Morgunblaðið - 30.03.2007, Blaðsíða 10
10 FÖSTUDAGUR 30. MARS 2007 MORGUNBLAÐIÐ
bílar
Spurt: Ég er á nýlegum Chevrolet
Silverado 2500 með 6 lítra dísilvél. Í
vatnsaganum undanfarið hefur vél-
arljósið kviknað og lýst mismunandi
lengi nokkrum sinnum. Er það al-
varlegt mál? Ég hef verið að spyrja
„sérfræðinga“ hvort ekki þurfi að
endurnýja kælivökvann á dísilvélinni
en mér hefur verið sagt að það þurfi
ekki sé hann upprunalegur. Er það
rétt? Svo vantar mig upplýsingar um
hvernig eigi að mæla vökvann á
sjálfskiptingunni en hún er með
kvarða. Það fylgdi engin handbók
með bílnum og því leita ég eftir þinni
aðstoð.
Svar: Af vélarljósinu þarftu ekki að
hafa áhyggjur svo lengi sem það
slokknar. Vélarljósið getur kviknað
vegna þess að hlutir í rafkerfi bílsins
blotna vegna gusugangs; vegna þess
að lítið eldsneyti er eftir á geym-
inum, vegna þess að sett er eldsneyti
á geyminn með vélina í gangi eða lok
áfyllingarinnar laust. Sé uppruna-
legur kælivökvi á vélinni (DEX-CO-
OL) á að endurnýja hann eftir 240
þús. km akstur eða eftir 5 ár og þá
með því að skola kerfið út. Rauður
Comma-kælivökvi hefur samsvar-
andi tæringarvörn (5 ár). Ég mæli
með því að endurnýja kælivökvann
oftar, t.d. á 4 ára fresti. Vökva á
sjálfskiptingu og utanáliggjandi síu
á að endurnýja eftir og með 80 þús-
und km millibili sé bíllinn ekki í
þungri notkun. Hafi bíllinn staðið
lengi og merki um leka á að mæla
vökvastöðuna áður en vélin er gang-
sett. Sé vökvastaðan neðan við neðri
merki „kalda bilsins“ á kvarðanum
þarf að bæta á hana (DEXRON VI)
þar til kvarðinn sýnir vökvastöðu á
„kalda bilinu“ áður en vélin er gang-
sett. Þá er bílnum ekið þar til vélin
hefur náð eðlilegum hita, en þá
hækkar vökvastaðan. Eftir að bíllinn
hefur staðið í um 1 mínútu með vél-
ina í lausagangi, skiptinguna í P og í
stöðubremsu, er stigið á bremsuna
og sett í D, N og R og svo aftur í P og
vökvastaðan mæld a.m.k. tvisvar
með vélina í lausagangi. Vökvastað-
an á að vera á miðju „heita bilinu“.
Nái hún því ekki skal bætt á hóflega
þar til hún er á miðju bilinu (til
glöggvunar jafngildir allt „heita bil-
ið“ einum lítra). Hálfum lítra of mik-
ið er jafn slæmt og hálfum lítra of lít-
ið.
Skrykkjóttur gangur
í Mazda 626
Spurt: Ég á Mazda 626 árgerð 1998,
2,0 135 hestöfl, sjálfskiptan. Þannig
er mál með vexti að hann virðist
ganga of hægan lausagang og á þá til
að drepa á sér, þó það sé reyndar
sjaldgæft, en gerist það þá fer hann
auðveldlega í gang aftur en gengur
mjög hægt og svolítið skrykkjóttan
lausagang. Ég finn ekki fyrir neinu í
akstri en þá gengur vélin eins og hún
á að gera nema að mér finnst hann
eyða örlítið meiru en hann gerði. Hef
ég kennt vetrinum um það en hins-
vegar hefur verið frekar hlýtt síð-
ustu daga. Eyðslan er enn um 8,7 l
/100 í blönduðum akstri í stað um
7,5–8 sem ég hef verið að ná í haust.
Ég keyri hann til og frá vinnu sem
eru 45 km hvor leið, þar af um 7 km í
innanbæjar en svo 90–100 km/h á
„cruise control“ með 3 farþega.
Svar: Þar sem vélarljósið lýsir
greinilega ekki stöðugt myndi mað-
ur kanna hvort einhver sogslanga
geti verið laus á vélinni eða leki – oft
fylgir því óeðlilegt soghljóð þegar
húddið er opnað. Væri þetta vegna
skynjara myndi vélarljósið hafa
kviknað. Sé sogleki ekki greinanleg-
ur skaltu byrja á að útiloka raka-
mettun í bensíninu með því að hella
slurki af ísóprópanóli út í fullan
geymi. Hverfi gangtruflunin ekki við
það mun bilanagreining (með kóða-
lestri) að öllum líkindum leiða í ljós
hver bilunin er – þótt hún kosti tals-
vert þá getur hún jafnframt sparað
talsverða peninga, óþarfa varahluta-
kaup og fyrirhöfn.
Vélarljós, kælivökvi
og sjálfskipting
Leó M. Jónsson vélatæknifræðingur
svarar fyrirspurnum á
leoemm@simnet.is
(Ath. Bréf geta verið stytt).
Eldri spurningar og svör eru birt á
www.leoemm.com.
Morgunblaðið/Halldór Kolbeins
Ljós í mælaborði „Í vatnsaganum undanfarið hefur vélarljósið kviknað og
lýst mismunandi lengi nokkrum sinnum. Er það alvarlegt mál?“ spyr eig-
andi Chevrolet Silverado 2500.
Chevrolet Suburban 6,5 TD,
árg. 1997, ek.280 þús. km, DÍSEL,
Verð 1650 þús. kr.
Toyota Avensis,
árg. 2006, ek. 21 þús. km, DÍSEL,
Verð 2990 þús. kr.
Honda CR-V,
árg. 2005, ek. 32 þús. km,
Verð 2690 þús. kr.
Suzuki Grand vitara 1,6,
árg. 2001, ek. 90 þús. km,
Verð 920 þús. kr.
Hummer H3 LUXURY OFF ROAD,
árg. 2006, ek. 5 þús. kr,
Verð 5520 þús. kr, áhv. 5400 þús. kr.
M.Benz M ML500,
árg. 2006, ek. 21 þús. km,
Verð 6490 þús. kr.
Volvo XC70 CROSS CONTRY AWD,
árg. 2006, ek.16 þús. km,
Verð 4840þús.kr.
Suzuki Grand Vitara,
árg. 2005, ek. 28 þús. km,
Verð 2000 þús. kr.
Porsche Cayenne S,
árg. 2004, ek. 64 þús. km,
Verð 5990 þús. kr.
Ford Explorer Limited,
árg. 2003, ek.91 þús. km,
Verð 2750 þús. kr, áhv.1000 þús. kr.
Funahöfða 1 • Opið virka daga kl. 10-19 og laugardaga kl. 12-17
SKOÐIÐ FLEIRI MYNDIR Á WWW.100BILAR.IS
Eftir Ingvar Örn Ingvarsson
ingvarorn@mbl.is
EINS dauði er annars brauð er oft
sagt og nú er spurning hvort þau
orð reynist sönn þegar fyrstu MG-
bílarnir sem framleiddir eru af
Nanjing Auto í Kína renna af færi-
bandinu. Fyrirtækið keypti nefni-
lega MG og Rover fyrir um tveimur
árum og hyggst hefja þetta fræga
breska bílamerki til frægðar á ný.
Nanjing Auto var stofnað fyrir 60
árum og er í ríkiseigu. Fyrirtækið
hefur fjárfest rausnarlega í nýrri
verksmiðju fyrir MG-merkið og vill
nú fá eitthvað fyrir sinn skerf.
Litlar móttökur
á Vesturlöndum
MG þekkja hinsvegar margir og
hefur merkið mátt muna betri tíma.
Fyrir um tæpum 50 árum, þegar
núverandi kínverski eigandi merk-
isins var að stíga sín fyrst spor í
viðskiptum, var MG einn stærsti
bílaframleiðandi Bretlands. Leiðin
hefur nánast legið stöðugt niðurá-
við síðan þá og síðasti nýi bíll fyr-
irtækisins var settur á markað árið
1998.
Áform kínverska framleiðandans
eru að setja MG á markað fyrst og
fremst í Kína, en einnig í Evrópu og
Bandaríkjunum. Líklega verða
móttökurnar frekar kaldar á Vest-
urlöndum þar sem aðeins er um að
ræða endurhannaða bíla frá síðustu
niðursveiflu MG þegar fyrirtækið
var enn í breskri eigu.
Þó er talið að Nanjing Auto eigi
góða möguleika á að selja MG-bíla í
Suður-Ameríku, Afríku og jafnvel
Suður-Evrópu.
Reuters
Fyrstu MG-bílarnir rúlla
af færibandinu í Kína
MG 7 Starfsmenn Nanjing Auto virða fyrir sér nýjan MG 7 á kynningarhátíð í héraðinu Nanjing í austur Kína.
Hraðferð Fyrir um tæpum 50 árum síðan, þegar núverandi kínverski eig-
andi merkisins var að stíga sín fyrst spor í viðskiptum, var MG einn stærsti
bílaframleiðandi Bretlands.