Morgunblaðið - 31.07.2007, Síða 6
6 ÞRIÐJUDAGUR 31. JÚLÍ 2007 MORGUNBLAÐIÐ
FRÉTTIR
Eftir Gunnhildi Finnsdóttur
gunnhildur@mbl.is
FÍKNIEFNAEFTIRLIT um versl-
unarmannahelgina og í aðdrag-
anda hennar hefur aldrei verið eins
umfangsmikið og nú í ár. Lög-
reglan stendur fyrir sérstöku átaki
í þessum efnum í samstarfi við toll-
gæsluna. 250 fíkniefnaleitir hafa
verið gerðar síðan 23. júlí en þar er
um að ræða leit í bílum, á fólki og í
húsum þar sem lögreglan hefur
grun um að fíkniefni sé að finna.
Fylgst verður vandlega með póst-
og farangurssendingum til vinsæl-
ustu viðkomustaða helgarinnar.
Sérstakt eftirlit er nú haft með
þeim sem grunaðir eru um að selja
eiturlyf svo að hægt sé að stöðva þá
fyrir helgina. „Menn hafa haldið
saman listum yfir virka brotamenn
og eftir þeim er unnið,“ segir Páll
Winkel aðstoðarríkislögreglustjóri.
40 fíkniefnamál hafa nú þegar kom-
ið upp í þessu átaki lögreglunnar.
Fylgjast með umferð
úr þyrlum
Eftirlitið um helgina verður lag-
að að því hvert straumur ferðafólks
liggur enda hefur skemmtanahald
um verslunarmannahelgar breyst
svo að ekki er eingöngu um stórar,
skipulagðar hátíðir að ræða lengur.
Lögreglan mun fylgjast með um-
ferð, m.a. úr þyrlum, til þess að
skipuleggja aðgerðir. „Við einfald-
lega förum þangað sem mesta þörf-
in verður,“ segir Páll.
Tíu lögreglumenn og tollverðir
og þrír fíkniefnahundar sinna
þessu eftirliti um helgina og skipa
þrjú teymi sem fara um þá staði þar
sem fjöldi fólks safnast saman.
„Þetta er hrein viðbót við þá sér-
stöku löggæslu sem er á hverri
útihátíð eða í þeim bæjum þar sem
samkomur verða,“ segir Páll.
Hundar í lykilhlutverki
Fíkniefnahundar leika lykilhlut-
verk í leit að fíkniefnum og munu
þrír þeirra taka þátt í átaki lögregl-
unnar þessa vikuna. Lögreglan
boðaði til blaðamannafundar á
tjaldstæðinu í Laugardal í gær þar
sem þeir Aron, Asi og Týri sýndu
færni sína í að þefa uppi fíkniefni.
Þeir áttu ekki í neinum vandræðum
með að finna fíkniefnasýni, hvort
sem þeim var komið fyrir inn-
anklæða á fólki eða falin í tjöldum.
Ekki var leitað í tjöldum ferða-
manna á tjaldstæðinu en lögreglan
veitti því þó athygli að sumir gest-
irnir voru snöggir að pakka niður
og láta sig hverfa þegar fjöldi ein-
kennisklæddra lögreglumanna með
hunda mætti á svæðið.
Guðni Markús Sigmundsson hjá
tollgæslunni segir lykilatriði að
velja hunda sem hafa hæfileika til
fíkniefnaleitar. „Við leitum að
hundum sem hafa ríkt veiðieðli, það
kemur sér vel í leitinni. “
Guðni segir hundana hafa nýst
vel hingað til. „Svo hefur þetta for-
varnagildi líka, að þeir séu sýni-
legir. Þetta samstarfsverkefni okk-
ar og lögreglunnar hefur skilað
mjög góðum árangri í gegnum tíð-
ina um verslunarmannahelgar.“
Umfangsmesta fíkniefna-
eftirlit til þessa um helgina
Morgunblaðið/Kristinn
Fundvís Týri átti ekki í neinum vandræðum með að finna fíkniefnasýni sem falin voru í tjaldi í Laugardalnum.
40 fíkniefnamál
þegar komin upp
Í HNOTSKURN
»Ýmsar tegundir hunda erunotaðar til fíkniefnaleitar
enda eru hæfileikar í þeim
efnum einstaklingsbundnir.
Verðandi fíkniefnahundar
byrja á því að undirgangast
skapgerðarmat hjá sérfræð-
ingum í London.
»Hundarnir eru þjálfaðireftir aðferðum hjá norsku
tollgæslunni. Þjálfari og hund-
ur þurfa síðan að standast
starfsleyfisúttekt einu sinni á
ári.
Eftir Andra Karl
andri@mbl.is
TÍMABUNDIÐ vinnslustopp verð-
ur í rækjuvinnslu Bakkavíkur í Bol-
ungarvík á meðan reynt verður að
útvega hráefni til vinnslu í a.m.k.
þrjá mánuði. Vinnslu fimm hundruð
tonna af rækju, sem keypt var til að
halda uppi starfsemi út mánuðinn,
lýkur í kvöld. Uppsagnarfrestur tólf
starfsmanna rennur út á sama tíma.
Þeir verða endurráðnir náist að út-
vega hráefni.
Agnar Ebenesersson, fram-
kvæmdastjóri Bakkavíkur, segir
ákvörðunina hafa verið tekna á
stjórnarfundi sl. laugardag og var
hún tilkynnt starfsfólki í gærmorg-
un. Hann segir fólk ekki verða end-
urráðið fyrr en ljóst sé orðið með
hráefniskaup. „Því um leið og við
ráðum það aftur, framlengist upp-
sagnarfresturinn og það er ómögu-
legt að gera það án hráefnis.“
Verið var að landa 400-450 tonnum
af rækju í Bolungarvík í gærdag en
Agnar segir það of lítið til að fara af
stað aftur. „Þess vegna ætlum við að
reyna að safna meira og það getur al-
veg eins verið komið innan tveggja
vikna. Af því að vel gekk að fá þenn-
an farm, þá er kannski fordæmi
sett.“ Hann kveðst vonast til að fyr-
irtækið nái að tryggja sér um 1.500
tonn og vonar að framleiðsla hefjist í
síðasta lagi mánaðamótin ágúst,
september.
Þrátt fyrir að af því verði er fram-
tíð fyrirtækisins óljós og segir Agnar
að málin verði skoðuð að nýju þegar
að því kemur.
Bakkavík sagði upp 48 starfs-
mönnum rækjuvinnslunnar í apríl sl.
vegna erfiðra rekstrarskilyrða á um-
liðnum árum og tregðu við að afla
hráefnis það sem af var ári – þar sem
rækjuafli hefur dregist saman hér á
landi sem og annars staðar. Fjórtán
starfsmenn munu starfa áfram hjá
fyrirtækinu eftir aðgerðirnar.
Útlitið svart í Bolungarvík
Lárus Benediktsson, formaður
Verkalýðs- og sjómannafélags Bol-
ungarvíkur, segir horfurnar í bæn-
um svartar. Þótt rækjuvinnsla hefj-
ist hugsanlega aftur tímabundið séu
aðstæður erfiðar og það verði ekki
fleiri en 30 manns sem muni starfa
hjá fyrirtækinu. Þegar mest var
voru um hundrað starfsmenn hjá
Bakkavík.
Vinnslustopp í rækju-
vinnslu Bakkavíkur
Uppsagnarfrestur tólf starfsmanna rennur út á sama tíma
Morgunblaðið/Þorkell
Rækjuvinnsla Miklir erfiðleikar hafa verið í greininnı́ að undanförnu.
Á VEF Þjóðskjalasafns má nú
finna skjal sem varpar ljósi á síð-
ustu hleranir kaldastríðstímabilsins.
Segir í því að hleranir 17 símanúm-
era hafi verið heimilaðar í kjölfar
þess að ábending barst frá verka-
manni um að von væri á fjölmörg-
um erlendum mótmælendum til
landsins, „æru- og eignalausum“.
Var þetta um vorið áður en NATO-
fundur var haldinn í Reykjavík í
júní 1968.
Verkamaðurinn skýrði yfirvöld-
um frá því að hann hefði heyrt á tal
nokkurra manna þar sem fram kom
vilji þeirra til að stúdentar gripu til
aðgerða en töldu þá þurfa liðsauka.
Sagði einn mannanna þá frá því að
til Íslands væru væntanlegir „50 út-
lægir Grikkir og fjöldi stúdenta úr
Evrópu og mundu þessir menn eiga
að hafa frumkvæði um mótmælin
og vinna skemmdarverk enda vanir
slíku“.
Fram kemur í skjalinu, að óeirð-
arseggirnir ætluðu að vinna hér
spellvirki, m.a. að kveikja í banda-
ríska sendiráðinu. Þá segir, að til
stæði að erlendir aðilar fjármögn-
uðu skemmdarverkastarfsemina.
„Æru- og
eignalaus-
ir“ skálkar
LÖGREGLUNNI á höfuðborg-
arsvæðinu var tilkynnt um tólf lík-
amsárásir um helgina. Fæstar voru
þær alvarlegar en í nokkrum til-
vikum þurfti fólk að leita sér að-
hlynningar á slysadeild.
Meðal þeirra var tvítugur piltur,
sem handleggsbrotnaði eftir átök á
Laugavegi, auk þess sem sagt var
frá því í Morgunblaðinu í gær að
hluti af eyra hefði verið bitinn af
konu. Þá fékk starfsmaður veit-
ingahúss að kenna á því þegar hann
reyndi að stöðva viðskiptavini sem
ætluðu að stinga af frá ógreiddum
reikningi. Var hann sleginn í andlit-
ið líkt og starfsmaður verslunar
sem reyndi að stöðva þjóf.
Tólf líkams-
árásir um
helgina
SKÁTAR um allan heim endurnýja
skátaheit sitt í fyrramálið í tilefni af
því að þá verða hundrað ár liðin frá
stofnun skátahreyfingarinnar.
Íslenskir skátar ætla að safnast
saman í Skátamiðstöðinni í
Hraunbæ og heita því í sameiningu
að gera skyldu sína við guð og ætt-
jörðina, hjálpa öðrum og halda
skátalögin. Þau lög eru tíu talsins og
kveða meðal annars á um að skátar
skuli vera glaðværir, tillitssamir,
hlýðnir og hjálpsamir.
Ný dögun í starfi skáta
Hátíðarhöldin á morgun bera tit-
ilinn Sólrisa skátastarfs. „Það er
verið að halda upp á að það er að
hefjast ný öld,“ segir Margrét Tóm-
asdóttir skátahöfðingi. Heitin verða
endurnýjuð klukkan átta að morgni í
hverju landi til þess að tákna nýja
dögun í starfi skáta. „Skátaheitið
breiðist þannig yfir jarðarkringluna
með öllum sínum boðskap,“ segir
Margrét. „Þetta eru þau gildi sem
Baden-Powell lagði upp með í byrj-
un fyrir 100 árum.“ Hún leggur
áherslu á að þótt talað sé um guð í
heitinu, þá sé skátahreyfingin ekki
bundin ákveðnum trúarbrögðum og
sé opin hverjum sem er, sama hvaða
merkingu menn kjósa að leggja í
guðshugtakið.
Um 430 íslenskir skátar eru nú
staddir í Eng-
landi þar sem al-
heimsmót fer
fram þessa dag-
ana í grennd við
bæinn Chelmes-
ford. Hún segir
því erfitt að spá
um hversu marg-
ir mæti á morg-
un, en allir séu
velkomnir. „Eldri
skátar eru náttúrulega mjög margir
og þeir sem hafa einhvern tímann
verið skátar.“
Mikill fjöldi fólks hefur tekið þátt í
starfi skátahreyfingarinnar á Íslandi
í gegnum tíðina. „Fyrir fimmtíu ár-
um voru skátar mjög stór hluti hvers
árgangs. Ætli það séu ekki um þrjú
til fimm prósent af árgangi núna.
Sumir stoppa í eitt ár, sumir stoppa
mjög lengi.“
Hátíðin á morgun hefst klukkan
hálf sjö með því að fylgst verður með
beinni útsendingu frá Englandi.
Þegar heitin hafa verið endurnýjuð
munu skátarnir meðal annars af-
henda íslenskum stjórnvöldum frið-
aráskorun og snæða saman morg-
unmat.
Margrét hvetur þá sem eiga ekki
heimangengt í fyrramálið til að end-
urnýja heit sitt þar sem þeir verða
staddir klukkan átta.
Skátar endur-
nýja heit sín
Margrét
Tómasdóttir
♦♦♦