Morgunblaðið - 04.07.2006, Side 6
6 ÞRIÐJUDAGUR 4. JÚLÍ 2006 MORGUNBLAÐIÐ
FRÉTTIR
Skógarhlíð 18 • sími 595 1000 • www.heimsferdir.is
Verð kr.44.990
Netverð á mann, m.v. 2 í stúdíóíbúð á
Amarin í viku..
Króatía
12. júlí
Sértilboð - Amarin íbúðir
frá kr. 39.990
Verð kr.39.990
Netverð á mann, m.v. 2 fullorðna og 1 barn,
2-11 ára, í stúdíóíbúð á Amarin í viku.
Viðbótargisting!
Aðeins
9 íbúðir
í boði
Góðar íbúðir á frábærum stað
Heimsferðir bjóða frábært tilboð til Króatíu í
júlí. Bjóðum nokkrar íbúðir á Amarin íbúðahót-
elinu við Rovinj á frábæru verði. Góðar íbúðir
við ströndina með góðum aðbúnaði. Rovinj er
einstaklega skemmtilegur og fallegur bær með
verslunum, ótal veitingastöðum og fjörugu
mannlífi. Skelltu þér til Króatíu og njóttu lífsins
í sumarfríinu.
Munið
Mastercard
ferðaávísunina
RÚM 35% íslenskra karlmanna á
aldrinum 45–75 ára hafa fundið fyrir
ristruflunum af einhverju tagi ef
marka má niðurstöður rannsóknar-
innar „Áhættuþættir og algengi ris-
truflana meðal íslenskra karlmanna á
aldrinum 45–75“ sem birtist í Lækna-
blaðinu.
Minnst ber á truflunum meðal
yngri karlmanna en mest meðal
þeirra eldri. Rúmlega 60% karlmanna
á aldrinum 65–75 ára verða varir við
ristruflanir af einhverju tagi. Að aldri
undanskildum auka daglegar reyk-
ingar og sykursýki mest líkurnar á
ristruflunum. Aðrir marktækir
áhættuþættir eru hátt kólester-
ólmagn, kvíði og þunglyndi. Þannig
eru helstu áhættuþættir ristruflana
þeir sömu og fyrir hjarta- og æða-
sjúkdóma. Karlmönnum sem koma
vilja í veg fyrir kvillann er því ráðlagt
að forðast reykingar, halda sér í kjör-
þyngd og gæta þess að blóðsykur sé
innan eðlilegra marka.
Kynlífsáhuginn til staðar
en fáir leita sér aðstoðar
Kynlífsvirkni karlmanna á aldrin-
um 65–75 ára kom rannsakendum
mjög á óvart, segir í greininni í
Læknablaðinu. Öfugt við það sem
margir kynnu að halda hefur áhugi
þessa hóps á kynlífi síður en svo
minnkað. Yfir 60% karlmanna á aldr-
inum 65–75 hafa samfarir oftar en
einu sinni í mánuði og 65% þeirra
telja að kynlíf skipti sig miklu máli.
Í rannsókninni kemur jafnframt
fram að einungis fjórðungur þeirra
sem finna fyrir ristruflunum hafa
fengið viðhlítandi meðferð. Þykir
rannsakendum líklegt að feimni spili
stóran þátt í því að menn leiti sér ekki
aðstoðar. Mörgum karlmönnum þyki
óþægilegt að nefna vandamálið við
lækni og að sama skapi komi fyrir að
læknum þyki vandamálið þannig vax-
ið að þeir eigi ekki að fást við það. Auk
þess er talið sennilegt að eldri karl-
menn telji sér trú um að ristruflanir
séu eðlilegur fylgifiskur elliáranna og
sætti sig við þær.
Rannsókninni var beint til 4.000
karlmanna á aldrinum 45–75 ára sem
valdir voru úr þjóðskrá með slembi-
úrtaki. 1.633 kusu að taka þátt í rann-
sókninni eða tæplega 41% þeirra sem
boðin var þátttaka. IMG Gallup sá um
framkvæmd könnunarinnar en fræði-
lega úrvinnslu önnuðust læknarnir
Guðmundur Geirsson, Gestur Þor-
geirsson, Óttar Guðmundsson og
Guðmundur Vikar Einarsson. Lyfja-
fyrirtækið Pfizer, sem meðal annars
framleiðir ristruflanalyfið Viagra,
studdi rannsóknina fjárhagslega.
Ristruflanir
tíðar meðal
eldri manna
Eftir Friðrik Ársælsson
fridrik@mbl.is
NÝLEGT fjársvikamál innan
Tryggingastofnunar ríkisins (TR)
var til umræðu á stjórnarfundi TR í
gær. Að sögn
Kristins H. Gunn-
arssonar, stjórn-
arformanns TR,
var farið yfir mál-
ið, forstjóri TR
gerði grein fyrir
því og ríkisendur-
skoðandi gerði
grein fyrir málinu
af sinni hálfu.
Segir Kristinn
ljóst að efla þurfi innra eftirlit stofn-
unarinnar, en tekur fram að málið
hafi uppgötvast fyrir tilstuðlan innra
eftirlits og árvökuls starfsmanns.
„Þrátt fyrir allt var það innra eft-
irlitið sem kom upp um málið, en
greinilega voru annmarkar á kerfinu
fyrst þetta gat gerst,“ segir Kristinn.
Kristinn segir að farið verði í alls-
herjarúttekt og endurbætur á innra
eftirlitinu. „Þetta verður skoðað út
frá því að hugsanlegir brotamenn
geti látið sér detta í hug ýmsar leiðir
sem við höfum ekki hugsað um áður
til þess að ná út peningum. Þá reyn-
um við að sjá þær út og sjá við þeim
áður en nokkuð gerist,“ segir Krist-
inn. „Við munum reyna að bregðast
fljótt við og af ákveðni. Okkur þykir
leitt að þetta skuli hafa gerst, því
þetta er almannafé sem þarna er ver-
ið sýsla við,“ segir Kristinn.
Reynt að endurheimta féð
Talið er að féð sem svikið var út úr
TR nemi 75 milljónum króna. Spurð-
ur hvort takist að endurheimta féð
segir Kristinn ekki gott um það að
segja þar sem rannsóknin eigi enn
eftir að leiða til ákæru. „Þeir sem
verða taldir sekir í málinu verða þá
krafðir um að endurgreiða ríkinu
þetta tjón,“ segir Kristinn og tekur
fram að ríkislögmaður fari með mál-
ið fyrir hönd TR. „Ég geri ráð fyrir
að fulltrúar ríkisins muni reyna að
innheimta það sem hefur tapast og fá
skaðann bættan. Svo verður að koma
í ljós hvort þeir sem kunna að vera
sekir séu borgunarmenn fyrir því,
þannig að verið getur að ríkið tapi
þessum peningum.“
Stjórn Tryggingastofnunar ríkisins
fjallar um nýlegt fjársvikamál
Efla þarf
innra eftirlitið
Eftir Silju Björk Huldudóttur
silja@mbl.is
Kristinn H.
Gunnarsson
EKKI er vitað hvort Herjólfur upp-
fyllir hertar kröfur Evrópureglna um
tveggja hólfa lekastöðugleika, sem
taka gildi í október 2010. Tveggja
hólfa lekastöðugleiki þýðir að tryggt
sé að skip fljóti þótt það verði fyrir
skemmdum sem valda því að sjór
renni inn í tvö aðliggjandi hólf. Nýjar
kröfur taka til ferja sem flytja fleiri en
400 farþega, en Herjólfur getur flutt
allt að 500 farþega að því er segir á
heimasíðu skipsins.
Einar Hermannsson, skipaverk-
fræðingur og ráðgjafi Vegagerðar-
innar, segir að Herjólfur hafi verið
byggður eftir ströngustu reglum og
öryggisbúnaður uppfærður reglu-
lega. Evrópureglurnar, sem settar
voru eftir að skipið var smíðað og
teknar upp hér nær óbreyttar, veiti
ákveðna fresti til aðlögunar eftir aldri
skipa, gerð og getu. Einar segir að
gerð hafi verið úttekt á Herjólfi fyrir
nokkrum árum gagnvart eins hólfs
lekastöðugleika, það er að sjór renni
inn í eitt hólf skipsins, og það verið í
hæsta gæðaflokki. Ekki hafi verið
gerðir útreikningar fyrir Herjólf með
tilliti til tveggja hólfa lekastöðugleika.
Einfaldast að lækka
hámarksfjölda farþega
„Það hlýtur að vera spurning, þeg-
ar skip er orðið 18 ára eins og Herj-
ólfur verður 2010, hvort forsvaranlegt
sé að leggja í kostnað sem gæti fylgt
slíkum breytingum,“ sagði Einar.
Í frétt Morgunblaðsins í gær sagði
að 1.560 milljónir kostaði að breyta
Herjólfi til að uppfylla hinar nýju
kröfur. Sú tala er ekki rétt, þar sem
hún sýnir þann stofnkostnað sem
leggja þarf í til að auka ganghraða
skipsins í 20 hnúta. Talan er byggð á
upplýsingum frá samgönguráðuneyt-
inu um kostnað við breytingarþannig
að Herjólfur verði framtíðarlausn.
Einar sagði að líklega yrði einfald-
ast fyrir útgerð Herjólfs að lækka há-
marksfjölda farþega í 399 til að mæta
hertum kröfum. Með því myndi Herj-
ólfur uppfylla allar kröfur Evrópu-
reglnanna 2010, því þær ná til skipa
sem flytja fleiri en 400 farþega. Einar
tók fram að Herjólfur væri ekki á
undanþágu vegna hinna nýju reglna,
því hertu kröfurnar hefðu ekki tekið
gildi.
Herjólfur
ekki á
undanþágu
ÞAÐ var ágætis veður í höf-
uðborg landsins í gær til að rölta
um í miðbænum, sýna sig og sjá
aðra. Í Hafnarstrætinu voru
margir á gangi í gær, ferðamenn
sem og aðrir sem þangað áttu er-
indi. Enda var heiðskírt framan
af degi og sól og sumarylur.
Síðdegis í gær fór hins vegar
að hellirigna, ekki aðeins í
Reykjavík heldur víða um landið.
Í dag er víða spáð rigningu eða
skúrum. Því er þó spáð að létt-
skýjað verði norðaustanlands í
kvöld og að hiti þar sem og á
Austurlandi verði á bilinu 7 til 16
stig.
Á morgun er spáð enn meiri
hlýindum norðaustanlands, hita á
bilinu 10 til 22 stig. Morgunblaðið/Eggert
Heiðskírt
í Hafnar-
strætinu