Morgunblaðið - 06.07.2006, Side 11

MORGUNBLAÐIÐ FIMMTUDAGUR 6. JÚLÍ 2006 11
FRÉTTIR
iðunn
tískuverslun
Kringlunni, s. 588 1680
Laugavegi 40, s. 561 1690
Útsala
20-80%
afsláttur
Útsalan
er hafin
40%
afsláttur
Laugavegi 51, sími 552 2201
Eftirfarandi yfirlýsing barst frá
Sigurbirni Sveinssyni, formanni
Læknafélags Íslands:
„Viðbrögð yfirstjórnar Landspít-
alans og heilbrigðismálaráðherra
við nýgengnum dómum í málum
tveggja lækna og fyrrum yfirmanna
á spítalanum eru eftirtektarverð og
vekja undrun. Í báðum tilvikum eru
ákvarðanir yfirstjórnarinnar um
annars vegar stöðulækkun og hins
vegar brottvikningu úr starfi
dæmdar ólögmætar. Í stað þess að
bæta ráð sitt og heiðra niðurstöður
dómaranna með því að veita þess-
um læknum stöður sínar að nýju án
skilyrða, bregður spítalastjórnin á
það ráð að virða dómana að engu og
gengisfella þar með m.a. Hæstarétt
Íslands. Í veikri vörn fyrir þessari
óskiljanlegu ákvörðun sinni segir
spítalastjórnin, studd af heilbrigðis-
og tryggingamálaráðherra, að dóm-
arnir hafi ekki ógilt fyrri ákvarð-
anir hennar og þar með sé þarflaust
að virða þá. Til mín hafa leitað á
undanförnum dögum margir
læknar, m.a. yfirmenn á Landspít-
alanum, sem lýst hafa áhyggjum
sínum yfir vaxandi óróa meðal
lækna innan veggja spítalans. Til-
gangur þeirra hefur augljóslega
verið sá að hafa samráð um hugs-
anlegar úrbætur og leita eftir hvort
stéttarfélag lækna, Læknafélag Ís-
lands, geti lagt hér e-ð gott til. Hef-
ur mér orðið ljóst í þessum sam-
tölum, að menn virðast ráðþrota
gagnvart þessu ástandi.
Eins og margoft hefur verið bent
á er Landspítalinn þrátt fyrir stærð
sína og styrk viðkvæmur vinnustað-
ur, þar sem gríðarlegir hagsmunir
almennings liggja í hnökralausri
þjónustu við sjúklingana. Læknar
eru einungis einn hópur þeirra heil-
brigðisstarfsmanna, sem fá þetta
flókna gangverk til að starfa rétt.
En það eru þeir, sem stunda lækn-
ingarnar, hvað sem öðru líður. Því
hlýt ég að taka alvarlega þau skila-
boð, sem berast nú Læknafélagi Ís-
lands, um erfitt ástand innan
veggja háskólasjúkrahússins og að
umrædd dómsmál séu aðeins eitt
birtingarform þeirra vandamála,
sem við er að etja.
Mikilvægasta forsenda velgengni
góðra stjórnenda er að kunna vel þá
list að hlusta og þiggja ráð undir-
manna sinna. Ein ástæða þess að
illa virðist ára í samskiptum stjórn-
enda og annarra starfsmanna spít-
alans er að ráð lækna hafa verið lítt
eða ekki þegin og mikil vinna
læknaráðs spítalans við tillögur um
fyrirkomulag hans hefur að mestu
verið lögð til hliðar af yfirstjórninni.
Yfirstjórn spítalans verður að
koma stjórnunaraðferðum sínum í
nýjan og betri farveg ef ekki á illa
að fara.
Kópavogur 5. júlí 2006, Sigur-
björn Sveinsson, formaður Lækna-
félags Íslands.“
Yfirlýsing frá formanni
Læknafélags Íslands
ÁRNI Johnsen segir að Margrét
Hermanns Auðardóttir, doktor í
fornleifafræði, fari með rangt mál og
hreinan uppspuna í Morgunblaðinu í
gær, en þar gagnrýnir hún meinta
uppivöðslusemi Árna við byggingu
svokallaðs Herjólfsbæjar í Herjólfs-
dal í Vestmannaeyjum. Árni sagðist í
samtali við Morgunblaðið ekki vilja
munnhöggvast við Margréti og sagði
að þeir sem þekktu hana gerðu það
ekki af ákveðnum ástæðum, kannski
mest tillitssemi: „Efnisatriði eru
hinsvegar þessi: það var grafið upp í
Herjólfsdal árið 1921 af Matthíasi
Þórðarsyni, þjóðminjaverði. Síðan
fór Margrét í fótspor hans um 1980
og gróf upp sama rústasvæði og
færði það aðeins út. Um 1970 kom
Guðlaugur Gíslason, þáverandi al-
þingismaður, með þá hugmynd að
það væri skemmtilegt að byggja bæ í
fornum stíl í Herjólfsdal og síðan lá
málið niðri þangað til um 2000 þegar
við tókum upp þá hugmynd að
byggja bæ í anda fyrstu byggðar í
Herjólfsdal.“
Árni segir að
þá hafi legið fyrir
opinber gögn sem
hafi verið að-
gengileg og ekki
varin með höf-
undarrétti. Hann
sagði að í Herj-
ólfsdal væru um 7
bæjarrústir og að
félagið hefði valið
að endurbyggja bæjarrúst frá 10. öld
sem væri tvö hús samsíða með göng-
um á milli en aldrei hefði staðið til að
byggja eftir elstu rústinni. Hann
segir að félagið hafi notað fyrirmynd
rústarinnar til stækkunar og byggt
eftir því, enda hafi alltaf legið fyrir
varðandi þennan bæ að hann hafi
verið fyrsti bærinn á Íslandi þar sem
allir veggir væru eingöngu úr grjóti,
en ekki hafi verið gerð bein eftirlík-
ing:
„Öll hús sem eru byggð í þessum
stíl eru tilgátuhús. Þau eru fremur
minnismerki og sýnishorn frá þess-
um tíma því að enginn veit í hvaða
bæ hver bjó né nákvæmlega hvernig
bæirnir voru. Það er líka jafnljóst að
það er í stærstum dráttum sama
byggingarlag í grunninn á bygging-
um fyrstu alda Íslandssögunnar,
bæði innandyra og utan.“
Færustu menn teiknuðu húsið
Um framkvæmd hússins sagði
Árni hana hafa verið eðlilega: „Allt
hefur verið sýnilegt og formlegt.
Nema það sem Margrét hefur komið
með og ætla ég ekki að ræða um það.
Við erum með færustu menn sem
teiknuðu húsið, það var lagt fyrir
bygginganefnd formlega og deili-
skipulag fyrir það var opinberlega
samþykkt. Það eru öll gögn sem eru
formleg og eðlileg.“
Árni sagði þessa umfjöllun vera
leiðindaþátt í þessu verki sem hefði
gengið vel að öðru leyti: „Þeir sem að
þekkja vel til þessara mála telja að
byggingin hafi heppnast ótrúlega vel
og er rétt að árétta að Margrét Her-
manns Auðardóttir er ekki þátttak-
andi í þessu verkefni.“
Vísar gagnrýni Margrétar
um Herjólfsbæinn á bug
Árni Johnsen
HÉRAÐSDÓMUR Austurlands
hefur dæmt karlmann á sjötugsaldri
til greiðslu 100 þúsund króna fyrir
brot á lögum um atvinnuréttindi
skipstjórnarmanna á íslenskum
skipum. Í febrúar sl. var ákærði sem
skipstjóri á loðnuveiðum um 2,5 sjó-
mílur suðvestur af Kötlutanga án
þess að hafa endurnýjað atvinnurétt-
indi sín til skipstjórnar, en þau
runnu út í janúar síðastliðnum.
Ákærði játaði brot sitt skýlaust en
hann hefur ekki áður gerst sekur um
refisverðan verknað.
Ragnheiður Bragadóttir dóm-
stjóri kvað upp dóminn og Björn Þór
Rögnvaldsson sýslumannsfulltrúi
sótti málið af hálfu ákæruvaldsins.
Sekt fyrir veiðar
án tilskilinna réttinda
MORGUNBLAÐINU hefur borist
eftirfarandi athugasemd frá Skipu-
lagsstofnun:
„Skipulagsstofnun vill af gefnu til-
efni koma á framfæri leiðréttingum
vegna rangra staðhæfinga um hlut-
verk Skipulagsstofnunar sem hafðar
eru eftir Margréti Hermanns Auð-
ardóttur í grein Sigurðar Pálma Sig-
urbjörnssonar um Herjólfsdalinn í
Vestmannaeyjum í Morgunblaðinu í
gær, 5. júlí.
Skipulagsstofnun bendir á að það
er sveitarstjórn sem ber ábyrgð á og
samþykkir deiliskipulag, sbr. 25. gr.
skipulags- og byggingarlaga. Sveit-
arstjórn ber að hafa samráð við fag-
stofnanir eins Umhverfisstofnun
(áður Náttúruvernd ríkisins) og
Fornleifavernd ríkisins (áður Þjóð-
minjasafnið) í tengslum við gerð
skipulags eftir því sem við á. Þegar
deiliskipulag hefur verið auglýst og
samþykkt í sveitarstjórn skal það
sent til yfirferðar Skipulagsstofn-
unar sem sendir sveitarstjórn at-
hugasemdir, ef tilefni er til, vegna
forms- og efnisgalla.
Við afgreiðslu Skipulagsstofnunar
á deiliskipulagi Herjólfsdals í janúar
2000 lá fyrir umsögn Nátt-
úruverndar ríkisins dags. 15. apríl
1999, þar sem fram kemur að stofn-
unin setji sig ekki á móti deiliskipu-
laginu, og umsögn Þjóðminjasafns-
ins dags. 15. apríl 1999, þar sem gerð
er sú athugasemd að deiliskipulagið
verði ekki samþykkt fyrr en forn-
leifaskráning hafi farið fram sam-
kvæmt þjóðminjalögum. Að mati
Skipulagsstofnunar hafði við af-
greiðslu málsins verið komið til móts
við athugasemd Þjóðminjasafnsins
því einnig lá fyrir fornleifaskráning
Fornleifastofunnar, dags. í ágúst
1999. Skipulagsstofnun gerði því
ekki athugasemd við að sveit-
arstjórn birti auglýsingu um gild-
istöku deiliskipulagsins en ítrekað er
að það er ekki hlutverk Skipulags-
stofnunar að samþykkja eða hafna
deiliskipulagi. Sveitarstjórn úthlutar
lóðum, gefur út byggingar- og fram-
kvæmdaleyfi í samræmi við deili-
skipulag sem hún hefur samþykkt
og hefur eftirlit með að fram-
kvæmdir séu í samræmi við útgefin
byggingar- og framkvæmdaleyfi.“
Athugasemd frá Skipulagsstofnun
Morgunblaðið/RAX