Morgunblaðið - 16.10.2006, Blaðsíða 3
MORGUNBLAÐIÐ MÁNUDAGUR 16. OKTÓBER 2006 3
Jón Arnór Stefánsson og félagarí spænska körfuknattleiksliðinu
Valencia unnu góðan sigur á heima-
velli á sunnudag-
inn. Valencia lék
gegn Etosa Alic-
ante og hafði bet-
ur 98: 90. Jón
Arnór lék í 32
mínútur og skor-
aði 11 stig. Þetta
er fyrsti sigur
Valencia á tíma-
bilinu.
Jakob Sigurðsson skoraði 6 stigfyrir Vigo sem tapaði fyrir
Akasvayu, 78:58, í spænsku 2.
deildinni í körfuknattleik. Jakob
hittir úr öllum þremur skotum sín-
um í leiknum.
Hörður Axel Vilhjálmsson skor-aði 4 stig og átti 3 stoðsend-
ingar þegar lið hans í Dunas lögðu
Bansander, 79:66, í spænsku 2.
deildinni. Hörður lék með Fjölni úr
Reykjavík áður en hann hélt til
Spánar í atvinnumennsku.
Pavel Ermolinskij var í leik-mannahópi aðalliðs Unicaja í
spænsku úrvalsdeildinni í körfu-
knattleik. Unicaja lék gegn
Akasvayu Girona 95 og töpuðu
90:98 en Pavel, sem er íslenskur,
kom ekki við sögu í leiknum.
Helgi Freyr Margeirsson ogMatthías Rúnarsson úr
danska úrvalsdeildarliðinu Randers
Cimbria heimsóttu dönsku meist-
arana í körfuknattleik karla, Hor-
sens IC, í gær. Heimamenn sigruðu
84:64 og skoraði Helgi 4 stig á þeim
6 mínútum sem hann lék en Matt-
hías komst ekki á blað. Helgi lék
með Þór frá Akureyri á síðustu
leiktíð en hann lék lengst af með
Tindastól og bandaríska háskólalið-
inu Birmingham Southern.
Þá sigruðu lærisveinar KevinsGrandbergs í Glostrup sinn
fyrsta leik í dönsku 1. deildinni í
körfuknattleik þegar þeir sigruðu
Skjold/
Stevensgade
102:100 á heima-
velli. Glostrup
tapaði fyrstu
leikjum sínum á
tímabilinu, gegn
tveimur efstu lið-
um deildarinnar
Herlev og Høbas.
Kevin, sem er
með íslenskt ríkisfang, leikur einn-
ig með liðinu. Hann lék lengst af
með ÍR á Íslandi en kom einnig við
sögu hjá Keflavík og fleiri liðum.
Ólafur Ingi Skúlason lék allanleikinn fyrir Brentford sem
tapaði fyrir Rotherham, 2:0, í ensku
2. deildinni. Brentford er í 20. sæti í
deildinni eftir 14 umferðir en liðið
er með 16 stig en keppnin í 2. deild
er jöfn og er efsta liðið með 28 stig.
Fólk sport@mbl.is
Eftir Kristján Jónsson
sport@mbl.is
„Við spiluðum ágætlega í vörninni í
dag og þetta var fyrst og fremst
vinnusigur. Við vorum reyndar
klaufar í lokin. Fyrst klúðruðum við
dauðafæri þegar við vorum fimm
mörkum yfir og fimm mínútur eftir
og í kjölfarið misstum við mann af
leikvelli út af ólöglegri skiptingu.
Þess vegna kom smáspenna í lokin
en ég er bara ánægður með barátt-
una í strákunum. Þessi sigur léttir á
okkur því við erum að fara inn í erf-
itt tímabil, eigum leik á miðvikudag,
sunnudag, miðvikudag, föstudag og
sunnudag,“ sagði Sigurður Valur
Sveinsson, þjálfari Fylkis, að leikn-
um loknum.
Lærisveinar hans hafa tekið upp
þráðinn þar sem þeir skildu við í vor
og leika hörkugóða vörn og góður
andi er í liðinu. Svokallaðir spek-
ingar hafa haft orð á því að liðið
skorti breidd en í þessum leik spil-
aði Sigurður á öllu liðinu og landaði
sigri á erfiðum útivelli.
„Við erum komnir með ágætishóp
en þó vantar enn Króatann örv-
henta og þegar hann verður klár er-
um við með mjög skemmtilegan
hóp. Duric þarf að komast aðeins
betur inn í okkar leik, maður sá það
á sóknarleiknum. Þegar hann er á
miðjunni þarf hann að komast betur
inn í leikkerfin okkar en miðað við
fyrsta leik var ég mjög ánægður
með hann, bæði í sókn og vörn,“
sagði Sigurður.
Einbeitingarleysi ÍR-inga
Svo virtist sem einbeitingarleysi
hrjáði Breiðhyltinga í þessum leik.
Sérstaklega voru þeir stirðir og
óskynsamir í sóknaraðgerðum sín-
um. Liðið lék hins vegar ágætan
varnarleik á köflum og baráttan var
fyrir hendi. Þegar svo ber undir
getur liðið skorað mikið af mörkum
á skömmum tíma, enda miklir
hraðaupphlaupsmenn í liðinu. Þar
fer Ragnar Helgason fremstur í
flokki sem fyrr og var hann besti
maður liðsins í þessum leik. Ragnar
skilar alltaf sínu en aðrir lykilmenn
í sóknarleiknum, eins og Björgvin
Hólmgeirsson og Brynjar Steinars-
son, fundu sig ekki að þessu sinni.
ÍR-ingar fá þó prik fyrir að gefast
aldrei upp og sýndu á lokakafla
leiksins að þeir eru illviðráðanlegir
þegar þeim tekst að keyra upp
hraðann. Þeir gerðu síðustu fjögur
mörk leiksins og minnkuðu muninn
úr 23:29 í 27:29. Þeir hefðu getað
komist ennþá nær en misnotuðu síð-
ustu tvö færi sín, auk þess sem stór-
skytta Fylkis, Eymar Kruger, slapp
við brottvísun þegar tæpar tvær
mínútur voru eftir. ÍR-ingar verða
hins vegar ekki auðunnir í Breið-
holtinu í vetur, sérstaklega þegar
Brynjar kemst betur inn í liðið og er
þeir endurheimta Ólaf Sigurjónsson
sem er frá vegna meiðsla.
Liðsheildin sterk hjá Fylki
Hjá Fylki var liðsheildin í fyr-
irrúmi. Eymar og Duric voru drjúg-
ir í markaskorun og þurfa ekki að
hafa mikið fyrir mörkum sínum ut-
an af velli. Einnig kemur Þórir Júl-
íusson ferskur inn í liðið og leysir
stöðu hægriskyttu vel af hendi þótt
rétthentur sé. Einkennilegt að hann
skyldi ekki vera inni á vellinum á
lokamínútum leiksins. Hlynur Mort-
hens varði sinn vanalega skerf af
skotum og Guðlaugur batt vörnina
saman. Það verður forvitnilegt að
fylgjast með því hvernig liðinu
vegnar án hans fram að áramótum.
Jón H. Gunnarsson, fyrirliði ÍR,
var ósáttur við frammistöðu liðsins:
„Þegar vörnin small hjá okkur
klikkuðum við á skoti eða sendingu í
staðinn. Við vorum klaufar að klára
ekki þennan leik með sigri og getum
sjálfum okkur um kennt hvernig
fór. Við unnum boltann af þeim
trekk í trekk en nýttum okkur það
ekki út af klaufamistökum í sókn-
inni. Við missum boltann oft mjög
ódýrt og það verðum við að laga.
Þetta féll ekki okkar megin og
kannski féll þetta með liðinu sem
barðist meira. Þannig er þetta oft,“
sagði Jón.
Duric var drjúgur
ÍR-ingar voru stirðir og óskynsamir í sóknaraðgerðum sínum gegn Fylki
í „kveðjuleik“ Guðlaugs Arnarssonar sem er á förum til Þýskalands
FYLKIR landaði öðrum sigri sínum
í þremur leikjum í DHL-deildinni í
handknattleik karla er liðið heim-
sótti ÍR í Breiðholtið í gær. Fylkir
hafði sem sagt betur, 29:27, eftir að
hafa haft fjögurra marka forskot í
hálfleik, 15:11. Sigurinn var frekar
sanngjarn enda höfðu Árbæingar
yfirhöndina frá því í fyrri hálfleik
og til loka. ÍR-ingar voru ekki í sínu
besta formi að þessu sinni en hefðu
þó getað nælt sér í stig eftir góðan
endasprett. Leikurinn markaði
ákveðin tímamót fyrir Fylkismenn,
en þetta var fyrsti leikur Vladimirs
Duric og síðasti leikur fyrirliðans
Guðlaugs Arnarssonar í bili, en
hann hefur verið lánaður til Gum-
mersbach.
Morgunblaðið/Brynjar Gauti
Kraftur Fylkir hafði betur á heimavelli sínum gegn ÍR-ingum í DHL-deild karla í handknattleik í gærkvöld.
!" #
! $%& & $
ARI Sverrisson og Andri
Sveinsson eru úr leik á
Heimsmeistaramótinu í ka-
rate sem fram fer í
Tampere í Finnlandi.
Ari keppti í fyrradag í
opnum flokki en tapaði strax
í fyrsta bardaga.
Það sama gerðist hjá hon-
um í gær í -80 kg.
flokki.
Ari lenti á móti hinum
danska Kroll og tapaði ís-
lenski karatemaðurinn, 3:7,
eftir spennandi viðureign.
Kroll tapaði í næstu umferð
fyrir spænskum keppanda
og fékk Ari því ekki upp-
reisnarviðureign. Ef Kroll
hefði sigrað í þeirri við-
ureign hefði Ari fengið að
keppa á ný en það varð ekki
raunin.
Andri sat hjá í 1. umferð
en átti síðan í höggi við kró-
atískan keppanda í -75 kg.
flokki.
Þegar 45 sekúndur voru
eftir af viðureigninni var
staðan 8:0 króatíska kepp-
andanum í vil og var við-
ureigninni þá lokið.
Þátttakendur í hvorum
flokki voru um 60 talsins.
Sigurvegari í -80 kg. flokki
var Eistinn Marco Luhamaa.
Í -75 kg. flokki sigraði J.
Modamisaam en hann kemur
frá Íran.
Í +60 kg. kvennaflokki
sigraði franska stúlkan
Laurence Fischer eftir
hörkuspennandi keppni við
japanska stúlku sem heitir A.
Arai, 4:3.
Ari og Andri eru úr leik
VIKTOR Kristmannsson stóð sig best íslensku
keppendanna á heimsmeistaramótinu í áhalda-
fimleikum sem nú stendur yfir í Árósum í Dan-
mörku. Viktor hlaut samtals 82,2 stig en lauk
öllum sínum æfingum af miklu öryggi og varð
þriðji hæsti af keppendum frá Norðurlöndum.
Rúnar Alexandersson kom næstur á eftir Vikt-
ori en hann hlaut 80,075 stig fyrir æfingar sín-
ar. Rúnar stóð sig best í hringjunum en fyrir
þær æfingar hlaut hann 14,350 stig.
Róbert Kristmannsson fékk 76,425 stig og
Bjarki Ásgeirsson 75,725 stig. Ingvar Joch-
umsson og Anton Heiðar Þórólfsson tóku báðir
þátt í þremur greinum greinum, Ingvar í
stökki, hringjum og tvíslá og Anton á boga-
hesti, gólfi og á svifrá. Báð-
um tókst vel upp í æfingum
sínum.
Í dag hefja stúlkurnar
keppni en þær eru: Margrét
Hulda Karlsdóttir, Sif Páls-
dóttir, Hera Jóhannesdóttir
og Inga Rós Gunnarsdóttir.
Þjálfarar íslensku kepp-
endanna eru Ásdís B. Pétus-
dóttir, Vladimir Antonov,
Guðmundur Þór Brynjólfs-
son og Mykola Vovk og þá dæma tveir Íslend-
ingar á mótinu, Berglind Pétursdóttir og Björn
M. Tómasson.
Viktor stóð sig best í Árósum
Viktor
Kristmannsson.