Morgunblaðið - 19.11.2007, Blaðsíða 1

mánudagur 19. 11. 2007
íþróttir mbl.isíþróttir
LeBron James er leikgreindur á Selfossi >> 2 og 3
METAREGN
12 ÍSLANDSMET OG 23 UNGLINGAMET VORU SETT
Á ÍSLANDSMEISTARAMÓTINU Í SUNDI Í 25 M LAUG >> 8
„Ég er bara mjög ánægður með
þetta. Það er mikilvægt að komast
áfram eftir að keppendum er fækkað
og ákveðinn léttir. Þetta þýðir nefni-
lega að maður er kominn með fullan
keppnisrétt á Áskorendamótaröðina
og rétt til að keppa á minni mótunum
á Evrópumótaröðinni. Eins tryggir
þetta manni að fara inn á annað stig
úrtökumótanna næsta ár ef illa
gengur á mótaröðinni,“ sagði Birgir
Leifur í samtali við Morgunblaðið.
„Það þýðir ekkert annað en vera
mjög sáttur með þennan árangur og
þetta er ákveðinn léttir. Þetta gekk
furðulega vel í dag en mér leist satt
best að segja ekkert á þetta þegar ég
kom á æfingasvæðið í morgun. Ég
var stífur í hálsinum og á æfinga-
svæðinu gekk ekkert upp hjá mér,
ég sló illa og leist bara ekkert á
þetta. En ég er mjög sáttur með dag-
inn. Ég var virkilega einbeittur við
að koma boltanum frá A til B og síð-
an til C,“ sagði Birgir Leifur.
Stöðugt og gott golf
Birgir Leifur lék gamla völlinn í
gær og byrjaði á fyrstu holu. Fyrri
níu holurnar lék hann allar á pari
nema þá fimmtu, sem er 481 metri,
pari 5. Þar fékk hann fugl og var því
á einu höggi undir pari eftir fyrri níu.
Síðari níu holurnar voru einnig
fínar hjá honum í gær. Byrjaði á pari
og síðan kom fugl. Þá komu fjögur
pör í röð. Eini skolli hringsins kom á
16. holu sem er 189 metra par 3 hola.
Hann hitti ekki flötina, vippaði síðan
inn á og tvípúttaði. En Birgir Leifur
lét þetta ekki slá sig út af laginu
heldur fékk fugl á næstu holu og lauk
síðan leik á pari. Einn undir á síðari
níu líka og samtals á tveimur högg-
um undir pari í gær.
Á laugardaginn lék hann á nýja
vellinum og lauk leik á 73 höggum,
einu höggi yfir pari. „Það var tölu-
verður vindur sem setti strik í reikn-
inginn hjá mörgum. Mér fannst ég
ekki hitta nægilega margar flatir, en
þær eru harðari á nýja vellinum,“
sagði Birgir Leifur.
Hann náði ákveðnum áfanga í gær
með því að komast áfram, en ætlar
hann að breyta eitthvað til úti á vell-
inum?
„Ég á von á því að halda mig við
svipað leikplan næstu tvo hringina.
Maður reynir auðvitað að sækja þeg-
ar færi gefast og það þarf að vera dá-
lítið ákveðinn á par 5 holunum og ná
sér í fugla þar. Ég hefði alveg þegið
nokkra fugla í viðbót í dag enda var
ég oft í þannig færi. En ég á það bara
inni fyrir næstu tvo hringi,“ sagði
Birgir Leifur, sem hefur leik klukk-
an 9.50 á gamla vellinum í dag.
Nokkrir frægir féllu úr leik
Það eru nokkrir þekktir kappar
sem eru úr leik á úrtökumótinu fyrir
Evrópumótaröðina í ár og helst ber
þar að nefna Andrew Coltard frá
Skotlandi sem var í Ryder-liði Evr-
ópu árið 1999. Hann lék á níu högg-
um yfir pari. Andrew Oldcorn frá
Skotlandi, sem lék á sjö höggum yfir
pari, er einnig úr leik líkt og Joakim
Haeggman frá Svíþjóð sem lék á
þremur höggum yfir pari.
Coltart var í sjötta sæti peninga-
lista Evrópumótaraðarinnar árið
1996 og árið 1999 var hann í níunda
sæti peningalistans. Oldcorn sigraði
á lokamóti mótaraðarinnar, Volvo-
meistaramótinu árið 2001.
Birgir Leifur Hafþórsson lék fjóra fyrstu hringina á fjórum höggum undir pari og er kominn áfram
Ákveðinn léttir en ég ætla
að halda mínu striki
BIRGIR Leifur Hafþórsson, at-
vinnukylfingur úr GKG, tryggði sér
í gær áframhaldandi keppnisrétt á
síðustu tveimur hringjunum á loka-
úrtökumótinu fyrir Evrópumóta-
röðina. Hann lék gamla völlinn á
San Roque-svæðinu á Spáni á 70
höggum, tveimur höggum undir
pari og er samtals á fjórum högg-
um undir pari eftir fjóra daga.
Birgir Leifur komst örugglega
áfram, varð í 19.-24. sæti og setur
markið á að verða meðal þrjátíu
efstu og öðlast þar með fullan
keppnisrétt á Evrópumótaröðinni.
Reuters
Góður Birgir Leifur Hafþórsson hefur staðið sig vel á Spáni.
Eftir Skúla Unnar Sveinsson
skuli@mbl.is
NÝLIÐAR Fjölnis í efstu deild karla í knattspyrnu leika sinn fyrsta
leik í Laugardalnum er þeir mæta Þrótti R. þar í fyrstu umferð Lands-
bankadeildarinnar í maí. Aðrir leikir í fyrstu umferð eru Fylkir –
Fram, HK – FH, ÍA – Breiðablik, KR – Grindavík og Keflavík – Valur.
Fjölnir leikur sinn fyrsta heimaleik gegn KR í 2. umferð, en þá mætast
einnig Breiðablik og Þróttur R., FH og ÍA, Fram og HK, Keflavík og
Fylkir, og Valur og Grindavík.
Leikirnir í lokaumferðinni verða: Þróttur R. – Grindavík, ÍA – Fjöln-
ir, HK – Breiðablik, Fylkir – FH, Keflavík – Fram og Valur – KR.
Í Landsbankadeild kvenna mætast þessi lið í 1. umferðinni: Valur –
Þór/KA, HK/Víkingur – Stjarnan, Fjölnir – Fylkir, Afturelding –
Breiðablik og Keflavík – KR. Í lokaumferðinni leika KA/Þór – Kefla-
vík, Valur – Stjarnan, HK/Víkingur – Fylkir, Fjölnir – Breiðablik og
Afturelding – KR.
Í 1. deild karla mætast í fyrstu umferð KA og Fjarðarbyggð, Haukar
og Víkingur Ól., Njarðvík og Stjarnan, KS/Leiftur og Þór, ÍBV og
Leiknir R., og Víkingur R. og Selfoss.
Í 2. deild karla mætast fyrst ÍR og Grótta, Hamar og Reynir S., Víðir
og Höttur, ÍH og Afturelding, Magni og Tindastóll, og Hvöt og Völ-
sungur.
Nýliðar Fjölnis leika
fyrst gegn Þrótti R.