Morgunblaðið - 09.11.2007, Blaðsíða 10

10 FÖSTUDAGUR 9. NÓVEMBER 2007 MORGUNBLAÐIÐ
Bílasmáauglýsingar 569 1100
MAZDA 6 SDN 02 / 06,
ekinn 29.000 km, sjálfskiptur, leður, xnon. Verð 2.350.000,-
Ræsir hf., sími 540 5445.
K I A ÁRG. '05 EK. 69 ÞÚS. KM.
Kia Sorento 2,4, bensín, beinskiptur, 2005,
ek. 69 þ. km, grásans. 4x4, ásett 2.090.000,
tilboðsverð 1.790.000. Uppl. í s. 895 5577.
TILBOÐ - AÐEINS UM HELGINA
Til sölu silfurgrár Avensis á aðeins 450.000
kr. staðgreitt. Bíllinn er í mjög góðu
ástandi. Vetrardekk fylgja. Upplýsingar í
síma 554 3554.
SPRINTER 316 MANTRA 4X4 DÍSEL
Árg. 10/2006, ek. 16 þús., sjálfsk., hátt og
lágt drif, olíumiðstöð, 2 rafgeimar, ABS,
rennihurðir á báðum hliðum, innfl. nýr af
Ræsir. Uppl. í síma 892 8380.
NÝR MAZDA TRIBUTE 4X4,
2,3 eða 3,0 V6, leður, sóllúga og fleira. Verð frá 4.090.000 kr.
Ræsir hf 540 5445
Jeppar
Volvo XC90 D5 DIESEL XC90 DIESEL.
07/2005. 59.500km. Umboðsbíll, þjónustu-
bók, silfurgrár, ljóst leður, skyggðar rúður,
CD, dráttarbeisli, A/C, cruise control,
7 sæta, reyklaus bíll. Ný Michelin dekk.
Í ábyrgð hjá Brimborg til 07.2008.
Verð 4.880.000 kr. S.895 9505.
JEEP COMPASS 07
ekinn 10 þús m,173 hestöfl, eyðsla 8,4 -9,9.
Verð 3,3. Skipti mögul. S. 862 0288.
Sendibílar
NISSAN PRIMASTAR 07/2004,
ekinn 63 þús. km, rafdrifnar rúður, sam-
læsingar. Mjög gott eintak. Verð 1.890.000.
Uppl. í s. 8671004, einnig atbilar.is
Mótorhjól
ROADLINER 1900 OG HONDA ST 1300
Roadliner XV1900 hippi, 2006, ek. 1000 km
(1350 þús.), og Honda ST1300 Pan Euro-
pean 2007, ókeyrt (1490 þús.). Nánari uppl.
Margeir, sími 840 4144.
Ýmislegt
CLUB CAR PRECEDENT GOLFBÍLAR
Tveir rafmagnsgolfbílar, Club Car Prece-
dent í góðu ástandi, 380 þús.stk. Nýr kost-
ar 590 þús. Nánari uppl. Margeir, 840 4144.
Bílavarahlutir
AMERÍKA - VARAHLUTIR
Útvega varahluti frá Ameríku.
Kaupi - sendi. Uppl. á netfangi:
solvadottir@earthlink.net
Smáauglýsingar • augl@mbl.is
Eftir Ingvar Örn Ingvarsson
ingvarorn@mbl.is
Gengi dollars hefur verið sveiflukennt að und-
anförnu en stefnan hefur þó verið augljós
veiking á móti krónunni og hefur ástandið ýtt
undir innflutning frá Bandaríkjunum þar sem
margir hafa hugsað sér að nú sé tækifæri til
að eignast draumabílinn
Grípa gæsina?
Til landsins hafa verið fluttir bílar eins og
Chevrolet Corvette og Dodge Viper sem hafa
verið táknmynd þess besta sem Bandaríkin
geta boðið í sportbílum þessa dagana.
Í vikunni fór dollarinn niður í tæpar 59
krónur gagnvart krónu og er lækkunin veru-
leg þar sem dollarinn var í rúmlega 72 krón-
um í janúar. Þetta þýðir í raun að bíll sem
kostar 60 þúsund dollara hefði kostað um það
bil 7,5 milljónir á götuna í janúar en myndi
kosta í dag um 6,7 milljónir.
Bílarnir sem fólk sækist einna helst eftir
eru þeir sem eru hvað hagstæðastir í Banda-
ríkjunum, sérstaklega bandarískir bílar en
einnig þýskir eðalbílar og sportbílar. Hús-
bílum hefur verið gefinn minni gaumur en þó
eru tækifærin til staðar þar líka.
Vinsælustu bílarnir hafa þó í gegnum tíðina
verið jeppar og pallbílar en af þeim er nóg til í
Bandaríkjunum, sérstaklega á undanförnum
árum í ljósi þess að Bandaríkjamenn virðast
hægt og rólega vera að snúa bakinu við ofur-
stórum pallbílum og jeppum.
Nokkur dæmi
Sem dæmi um freistandi bílakaup á vestur-
ströndinni mætti líta á nokkra bíla sem hafa
fengið ómælda athygli í bílapressunni af hin-
um ýmsu ástæðum – en þó ekki alltaf af já-
kvæðum ástæðum.
Heitasti sportbíllinn sem Bandaríkin bjóða í
dag virðist vera Corvette Z06 en hann hefur
fallið vel í kramið hjá evrópskum bíla-
blaðamönnum sem yfirleitt eru annars dug-
legir að gera grín að amerískum bílum sem
þeir segja iðulega að séu ekki hannaðir fyrir
hið hlykkjótta evrópska vegakerfi. Síðasta
kynslóð Z06 kostar frá 70 þúsund dollurum
nýr og því er hægt að fá þennan draumabíl,
glænýjan, til landsins á um 8 milljónir króna
sem verður að teljast nokkuð vel sloppið fyrir
505 hestafla ofurbíl. Einnig má finna notuð
eintök fyrir um 20 þúsund dollurum minna og
þá eru ótaldar eldri kynslóðir Corvette sem
eru mun ódýrari.
Fyrsta kynslóð Dodge Viper var fyrsti bíll-
inn sem virkilega þótti teljast til ofurbíla enda
engin smá pakki sem var í boði þar, 10
strokka, 8 lítra, 400 hestafla villidýr sem var
að margra mati álíka hættulegt og hungraður
tígur á miðbæjarrölti. Þessir bílar kostuðu há-
ar fjárhæðir fyrstu árin en með tilkomu nýrra
og endurbættra kynslóða hefur verðið á
fyrstu kynslóðinni R/T 10 farið lækkandi. Góð
eintök fást fyrir um 35 þúsund dollara í dag
en það þýðir rúmar fjórar milljónir kominn á
götuna á Íslandi sem er litlu meira en margur
aukabíllinn kostar í dag.
Vinsælir pallbílar eins og Chevrolet Silve-
rado 1500LT1 Z71 og Ford F150 fást fyrir 27
þúsund dollara annars vegar og 33 þúsund
dollara hins vegar fyrir nýja og óekna bíla en
F150 myndi miðað við núverandi gengi doll-
ara kosta rétt rúmlega þrjár milljónir kominn
á götuna – lágt kílóverðið þar.
Sumir kynnu að sjá næsta sumar í hill-
ingum; ferðalag um landið á rúmgóðum
bandarískum húsbíl. Tækifærið væri í það
minnsta núna þar sem fáir liggja í ferðalögum
vestanhafs þessa dagana, í það minnsta ekki á
húsbílum og því geta kunnugir gert reyfara-
kaup.
Gott að hafa vaðið fyrir neðan sig
Það eru þó ýmsar hættur sem ber að varast
þegar bíll er fluttur inn á eigin vegum. Það
þarf að skoða vel hvort bíllinn sé tjóna- eða
flóðabíll og jafnframt getur flutningskostn-
aður verið verulegur ef langt er í næsta skip
til Íslands. Þá eru ótalin þau atriði sem lúta að
bílunum og ábyrgð en kaupandi ber í lang-
flestum tilfellum alla áhættu af því ef varan
reynist ekki samkvæmt lýsingu. Fjölmargir
aðilar hérlendis hafa þó sérhæft sig í innflutn-
ingi t.d. á notuðum bílum og ættu kaupendur
draumabílsins að athuga hvort ekki sé þess
virði að draga úr áhættunni með því að fá
vana menn til að flytja bílinn inn gegn þóknun
og það frá virtum fyrirtækjum vestanhafs.
Tækifæri til að eignast draumabílinn?
Stór Ford F150 er mest seldi pallbíllinn og líklegast mest seldi bíll í heimi ef allar útgáfur bíls-
ins eru taldar með. Gengi dollarsins gerir pallbíla sérlega hagstæða í dag.
Góður Corvette Z06 hefur heillað bílablaðamenn í Evrópu og þykir bæði skarta fáguðum akst-
urseiginleikum sem og óheftu afli en bíllinn er 505 hestöfl.