir þessa blessun
sem hann lagði yfir mig.
Nú fór ég í búð og keypti mér
flösku af rommi til að hafa mér til
hressingar, því byrðin var orðin svo
mikii, nær 40 pund, að ég gat ekkert
nesti haft.
Nótt á Þyrilsbrún
Nú hélt ég af stað þessa löngu leið
til baka. Var nú komin jólafasta og
var því ekki langt milli birtu og
rökkurs. Þegar ég var kominn út úr
bænum hélt ég bæn eins og ég ætíð
gerði. Ég kom að Mosfelli um kvöld-
ið og gisti þar og átti góða nótt. Tók
ég bréf af Helgu til móður hennar og
bað hún mig að útvega sér fríheitin
sín hjá Eggert Briem sýslumanni.
Ég fór á stað fyrir dag, því ég vildi
hafa sem lengstar dagleiðir og
komst að Þrándarstöðum í Brynju-
dal og er það löng dagleið. Þar
bjuggu heldur ung hjón og var ekki
fleira fólk. Ég bað að selja mér mat
kvölds og morgun sem fyrr og átti
ég þarna góða nótt. Ég fór á fætur
fyrir dag og þegar ég er búinn að
borða segi ég við bóndann að ég hafi
orðið að fara töluvert úr leið til að
gista þar og spyr ég hann hvort ekki
sé hægt að fá styttri leið yfir á þjóð-
veginn, svo ég þurfi ekki að fara
þennan krók til baka aftur. Segir
bóndi að það megi með því að fara
hér nokkuð upp í dalinn og þar yfir
fjallið og komi maður þá í endann á
Botnsdalnum og verði maður þá að
fara ofan í dalinn og alla leið þangað
til maður komi að veginum sem
liggi upp á heiðina, annað geti mað-
ur ekki farið. Það var farið að ljóma
af degi og sagði hann að þar sem ég
sæi bjarmann ætti ég að fara yfir
fjallið og komi maður þá í endann á
Botnsdalnum. En þegar ég er kom-
inn upp á brúnina og sé ofan í dalinn
sýnist mér óbærilegur krókur að
fara ofan í dalinn og þangað sem ég
kom af heiðinni. En ég sé dal rétt á
móti mér, sem mér sýnist liggja út á
heiðina og hugsa með mér að þetta
sé ekki nema vitleysa að vera að fara
ofan dal, hér sé miklu skemmri leið
út á heiðina og skuli ég fara hana.
Svo fer ég í þennan óþekkta dal.
Það var allgott að ganga, þótt nokk-
uð væri af nýjum snjó, því hjarn var
undir.
Hélt ég nú áfram glaður yfir að hafa
tekið þetta til bragðs. En þegar ég er
búinn að ganga nokkra stund kol-
dimmir ailt í einu og skellur á með
svo þétta skæðadrífu að ég sá ekkert.
Ég skildi ekkert í þessu því veðrið
hafði verið ágætt og leit vel út þang-
að til þetta allt í einu. Ég sá ekkert
til vegar en hélt áfram óhræddur,
hélt að mundi birta aftur en það
varð ekki.
Þegar ég er búinn að ganga lengi
kom ég að vatni. Mér þótti þetta
undarlegt. Það var svo mikið stór-
grýti meðfram þessu vatni að ég átti
bágt með að ganga. Samt held ég
með því þangað til ég finn að ég er
farinn að ganga í kring um það, datt
mér þá í hug að þetta væri Hvalvatn,
sem ég hafði heyrt að væri nálægt
Botnsúlum. Ég hlaut því að vera
kominn annað en ég átti að fara. Ég
fór nú frá vatninu en það var úr
vöndu að ráða því ég sá ekkert fyrir
dimmviðrinu og dreif niður fönn.
Ég hélt nú áfram lengi að mér
fannst og fer að koma bratti á hægri
hönd. Ég sé að það dugar ekki að
halda svona áfram, ég komi aldrei til
byggða með þessu lagi. Svo ég hugsa
mér að snúa til sjóar, þóttist vita í
hvaða átt hann væri og sný í þá átt
og held nú áfram svo vel sem ég get.