Tíminn - 06.08.1992, Side 3
Fimmtudagur 6. ágúst 1992
Tíminn 3
Nokkuð borið á að fólk hafi reynt að leysa greiðsluerfiðleika
með útgáfu ávísanaraða fram í tímann:
Neyða lögmenn fólk
til að brjóta lögin?
Þess munu dæmi að lögmenn hvetji skuldara til þess, eða jafnvel
krefjistþess af þeim, að þeir gerist brotlegir við hegningarlögin með
því að gefa út keðjur ávísana marga mánuði eða jafnvel á annað ár
fram í tímann. Frá þessu segir Guðbjörn Jónsson í nýútkomnu riti
sínu „Fjármál heimilanna“. En þar fjallar hann m.a. um og varar
fólk eindregið við slíkum ávísanakeðjum. „Látið aldrei hafa ykkur út
í að gefa út innstæðulausa ávísun. Hvorki til lögmanna eða annarra
aðila. Ef lögmenn fara fram á slíkt skuluð þið tafarlaust tilkynna
það til Lögmannafélagsins eða Neytendasamtakanna.“
Guðbjöm segir nokkuð hafa borið á
því að fólk hafi reynt að leysa
greiðsluerfiðleika sína með útgáfu á
röð ávísana fram í tímann, jafnvel
upp í nokkuð á annað ár.
Þetta sé stórhættulegt athæfi, sem
enginn ætti að leyfa sér að gera. „Því
þetta er alvarlegt brot á reglum um
ávísanaviðskipti, auk þess sem þetta
er brot á hegningarlögum, flokkast
sem auðgunarbrot."
Flestir sem uppvísir verði að svona
athæfi segist gera þetta til þess að
reyna að leysa kröfumál hjá lög-
mönnum. „Ekki er hér lagður dómur
á hvort þessar afsakanir fólksins eru
alltaf réttar, en dæmi eru um slíkL Sé
svo að öll tilgreind tilfelli séu rétt, er
hér um verulega alvarleg brot að
ræða, þar sem menn, menntaðir til
að viðhalda og virða lög landsins,
gerast hvatamenn og sökunautar í
slíkum brotum sem að framan grein-
ir. Þetta er þvílíkt alvörumál að ég
teldi fulla þörf á opinberri rannsókn á
þessu, til þess annaðhvort að sýkna
lögmenn af þessum áburði eða leiða í
ljós umfang þessa atferlis og stöðva
það.“
Guðbjöm segir það m.a.s. hafa kom-
ið fyrir að lögmaður hafí höfðað mál
vegna þess að ekki var til innstæða
fyrir ávísun á tilgreindum tíma. Þeg-
ar svo er sé lögmaðurinn kominn
með tvöfalda innheimtu á sömu
skuldinni, því upphaflega krafan sé
ekki kvittuð út fyrr en allar greiðslur
hafi skilað sér og ávísunin hafi verið
gefin út sem greiðsla inn á kröfuna.
Hann bendir sömuleiðis á að dómur
vegna slíkra brota sé annars eðlis en
dómur vegna innheimtukrafna og
geti varðað sektum eða fangelsun,
þar sem um brot á hegningarlögum
sé að ræða. Dómur vegna vanskila
geti hins vegar ekki endað verr en
með gjaldþroti. - HEI
Samskiptasamningur Háskóla íslands og Minnesotaháskóla endurnýjaður:
Nemenda- og kennara-
skipti um 10 ára bil
Um þessar mundir eru tíu ár Iiðin síðan Háskóli íslands hóf form-
legt samstarf við Minnesotaháskóla í Bandaríkjunum. Árið 1982
undirrituðu þáverandi rektorar beggja skólanna samkomulag um
gagnkvæm kennara- og stúdentaskipti og var samningurinn endur-
nýjaður árið 1987
Samstarfssamningur Minnesota-
háskóla og Háskóla íslands verður
formlega endurnýjaður til næstu
fimm ára í dag, 6. ágúst, í Skólabæ.
Þar undirritar Sveinbjörn Björns-
son háskólarektor samninginn að
viðstöddum gestum.
Samstarf Minnesotaháskóla og Há-
skóla íslands felur í sér samvinnu á
sviði stúdentaskipta, kennaraskipta
og rannsókna. Stúdentaskiptin fela
í sér að áriega auglýsir Háskóli ís-
lands eftir umsækjendum um styrk
til vetrarlangrar námsdvalar við
Minnesotaháskóla, en skólinn fellir
niður námsgjöld fyrir viðkomandi
stúdent auk þess sem honum er
veittur framfærslustyrkur úr Minn-
ingarsjóði Valdimars Björnssonar í
Minnesota.
Á sama hátt velur Minnesotahá-
skóli námsmann til dvalar hér á
landi til þess að stunda íslensku-
nám í boði Háskóla íslands sem sér
viðkomandi fyrir húsnæði og hefur
auk þess á undanförnum árum lagt
til framfærslustyrk. Einnig hafa
kennarar við þessa tvo háskóla dval-
ist í lengri eða skemmri tíma við
kennslu og fræðistörf á íslandi og í
Minnesota.
Tengsl íslenskra námsmanna við
Minnesotaháskóla eiga sér þó mun
lengri sögu en þau tíu ár sem ofan-
greindur samningur hefur verið í
gildi. Frá því að seinni heimsstyrj-
öld lauk hafa hátt á annað hundrað
íslendingar stundað nám við Min-
nesotaháskóla. Hvatamaður þessara
samskipta íslenskra námsmanna
við Minnesotaháskóla var íslend-
ingurinn Valdimar Björnsson fjár-
málastjóri Minnesotafylkis til
margra ára.
Valdimar var fæddur og uppalinn í
Minnesota en lét sig miklu varða
málefni íslenskra námsmanna og
greiddi götu margra sem. þangað
leituðu til náms. Eftir Iát hans var
minning Valdimars Björnssonar
heiðruð með því að nefna styrktar-
sjóð íslenskra námsmanna eftir
honum. Sjóðurinn er fjármagnaður
með frjálsum framlögum velunnara
íslands og veitir, eins og áður er
sagt, íslenskum námsmanni styrk
til uppihalds í tengslum við náms-
dvöl við Minnesotaháskóla.
Samstarfssamningur Minnesota-
háskóla og Háskóla íslands hefur
einnig leitt til samvinnu á sviði
landafræði og jarðfræði. Nú er í
annað sinn haldið sumarnámskeið
fyrir nemendur þessara fræða við
báða háskólana. Námskeiðið er nú
haldið í Minnesota þar sem sjö ís-
lenskir stúdentar eru þátttakendur
og verður á næsta ári haldið hér á
landi.
Samningurinn við Minnesotahá-
skóla var sá fyrsti sinnar tegundar
sem gerður var milli Háskóla ís-
lands og eriends háskóla. Á þeim
áratug sem síðan er liðinn hafa lið-
lega 50 samstarfssamningar milli
Háskóla íslands og erlendra háskóla
víða um heim tekið gildi og með
hverju ári fer þátttaka Háskóla ís-
lands í alþjóðlegu samstarfi vax-
andi.
—Fréttatilk.
Sýningum a „Börnum
náttúrunnar“ fer fækkandi
Sýningum á kvikmynd Friðriks
Þórs Friðrikssonar, „Börn náttúr-
unnar“, fer nú fækkandi. Myndin
hefur verið sýnd samfleytt í eitt ár
á íslandi, en engin íslensk kvik-
mynd hefur verið sýnd svo lengi
áður hérlendis.
Börn náttúrunnar hefur fengið
fjölmargar viðurkenningar og
leikarar og aðrir aðstandendur
myndarinnar hafa fengið mikið
Iof fyrir frammistöðu sína. Þekkt-
asta viðurkenningin er útnefning
til óskarsverðlauna sem besta er-
lenda kvikmyndin á árinu 1991.
Myndin hefur auk þess verið sýnd
á fjölmörgum kvikmyndahátíð-
um. í Stjörnubíói í Reykjavík, þar
sem myndin er sýnd, hefúr verið
opnuð sýning á þeim viðurkenn-
ingum sem myndin hefur hlotið. í
haust hefjast sýningar á myndinni
víða erlendis m.a. í Japan, íran,
Þýskalandi, Danmörku og Sví-
þjóð.
-EÓ
Happdrætti Hjartaverndar:
Verðmæti vinninga
9 milljónir króna
Árlegt happdrætti Hjartaverndar er
nú hafið með útsendingu á gíró-
miðum til kvenna eins og undanfar-
in ár. Öllum ágóða happdrættisins
verður varið til reksturs Rannsókn-
arstöðvar Hjartaverndar.
Niðurstöður rannsókna stöðvar-
innar hafa birst í fjölmörgum rit-
um, greinum og fyrirlestrum bæði
hér á landi og erlendis, þá hafa ýms-
ir sérfræðingar vitnað í þessar
rannsóknaniðurstöður. Rannsóknir
Hjartaverndar gegnum árin eru því
gífurlega mikils virði og að sjálf-
sögðu kostar þetta rannsóknar- og
fræðslustarf mikið fé og því er nú
vonast eftir að happdrættið fái
sömu góðu viðtökur og undanfarin
ár.
Vinningar að þessu sinni eru alls 15
og er hæsti vinningurinn 1,5 millj.
til húsnæðiskaupa. Að auki tveir
hálfrar millj. kr. vinningar til hús-
næðiskaupa, tvær bifreiðar 1,4 og
1,1 millj. kr. og 10 vinningar til bif-
reiðakaupa hver að verðmæti 400
þús. kr.
Verð miða er aðeins 600 kr., þriðja
árið í röð, og dregið verður 9. októ-
ber nk.
Leiðrétting frá Lyfjaeftirliti:
Enginn þurfti að borga
meira en kostnaðarverð
Guðrún Eyjólfsdóttir hjá Lyfjaeftir-
liti ríkisins hafði samband við Tím-
ann til að leiðrétta alvarlegan mis-
skilning sem fram kom í frétt um
verðlagningu lyfja í blaðinu í gær.
Sá misskilningur fólst í því að sagt
var að á meðan lyf voru seld gegn
„fastagjaldi" (almennt 850 kr.) hafi
fólk oft greitt meira en það sem lyfin
kostuðu. Hið rétta er, að sögn Guð-
rúnar, að í eldra greiðslukerfi borg-
aði fólk aldrei meira en 850 kr. fyrir
lyf, en heldur aldrei meira en það
verð sem iyf kostaði. Fyrir 200 kr. lyf
þurfti því enginn að borga meira en
200 krónur.
Þetta breytir því hins vegar ekki að:
„greiðsluþátttaka sjúklinga mun í
um 85% af öllum lyfjaávísunum ým-
ist lækka eða standa í stað“, eins og
orðrétt segir í fréttabréfi ASÍ, sem
vitnað var til í blaðinu í gær.
- HEI
Þetta línurit í fréttabréfi ASÍ
varð síður en svo til þess að
slá á þann leiða misskilning
blaðamanns aö eldri lyfjareglu-
gerð hafi almennt gert ráð fyrir
850 kr. fastagjaldi fyrir lyf —
einnig fyrir lyf sem kostuðu
jafnvel innan við helming þeirr-
ar upphæðar. Sá misskilningur
er vonandi hér meö úr sög-
unni.
Breyting á greiðsluþátttöku sjúklinga
og íjöldi lyfjaávísana cftir vcrði lyfsins
Heiniikl: NcCncWilil um aukið I lyfjadrei'uigti. Apnl 1902