Morgunblaðið - 25.11.2007, Blaðsíða 20

20 B SUNNUDAGUR 25. NÓVEMBER 2007 MORGUNBLAÐIÐ
Flúðaskóli
Verkmenntakennara vantar í Flúðaskóla, um er
að ræða kennslu í smíðum og nýsköpun í 1. - 7.
bekk, sem er 50% starf, en til greina kemur
hærra starfshlutfall. Viðkomandi þarf að geta
hafið störf sem fyrst.
Flúðaskóli er einsetinn dreifbýlisskóli með
rúmlega 190 nemendur í 1. - 10. bekk, þar er
kröftugt, jákvætt og metnaðarfullt skólastarf.
Skólinn er staðsettur í frábæru umhverfi í
nánum tengslum við náttúruna og samfélagið.
Nánari upplýsingar gefur Guðrún Pétursdóttir
skólastjóri í síma 480 6611 / 847 1359, netfang
gudrunp@fludaskoli.is, eða Jóhanna Lilja Arn-
ardóttir aðstoðarskólastjóri í síma 4806612,
netfang johannalilja@fludaskoli.is
Sölumenn
óskast til starfa
Óskum eftir að ráða til starfa öfluga, trausta og
heiðarlega sölumenn til starfa á fasteignasölu
Neseigna að Sólvallagötu 84 í Reykjavík. Um er
að ræða framsækna og góða fasteignasölu
með góða og spennandi verkefnastöðu fram-
undan. Við bjóðum upp á góða starfsaðstöðu
og fínan félagsskap.
Allar upplýsingar gefur Kristinn R Kjartansson í
símum 535-0200 og 820-0762
kristinn@neseignir.is.
Kaffibarinn, Bergsstaðastræti 1, auglýsir eftir
yfirdyraverði og dyravörðum. Tökum einnig við
umsóknum fyrir starfsfólk í sal og barþjóna,
kvöld-, dag- og helgarvaktir. Reynsla æskileg.
Upplýsingar og umsóknareyðublöð á staðnum.
Einnig er hægt að senda umsóknir á
Kaffibarinn@gmail.com.
BÓKAFLÓÐIÐ fyrir jól er flestum til mikillar gleði og tilhlökk-
unar en hvað svo um hina sem sjá um að allar bækurnar komist í
réttar hendur á aðventunni? Inga Rún Sigrúnardóttir, aðstoð-
arverslunarstjóri Máls og menningar á Laugaveginum, segir
jólavertíðina vera skemmtilegasta tíma ársins, þó að hún sé líka
annasamasti tími ársins.
Þorláksmessa er hápunkturinn
Einhvers staðar á milli 100 og 200 nýir íslenskir titlar hafa
komið út fyrir jólin í ár. Þetta eru skáldsögur, ljóðabækur, fræði-
rit, ævisögur og barnabækur.
„Það hefur verið sérstaklega mikil gróska í barnbókunum og
mér finnst mjög jákvætt að lesefni fyrir þá yngstu sé að eflast og
aukast. Annars er staðan þannig í nóvember og desember að
venjulegur vinnutími er hreinlega lagður til hliðar, alla vega fyrir
mig. Ég sef næstum í bókabúðinni en það er ótrúlega skemmti-
legt og spennandi. Það er eitthvað við bókabúðir sem aðrar búðir
hafa ekki. Fólk kemur hingað af fúsum og frjálsum vilja, fer frá
borði til borðs og hillu til hillu, skoðar og kíkir og nýtur þessa
ótrúlega heims sem bækurnar eru. Fólk kemur hingað til þess að
kaupa eitthvað sem það langar í enda Íslendingar meiri bóka-
ormar en flestar aðrar þjóðir,“ segir Inga Rún.
Þorláksmessa er toppurinn á tilverunni. Annasamasti dagur
ársins en jafnframt sá skemmtilegasti að mati hennar.
„Þorláksmessa er frábær. Allan liðlangan daginn kemur fólk á
öllum aldri, skoðar bækur, ræðir sín á milli um gildi bóka og við
okkur sem erum að vinna hérna. Þetta er einhvern veginn svo
jólalegt, allir eru í góðu skapi og það skiptir miklu máli fyrir okk-
ur sem vinnum við þetta. Reyndar kemur fyrir að við þurfum að
hlaupa út í bæ til að ná í það sem beðið er um en einhvern veginn
er það allt í lagi og við gerum það með glöðu geði. Allir þurfa að fá
bók um jólin,“ segir Inga Rún.
Uppákomur og vinna
Uppi á annarri hæð í Máli og menningu er Kaffi Súfistinn sem
iðulega er vettvangur alls konar uppákoma, ljóðalesturs, flutn-
ings tónlistar og annarrar iðju sem tengist heimi bókanna.
„Við erum í samstarfi við Súfistann og þar fer fram alls konar
menningarstarfsemi sem okkur þykir bæði vænt um og hagur að.
Það dregur fólk að búðinni og auk þess fá viðskiptavinir okkar
eitthvað óvænt fyrir snúð sinn þegar þeir koma hingað. Það er
svo séríslenskt að vera með kaffistofu, „lestrarsal“ og skemmti-
atriði í venjulegri bókabúð að erlendir ferðamenn eru oft dol-
fallnir af undrun þegar þeir verða vitni að þessu,“ segir Inga Rún.
Sjálft jólabókaflóðið og allt sem með því fylgir er samt vinna og
aftur vinna. Það er mikið að gera en verkefnin og dagarnir eru
skemmtilegir að sög Ingu Rúnar.
„Það gefur auga leið að þegar svo margar nýjar bækur koma á
markaðinn og svo margt fólk kemur til að skoða og kaupa bækur
eykst vinnuálagið margfalt. En við erum búin undir þetta, vitum
að það er að koma, og okkur finnst bara gaman að því þegar álag-
ið vex. Jólabókaflóðið er eins konar hápunktur hverrar bóka-
verslunar og við gerum okkar besta til að viðskiptavinirnir fari
héðan ánægðir.“
Forlögin eru frábær
Á hinum endanum eru rithöfundar og forlög sem láta prenta
og gefa út jólabækurnar og þeim er annt um að bókabúðirnar
sinni starfsemi sinni vel sem milliliður milli framleiðanda og
kaupanda.
„Rithöfundarnir koma reglulega og lesa upp úr verkum sínum
og svo eru starfsmennirnir boðnir á bókakynningar þar sem for-
lögin segja frá nýjum bókum. Forlögin halda vel utan um okkur
starfsfólk bókabúðanna og segja má að vinna og skemmtun skipt-
ist á á þessu tímabili. Við þurfum auðvitað að vita hvað við erum
að selja þó að enginn geti lesið allar bækur sem koma út, það er
einfaldlega hluti af starfinu að geta ráðlagt og leiðbeint kúnn-
anum í þessum efnum,“ segir Inga Rún.
Hún er ekki menntaður bókmenntafræðingur en eftir þriggja
ára starf í bókabúð skellti hún sér í íslenskunám í háskóla, enda
hefur hún verið bókaormur alla ævi, eins og hún segir sjálf.
„Bestu bækurnar að mínu mati eru Himnaríki og helvíti eftir
Jón Kalman og Hnífur Abrahams eftir Óttar M. Norðfjörð. Fyrir
þá sem lesa lítið get ég bent á annað bindi ævisögu Hannesar
Hólmsteins eftir sama höfund, létt að lesa og fyndin. En allir
ættu að geta fundið eitthvað við sitt hæfi, fólk hefur svo mis-
jafnan smekk þegar að bókum kemur. En það er bara að koma
niður í Mál og menningu og kíkja í hillur og á borð, hér er allt sem
hugurinn girnist,“ segir Inga Rún.
Morgunblaðið/Golli
Jólaskap Ingu Rún Sigrúnardóttur finnst gaman að vinna í
Mál og Menningu - sérstaklega í jólaösinni.
Drukknar ekki
í bókaflóðinu