Morgunblaðið - 04.07.2006, Qupperneq 30

30 ÞRIÐJUDAGUR 4. JÚLÍ 2006 MORGUNBLAÐIÐ
MINNINGAR
Atvinnuauglýsingar
Umboðsmaður
Ólafsfirði
Morgunblaðið vill ráða
umboðsmann á Ólafsfirði.
Í starfinu felst dreifing á
Morgunblaðinu við komu í
bæinn.
Nauðsynlegt er að viðkom-
andi hafi bíl til umráða.
Upplýsingar gefur Örn Þórisson
í síma 569 1356
eða í netfangi ornthor@mbl.is.
Ritari óskast
Fasteignamiðlun leitar að ritara til starfa hálfan
daginn. Starfið felst í afgreiðslu viðskiptavina,
símsvörun, skjalavinnslu og almennum ritara-
störfum. Viðkomandi þarf að hafa góða þjón-
ustulund, geta unnið sjálfstætt, vera stundvís
og geta hafið störf strax.
Áhugasamir sendið inn svar á auglýsingadeild
Mbl. eða í box@mbl.is merkt: „Ritari – 18636“.
Tekið er við umsóknum til kl. 18.00 föstudaginn
7. júlí.
Laus staða forstöðumanns
Staða forstöðumanns Stofnunar Árna Magn-
ússonar í íslenskum fræðum er laus til um-
sóknar.
Með lögum um Stofnun Árna Magnússonar í
íslenskum fræðum, nr. 40/2006, voru eftirtald-
ar stofnanir sameinaðar: Stofnun Árna Magn-
ússonar á Íslandi, Orðabók Háskóla Íslands,
Íslensk málstöð, Örnefnastofnun Íslands og
Stofnun Sigurðar Nordals.
Í samræmi við 1. mgr. 5. gr. laganna auglýsir
menntamálaráðherra hér með lausa til um-
sóknar stöðu forstöðumanns við stofnunina.
Forstöðumaður Stofnunar Árna Magnússonar í
íslenskum fræðum skal hafa hæfi sem prófess-
or á fræðasviði stofnunarinnar að mati þriggja
manna dómnefndar sem menntamálaráðherra
skipar. Forstöðumaður stjórnar starfsemi og
rekstri stofnunarinnar. Hann ræður starfsmenn
hennar og er í fyrirsvari fyrir hana. Hann ber
ábyrgð á rekstri stofnunarinnar og að starfsemi
hennar sé í samræmi við lög og stjórnvaldsfyr-
irmæli.
Menntamálaráðherra skipar forstöðumann til
fimm ára að fenginni umsögn stjórnar stofnun-
arinnar, sbr. 1. mgr. 5. gr. laga um stofnunina.
Skipunartímabil forstöðumanns er frá 1. sept-
ember 2006.
Umsóknir skulu hafa borist menntamálaráðu-
neytinu, Sölvhólsgötu 4, 150 Reykjavík fyrir
31. júlí 2006.
Menntamálaráðuneytið, 3. júlí 2006.
Raðauglýsingar 569 1100
Atvinnuauglýsingar
sími 569 1100
✝ Þorkell Birgis-son fæddist á
Ísafirði 8. júní 1956.
Hann lést á Fjórð-
ungssjúkrahúsinu á
Ísafirði laugardag-
inn 24. júní síðast-
liðinn. Foreldrar
hans eru Helga
Svandís Helgadóttir
húsmóðir, f. 11.10.
1935, og Birgir Sig-
urbjartsson málara-
meistari, f. 8.4.
1931. Þorkell var
annar í röð fjögurra
bræðra. Hinir eru: Helgi, f. 31.1.
1955, kvæntur Kristínu Unu Sæ-
mundsdóttur, Óðinn, f. 18.6. 1960,
sambýliskona Hjördís Geirsdótt-
ir, og Finnbjörn, f. 10.9. 1961,
kvæntur Lindu Björk Harðar-
dóttur.
Hinn 13. febrúar 1982 kvæntist
Þorkell Lilju Hálfdánsdóttur, f.
10. september 1960. Foreldrar
hennar voru Hallfríður Jónsdótt-
ir, f. 19.2. 1920, og Hálfdán Örn-
ólfsson, f. 28.11. 1913. Börn
þeirra Lilju og Þorkels eru: 1)
Kristján Ingi, sjómaður í Bolung-
arvík, f. 25.11. 1979. 2) Kolbrún
Íris, skólaliði í Bolungarvík, f.
18.10. 1980, dóttir hennar er Lilja
Kristín Björgvinsdóttir. Sam-
býlismaður Kolbrúnar er Borgar
Guðmundsson og sonur þeirra er
Guðmundur Jó-
hannes. 3) Davíð
Örn, verslunarmað-
ur í Reykjavík, f.
1.11. 1984, sam-
býlismaður Arnþór
Viktor Grétarsson.
Sonur Þorkels og
Guðrúnar Óskar
Sæmundsdóttur er
Haraldur Birgir, f.
21.12. 1974, kvænt-
ur Hrafnhildi Ýr
Víglundsdóttur.
Þau búa á Laugar-
bakka í Miðfirði.
Þorkell ólst upp hjá foreldrum
sínum í Hlíðarstræti 24 í Bolung-
arvík. Fljótlega eftir fermingu
hóf hann störf hjá Íshúsfélagi
Bolungarvíkur, þaðan lá leið hans
til Vélsmiðju Bolungarvíkur,
Síldarverksmiðju EG, bifreiða-
verkstæðis Nonna og síðan Vél-
virkjans. Um tíma var hann Baa-
dermaður á frystitogara. Þorkell
var aðstoðar- og afleysingaverk-
stjóri hjá Bolungarvíkurkaupstað
frá árinu 1999 til dauðadags. Það
kom snemma í ljós hversu lag-
hentur Þorkell var við allt sem
hann tók sér fyrir hendur og
greiðvikinn þeim sem til hans
leituðu.
Útför Þorkels verður gerð frá
Hólskirkju í Bolungarvík í dag og
hefst athöfnin klukkan 14.
Elsku faðir minn, ég veit ekki
hvernig ég á að ná að setja niður á
blað réttu orðin. Þetta var okkur öll-
um mikið áfall að þú skyldir kveðja
okkur svo snögglega.
Þetta byrjaði fyrir átta á laugar-
dagsmorgun að það var bankað
heima hjá mér og ég fór til dyra og
þar voru mamma, amma og afi, öll al-
varleg á svip, og mamma sagði mér
að þú værir dáinn. Ég vissi ekki
strax hvað hún meinti með þeim orð-
um en þegar mamma sagði mér
hvernig þú kvaddir þá fór það að
renna upp fyrir mér, en ég náði því
samt ekki, og satt að segja þó að ég
sé búinn að sjá þig inni á sjúkrahús-
inu svona fölan og kaldan en samt
friðsælan þá er ég ekki búinn að ná
þessu ennþá.
Ég mun ávallt minnast þín, svo
glaðlegs og hjálpsams, þú gerðir
hvað sem þú gast til að gera það sem
ég og allir báðu þig um. Og elda-
mennskan þín verður alltaf mjög of-
arlega í huga mér, hvað þú varst allt-
af að búa til mat og uppskriftir. Og
tölvukunnáttan var algjör snilld.
Þú vildir hafa alla glaða og
ánægða í kringum þig, þú fannst allt-
af fullt af bröndurum til að láta okk-
ur hlæja. Og barnabörnin litu svo
mikið upp til þín og þú áttir alltaf
nammi handa þeim þó að það væri
ekki nammidagur. Þú ert og verður
langbestur af öllum í heiminum. Við
vildum að allir ættu pabba eins og
þig.
Kær kveðja.
Davíð, Kristján og Kolbrún.
Elsku Keli. Ég get ekki trúað því
að þú sért farinn. Það er svo sann-
arlega rétt að það er mjó lína sem
skilur á milli lífs og dauða. Þú varst
hress í vinnu eina mínútuna en
skyndilega var öllu lokið.
Hvernig á maður að geta skilið
þetta?
Það verður erfitt að takast á við að
þú sért farinn, því við vorum bæði
bræður, vinir og vinnufélagar.
Elsku Lilja og fjölskylda, guð veri
með ykkur og gefi ykkur styrk.
Ég gái út um gluggann minn
hvort gangir þú um hliðið inn.
Mér alltaf sýnist ég sjái þig.
Ég rýni út um rifurnar.
Ég reyndar sé þig alls staðar.
Þá napurt er, það næðir hér
og nístir mig.
(Vilhj. Vilhj.)
Við fjölskyldan kveðjum þig með
söknuði, kæri vinur.
Þinn bróðir
Finnbjörn.
Laugardagsmorguninn 24. júní
klukkan sex hringdi Finnbjörn
yngsti bróðir okkar og sagði mér að
Keli bróðir væri dáinn.
Ég átti erfitt með að trúa honum,
þetta voru skelfilegar fréttir. Þú
hafðir verið að vinna uppi í Vatns-
veitu um nóttina eins og svo oft áður.
Það var erfitt að missa Kela því að
hann átti svo margt inni hjá mér, því
enginn hefur hjálpað mér eins mikið
og hann í gegnum árin.
Keli var þannig að hann bað aldrei
um aðstoð fyrir sig en var alltaf
tilbúinn fyrir aðra og var alltaf
ánægður ef hann gat aðstoðað aðra.
Það var sama hvað hann tók sér fyrir
hendur, hann fann alltaf leið til að
leysa erfiðustu þrautir.
Keli var mjög hlédrægur maður,
hann varð 50 ára hinn 8. júní síðast-
liðinn. Ég reyndi að ná í þig en þú
hafðir farið suður til Reykjavíkur en
hafðir slökkt á símanum þennan dag.
Mér finnst leiðinlegt að hafa ekki
getað talað og hitt þig þennan dag.
Ég vona að þér líði vel þar sem þú
ert núna.
Guð veiti Lilju og börnum þínum
styrk í sorginni.
Hvíl í friði.
Þinn bróðir
Helgi.
Kæra fjölskylda. Þegar ég frétti
að hann Keli mágur minn væri dáinn
þaut gegnum huga minn fullt af
minningum.
Alltaf var hann tilbúinn að hlusta á
mig þegar ég þurfti að létta á hjarta
mínu. Alltaf þegar eitthvað bilaði,
bíll eða bátur, þá var hann kominn til
að rétta hjálparhönd.
Ég hlakkaði svo til í sumar þegar
þú og Lilja ætluðuð að koma hingað
vestur til að setja utan um húsið og
við Lilja að gera eitthvað skemmti-
legt.
Kæri vinur, takk kærlega fyrir all-
ar yndislegu stundirnar sem við átt-
um saman.
Elsku systir mín, Haddi Biggi,
Kristján, Kolla og Davíð, megi góður
guð styðja ykkur í sorginni.
Láttu guðs hönd þig leiða hér,
lífsreglu halt þá bestu:
Blessuð hans orð sem boðast þér,
í brjósti og hjarta festu.
(Hallgr. Pét.)
Sjöfn Hálfdánsdóttir (Sjöbba).
Elsku Keli, ég veit ekki hvað ég á
að segja, en samt veit ég það, ég get
bara ekki komið því á blað, bara
hugsað um það.
Þótt sorgin sé mikil finnst mér
gott að hugsa til þín. Þú varst ynd-
islegur maður og alltaf hægt að leita
til þín, ef allar bjargir voru bannaðar
þá gastu reddað hlutunum. Þú sagðir
heldur ekki mikið en hlustaðir og
gafst góð ráð.
Mig langar bara að þakka fyrir að
hafa kynnst þér. Elsku Lilja mín,
Haddi, Kristján, Kolla, Davíð og fjöl-
skyldur, góður guð styrki ykkur og
styðji. Helga, Birgir, Helgi, Óðinn og
Finnbjörn blessuð sé minning sonar
ykkar og bróður.
Þín mágkona
Kristín Una.
Elsku Keli. Morguninn 24. júní
vorum við systur vaktar með þeim
sorgarfréttum að Keli frændi væri
dáinn.
Ég er enn dofin og átta mig ekki á
þessu enn.
Það er nefnilega ekki langt síðan
ég hitti þig hressan og kátan í
Kringlunni og tók utan um þig. Það
var aðeins nokkrum dögum fyrir 50
ára afmælið þitt og þú varst á leið á
tónleika. Ég hringdi líka í þig nokkr-
um dögum síðar og þú sagðir mér
hvað þú hefðir haft gaman af þessum
tónleikum og alveg nauðsynlegt að fá
að upplifa þetta. Ég er glöð yfir að
þú skyldir fá það tækifæri.
Þú sagðir mér líka frá baðher-
berginu sem þú varst að breyta og
varst mjög stoltur af. Enda máttir
þú líka alveg vera það, því þú varst
mjög handlaginn og allt sem þú tókst
þér fyrir hendur var vel gert.
Það verður skrýtið að hitta þig
ekki aftur en þú verður alltaf til stað-
ar í góðum minningum mínum því þú
varst alveg yndislegur maður.
Elsku Lilja, Haddi, Kristján,
Kolla, Davíð og fjölskyldur, amma,
afi, pabbi, Óðinn og Finnbjörn. Ég
bið Guð að styðja ykkur í sorginni og
veita ykkur styrk.
Blessuð sé minning þín, elsku
Keli.
Þín frænka,
María.
Elsku Keli frændi. Þín er sárt
saknað og það er erfitt að trúa því að
þú sért dáinn. Þú varst bara nýorð-
inn fimmtugur og áttir lífið framund-
an. Ég fór heim til þín á föstudaginn
og fannst alltaf eins og þú hefðir
bara skroppið í vinnuna og værir
væntanlegur hvað úr hverju.
Þú varst alltaf boðinn og búinn til
þess að aðstoða mig í einu og öllu
þegar ég þurfti á að halda, því þú
varst einstaklega handlaginn og list-
rænn og ég man svo vel eftir öllum
myndunum sem þú málaðir og teikn-
ingunum sem þú teiknaðir. Það sem
þú tókst þér fyrir hendur gerðir þú
vel og með glöðu geði, brosandi og
hlæjandi.
Elsku frændi, ég sakna þín mikið
og ég vona að þú sért kominn á betri
stað þar sem þér líður vel.
Elsku amma og afi, Lilja, Krist-
ján, Kolla og fjölskylda, Davíð og
Viktor, Haddi, pabbi, Finnbjörn og
Óðinn, ég vona að guð veiti ykkur
styrk í þessari miklu sorg.
Þín frænka
Helga Svandís.
ÞORKELL
BIRGISSON
 Fleiri minningargreinar um Þor-
kel Birgisson bíða birtingar og
munu birtast í blaðinu næstu daga.
Höfundar eru: Birgitta; Ragnar
Viktor.
Morgunblaðið birtir minningar-
greinar alla útgáfudagana.
Skilafrestur Ef birta á minningar-
grein á útfarardegi verður hún að
berast fyrir hádegi tveimur virk-
um dögum fyrr (á föstudegi ef út-
för er á mánudegi eða þriðjudegi).
Ef útför hefur farið fram eða grein
berst ekki innan hins tiltekna
skilafrests er ekki unnt að lofa
ákveðnum birtingardegi. Þar sem
pláss er takmarkað getur birting
dregist, enda þótt grein berist áð-
ur en skilafrestur rennur út.
Undirskrift Minningargreinahöf-
undar eru beðnir að hafa skírnar-
nöfn sín en ekki stuttnefni undir
greinunum.
Minningar-
greinar