Morgunblaðið - 30.03.2007, Qupperneq 9

MORGUNBLAÐIÐ FÖSTUDAGUR 30. MARS 2007 9
Með undraverðum hætti hefur tekist
að bjarga rekstri ítalska bílafram-
leiðandans Fiat. Fyrir þremur árum
blasti gjaldþrotið við, en nú er fyr-
irtækið rekið með haganði. Maður-
inn á bak við viðsnúninginn hafði
ekki komið nálægt bílaiðnaðinum
þegar hann settist við stjórnvölinn
hjá Fiat, en með afgerandi aðgerð-
um tókst honum að rétta fyrirtækið
við. Nú er stefnt að því að treysta
stöðu fyrirtækisins, annars vegar
með sparnaði í framleiðslunni og
hins vegar með vísan til fortíðar.
Sergio Marchionne varð forstjóri
Fiat fyrir tæpum þremur árum. Nú
er honum líkt við Carlos Ghosn, sem
sneri við rekstri Nissan, og Lee Ia-
cocca, sem gerði slíkt hið sama hjá
Chrysler. Marchionne er með kan-
adískan og ítalskan ríkisborgararétt.
Hann hafði setið í stjórn Fiat frá
2003 og fyrsti bíllinn hans var Fiat
124, sem faðir hans gaf honum þegar
hann varð sextán ára. Hann rak heil-
an hóp hátt launaðra millistjórn-
enda, sem gerðu það eitt að færa boð
á milli undir- og yfirmanna. um leið
lét hann reisa ný mötuneyti og nýja
hreinlætisaðstöðu fyrir starfsfólkið í
verksmiðjunum. Fyrir vikið hefur
hann áunnið sér hylli vinstri manna
og var til þess tekið þegar forustu-
maður á vinstri vængnum kallaði
hann „góða kapítalistann“.
Fiat Bravo og Fiat 500
Sala Fiat jókst í fyrra um 20%
miðað við árið á undan og var Fiat
Punto á bak við það. Nú er hinum
nýja Fiat Bravo ætlað að keppa við
bíla á borð við Volkswagen Golf.
Reynt hefur verið að spara sem mest
við framleiðslu bílsins.
Bravo var hannaður á einu og
hálfu ári, en venjulega eru þrjú ár
ætluð til að hanna nýjan bíl. Kostn-
aðurinn við að þróa bílinn hljóp á 350
milljónum evra, sem mun vera þriðj-
ungur þess fjár, sem bílaframleið-
endur verja að jafnaði til slíks und-
irbúnings.
Bent hefur verið á að Fiat hafi
stytt sér leið við hönnun bílsins og
ýmsir þættir séu eins og þeir voru í
Fiat Stilo og nýjar vélar verði ekki
teknar í notkun fyrr en líða taki á ár-
ið. Hjá Fiat vonast menn hins vegar
til þess að útlitið trekki frekar en
nýjungar, sem enginn taki eftir
nema atvinnumenn í reynsluakstri,
svo vitnað sé í umfjöllun í þýska
vikuritinu Der Spiegel í þessari viku.
Þar er bent á því til stuðnings að
endurvakinn Austin Mini hafi rok-
selst út á útlitið og neytendur hafi
látið sig úrelta og eyðslusama vél
einu gilda.
Þá er reynt að höfða til fortíðar
með því að endurvekja gamla Fiat-
merkið. Fortíðarvakningin endur-
speglast líka í að Fiat 500 kemur nú
aftur á göturnar. Síðan sakar ekki að
Fiat stendur einna best bílaframleið-
enda í Evrópu að vígi varðandi eitur-
efni í útblæstri
For/framtíð Nýr Fiat 500 er með svipuðu sniði og upprunalegi bíllinn, sem var hætt að fram-
leiða fyrir nokkrum áratugum, bæði lítill og lipur og hentugur í borgarakstri.
Reuters
Bravo Nýi Bravóinn frá Fiat var til sýnis á bílasýningunni í Genf í upphafi þessa mánaðar.
Bundnar eru vonir við að bíllinn verði lykillinn að áframhaldandi velgengni Fiat.
Undra-
verður við-
snúningur
Bílasala Fiat jókst
um 20% milli ára