Lesbók Morgunblaðsins - 07.07.2007, Page 15

MORGUNBLAÐIÐ LAUGARDAGUR 7. JÚLÍ 2007 15
snæða
blæðandi lifur
í eintrjáningi á tjörninni (ef
eirðarlaus)
draga
að öðrum kosti
tvist úr spilastokki
þvo bílinn á
krosssprungnu plani
draga sjöu og dreyma rofnar
jarðlestir, stokka
draga gosa finna
sveittan bar lesa le monde í
biðröðinni – vopndauðir fara til
valhallar óvíst með
þá sem falla í hafnarstræti – brýna
hornið á
háum spaða
rista svörðinn á klambratúni
hlusta á landið æmta með
nefið fullt af mold
hér brenna tungl og
glaumbæir
hér má ekki vera með
sjóndapra hunda, eins og sími
sé að hringja, eins og einhver
stjaki við höggormi, eins og
bílskúrar þæfist af síðrokki,
stokka aftur
strengja á eintrjáning
sólbrenndar húðir
Það var í hittiðfyrra sem finnski ljósmyndarinn Marcus Roos bað mig um
að semja ljóð um Reykjavík í ljósmyndabók sem hann var með á prjón-
unum. Hann hafði þá farið á milli allra norrænu höfuðborganna og myndað
fólk sem var upptekið við að njóta lífsins – sem sumir kalla reyndar að gera
ekki neitt. Það voru flottar, svarthvítar myndir. Hverri myndaröð átti að
fylgja eitt ljóð um borgina frá innmúruðu skáldi. Ég keyrði niður í bæ og
fór fljótlega að hugsa um ævintýralegan spilastokk sem réði því hvað mað-
ur hefði fyrir stafni. Í ljóðinu kemur Klambratún við sögu, sem og síð-
rokksveitir sem æfa sig í Hlíðunum – þar hafði ég í huga að maður veit
aldrei hvar næsta Sigur Rós er að verða til í nálægum bílskúr. Fáum vikum
eftir að ég skilaði ljóðinu var tilkynnt að Sigur Rós hygðist halda stór-
tónleika á Klambratúni og mér fannst ég vera véfréttin í Delfí. Þegar gítar
Jónsa byrjaði að æmta stóð ég á túninu og starði í grasið eins og allt meik-
aði sens.
Bók Marcusar Roos er tilbúin en hann skortir víst enn fjármagn til útgáf-
unnar.
Ljóðskáldið | Sigurbjörg Þrastardóttir fædd á Akranesi 1973
Morgunblaðið/Kristinn
Ljóðabækur Sigurbjargar Þrastardóttur: Blálogaland (1999), Hnattflug (2000), Túlípanafallhlífar, (2003).
reykjavík
Lesarinn
Ég verð að viðurkenna, ég les ekki mik-ið ljóð. Hef ekki eirð í mér til þess.
En það er ein ljóðabók sem hefur verið á
skrifborðinu mínu í vinnunni í allan vetur –
og ég hef alloft leitað í – eftir andagift og
hugarró.
Það er Perlur – úr ljóðum íslenskra kvenna
sem Silja Aðalsteinsdóttir valdi saman í
bók.
Ljóðin eru mörg og misjöfn, mörg frábær,
sum óttalega væmin, önnur þrungin drama
og nostalgíu, nokkur fyndin og örfá, fer-
lega léleg.
En það eru ljóð einnar konu sem höfða
mest til mín, ljóð Ingibjargar Haralds-
dóttur. Hún á sjö ljóð í bókinni, hvert öðru
betra.
Þarna er „Breiðholt“ – ljóðið um út-
hverfakonuna, sem Ingibjörg ætlar ein-
hverri annarri en sjálfri sér, konan sem
gengur „…hokin um stofur“ og leitar
„…svara í spegilbónaðri ásýnd hlutanna“.
Póstnúmer mitt segir mér að ég sé slík en í
hjarta mínu er ég það ekki.
Þarna er „Frelsið“ – sem er dýrkeypt og
„…öryggiskenndin var sæl“, en það sem
ekki er sagt, segir meira en nokkur orð.
Og „Alein“ um konuna sem allt var horfið
en hún „…vissi að nú var hún loksins
frjáls“.
Ég öfunda um leið og ég dáist að snilld
Ingibjargar, hvernig hún getur með örfá-
um orðum og því ósagða, sagt meira en
nokkur annar.
Ég hef orðið mér úti um allar ljóðabækur
hennar og ætla að taka þær með mér inn í
sumarið.
Ása Richardsdóttir er framkvæmdastjóri
Íslenska dansflokksins.
Morgunblaðið/Brynjar Gauti
Ása „Ég öfunda um leið og ég dáist að snilld Ingibjargar, hvernig hún getur með ör-
fáum orðum og því ósagða, sagt meira en nokkur annar.“
Hlustarinn
Mér dettur strax í hugútgáfufyrirtækið
StonesThrow, sem er í sér-
stöku uppáhaldi hjá mér. Ég
tryggi mér nánast allt sem
viðkemur þeirri útgáfu, enda
eru þeir búnir að vera fram-
arlega í stefnumótun á und-
irgrundar-hipphoppi und-
anfarin tvö ár eða svo.
Meistarar eins og J Dilla og
Madlib hafa þá spilað stórt
hlutverk í velgengni þeirra.
Nú voru þeir t.a.m. að gang-
setja nýja undirútgáfu sem
heitir Now-Again Records
og verður gefin út plata þar
sem kemur bæði út sem 17
laga CD-diskur og sjö 7"
vínylplötur. Tónlistin á
henni er aðallega fönk sem
m.a. Cut Chemist, Madlib,
Todd Terry og Kenny Dope
eru búnir að eiga við auk
nokkurra rappara sem ljá
völdum lögum rímur, frábær
plata!
Ég hef annars mikið verið
að grafa upp undirgrundar-
hipphopp úr öllum áttum,
bæði hala ég því niður og
kaupi á netinu. Ég hlusta
líka alltaf eftir tónlist frá
hinum ýmsu löndum og gróf
m.a. upp tvær pólskar hipp-
hopp-plötur um daginn með
taktsmiðnum Eldo annars
vegar og hljómsveit að nafni
O.S.T.R hins vegar, báðar
mjög þéttar og með ferskan
hljóm. Svo er breska hipp-
hoppið á mikilli uppleið um
þessar mundir og það sama
má segja um kanadískt
hipphopp.
Þessa dagana hef ég mikið
verið að hlusta á nýju DJ
Jazzy Jeff-plötuna, einnig
nýju plötur Blu & Exile,
Black Milk, Talib Kweli,
Theory Hazit og Beastie Bo-
ys.
Ómar Ómar, TFA/Hiphop.is,
er annar stjórnandi
útvarpsþáttarins ORÐ á
Flass 104,5.
Morgunblaðið/Brynjar Gauti
Ómar Ómar „Ég hlusta líka alltaf eftir tónlist frá hinum ýmsu löndum
og gróf m.a. upp tvær pólskar hipphopp-plötur um daginn með takt-
smiðnum Eldo annars vegar og hljómsveit að nafni O.S.T.R hins vegar,
báðar mjög þéttar og með ferskan hljóm. “