Morgunblaðið - 29.06.2008, Page 4

4 SUNNUDAGUR 29. JÚNÍ 2008 MORGUNBLAÐIÐ
FRÉTTIR
FRÉTTASKÝRING
Eftir Önund Pál Ragnarsson
onundur@mbl.is
SAMEINING Kennaraháskóla Ís-
lands og Háskóla Íslands undir
nýju menntavísindasviði HÍ geng-
ur formlega í gegn á þriðjudag.
Undirbúningur hefur staðið yfir af
fullum krafti síðan í lok mars á
síðasta ári, þegar Alþingi sam-
þykkti lög um sameininguna, en
aðdragandinn er lengri.
Frumkvæðið að sameiningu
kom upphaflega frá Ólafi Proppé,
rektor KHÍ, árið 2001 og strax ár-
ið eftir var sameining lögð til í
skýrslu sem skólarnir létu vinna. Í
kjölfarið lét menntamálaráðuneyti
kanna fýsileika sameiningarinnar
og lagði niðurstöður þeirrar könn-
unar fram með frumvarpi um
sameiningu árið 2006.
Kristín Ingólfsdóttir, rektor HÍ,
segir sameininguna hafa gengið
vel. Yfirhöfuð séu starfsmenn
mjög jákvæðir gagnvart henni,
rétt eins og skipulagsbreyting-
unum sem eiga sér stað innan há-
skólans. „Þetta er mjög stór stofn-
un. Kannski er óhjákvæmilegt að
einhverjir séu bangnir við breyt-
ingar, en við höfum náð góðum
sáttum í skólunum báðum og fólk
hefur séð vaxandi tækifæri með
sameiningu. Það er góður sókn-
arhugur í okkur,“ segir Kristín.
Margar hugmyndir hafi sprottið
upp með nýjum kynnum. Íþrótta-
fræði, sem kennd er í KHÍ á
Laugarvatni, þykir t.a.m. eiga
samstarfsfleti við næringarfræði,
sjúkraþjálfun, hjúkrunarfræði og
lýðheilsuvísindi sem verið hafa í
boði hjá Háskóla Íslands.
Nemendur finna fyrir
félagslegum breytingum
Það eru helst slík atriði sem
nemendur menntavísindasviðs
munu finna fyrir strax á næstu
önn, að sögn Kristínar. Aukið
framboð á valnámskeiðum í öðr-
um deildum og meiri möguleikar
til að dýpka sérhæfingu sína í
kennaranáminu, auk breytinga í
félagslegu umhverfi þeirra.
Hinn eiginlegi flutningur KHÍ
inn á skólalóð HÍ verður enda
ekki alveg á næstunni, en er
ráðgerður innan fimm ára.
Háskólinn á nokkrar deiliskipu-
lagðar lóðir vestan Suðurgötu og
er sú líklegasta til að verða fyrir
valinu fyrir menntavísindasvið á
horni Hjarðarhaga og Suðurgötu.
Þeir sem verið hafa í KHÍ síð-
ustu vetur verða því strax sýni-
legri við Suðurgötuna þegar þeir
ferðast þangað í valáfanga og til
að sækja þjónustu. Kristín vonar
að samgöngur þar á milli gangi
vel, ekki síst að fólk verði duglegt
að hjóla og ganga á milli.
Tilfærslur og breytt verkefni
en ekki uppsagnir
Tilefni sameiningarinnar var
ekki að ná fram hagræðingu,
heldur að efla rannsóknir og auka
gæði kennaramenntunar. Kristín
kveðst viss um að tækifæri gefist
til betri nýtingar fjármuna en seg-
ir uppsagnir t.d. ekki á dagskrá.
„Hér koma saman tvö verkefni,
sameining háskólanna og end-
urskipulagning Háskóla Íslands í
fimm fræðasvið. Þar með breytast
ákveðnar starfsskyldur einstakra
starfsmanna og tilfærslur verða á
verkefnum. Það á við um báða há-
skólana eftir 1. júlí,“ segir hún.
Ákveðnir starfsmenn úr KHÍ
komi t.d. yfir í miðlæga stjórn-
sýslu háskólans. Þar að auki verða
til nýjar stöður. T.d. er búið að
auglýsa fimm störf forseta fræða-
sviðanna og á hverju sviði er gert
ráð fyrir rekstrarstjóra og fólki
sem sinnir starfsmannamálum og
fleiru.
Kristín segir starfsmenntun
mikilvægan hluta af kennaranám-
inu og hvergi eigi að slaka á þeim
kröfum við sameininguna, hins
vegar eigi að efla rannsóknir. „Ég
sé þetta ekki sem annaðhvort
eða.“
„Þetta eru spennandi tímar fyr-
ir öll skólastig í landinu. Nýverið
hafa tekið gildi ný lög um öll
skólastig í landinu og lög um rík-
ari kröfur til menntunar kennara.
Ég sé í þessari sameiningu tæki-
færi til að efla öll skólastigin, í
gegnum kennarana og í gegnum
samstarf milli skólastiga.“
„Góður sóknarhugur í okkur“
 Háskóli Íslands og Kennaraháskólinn sameinast formlega um mánaðamótin
 Með sameiningu á að efla rannsóknir og auka gæði kennaramenntunar
Morgunblaðið/Kristinn
Nám Sonja Sif Jóhannsdóttir, meistaranemi við KHÍ, gerir grein fyrir rannsókn sinni á heilsufari sjómanna.
SÉRA Bjarni Karlsson, Böðvar Björnsson og félaga-
samtökin Siðmennt voru heiðruð með Mannréttinda-
verðlaunum Samtakanna ’78 en verðlaunin voru veitt í
annað sinn á 30 ára afmælishátíð í Hafnarhúsinu í
fyrrakvöld.
Verðlaunin eru hugsuð sem viðurkenning fyrir eft-
irtektarvert framlag í þágu jafnréttis og mannréttinda.
Samtökin segja að á þeim 30 árum sem liðin séu frá
stofnun þeirra hafi margt áunnist á Íslandi í málefnum
hinsegin fólks og fjölmargir einstaklingar hafi lagt þar
hönd á plóg.
Við afhendinguna var þess getið að Böðvar Björns-
son hefði verið burðarás í starfsemi Samtakanna ’78 á
fyrstu árum félagsins, sinnt fræðslustarfi og verið ötull
í skrifum. Hann hefði verið einn þeirra sem gengið
hefði fram fyrir skjöldu og rofið þagnarmúrinn sem
hefði umlukið tilvist hinsegin fólks.
Fram kom að séra Bjarni Karlsson hefði gert sér far
um að opna umræðuna um hinsegin fólk innan kirkj-
unnar og skrifað meistaraprófsritgerð í fyrra þar sem
hann rökstyðji að hjónabandið skuli standa opið öllum
fullveðja einstaklingum.
Um Siðmennt var sagt að félagið hefði stutt Sam-
tökin ’78 dyggilega og staðið vörð um réttindi þeirra.
Morgunblaðið/Kristinn
Verðlaunahafar Hope Knútsson, formaður Siðmenntar, Böðvar Björnsson og séra Bjarni Karlsson með viðurkenn-
ingarnar sem þau fengu, þegar kunngjört var að þau hefðu hlotið Mannréttindaverðlaun Samtakanna ’78.
Þrjár heiðursveitingar
Mannréttindaverðlaun Samtakanna ’78 veitt í annað sinn
Eftir Þorbjörn Þórðarson
thorbjorn@mbl.is
„FARÞEGAFJÖLDI hefur dregist
saman um 50% yfir sumarið árum
saman. Ekki aðeins vegna skólaslita
heldur einnig vegna þess að sumar-
leyfi eru tiltölulega löng hjá vinnandi
fólki,“ segir Einar Kristjánsson,
sviðsstjóri þjónustusviðs hjá Strætó
bs.
Fyrirtækið tók nýlega 32 stræt-
isvagna af númerum og breytti
ferðatíðni leiða 1, 2, 3, 4 og 6 og 11,
12, 14 og 15 úr 15 í 30 mínútur.
Er sú aðgerð hluti af sumaráætlun
fyrirtækisins. Síðasta sumar var slík
áætlun fyrst tekin upp og vögnum
fækkað jafnt hjá undirverktaka og
fyrirtækinu sjálfu en þeir samningar
sem Strætó hefur við verktaka núna
eru þannig að það er hagkvæmara að
fyrirtækið beri þungann af fækkun-
inni, að sögn Einars.
Þríþættar ástæður
Hann segir ástæðurnar þríþættar.
Í fyrsta lagi fækkun farþega og í
öðru lagi skili fækkun vagna 80-90
milljóna króna sparnaði sem er nýtt-
ur til rekstrarins að vetri til. Þriðja
skýringin felist í því að erfitt sé að
ráða sumarstarfsfólk með tilskilin
réttindi, þ.e. meirapróf.
„Á liðnum árum hefur kostnaður
vegna meiraprófs hækkað upp úr
öllu valdi. Áður fyrr réðum við til
okkar skólafólk sem tók meirapróf
og ók strætisvögnum yfir sumartím-
ann,“ segir Einar. Hann segir enn-
fremur að fyrirtækið vilji taka þátt í
kostnaði við meirapróf ef það sjái
fram á að viðkomandi starfsmenn
verði áfram hjá fyrirtækinu en ekki
aðeins yfir sumartímann.
Strætó fækkar
vögnunum um 32
Farþegum fækkar um 50% á sumrin
Í HNOTSKURN
»Farþegum Strætós bs.fækkar það mikið á sumrin
að fyrirtækið verður að taka
vagna úr umferð.
»Alls verða teknir 32 vagn-ar úr umferð og ferðatíðni
breytt á níu leiðum. Þar aka
vagnar á hálftíma fresti.
Morgunblaðið/Eggert
Strætó Farþegum fækkar það mik-
ið í sumar að fjöldi vagna fer í frí.
EKKI er annað að heyra á starfsfólki
KHÍ en stemning fyrir sameiningu sé já-
kvæð. Skoðanir eru þó skiptar, en
greinilega skipti miklu að tryggja
starfsöryggi fólks. Gígja Árnadóttir,
formaður starfsmannafélags KHÍ, segir
að farið hafi verið ákaflega vel að mál-
inu, það útskýrt og starfsfólk fengið að
fylgjast með allan tímann. Hún hrósar
Steinunni Halldórsdóttur, verkefnis-
stjóra sameiningarinnar, fyrir hennar
starf. Hún segir aðlögunartíma nauðsyn-
legan. „Af því að við verðum land-
fræðilega sér á parti enn um sinn fáum
við kannski að halda okkar sjálfstæði að
hluta á meðan,“ segir Gígja. Hún skynj-
ar ekki sama óróleika og ótta nú eins og
fyrst gætti.
Bjartsýni ríkjandi
Gunnar E. Finnbogason prófessor seg-
ir bjartsýni ríkja. „Fólk horfir auðvitað
til þess að kennaramenntunin eflist við
þetta. Ekki síður að Háskóli Íslands geti
lært eitthvað af okkur, t.d. í fjarnámi,
sem við höfum þróað lengi. Ég sé mjög
sterka möguleika í stöðunni, t.d. í aukn-
um rannsóknum og samvinnu,“ segir
Gunnar. Hann kveður ekki skipta máli
úr hvaða skóla forseti menntavísinda-
sviðs HÍ komi. „Við viljum bara fá góða
manneskju í það starf.“
Í sama streng tekur Ólafur Páll Jóns-
son lektor. „Það er mismunandi eftir
sviðum hverju sameiningin breytir. Fólk
vissi alltaf að það yrðu einhver vanda-
mál á leiðinni, en það eru líka tæki-
færi,“ segir hann og vonar að kenn-
aramenntunin eflist við sameininguna.
„En líka að þetta efli kennsluaðferð-
irnar í HÍ, smiti út frá sér í aðrar grein-
ar, kennsluaðferðir þar, nálgun við nám
og menntun. Auðvitað geta þeir lært
sitthvað af okkur þar.“
Ákaflega vel
farið að málinu