Tíminn - 04.12.1993, Blaðsíða 7

Laugardagur.4. desember 1993
7
Mótmæla
verðhækk-
un á skyri
Landlæknir hefur áhyggjur
af vinnuálagi á spítölum
Segir dæmi um að vinnuhraði og álag á sjúkrahúsum hafi valdið slysum
Landlæknir segir í nýrri skýrslu
um afköst, kostnað og biðlista í
heilbrigðiskerfinu að hann viti
um slysatilvik sem beint og
óbeint megi rekja til vinnuhraða
og álags á sjúkrahúsum. Hann
fullyrðir að þetta álag hafi aukist
á síðustu árum. Landlæknir segir
ennfremur að fleiri læknar og
hjúkrunarfræðingar kvarti yfir
streitu nú en fyrir tíu árum.
Tæplega helmingur allra hjúkr-
unarfræðinga kvartar undan
streitu.
»Vinnuhraði og vinnuálag á
sjúkrahúsum hefur aukist. Land-
læknisembættið hefur undir
höndum nokkur slysatilvik sem
rekja má óbeint og beint til
þessa,' segir landlæknir í skýrslu
sinni. Hann segir að um 30%
hjúkrunarfræðinga hafi kvartað
undan streitu fyrir tíu árum, en
nú kvarti um helmingur starf-
andi hjúkrunarfræðinga undan
streitu eða 45%. Svipaða sögu er
að segja af sjúkraliðum og um
35% íslenskra lækna kvarta
undan streitu sem er mun meira
en meðal annarra starfsstétta.
Landlæknir segir ennfremur í
skýrslu sinni að sjúklingum sem
bíða eftir aðgerð hafi fjölgað
undanfarin tvö ár. 1. september
1991 var samtals 3.151 sjúkling-
ur á biðlista eftir læknisaðgerð.
1. september 1992 voru þeir
3.166 og 1. september 1993 voru
þeir 3.259. -EÓ
Stjórn Matvæla- og næringar-
fræðingafélags íslands hefur sent
fimm manna nefnd mótmæli
vegna verðbreytinganna á
mjólkurafurðum sem tóku gildi
þann 1. desember síðastliðinn. í
ályktun stjórnarinnar segir að
verðbreytingamar bijóti í grund-
vallaratriðum í bága við mann-
eldismarkmið Manneldisráðs ís-
lands og þá manneldis- og
neyslustefnu sem Alþingi sam-
þykkti árið 1989. MNÍ mótmælir
sérstaklega verðhækkun á skyri.
Tvær og hálf
milljón króna
til Indlands
Rauði kross íslands hefur sent
Alþjóðasambandi landsfélaga
Rauða krossins fjárframlag upp á
tvær og hálfa milljón króna
vegna jarðskjálftanna á Indlandi
30. september síðastliðinn.
Ríkisstjórn íslands lagði eina
milljón til verkefnisins og deildir
RKÍ í Reykjavík, Hafnarfirði,
Garðabæ og á Suðumesjum gáfu
hálfa milljón.
Jakobína Pórðardóttir hjá
Rauða krossi íslands segir að
peningarnir fari að mestu til
neyðaraðstoðar, þ.e. til að halda
lífi í fólkinu og tryggja því þak
yfir höfuðið. »Það komu flóð á
þessu svæði eftir jarðskjálftana
sem varð til að torvelda allt
hjálparstarf. Núna felst hjálpin
þess vegna í að fólkinu er færður
matur, teppi og nauðsynleg lyf
en seinna verður það aðstoðað
við uppbyggingarstarf. Til þess
þarf að kaupa verkfæri til að
endurreisa húsin og áhöld til að
hægt sé að hefja jarðrækt að
nýju.' Alþjóðasamband Rauða
krossins er einnig í samvinnu við
héraðsyfirvöld á jarðskjálfta-
svæðunum að reisa skóla, vatns-
veitur og sjúkrahús. -GK
Stórsigur
Hannesar Hlífars
Hannes Hlífar Stefánsson vann yf-
irburðasigur á 42. helgarskákmóti
tímaritsins Skák á Egilsstöðum um
síðustu helgi. Hannes fékk tíu
vinninga af ellefu mögulegum en
Jóhann Hjartarson sem var í öðm
sæti á mótinu fékk átta og hálfan
vinning. Fjórir stórmeistarar tóku
þátt i mótinu ásamt mörgum af
snjöllustu skákmeisturum yngri og
eldri kynslóðarinnar. Frammistaða
Guðmundar Gíslasonar vakti sér-
staka athygli á mótinu en hann
lenti í 3.- 4. sæti ásamt Andra Ási
Grétarssyni. f 5.-6. sæti lentu þeir
Helgi Ólafsson og Áskell Örn
Kárason. Efstu menn í unglinga-
flokki voru þeir Hlíðar Þór, Bjöm
Porfinnsson og Páll Pórarinsson
sem lentu í 1.- 3. sæti.
ísal færir Háskólanum gjöf
íslenska álfélagið færði í gær
Háskóla íslands veglega gjöf. Um
er að ræða svokallaðan
skammtamæli eða litrófsgreini
fyrir föst efni. Verðmæti gjafar-
innar skiptir milljónum króna.
Það var eðlisfræðiskor skólans
sem fékk gjöfina þar sem mælir-
inn verður notaður við kennslu
og rannsóknir. Meðfylgjandi
mynd var tekin við afhendingu
tækisins, en það var Rannveig
Rist, deildarstjóri framleiðslu og
umhverfiseftirlitsdeildar álvers-
ins sem afhenti gjöfina, en Einar
H. Guðmundsson, formaður eðl-
isfræðiskorar, veitti henni mót-
töku. Tímamynd Ámi Bjama
U JE R»R'I
| E u T E

1PARÍS - Franska þjóð-
þingið lagði í gær til að
ríkisborgarar aðildar-
Ianda Evrópubandalagsins fengju
því aðeins að kjósa til Evrópu-
þingsins í Frakklandi að þeir
hefðu fast aðsetur þar í landi. Þar
með mætti spoma gegn kosninga-
svikum útlendinga, sem kysu
bæði í Frakklandi og ættlandi
sínu. Samkvæmt Maastricht-sam-
komulaginu mega borgarar í Evr-
ópubandalaginu kjósa til Evrópu-
þings í því landi, sem þeir eru
skráðir. Tillaga þingsins verður að
fá staðfestingu ríkisstjórnarinnar
áður en hún tekur gildi. Um 1,3
milljónir manna frá öðrum EB-
löndum búa í Frakklandi. 300
þúsund Frakkar b.úa annars staðar
innan EB.
VfNARBORG - Alþjóð-
lega kjarnorkustofnunin
(IAEA) hvetur Norður-
Kóreu til að forðast árekstra við
Sameinuðu þjóðimar um meinta
kjarnorkuvopnaáætlun með því
að veita alþjóðlegum eftirlits-
mönnum aðgang að öllum kjam-
orkuverum sínum. Kjarnorku-
stofnunin ábyrgist ekki lengur að
Norður-Kórea nýti kjamorkuiðn-
að sinn eingöngu í friðsamlegum
tilgangi. Stofnunin hefur veitt
Norður-Kóreu tækifæri til að gefa
svör varðandi kjarnorkunotkun
sína, áður en hún gaf út opinbera
yfirlýsingu sína í gær. Talsmaður
hennar segir að hún hafi orðið að
rækja skyldu sína við aðra aðila
stofnunarinnar um að upplýsa
hvort Norður-Kórea hafi rofið
skuldbindingar sínar. Stjórnvöld
Norður-Kóreu hótuðu því í mars
sl. að verða fyrsta þjóðin, sem
hætti aðild að Alþjóðlegu kjarn-
orkustofnuninni.
LUNDÚNIR - Díana
prinsessa hefur ákveðið að
draga sig út í hlé vegna
álags í kjölfarið á myndbirtingum
af henni í líkamsrækt. Á sama
tíma sýnir skoðanakönnun að
hún er vinsælust allra í kóngafjöl-
skyldunni bresku. Gallup-könnun
sýndi í gær að 24% kusu Díönu,
en aðeins 6% eiginmann hennar,
Karl Bretaprins. í öðra sæti kom
hin 93ja ára gamla drottningar-
móðir með 19% og á hæla henni
Elísabet drottning með 17%.
Rúmlega 85% töldu fjölmiðla
abbast um of upp á konungsfjöl-
skylduna. 57% töldu að Díana
ætti að fá forræði yfir prinsunum
tveimur, bömum sínum og ríkis-
arfans, komi til skilnaðar milli
þeirra.
MEDELLIN - Þó að kól-
umbísk stjómvöld fögnuðu
vígi eiturlyfjabarónsins og
stórglæpamannsins Pablos Esco-
bar, var hann syrgður af hundmð-
um fátækra manna, sem dáðu
hann líkt og hann væri Hrói hött-
ur. Escobar var skotinn til bana af
lögreglunni uppi á húsþaki á
fimmtudag, þegar hann reyndi að
flýja. Lík hans lá í málmgrárri
kistu í Medellin- kirkjugarðinum í
gær, en móðir hans og systir
vöktu yfir því. Fjöldi manna hefur
lagt leið sína í kirkjugarðinn til að
varpa á Escobar hinstu kveðju.
Lögregluvarðsveitir og hermenn
eru í viðbragðsstöðu í Medellin,
þar sem búa um tvær milljónir
manna sökum ótta við hefndarað-
gerðir. .Escobar er fallinn en
áhangendur glæpasamtaka hans
eru enn við lýði,' sagði ofursti í
hemum.
5HELSINKI - Finnska
þingið samþykkti að vísa
Kauko Juhantalo, fyrrver-
andi viðskipta- og iðnaðarráð-
herra miðflokksins, á brott, en
hann varð ber að því að hafa fal-
ast eftir mútufé úr banka. Juhan-
talo neitar staðfastlega sakargift-
unum. Tuulikki Ukkola, eini
þingmaður frjálslyndra, sagði í
þinginu í gær: „Ég vona að tímabil
„góðu félaganna" sé liðið." Ráð-
herrann fyrrverandi var dæmdur
fyrir að misnota aðstöðu sína og
falast eftir mútum úr Skopbank.