Morgunblaðið - 04.07.2006, Page 4

4 ÞRIÐJUDAGUR 4. JÚLÍ 2006 MORGUNBLAÐIÐ
FRÉTTIR
www.lyfja.is
- Lifið heil
VIRKAR Á ÖLLUM STIGUM FRUNSUNNAR
- ALDREI OF SEINT!
Vectavir
FÆST ÁN LYFSEÐILS
Vectavir krem er áhrifaríkt lyf til meðferðar á frunsum af völdum Herpes Simplex. Vectavir virkar á öllum
stigum frunsunnar frá sting eða æðasláttar til blöðru. Í Vectavir er virka efnið penciklóvír sem stöðvar
framgang veirunnar. Vectavir er ætlað fullorðnum og börnum eldri en 12 ára. Berið Vectavir á frunsusvæðið
á 2 klst. fresti í 4 daga. Berið á rétt fyrir svefn og um leið og vaknað er. Dæmigert er að frunsa komi fram við
ofreynslu, kvef eða inflúensu eða í mikilli sól (t.d. á skíðum). Ekki á að nota lyfið ef að áður hefur komið fram
ofnæmi fyrir penciklóvír, famciklóvír eða öðrum innihaldsefnum. Með Vectavir grær frunsan hraðar, verkir
minnka og smittími styttist. Vectavir kremið 2 g fæst án lyfseðils. Lesið vel leiðbeiningar sem fylgja lyfinu.
Geymið þar sem börn hvorki ná til né sjá.
ÍS
LE
N
SK
A
AU
G
L†
SI
N
G
AS
TO
FA
N
/S
IA
.I
S
LY
F
33
20
4
06
/2
00
6
Garðatorgi - Grindavík - Keflavík - Lágmúla - Laugavegi - Setbergi - Smáralind - Smáratorgi - Spönginni - Egilsstöðum - Höfn
Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði - Borgarnesi - Grundarfirði
Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi - Hvammstanga - Skagaströnd
Selfossi - Laugarási
PAUL F. Nikolov blaðamaður
hyggst stofna stjórnmálaflokk um
málefni innflytjenda hér á landi og
stefnir á að flokk-
urinn bjóði fram
til bæði Alþingis
og sveitarstjórn-
ar.
Paul, sem skrif-
ar fyrir bæði
Grapevine og
Reykjavik Mag,
segir að hann hafi
allt frá því að
hann flutti hingað í
fyrstu talið málefni innflytjenda fá
alltof litla athygli. Þetta hafi orðið
sérstaklega áberandi í sveitarstjórn-
arkosningunum í maí þar sem þessi
málaflokkur hafi ekkert verið til um-
fjöllunar.
Hann segist því hafa tekið af skarið
með að stofna flokk sem beitir sér
sérstaklega í þágu innflytjenda og
hefur hann nú þegar fengið góð við-
brögð við hugmyndinni. Fram undan
sé að skipuleggja fundi þar sem
flokkurinn tekur á sig nánari mynd
og fær vonandi sem flesta til liðs við
sig. Paul leggur áherslu á að þótt
hann sé stofnandi flokksins ætli hann
sér ekki að halda um alla þræði held-
ur muni flokksmenn taka ákvarðanir
um stefnu og áform flokksins.
Íslenskunám of dýrt
Aðspurður hvaða málefni ná-
kvæmlega það verði sem flokkurinn
beiti sér fyrir nefnir Paul þrjú atriði;
að lækka eða fella alveg niður kostn-
að við íslenskunámskeið sem útlend-
ingar verða að taka ásamt því að auka
við fræðslu um íslenska menningu,
koma til móts við óskir múslíma og
rétttrúnaðarkirkjunnar hér á landi
um að byggja bænahús og loks að
flokkurinn leggi sitt að mörkum til að
hér geti átt sér stað aðlögun milli Ís-
lendinga og útlendinga og því verði
flokkurinn opinn öllum sem í hann
vilja koma – bæði Íslendingum og út-
lendingum.
Þegar hann er inntur nánar eftir
áformum flokksins um framboð seg-
ist Paul stefna á að flokkurinn bjóði
fram í sveitarstjórnarkosningum
2010 og svo alþingiskosningum ári
seinna. Hugsanlegt sé, ef vel gengur,
að boðið verði fram í þingkosningum
næsta vor. Paul vekur athygli á því að
á landinu öllu séu þrettán þúsund
innflytjendur, þar af fimm þúsund í
Reykjavík.
„Þessi hópur hefur ekki átt nægi-
lega sterka fulltrúa fram að þessu,“
segir Paul.
Hyggst stofna stjórnmálaflokk um málefni innflytjenda
Paul Nikolov
Stefna á framboð bæði til
þings og sveitarstjórnar
FYRSTA íslenska konan sem tekur
þátt í 100 kílómetra keppnishlaupi
lét sér það ekki nægja í hlaupi sem
fór fram í Svíþjóð á föstudaginn
heldur gerði sér lítið fyrir og sigraði
hlaupið í kvennaflokki.
Það var ekki að heyra á Elínu
Reed að hún þyrfti að jafna sig eftir
þessa miklu þrekraun þegar blaða-
maður hringdi hana í gær. Elín, sem
er 43 ára líffræðingur hjá Íslenskri
erfðagreiningu, hefur undanfarið
hálft ár undirbúið sig ásamt þremur
félögum sínum í hlaupahópnum Lau-
gaskokki undir 100 kílómetra langt
hlaup í Lapplandi í Norður-Svíþjóð
sem hófst föstudagskvöldið 30. júní
síðastliðinn. Elín vann það afrek að
verða fyrsta konan til að koma í
mark en hún var 10 klukkustundir
og 39 mínútur á leiðinni. Alls tóku 52
þátt í hlaupinu en 32 skiluðu sér í
mark og náði Elín 7. sæti yfir heild-
ina. Hafði hún nokkra yfirburði í
kvennaflokki en einungis ein önnur
kona skilaði sér í mark, 4 klukku-
stundum á eftir Elínu.
Aðspurð um hvernig hlaupið hefði
verið sagði Elín að allt hefði gengið
eins og í sögu þrátt fyrir að brautin
hefði verið erfiðari en hún átti von á.
Mikið hefði verið um hæðir og lítið
af brautinni á jafnsléttu. Veðrið og
umhverfið hefði hins vegar verið
frábært og alltaf hefði eitthvað nýtt
borið fyrir augu. Á leiðinni voru
drykkjarstöðvar en Elín segist þó
aldrei hafa stoppað þótt hún hafi
hægt á sér og drukkið vökva og
maulað smávægilegar veitingar.
„Það er mjög hættulegt að stoppa á
leiðinni. Maður stirðnar ofsalega
hratt upp, sérstaklega þegar maður
er búinn með 60–70 kílómetra.“ Hún
segist hafa farið varlega og passað
að ofreyna sig ekki. „Ég hafði hlaup-
ið rúma 70 kílómetra í æfingahlaupi
og ég vissi ekki hvort ég mætti leyfa
mér að hlaupa hraðar. Næst fer
maður með kannski annað hugarfar
um að bæta tíma.“
Undirbúningurinn fyrir hlaupið
hefur staðið yfir í hálft ár og hljóp
Elín að meðaltali 95 kílómetra á viku
á æfingatímanum, en hún reyndi
samt alltaf að taka sér tveggja daga
frí frá hlaupunum. Þegar mest var
hljóp hún 158 kílómetra á viku. Með
Elínu hlupu þeir Gunnar Richter,
Ellert Sigurðsson og Pétur Frantz-
son.
Elín ætlar svo sannarlega ekki að
taka sér of langa hvíld. „Nú lætur
maður bara vikuna líða og sér til
hvort maður hlaupi ekki Laugaveg-
inn eftir 2 vikur. Svo erum við farin
að spekúlera í því hvar við finnum
næsta 100 kílómetra hlaup.“
Íslensk kona sigraði í kvennaflokki í 100 kílómetra hlaupi sem fram fór í Svíþjóð
„Það er mjög hættulegt
að stoppa á leiðinni“
Elín Reed á hlaupum í Lapplandi ásamt Ellert Sigurðssyni (t.v.) og Gunnari Richter (t.h.).
Eftir Gunnar Pál Baldvinsson
gunnarpall@mbl.is
TVEIR ungir karlmenn og stúlka á unglings-
aldri voru flutt á slysadeild Landspítala – há-
skólasjúkrahúss eftir bílveltu á Biskupstungna-
braut, skammt neðan við Geysi í Haukadal, á
fimmta tímanum á sunnudagsmorgun. Sam-
kvæmt upplýsingum frá lögreglunni á Selfossi er
ökumaður grunaður um ölvun við akstur en hans
bíður auk þess fangelsisvist eftir nýlegan dóm í
héraðsdómi.
Talið er að fólkið hafi haldið frá Laugarvatni
undir morgun og ekið að Gullfossi. Voru þau á
leið til baka þegar ökumaður missti stjórn á bif-
reiðinni með þeim afleiðingum að hún fór út af
veginum og valt. Fólkið komst út úr bifreiðinni
af sjálfsdáðum og tókst að velta henni aftur á
hjólin. Var bílnum svo ekið að Laugarvatni þrátt
fyrir miklar skemmdir.
Ökumaðurinn hné niður
Lögreglu var tilkynnt um slysið eftir að fólkið
kom að Laugarvatni og að sögn hennar var öku-
maðurinn svo máttfarinn þegar komið var á leið-
arenda að hann hné niður í götuna – og þurfti
hjálp við að komast í hús. Hann hlaut höf-
uðáverka og rifbeinsbrot en farþegarnir slös-
uðust minna.
Ökumaður bifreiðarinnar, karlmaður á þrí-
tugsaldri, var á föstudag dæmdur í níu mánaða
fangelsi í Héraðsdómi Suðurlands, m.a. fyrir
margítrekuð umferðarlagabrot. Auk þess var
hann dæmdur fyrir fíkniefnabrot og fyrir að
stela eldsneyti.
Maðurinn er sviptur ökurétti ævilangt en sam-
kvæmt sakavottorði hefur hann ítrekað verið
sviptur ökuréttindum, m.a. fyrir að aka undir
áhrifum áfengis.
Grunur um ölvun við akstur eftir bílveltu á sunnudagsmorgun
Sviptur ökuréttindum ævilangt
ÓLAFUR Ragnar Grímsson, forseti
Íslands, flutti í gær aðalræðuna á
fjölsóttu Heimsþingi Lions-hreyf-
ingarinnar sem
haldið er í Boston
þessa dagana. .
Að lokinni ræðu
sinni átti forseti
marga fundi með
forystumönnum
Lions-hreyfing-
arinnar bæði frá
Bandaríkjunum,
Asíu og öðrum
heimsálfum og
ræddi ýmis brýn verkefni sem hreyf-
ingin gæti tekið að sér á næstu árum.
Þetta kemur fram í fréttatilkynn-
ingu frá forsetaskrifstofunni.
Í ræðu sinni rakti forseti hvernig
ný heimsmynd skapaði tækifæri fyr-
ir frjálsar hreyfingar og félagasam-
tök. Margt benti til að einstaklingar
og samtök þeirra gætu á komandi
árum haft meiri áhrif en formlegar
stofnanir eða samtök ríkja. Sagðist
forsetinn hafa á undanförnum árum
sannfærst æ meir um hvílíkur kraft-
ur búi í samtökum einstaklinga sem
tækju höndum saman yfir öll landa-
mæri og árangur Lions-hreyfingar-
innar væri gott dæmi um það.
Í ræðu sinni lýsti forsetinn m.a.
söfnunarátaki sem norrænar Lions-
hreyfingar beittu sér fyrir til styrkt-
ar málefnum aldraðra. Hvatti forset-
inn Lions-hreyfingar í öðrum heims-
álfum til að nýta sér þessa norrænu
reynslu og leiða saman þjóðarleið-
toga og annað áhrifafólk frá ýmsum
löndum í baráttunni fyrir góðum
málefnum.
Kraftur
býr í sam-
tökum ein-
staklinga
Ólafur Ragnar
Grímsson
ELDUR kom upp í kamri á lóð Há-
teigsskóla í Reykjavík um klukkan
níu í gærkvöld. Kamarinn stendur
upp við skólahúsið og var í fyrstu talið
að eldurinn hefði náð inn í skólahúsið
og kölluðu slökkviliðsmenn á staðnum
því á liðsauka frá öðrum stöðvum.
Eldur reyndist þó ekki kominn í húsið
heldur hafði mikill reykur farið þar
inn og fyllti hann nokkur rými í skóla-
húsinu. Starf slökkviliðsins fólst því
fyrst og fremst í reykræstingu en
ekki er talið að miklar skemmdir hafi
orðið á skólahúsinu. Eldsupptök eru í
rannsókn.
Eldur við
Háteigsskóla
♦♦♦