Tíminn - 15.07.1992, Blaðsíða 2

2 Tíminn
Miðvikudagur 15. júlí 1992
Þingflokksformenn Framsóknarflokks og Kvennalista:
Skipa ekki fulltrúa í
nefnd um Kjaradóm
Ákvöröun var tekin um það á þingflokksfundi Framsóknarflokks á
mánudag, aö skipa ekki mann í nefnd sem á að endurskoða iög um
Kjaradóm. Kvennalistinn hefur tekið sams konar ákvörðun. Friðrik
Sophusson fjármálaráðherra sendi í fyrri viku bréf til þingflokksfor-
manna Framsóknarflokks og Kvennalista, þar sem farið var fram á
skipun í nefndina.
Jón Kristjánsson alþingismaður
segir að þessi ákvörðun hafi verið
tekin með hliðsjón af síðari Kjara-
dómi, en þar er litið svo á að með
setningu bráðabirgðalaganna hafi
löggjafinn tekið í sínar hendur þær
launaákvarðanir, sem Kjaradómi var
ætlað að taka. Hins vegar muni
framsóknarmenn að sjálfsögðu taka
þátt í umræðum um bráðabirgða-
lögin á þingi, eftir að það kemur
saman.
Kristín Ástgeirsdóttir, þingflokks-
formaður Kvennalista, segir að
Kvennalistinn hafni alfarið að taka
þátt í þessari nefnd, ríkisstjórnin
hafi staðið þannig að verki, að best
sé að hún beri ábyrgð á því sjálf.
Eðlilegast hefði verið að taka málið
upp á vettvangi Alþingis og kalia
saman efnahags- og viðskiptanefnd
og láta hana vinna í málinu.
Bréf fjármálaráðherra var ekki
stílað á þingflokksformann Alþýðu-
bandalagsins og ekkert hefur heyrst
frá því um þetta mál.
í bréfi fjármálaráðherra segir
m.a.: „Setning bráðabirgðalaga
breytir því ekki, að nauðsyn ber til
að endurskoða gildandi lög um
dóminn. Bráðabirgðalögin ná aðeins
til afmarkaðs efnis, sem brýnt var að
taka á þegar í stað. Bráðabirgðalögin
voru sett á ábyrgð ríkisstjórnarinnar
og þau verða að sjálfsögðu lögð fyrir
Alþingi eins og lög gera ráð fyrir.
Sú endurskoðun, sem nefndinni
verður falin, mun auk þeirra for-
sendna, sem dómnum ber að leggja
til grundvallar, einnig taka til lög-
sögu dómsins, þ.e. til hverra úr-
skurður hans á að taka, tilnefningar
í dóminn, skilgreininga á launum
og greiðslum m.a. með tilliti til eft-
irlauna og lífeyris, starfshátta dóms-
ins o.fl.
í nefndinni verða, auk væntan-
legra fulltrúa þingflokka stjórnar-
andstöðuflokkanna, eftirtaldir
menn: Helgi V. Jónsson hæstaréttar-
lögmaður, formaður nefndarinnar,
og Indriði H. Þorláksson skrifstofu-
stjóri, skipaðir án tilnefningar;
Benedikt Jóhannesson stærðfræð-
ingur, tilnefndur af þingflokki sjálf-
stæðismanna; og Hólmgeir Jónsson,
framkvæmdastjóri Sjómannasam-
bands íslands, tilnefndur af þing-
flokki Alþýðuflokksins."
í gær kom síðan annað bréf til
þingflokksformannanna frá fjár-
málaráðherra, þar sem fyrsti fundur
nefndarinnar er boðaður 17. júlí
næstkomandi. -BS
Stjóm Vináttufélags fslands og Litháen. Frá vinstri: Sveinn Aðal-
steinsson, Ásgeir Hannes Eiríksson, Gestur Ólafsson formaður,
Jóhannes Jónsson og Arnór Hannibalsson.
Vináttufélag íslands og Litháen stofnað:
KYNNI ÞJÓÐ-
ANNA AUKIN
Vináttufélag íslands og Litháen hef-
ur verið stofnað og er tilgangur fé-
lagsins að auka og efla samskipti
þjóðanna.
Litháar eru nú að koma undir sig
fótunum sem sjálfstæð þjóð og eru
þeir afar þakklátir fyrir allt samstarf
og aðstoð, sem þeim er veitt á þess-
um erfiðu tímum. Þeim, sem ganga
vilja í vináttufélagið og taka þátt í
auknum samskiptum þjóðanna, er
bent á að hafa samband við stjórn fé-
lagsins, en formaður hennar er
Gestur Ólafsson. —GKG.
Harpa, Einar, Gyröir, Sjón, Karólína og Ásta í kirkjugaröinum viö
Suöurgötu, en þangaö er jafnan fariö meö listafólk í myndatökur.
Augnablik heldur kvöldskemmtun:
Einleikur fyrir
Hörpu á Akureyri
Félagið Augnablik heldur sumar-
kvöldskemmtun í Samkomuhúsinu
á Akureyri sunnudaginn 19. júlí.
Þar mun Einar Kristján Einars-
son leika á gítar tónverk Karólínu
Eiríksdóttur „Hvaðan kemur logn-
ið?“, Gyrðir Elíasson les úr bók sinni
„Heykvísl og gúmmískór" og svo
flytur Harpa Arnardóttir hinn óvið-
jafnanlega „Einleik fyrir Hörpu í
Himnaríki" eftir Sjón. Hann verður
enginn svikinn af að sjá. Ásta Arnar-
dóttir leikur á harmonikku í verk-
inu.
Skemmtunin hefst klukkan 21:00
og eru allir hjartanlega velkomnir.
—GKG.
Þarf fiskur enn að vera „laglegur" til að falla landanum í geð?
Belgíska frúin
saknaði fýlunnar
Útlendingar virðast sumir svo
ókunnugir nýjum fiski að þeir trúa
því ekki fyrr en í fulla hnefana að
hægt sé að elda físk án þess að upp
gjósi hin megnasta fiskifýla. Hilm-
ar B. Jónsson matreiðslumaður,
sem oft hefur unnið að matvæla-
kynningum erlendis, segir frá at-
hyglisverðri reynslu sinni í þessum
efnum í nýju fréttabréfi íslenskra
sjávarafurða. Spurður um jákvæð-
ustu reynslu sína varðandi íslensk-
an fisk segir hann frá atviki, sem
átti sér stað við kynningu í einum
stórmarkaða Belgíu nýlega.
Hilmar var þar við annan mann
að elda og kynna fiskrétti. Kynning-
in átti að hefjast kl. 13.00. En versl-
unarstjórinn, sem var kona, hafði af
einhverjum orsökum ekki getað
mætt á staðinn fyrr en tveim
klukkustundum síðar.
„Þegar hún loks mætti, sá ég að
hún stefndi á okkur brúnaþung og
spurði okkur strax hvort eitthvað
væri að, af hverju við værum ekki
byrjuð. Ég svaraði því til, að við
hefðum byrjað á tilsettum tíma, eins
og um var samið. Eitthvað var hún
samt vantrúuð og sagðist ekki finna
neina fisklykt í búðinni. Fram að
þessu, þegar svona kynningar hefðu
verið haldnar, hefði búðin lyktað af
fiski. Þetta er einmitt málið, nýr
fiskur lyktar ekki, aðeins gamall og
þetta útskýrði ég fyrir konunni,"
segir Hilmar.
I fréttabréfinu kemur fram að
Hilmar hefur tekið þátt í svonefndu
Gæðaátaki 1992 á vegum íslenskra
sjávarafurða. Fulltrúar ÍS hafa und-
anfarnar vikur heimsótt framleið-
endur á vegum ÍS víðs vegar um
iand og efnt til kynningar á meðal
starfsfólks bæði utan og innan fyrir-
tækjanna. Þar er farið yfir ýmis mál,
er varða gæði og vöruvöndun, og þá
einkum út frá sjónarhóli neytand-
ans og hlutverk hvers og eins í því
að framleiða vöru sem uppfyllir
kröfur um gæði. Sömuleiðis er fjall-
að um herta matvælalöggjöf í Evr-
ópu og Bandaríkjunum og hvernig
það snertir ÍS sem framleiðendur og
útflytjendur.
Þáttur Hilmars er sá að gefa fólki
að smakka gómsæta fiskrétti, jafn-
framt því að miðla áralangri reynslu
sinni í meðferð fisks. En þarna varð
hann einnig fyrir athyglisverðri
reynslu.
„Það, sem mér kemur á óvart, er
hversu tregt fólk er til að smakka
ýmsar tegundir fisks, svo sem ufsa.
Á einum staðnum var fólki t.d. gefin
bragðprufa og öllum líkaði vel þar
til ég sagði að fiskurinn, sem það
hefði verið að borða, væri ufsi, þá
ætlaði allt um koll að keyra. Þetta
sýnir okkur að íslendingar eru al-
mennt enn mjög fastir í hefðum
varðandi neyslu á fiski og margir
virðast enn bara borða ýsu og Iúðu,“
segir Hilmar.
- HEI
Umsóknir um borgararéttindi i Bandaríkjunum:
Breyttar reglur um AA-1
Bandaríska innanrOdsráðuneytið
hefúr gefið út ný fyrirmæli um
hvernig hinum svonefhdu AA-1 árit-
unum skuli háttað. Þær veita áriega
40.000 rOrisborgurum 33 landa (þ.á
m. íslands) rétt til fastrar búsetu f
Bandarílqunum.
Reglur um umsóknir eru með
nýju sniði í ár og er þeim, sem sóttu
um í fyrra, bent á að nauðsynlegt er
að endurnýja umsókn. Umsóknar-
frestur fyrir fjáriagaárið 1993 (1.
okt *92- 30. sept ‘93) hefst miðviku-
daginn 29. júií á miðnætti að staðar-
tíma í Washington DC og lýkur
fostudaginn 28. ágúst. Umsóknir
ber að senda tfls AA-1 program, P.O.
Box 1993, Dulles VA 21301-1993,
U.S Jl
Umsóknimar skal senda í umslagi
af stærðinni 15-24 cm að lengd og
9- 11 cm að breldd. Efst f vinstra
hom skal umsækjandi skrifa heiti
ættlands síns skýrum stöfum og
nafn sitt og heimliisfang fyrir neðan.
Ekki er um nein sérstök um-
sóknareyðublöö að ræða, en skrifa
þarf nauðsynlegar upplýsingar, ann-
að hvort á ritvél eða með skýrum
prentstöfum á venjuiega pappírsörk;
fullt nafn umsækjanda, fæðingar-
dag, -ár og fæðingarstaö umsækj-
anda sem og maka og bama, heirall-
isfang umsækjanda og heimilisfang
þess ræðismanns Bandaríkjanna,
sem senda skal tilkynningu um
skráningu innflytjendaleyfis tiL Á
fslandi er það bandaríska sendiráðið,
Laufásvegi 21,101 Reykjavík.
Umsókn er ókeypis og ekki þarf að
hafa atvinnutilboð vestra til að geta
sent inn umsókn. Það er aðeins
nauðsynlegt þeim sem valdir verða
áður en innflytjendaleyfiö er gefið.
Hver umsækjandi má aðeins
senda inn eina umsókn og verða
50.000 umsóknir valdar af handa-
hófí til nánari skoðunnar. Þeim um-
sæljendum verður tilkynnt valið, en
hinura, sem falla út, verður eldd
send tilkynning. —GKG.