Tíminn - 08.12.1993, Page 4

Innlent
4
Miðvikudagur 8. desember 1993
Veiðar við Svalbcirða
fyrir alþjóðadómstóla?
Ólafur Þ. Þórðarson hvetur til veiða við Svalbarða og segir engan landskika hafa unnist án ófriðar
Ólafur Þ. Þórðarson alþingismaður sagði á Alþingi í gær að ef Norð-
menn tækju íslensk skip vegna veiða við Svalbarða, ættu íslensk
stjómvöld að tryggja að málshöfðun vegna slíks athæfis færi fram fyr-
ir alþjóðlegum dómstóli. Ólafur sagði hugsanlegt að íslendingar gætu
fengið að veiða óáreittir við Svalbarða, ef þeir stofnuðu fyrirtæki í
Rússiandi og sendu skip í eigu þess til Svalbarða.
Ólafur óskaði eftir umræðu ut-
an dagskrár á Alþingi um Sval-
barðamálið. Hann hóf ræðu sína
á að þakka þeim íslensku sjó-
mönnum, sem hófu veiðar í
Smugunni og við Svalbarða.
Hann gagnrýndi jafnframt ís-
lensk stjómvöld fyrir stefnuleysi
í þessu máli. Hið eina, sem þau
hefðu gert, væri að reyna að
draga kjark úr íslenskum sjó-
mönnum sem hafa stundað
þama veiðar.
Ólafur sagði réttarstöðu Norð-
manna í þessu máli veika. ís-
. lensk stjómvöld eigi þess vegna
að tryggja að ef Norðmenn taka
íslensk skip, sem veiða við Sval-
barða, fari málshöfðun fram fyrir
alþjóðlegum dómstóli. Ólafur
benti á að þar sem Rússar fái að
veiða við Svalbarða óáreittir, sé
hugsanlegt að íslendingar geti
fengið að gera það sama með því
að stofna fyrirtæki í Rússlandi og
senda skip í eigu þess til Sval-
barða.
Þorsteinn Pálsson sjávarútvegs-
Ólafur Þ. ÞórSarson
ráðherra sagði að lögð hefði ver-
ið fram tillaga í ríkisstjórninni
um að ísland gerðist aðili að
Svalbarðasamkomulaginu. Eðli-
legt sé að ræða þetta mál við
Norðmenn og það verði gert.
Hann sagði jafnframt mikilvægt
að skapa samstöðu milli flokk-
anna um stefnumörkun í mál-
inu. Unnið sé að því að skapa
slíka samstöðu og m.a. hafi verið
haldnir tveir fundir með sjávar-
útvegs- og utanríkismálanefnd-
um Alþingis.
Jón Baldvin Hannibalsson ut-
anríkisráðherra Iagði einnig
áherslu á samstöðu á Alþingi um
málið og sagði gagnrýni á stefnu
ríkisstjómarinnar í málinu ekki
fallna til að styrkja samstöðuna.
Fulltrúar Kvennalistans í um-
ræðunni, Anna Ólafsdóttir
Björnsson og Ingibjörg Sólrún
Gísladóttir, Iögðu áherslu á að ís-
lendingar færu varlega í þessu
máli og leitað yrði eftir því að
leysa málin við samningaborðið.
Ólafur Þ. gagnrýndi þessa af-
stöðu Kvennalistans og sagði að
íslendingar ættu að reyna að
öðlast veiðireynslu bæði í Smug-
unni og við Svalbarða. „Það em
veiðar og aftur veiðar sem skipta
máli á þessu svæði. Það hefur
aldrei landskiki unnist við samn-
ingaborð sem ekki var búið að
ná áður með ófriði," sagði Ólafur
Þ. -EÓ
Gjald tekið af
seldum búvélum
Stjómvöld áforma að innheimta
sérstakt gjald af öllum seldum
búvélum á næsta ári. Gjaldinu er
ætlað að standa undir kostnaði
við prófanir á vélum, vinnu- og
verktæknirannsóknir og fleira.
Áætlað er að þetta gjald skili um
8 milljónum í ríkissjóð á næsta
ári.
í greinargerð með frumvarpi,
sem lagt hefur verið fyrir Alþingi
og hefur m.a. að geyma laga-
grein um þessa gjaldtöku, segir
að gjaldtakan sé í samræmi við
þá stefnu ríkisstjórnarinnar að
atvinnuvegimir sjálfir kosti hluta
af þeirri þjónustu sem þeir njóta.
-EÓ
Hafnarfjöröur
Breyting á staðfestu
deiliskipulagi mið-
bæjar
Samkvæmt ákvörðun skipulagsstjórnar ríkisins, með
vísan til 17. og 18. greinar skipulags nr. 19/1964, er lýst
eftir athugasemdum við tillögu að breytingu á staðfestu
deiliskipulagi miðbæjar í Hafnarfirði, dags. 1.09. ‘93.
Breytingin felst í því að fýrirhugað hringtorg á gatna-
mótum Reykjavíkurvegar, Vesturgötu og Fjarðargötu er
fært til og breytir lögun. Strandgata er tengd inn á þetta
endurhannaða hringtorg og er nú fyrirhuguð sem tví-
stefnugata að Linnetstíg. Byggingarmagn er óbreytt á
ráðhúsreit, en nú er gert ráð fýrir u.þ.b. 90 bílstæðum
undir nýbyggingum sem eru í hönnun. Á þessum reit er
gert ráð fyrir stækkun skrifstofu bæjarins, sýslumanns-
embætti og héraðsdómi. Gert er ráð fyrir lítilli bensín-
stöð við hringtorgið. Þessi breyting er sett inn á nýjan
kortagrunn, sem sýnir áður samþykktar skipulagsbreyt-
ingar og breytingar á umferðarmannvirkjum vegna nán-
ari hönnunar og framkvæmda.
Tillagan var samþykkt af bæjarstjórn Hafnarfjarðar 2.
nóvember sl. sem breyting á staðfestu deiliskipulagi
miðbæjar í Hafnarfirði frá 2.06. ‘93. Tillagan liggur
frammi á afgreiðslu tæknideildar Hafnarfjarðarbæjar á
Strandgötu 6 frá 3. desember 1993 til 14. janúar
1994.
Ábendingum og athugasemdum skal skila skriflega til
bæjarstjóra Hafnarljarðar fyrir 28. janúar 1994. Þeir,
sem ekki gera athugasemdir við skipulagstiilöguna inn-
an tilskilins frests, teljast samþykkir henni.
Hafnarfirði/Reykjavík, 24. nóvember 1993.
Skipulagsstjórí ríkisins.
Bæjarstjórí Hafnarfjarðar.
Skóksamband íslands hefur valiS eflirtalda keppendur til þátttöku í Evrópuhraöskákmóti Disney í Frakklandi.
F.v. Berta Ellertsdóttir, Svava Bjarney Sigbertsdóttir, Haraldur Baldursson fararstjóri,
sem jafnframt er stjórnarma&ur í Skáksambandinu, Bragi Þorfinnsson og Jón Victor Gunnarsson.
Skáksnillingar framtíðar
Fjórir íslenskir unglingar munu
taka þátt í fyrsta Evrópuhrað-
skákmóti Disney, sem fram fer í
Disneygarði Evrópu í Frakklandi
dagana 18. og 19. desember n.k.
Alls munu fulltrúar frá 36 lönd-
um keppa á mótinu sem haldið
er af Alþjóðaskáksambandinu FI-
DE, Disneygarði Evrópu og IBM-
töl'vufyrirtækinu.
Á mótinu verður keppt í tveim-
ur aldursflokkum hjá báðum
kynjum, 12 ára og yngri og 12-
14 ára. Fremsta skákfólk Evrópu
af ungu kynslóðinni keppir á
þessu móti, þar sem fastlega má
reikna með að skáksnillingar
framtíðar láti ljós sitt skína. Til
marks um það, þá hefur forstjóri
Disney-fyrirtækisins í Frakklandi
sagt að hann búist við að sjá
Bobby Fischer morgundagsins á
þessu móti. -GRH
Litháíska einka-
leyfastofnunin styrkt
Nýlega veitti Einkaleyfastofan litháísku einkaleyfastofnuninni,
Valstybinis Patentu Biuras, styrk að upphæð einni milljón íslenskra
króna. Styrknum verður varið til tölvubúnaðar hjá þessari stofnun í
Litháen og kemur hann sem viðbót við framlag, sem danska einka-
leyfastofnunin ráðstafar í sama skyni.
Á vegum einkaleyfastofnana
Norðurlanda var á síðasta ári far-
ið af stað með samstarfsverkefni,
er miðaði að því að hjálpa
Eystrasaltsríkjunum við að byggja
upp sérhæfðar skráningarskrif-
stofur til að annast skráningu
hugverkaréttinda, s.s. á sviði
einkaleyfa, vörumerkja og hönn-
unar. Norræna ráðherranefndin
veitti 600 þúsund danskar krón-
ur til verkefnisins, sem eingöngu
var varið til námskeiða og þekk-
ingarmiðlunar. Jafnframt ákváðu
einkaleyfastofnanirnar að leita
eftir fjárstuðningi stjórnvalda
hver í sínu landi, er veija mætti
til kaupa á tæknibúnaði.
Það er danska einkaleyfastofn-
unin, sem sér um tengsl við Iit-
háen vegna verkefnisins fyrir
hönd Norðurlanda og er hún
jafnframt ráðgjafar- og milli-
gönguaðili varðandi kaup á um-
ræddum tölvubúnaði. -GRH