Tíminn - 28.08.1991, Qupperneq 2

2 Tíminn
Miðvikudagur 28. ágúst 1991
Starfsmannafélag ríkisstofnana mótmælir fyrirhugaðri fækkun ríkisstarfsmanna
Enn ein aðför að
velferðarkerfinu
Á trúnaðarmannaráðsfundi Starfsmannafélags ríkisstofnana sem
haldinn var í gær voru samþykkt mótmæli við áform ríkisstjórnar-
innar um að fækka opinberum starfsmönnum. í ályktun fundaríns
segir m.a.: „Trúnaðarmannaráð minnir á að nú þegar er veruleg
starfsmannaekla á ýmsum stofnunum, og telur að fækkun starfs-
manna muni einungis leiða til verri þjónustu. Slík ráðstöfun yrði
enn ein aðförín að velferðarkerfinu."
Sigríður Kristinsdóttir, formaður
SFR, sagði aðspurð í samtali við
Tímann í gær að félagið hafi ekki
fengið neinar upplýsingar frá fjár-
málaráðherra um umfang íyrirhug-
aðrar fækkunar ríkisstarfsmanna.
Einu upplýsingarnar sem félagið
hefði væru úr fjölmiðlum eins og
t.d. úr Morgunblaðinu um helgina
þar sem fjármálaráðherra segir að
fyrirliðum opinberra starfsmanna
verði gerð grein fyrir niðurskurðin-
um þegar ákvörðun liggi fyrir. „Það
þykja okkur ekki lýðræðisleg vinnu-
brögð hjá þessum yfirlýstu lýðræð-
issinnum í ríkisstjórninni," sagði
Sigríður.
Hún sagði SFR þó ekki síður hafa
áhyggjur af þeirri skerðingu á þjón-
ustu sem fækkun ríkisstarfsmanna
hefði í för með sér en starfsaðferð-
um ríkisstjórnarinnar í málinu.
„Okkur hefði nú fundist að það hefði
þurft að fjölga fólki á mörgum stöð-
um frekar en að fækka því, enda há-
ir mannekla mörgum ríkisstofnun-
um. Þannig er okkur sagt að ekki sé
hægt að halda gangangi sjúkrahús-
um vegna þess að ekki fáist þangað
starfsfólk. Satt best að segja fæ ég
ekki séð hvaða þjónusta er óþörf og
ég vil fullyrða að enginn félagi í SFR
megi missa sín, enda hef ég ekki
heyrt að það sé verkefnaskortur hjá
þessu fólki," sagði Sigríður Kristins-
dóttir, formaður SFR.
fleygir
Um þessar mundir ero 17
amarungar að verða fleyglr úr
15 hrelðram. Auk þess er vitað
um 21 par sem hafa tekið sér
ððal, en varp misfórst hjá
þeim.
I fréttatilkynningu frá Fugla-
vemdarfélagi íslands segir að
þegar stofnlnn sé lítill, elns og
nú er, þá pari emir sig jafnvel
með ókynþroska maka og þá
geta liðið nokkur ár þar til varp
hjá þeim heppnlst. Jafnframt
eigi það fóik sem stuðii að frið-
un amarins þakkiæti skilið.
rrVn
Aðalfundur Byggðahreyfingarinnar
w Útvarðar:
Ahyggjur vegna
byggðaröskunar
Aðalfundur Byggðahreyfingarinnar
Útvarðar var haldinn að Hvoli á
Hvolsvelli laugardaginn 24. ágúst
síðastliðinn. í einni af ályktun fund-
arins er minnt á tillögur og álit
tveggja nefnda, er menn frá öllum
þingflokkum skipuðu. í febrúar
komu frá þessum nefndum bæk-
lingarnir „Tillögur og greinargerð
byggðanefndar“ og „Nýjar leiðir í
byggðamálum, tillögur og greinar-
gerð“. í ályktuninni lýsir aðalfund-
urinn stuðningi við meginniður-
stöður nefndarálitanna en leggur á
það áherslu að kosið verði beinni
kosningu til byggðaþinga og að
byggðarstjórn fái sérstakan tekju-
stofn með lögum. Ennfremur segir
að einnig þurfi að ákveða með skýr-
um hætti hvaða verkefni verði flutt
til þeirra frá ríkisvaldinu. Þá taldi
fundurinn það brýnt að starfi þess-
ara nefnda verði haldið áfram og að í
kjölfar þess fylgi tilsvarandi laga-
setning og stjórnvaldsaðgerðir.
Aðalfundurinn lýsti jafnframt yfir
áhyggjum sínum vegna stöðugrar
og vaxandi byggðaröskunar í land-
inu. í ályktun fundarins um þetta
mál segir að aðgerðir stjórnvalda til
þessa hafi ekki dugað til að stemma
stigu við þeirri óheillaþróun. Bent
er á, að á undanförnum árum hafi ít-
rekað komið fram tillögur frá nefnd-
um allra stjórnmálaflokka um aðrar
leiðir í byggðamálum. Þessar tillög-
ur feli í sér réttarbót til handa al-
menningi, til ráðstöfunar eigin mála
með stofnun millistjórnstigs á
grundvelli landshlutanna og með
valddreifingu frá ríkinu. Jafnframt
telur aðalfundurinn nú mjög brýnt
að Alþingi setji lög þar sem þessar
nýju leiðir verði farnar. -UÝJ
Hátíðarhöld á Selfossi dagana 1. til 8. september. Ölfusárbrú á:
100 ÁRA AFMÆU
Kennarasamband Islands mótmælir
ákvörðunum stjórnvalda:
Sýna afstöðu til
kennaramenntunar
Kennarasamband íslands mótmælir
harðlega þeirri ákvörðun mennta-
málaráðherra að lenging kennara-
náms við Kennaraháskóla íslands
komi ekki til framkvæmda í haust.
í tilkynningu frá Kennarasamband-
inu segir að frá upphafi hafi Kenn-
arasambandið í skólastefnu sinni lagt
á það mikla áherslu að efla beri kenn-
aranámið og bent á nauðsyn þess að
iengja námið í 4 ár. Með frestun á
lengingu námsins, svo skömmu fyrir
upphaf skólaárs og eftir að nemend-
ur hafa verið innritaðir, er vegið að
starfsemi Kennaraháskólans, svo
mjög að afleiðingarnar verða ekki
séðar fyrir. Jafnframt segir að með
þessari ákvörðun sé einnig að engu
höfð undirbúningsvinna við skipulag
náms og samningu námsskrár fyrir
hið nýja kennaranám, sem staðið
hefur yfir undanfarin 2 ár.
í samþykkt fulltrúaþings Kennara-
sambands íslands, sem haldið var 1.
til 4. júní si., segir meðal annars:
„Fulltrúaþingið telur að fjárfesting í
menntun íslensku þjóðarinnar muni
Þann 8. september næstkomandi era liðin 100 ár frá vígslu Ölfusárbrúar.
Bygging brúarinnar markaði tímamót í sögu samgangna hér á landi og með
henni var erflður farartáimi gerður auðveldur yflrferðar. Jafnframt er brú-
in talin marka upphaf þéttbýlismyndunar á Selfossi.
skila sér margfalt í framtíðinni. Þing-
ið beinir þeim tilmælum til stjórn-
valda að veita auknu fé til menntun-
ar kennara."
Þá segir Kennarasambandið að með
þessari frestun hafi stjórnvöld sýnt í
verki hver afstaða þeirra sé til kenn-
aramenntunar, á sama tíma og skóla-
menn hérlendis og erlendis leggi
mikla áherslu á að framfarir í
kennslu hvíli fyrst og fremst á starf-
andi kennurum og bætt menntun
kennara sé því lykill að framþróun í
skólastarfi.
-UÝJ
Sérstök nefnd var skipuð til að sjá
um dagskrá í tilefni vígsluafmælis-
ins. Afmælisdagskráin hefst 1. sept-
ember næstkomandi. Þá verður
sögusýning um Ölfusárbrú opnuð í
Tryggvaskála. Skátafélagið Fossbúar
mun opna sérstakt leiksvæði við
Sigtún og brúðubíllinn kemur í
heimsókn. Þá verður Selfossmynd
Marteins Sigurgeirssonar frumsýnd
í sal Barnaskólans en myndin segir
frá þróun bæjarins fram til dagsins í
dag. Þriðjudaginn 3. september
verða orgeltónleikar í Selfosskirkju
undir stjórn Glúms Gylfasonar.
Fimmtudaginn 5. september verður
haldið Selfossmót í hjólaralli fyrir
börn og fá sigurvegararnir vegleg
verðlaun. Einnig verða haldnir kór-
tónleikar í Selfosskirkju þar sem
Samkór, Karlakór og Kirkjukór Sel-
foss koma fram auk þess sem Lúðra-
sveit Selfoss mun leika. Föstudag-
inn 6. september kl.14 mun póst- og
lestarferð í stíl fyrri ára leggja af stað
frá Reykjavík til Selfoss. Lestarferð-
in kemur síðan til Selfoss 8. septem-
ber. Efnt verður til sérstakrar ör-
nefnagöngu utan Ölfusár og göngu-
stjóri verður Guðmundur Kristins-
son en hann er vel kunnur
staðháttum og örnefnum. Jafnframt
verður unglingadagskrá á vegum fé-
lagsmiðstöðvarinnar og djasskvöld
verður haldið á Hótel Selfossi. Þann
7. september verður aftur haldið í
örnefnagöngu en þá verður gengið
um sunnanverðan bæinn. Jafnframt
fer Brúarhlaup Selfoss fram þennan
dag og Höfn hf býður upp á grill-
veislu í tilefni afmælis brúarinnar.
Selfossmyndin verður endursýnd og
að kvöldi þessa dags verður Brúar-
dansleikur á Hótel Selfossi. Afmæl-
isdag brúarinnar, sunnudaginn 8.
september, hefst dagskráin með
guðsþjónustu í Selfosskirkju. For-
seti íslands, frú Vigdís Finnboga-
dóttir, verður þá heiðursgestur há-
tíðarhaldanna en auk hennar verða
samgönguráðherra, menntamála-
ráðherra og fulltrúar vinabæja Sel-
foss sérstakir gestir þennan dag. Um
kl. 13 verður farið í skrúðgöngu frá
Hótel Selfossi og endað á planinu
við brúna fyrir neðan hótelið. Þar fer
fram dagskrá og hefst hún með
ávarpi forseta bæjarstjórnar. Leikfé-
lag Selfoss mun flytja þátt úr brúar-
leikritinu eftir Jón Hjartarson og
samgönguráðherra flytur ávarp.
Sameinaður kór Selfoss syngur brú-
arlagið en það var einnig flutt fyrir
100 árum við vígslu brúarinnar þá.
Jafnframt mun forseti íslands
ávarpa viðstadda. Að lokinni dagskrá
gróðursetur forseti íslands og gestir
vinabæja Selfoss tré í lundi við
norðurbakka brúarinnar. Þá verður
gestum einnig boðið að bragða á af-
mælistertu í Gagnfræðaskólanum
og henni verður hægt að renna nið-
ur með brúardrykk sem blandaður
verður í Mjólkurbúi Flóamanna.
Dagskránni lýkur síðan með mikilli
flugeldasýningu við Ölfusárbrú um
kl.22. -UÝJ
Forseti Finnlands og fylgdarlið koma í óopinbera heimsókn til ísiands:
Ferðast um landið og ræðir við stjórnvöld
Mauno Koivisto, forseti Finnlands,
kernur í óopinbera heimsókn tii ís-
lands flmmtudaginn 29. ágúst. í fylgd
með forsetanum verður eiginkona
hans Teiiervo Koivisto, ásamt dóttur
og tengdasyni, Assi og Jari Komulain-
en. Koivisto og fylgdarliö hans koma í
boði Vigdísar Finnbogadóttur, forseta
íslands.
Forsetinn mun ræða við Davíð Odds-
son forsætisráðherra og Jón Baldvin
Hannibalsson utanríkisráðherra með-
an á íslandsdvölinni stendur.
Ráðgert er að forsetinn og fylgdariið
heimsæki Vestmannaeyjar, Mývatn,
Höfn í Homafirði og skoði auk þess
Vatnajökul. Forsetinn mun einnig fara
til Þingvalla.
Heimsókninni lýkur mánudaginn 2.
september. -js