Morgunblaðið - 09.11.2007, Blaðsíða 7

MORGUNBLAÐIÐ FÖSTUDAGUR 9. NÓVEMBER 2007 7
bílar
 Leó M. Jónsson vélatæknifræð-
ingur svarar fyrirspurnum á leo-
emm@simnet.is (Ath. bréf geta
verið stytt). Eldri spurningar og
svör eru birt á www.leoemm.com.
Skrýtið hljóð
í Sprinter o.fl.
Spurt: Ég er með Benz Sprinter
2005, ekinn 28 þúsund km og það er
aukahljóð sem kemur í vélina eftir
að hún hefur gengið köld í u.þ.b. 10
sekúndur – eins konar skrölthljóð
sem stendur yfir í 15 til 20 sek-
úndur og hverfur svo. Ef drepið er
á og gangsett á ný gerist það sama.
Hægt er að endurtaka þetta, en
tími skrölthljóðsins styttist eftir því
sem vélin hitnar. Hvað gæti valdið
þessu hljóði?
Svar: Mér dettur einna helst í hug
svokallaður EGR–loki en hann er
virkur m.a. rétt á meðan gangsetn-
ing fer fram en þessi loki stjórnar
hringrás pústs sem veitt er aftur
inn í brunahólfin til að draga úr
nitoroxýðmyndun. Þessi EGR–loki
hefur verið til vandræða í mörgum
Benz Sprinter en í honum er gorm-
ur sem getur hringlað í og er þá yf-
irleitt stutt í einhverjar gangtrufl-
anir, sótbólstra við inngjöf o.þ.h.
En þetta er bara ágiskun – bil-
anagreining með lýsingu á hljóði er
ekki sú auðveldasta.
Borgar sig að
skipta um kol?
Spurt: Hvað er eðlilegt að langan
tíma taki að skipta um kol í start-
ara á Nissan Terrano II dísil?
Svar: Ég myndi búast við reikningi
fyrir 5 tíma hjá fagmanni. Þetta er
ekki flókið verk en geti maður ekki
unnið það sjálfur liggur við að borgi
sig frekar að kaupa nýjan startara
hjá N1, Rafstillingu ehf. eða Bíla-
rafi og láta setja hann í á verk-
stæði.
Tölvubilun þarf ekki
að vera rándýr
Spurt: Ég er með Hyundai Elantra
með ónýtri sjálfskiptitölvu. Önnur
samsvarandi tölva er ekki til á land-
inu nema hjá umboði á tæpar 100
þúsund krónur. Get ég notað tölvu
úr öðrum bíl ef ég skipti um allar
tölvur bílsins þannig að þær sam-
svari hver annarri? Hvaða fyrirtæki
er það sem sendir tölvur út til
Bretlands í viðgerð og veistu hvort
hægt er að gera við Kefico tölvu?
Svar: Þá á að vera hægt að gera við
allar þessar tölvur. Þótt verkstæði
dæmi sjálfskiptingartölvu ónýta
getur það verið vegna þess að þeir
átta sig ekki á bilun í sjálfskipting-
unni sjálfri. Vatnskassa/vara-
hlutalagerinn á Smiðjuvegi 4 í
Kópavogi (sama hús og N1–búðin)
hefur sent tölvur af öllum gerðum
út til Bretlands til greiningar og
viðgerðar. Þeir hafa líka útvegað
endurbyggðar tölvur fyrir hagstætt
verð. Ráðlegg þér að byrja á að tala
við þá.
Sítengt aldrif = eyðsla
Spurt: Ég er að velta fyrir mér
kaupum á nýjum eða nýlegum bíl
og hef skoðað og prófað Subaru B9
Tribeca, Benz ML 350 og Lexus
RX og líst vel á þá alla. Tel mig
vita ýmislegt varðandi Benz og
Lexus – en þekki ekkert þennan
Subaru B9. Hvað getur þú sagt
mér um hann?
Svar: Subaru B9 Tribeca er með 6
sílindra boxaravél og sítengt aldrif.
Bíllinn er sérstaklega hannaður til
að Subaru geti boðið svona lúxus-
jeppling á bandaríska markaðnum.
Hann þykir of eyðslufrekur til að
eiga einhverja teljandi möguleika á
evrópska markaðnum. Lexus RX
350 er ódýrari jepplingur, örlítið
sparneytnari en er samt eyðslu-
frekur bíll. Benz ML 350 hefur enn
sem komið er verið ávísun á vand-
ræði og pirrandi bilanir. Bendi á að
Hyundai–jepplingurinn Santa Fe,
með 4ra sílindra dísilvél, er mun
sparneytnari, svipaður að stærð og
með lága bilanatíðni.
Spurt og
svarað
Morgunblaðið/Árni Sæberg
Tribeca Subaru Tribeca var sérstaklega hannaður til að Subaru geti boðið lúxusjeppling í Bandaríkjunum.
Fáðu
úrslitin send
í símann þinn