Morgunblaðið - 31.07.2007, Qupperneq 21

gæludýr
MORGUNBLAÐIÐ ÞRIÐJUDAGUR 31. JÚLÍ 2007 21
Stormur er það sem kallastbelgískur shepherd. Hannlíkist þó nokkuð séferhund-um en þetta er þó sérstakt
hundakyn. Stormur var hress og
kátur hundur þar til dag einn fyrir
nokkru að eigendur hans tóku eftir
að hann var kominn með æxli á ann-
an framfótinn. Við læknisskoðun
kom í ljós að taka þurfti fótinn af til
þess að komast fyrir meinsemdina.
Gerviloppa sett á framfótinn
Eigendurnir ákváðu að gera til-
raun með að láta setja gervifót á
Storm þegar tækifærið bauðst.
Teinn úr títanblöndu var steyptur
inn í legginn og gengið frá vöðvum
og húð sem eiga að festast við hulsu
sem er utan um teininn. Neðan í
hann er komið fyrir íbognu kol-
trefjastykki sem líkist nokkuð
hundsloppu. Stormur er enn með
umbúðir á fætinum en er sagður
hlaupa um eins og ekkert sé. Að-
gerðin mun hafa kostað sem svarar
um 500 þúsund krónum á núverandi
gengi.
Meta þarf hvert tilfelli
Þeir sem fylgst hafa með dýra-
þáttunum á Animal Planet-stöðinni
hafa áreiðanlega séð dýralækna af-
lima bæði hunda og ketti sem hafa
orðið fyrir það alvarlegu slysi að
ekki hefur verið hægt að bjarga
þeim með öðrum hætti. Í þessum
þáttum er fóturinn tekinn allur af
og dýrið hleypur um þrífætt, eins og
ekkert hafi í skorist, þegar það hef-
ur náð sér eftir aðgerðina.
Helga Finnsdóttir dýralæknir
segir að það sé afar einstakt að slík-
ar aflimanir séu framkvæmdar hér.
– Er hundum og köttum þá frek-
ar lógað en að fótur sé tekinn af
þeim?
„Það þarf að vega og meta hvert
tilfelli fyrir sig,“ segir Helga. „Ef
um er að ræða ungt og hraust dýr
sem getur lifað og notið viðunandi
lífsgæða þrífætt, þá er hægt að hafa
það í huga. Sé um að ræða eldri dýr
og þung, t.d. dýr sem eru orðin það
fullorðin að þau eru komin með gigt,
finnst mér nauðsynlegt að hugleiða
alvarlega hvað er best fyrir dýrið,
enda er það einmitt það sem fyrst
og fremst þarf að hugsa um.“ Helga
bendir á að kettir séu í eðli sínu af-
skaplega léttir, svo auðveldara sé
fyrir þá að komast af á þremur fót-
um. Hún bætir við: „Alltaf verður
þó að hafa í huga lífsgæði dýrsins og
hvernig því mun vegna. Síðan er
líka ævinlega umhugsunarvert hvað
á að leggja á dýr.“
Þekkja ekki til Össurar
Í fréttunum í Bretlandi var mikið
rætt um aðgerðina á Stormi, sem
var sú fyrsta sinnar tegundar, og að
með henni hafi opnast möguleiki til
að hjálpa fólki sem orðið hefur fyrir
slysum sem og hermönnum sem
misst hafa útlimi, t.d. í Írak. Svo
virðist sem menn hafi ekki heyrt um
íslenska fyrirtækið Össur og gervi-
limina sem þar eru framleiddir, né
heldur hlauparann Oscar Pistorious
sem hleypur nú hraðar en nokkur
annar fótalaus maður á tveimur
gervifótum frá Össuri og berst
meira að segja fyrir því að fá að
keppa við ófatlaða á næstu Ólymp-
íuleikum.
Ekki sá fyrsti
Reyndar er Stormur heldur ekki
fyrsti hundurinn í heiminum til að fá
gervifót. Slíkar aðgerðir hafa verið
gerðar áður í Bandaríkjunum. Árið
2005 voru settir gervifætur í stað
beggja afturfóta siberian husky-
hunds á Alameda East-dýraspítal-
anum í Denver. Þættir frá þessum
spítala eru oft á Animal Planet-
stöðinni þar sem fólk fær að fylgjast
með því hvernig dýralæknarnir
bjarga lífi mikið meiddra og alvar-
lega veikra dýra. Husky-hundurinn
þurfti að fara í þrjár aðgerðir vegna
gervifótanna, nú síðast í desember
2006, og vegnar honum vel.
Einnig er eitthvað um að settir
séu gervifætur á hesta, þá helst
verðmæta hesta sem eru góðir til
undaneldis, og munu þeir Össurar-
menn hafa komið að slíkri aðgerð
fyrir nokkrum árum.
Aflimanir gæludýra sjaldgæfar hér
Tæknin bjargar Hér er Stormur kominn með gerviloppuna
og ekki annað að sjá en að hann láti sér fátt um finnast.
Með gervifót Ekki er vitað hvort gervifótur þessa hests sé frá Össuri, en
þeir Össurarmenn munu hafa komið að slíkri aðgerð fyrir nokkrum árum.
Umhyggja dýraeigenda
fyrir gæludýrum sínum
fer sívaxandi og menn
gera sitt besta til að
tryggja lífsgæði þeirra.
Fréttir hafa borist af
hundinum Stormi í Ox-
shott í Surrey í Englandi
sem fékk nýlega gervifót.
Fóturinn minnir nokkuð
á fætur hlauparans Osc-
ars Pistorious, sem Össur
framleiddi. Fríða Björns-
dóttir kannaði málið.
>
.
 / ,
"



, 
? #@
 
3$$ ,

##  #
  - -   .
 ! #A 
,#

 , - !@ )

$  - ! 
Hundur með gerfifót
búðina sem sögð var
hafa þennan tiltekna ís
á boðstólnum.
Í tilefni blíðunnar
var fullt út úr dyrum og
sátu fjölmargir utan-
dyra og átu ísinn sinn.
Aðrir steðjuðu burt í
bifreiðum sínum og
hámuðu í sig ís undir
stýri.
Eftir nokkra bið fékk
Víkverji ísinn og bragð-
aði hann spenntur.
Hann varð ekki fyrir
vonbrigðum. Bragðið
virtist í samræmi við
aðrar tegundir frá
þessari ísgerð en ísinn
var heldur þéttari í sér og mun
minna sætur en tíðkast hefur.
Víkverji undi glaður við sitt og
velti fyrir sér hvort hér væri ekki
um hagsmunamál íslensku þjóðar-
innar að ræða – að búa til ósætari ís
en hingað til hefur verið gert. Ef rétt
er að málum staðið þarf ís ekki að
vera óhollur. Þeim fjölgar stöðugt
sem greinast með sykursýki hér á
landi og vafalaust má rekja sum til-
fellin til þess að fólk hafi borðað „yfir
sig“ af ís um ævina. Víkverji hyggst
því í bráð leggja sitt af mörkum til
bættrar þjóðarheilsu og veðja á
þennan sykurlausa ís.
Um daginn freist-aðist Víkverji til
að fá sér ís eftir vinnu
einn sólskinsdaginn í
sumar. Víkverji hefur
haft mikinn áhuga á
rjómaís áratugum
saman og notar hvert
tækifæri erlendis til
þess að rannsaka ólík-
ar ístegundir. Hefur
hann jafnvel stofnað
heilsu sinni í hættu
með þessari iðju sinni.
Margra ára, ítarlegar
rannsóknir hafa leitt til
þeirrar niðurstöðu að
íslenskur ís beri af öðr-
um rjóma- eða
mjólkurís í þeim ríkjum sem Vík-
verji hefur farið til.
Undanfarin ár hefur bólað á nokk-
urri andstöðu neytenda við of mikilli
notkun sykurs í rjómaís. Ísframleið-
endur hér á landi hafa yfirleitt skellt
skollaeyrum við kvörtunum and-
stæðinga sykursins og fremur aukið
sykurmagnið. Þó hafa verið boðnir
til sölu nokkrir ísréttir sem eru syk-
urlausir.
Það kom því Víkverja á óvart að
frétta að önnur stærsta ísgerð lands-
ins væri farin að framleiða sykur-
lausan „vélarís“ og notaði þess í stað
önnur sætuefni. Því var steðjað í ís-
 

víkverji skrifar | vikverji@mbl.is
Auglýsing
um álagningu opinberra gjalda á menn
árið 2007
Í samræmi við 1. mgr. 98. gr. laga nr. 90/2003, um tekjuskatt, er hér með auglýst að
álagningu opinberra gjalda, þ.m.t. tryggingagjalds og ákvörðun vaxtabóta og barnabóta,
á árinu 2007 er lokið á menn, sem skattskyldir eru samkvæmt I. kafla framangreindra laga.
Álagning gjalda á lögaðila mun liggja fyrir síðar og verður auglýst sérstaklega.
Álagningarskrár með gjöldum manna verða lagðar fram í öllum skattumdæmum
þriðjudaginn 31. júlí 2007. Skrárnar liggja frammi til sýnis dagana 31. júlí til 14. ágúst
2007, að báðum dögum meðtöldum, á skattstofu hvers skattumdæmis, hjá umboðsmanni
skattstjóra eða á öðrum þeim stöðum í hverju sveitarfélagi sem sérstaklega hafa verið
auglýstir.
Álagningarseðlar, sem sýna álögð opinber gjöld 2007, þ.m.t. tryggingagjald, vaxtabætur og
barnabætur, hafa verið póstlagðir og/eða birtir á þjónustusíðu viðkomandi manns á vef
skattstjóra; skattur.is.
Kærur vegna allra álagðra opinberra gjalda á menn, sem tilkynnt hefur verið um
með álagningarseðli 2007, þurfa að hafa borist skattstjóra eigi síðar en
fimmtudaginn 30. ágúst 2007.
31. júlí 2007
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Guðrún Björg Bragadóttir.
Skattstjórinn í Norðurlandsumdæmi, vestra, Bogi Sigurbjörnsson.
Skattstjórinn í Norðurlandsumdæmi, eystra, Gunnar Karlsson.
Skattstjórinn í Austurlandsumdæmi, Karl S. Lauritzson.
Skattstjórinn í Suðurlandsumdæmi, Steinþór Haraldsson.
Skattstjórinn í Vestmannaeyjum, Ingi T. Björnsson.
Skattstjórinn í Reykjanesumdæmi, Sigmundur Stefánsson.