Morgunblaðið - 29.06.2008, Qupperneq 28

28 SUNNUDAGUR 29. JÚNÍ 2008 MORGUNBLAÐIÐ
M
enn eru almennt á því að Han-
cock verði tímamótamynd,
ekki aðeins á ferli Smiths held-
ur í kvikmyndasögunni. Ef svo
fer sem horfir og Hancock
skilar áætluðum aðgangseyri í kassann, hefur
nýtt og illviðráðanlegt met verið slegið. Mark-
aðsfræðingarnir telja að myndin taki inn einar
120-150 milljónir dala á „þjóðhátíðardagshelg-
inni“, frá frumsýningardeginum 2. júlí, til
mánudagsins 7. júlí. Þar með yrði hún áttunda
kassastykki Smiths í röð, sem halar inn meira
en 100 millur. Þar með slær hann öðrum stór-
stjörnum við og er tímasetningin ákjósanleg,
þegar teikn eru á lofti um að næsti forseti
Bandaríkjanna verði blökkumaður.
Enn þá hefur lítið spurst út um innihald og
gæði Hancocks, en sýnishornið lofar góðu. Í
sjálfu sér þarf hún ekki að vera ýkjamerkileg
til að aðsóknin rjúki upp í hæstu hæðir nokkrar
sumarhelgar, slíkar eru vinsældir Smiths.
Afreksmaðurinn Smith
Eina, haldbæra útskýringin á átta mynda
meti Smiths eru persónulegar vinsældir þessa
geðþekka náunga sem gefur sig af líkama og
sál í hvert hlutverk. Vörumerki hans er svalt
yfirbragð orðheppins töffara sem hefur jafnan
betur, hvort sem hann er að fást við ófélegustu
afstyrmi utan úr geimnum, kyntröll á pinna-
hælum og pínupilsum, og allt þar á milli. Auk-
inheldur er Smith einstaklega viðfelldinn
náungi, bíógestinum líður vel í návist hans.
Hann nær föstu taki á körlum og konum, svört-
um sem hvítum; það kallast persónutöfrar og
hefur ekkert að gera með efni myndanna, sem
eru fjarri því að vera snilldarverk upp til hópa.
Gleymum því ekki að Snith er annt um að
vernda einkalíf sitt og forðast sviðsljósið eins
og heitan eldinn. Öll auglýsingamennska er
honum lítið að skapi, Smith kýs frekar að dvelja
með konu sinni, Jödu Pinkett Smith, og þremur
börnum á milli þess sem hann vinnur eins og
hamhleypa.
Afleiðingin er sú að hinn almenni bíógestur
treystir Will Smith betur en öðrum. Útsmogið
myndaval kemur líka við sögu og það hjálpar að
hann var virtur rappari áður en hann hélt til
Hollywood og náði langt sem slíkur, vinsælasta
platan hans seldist í einum sjö milljónum ein-
taka. Smith hefur það fram yfir marga keppi-
nauta sína, þ. á m. Eddie Murphy, að hann er
jafnvígur á nánast hvaða hlutverk sem er, eins
og verkin sýna, á meðan Murphy er nánast al-
farið gamanleikari sem bregður sér stöku sinn-
um í spennumyndir.
Um þessar mundir er Smith nálægt því að
teljast einstakur. Í heimi kvikmyndanna snýst
allt um peninga og meginkostur leikara og ann-
arra listamanna er að vera „bankable“, hægt sé
að reiða sig á hlutdeild hans í kvikmynd eins og
bankainnistæðu. Allt verður að gulli sem hann
kemur nálægt. Myndirnar átta eru sannkall-
aður hrærigrautur, blanda rómantískra gam-
anmynda, framhaldsmynda, vísindaskáld-
sögulegra spennumynda, teiknimynda,
glæpatrylla og dramatískra verka. Öll flóran.
Byrjaði í tónlistinni
Smith, sem verður fertugur í september,
fæddist í Fíladelfíu þar sem foreldrar hans
voru vel sett millistéttarfólk. Will þótti efnileg-
ur námsmaður og vakti snemma athygli fyrir
gott skopskyn og heillandi framkomu. Hún
bjargaði stráksa út úr mörgum vanda og varð
til þess að hann fékk snemma uppnefnið
„Prince“, sem hefur loðað við hann allar götur
síðan.
Upphaflega stóð til að pilturinn gengi
menntaveginn og settist í M.I.T., en Smith
kaus frekar að leita hófanna í tónlistarheim-
inum. Hann var aðeins 12 ára þegar ferillinn
hófst eftir kynni við rapparann DJ Jazzy Jeff
og rétt tvítugur hlaut hann Grammy-
verðlaunin fyrir diskinn He’s the DJ, I’m the
Rapper, en á honum var m.a. smellurinn Pa-
rent Just Don’t Understand. Diskurinn náði
feikivinsældum meðal unglinga undir lok 9.
áratugarins, ekki síst sakir kímninnar sem var
áberandi í texta og flutningi. Smith varð með
þessum áherslum, tímamótamaður í rappheim-
inum, notaði hvorki klúrt orðbragð eða ofbeld-
isfrasa til að skemmta áheyrendum. Þessi
óvenjulega stefnumótun varð til þess að Smith
fékk aðalhlutverkið í sjónvarpsþáttunum The
Fresh Prince of Bel-Air. Þeir fjölluðu um efna-
lítinn ungan mann sem býr hjá vellauðugri fjöl-
skyldu í Beverly Hills. Er skemmst frá því að
segja að þættirnir urðu geysivinsælir og gengu
í 6 ár. Aðdáendahópur Smiths tútnaði út og
kvikmyndirnar biðu, hinum megin við hornið.
Hraður uppgangur
á hvíta tjaldinu
Fyrstu hlutverk rapparans og sjónvarpsleik-
arans á tjaldinu eru auðgleymd, eins og geng-
ur. Hann vakti fyrst umtalsverða athygli sem
samkynhneigður götustrákur sem kjaftar sig
inn á fjölskyldu undir því yfirskini að hann sé
sonur Sidneys Poitiers. Six Degrees of Sepera-
tion (’93), nefnist þessi frábæra mynd eftir
Fred Schepisi, og er byggð á leikriti Johns
Guare. Hún var frumsýnd hérlendis á mynd-
bandi.
Öllu fleiri sáu næstu mynd Smiths, Bad Boys
(’94), fyrsti ofursmellurinn á ferlinum var orð-
inn að veruleika. Hann lét ekki þar við standa
því næst kom á markaðinn vísindagamanhroll-
urinn Independence Day og reyndist afþreying
sem féll jarðarbúum vel í geð. Smith fer á kost-
um sem geimverubani og varð nánast óforva-
rendis ofurstjarna því myndin halaði inn hátt í
milljarð dala á heimsvísu og er ein ábatasam-
asta mynd sögunnar.
Áfram hélt myllan að mala gullið. Smith lék á
móti Tommy Lee Jones í gaman- og geimveruf-
antasíunni Men in Black (’97), sem fékk frá-
bærar móttökur.
Fáeinir skellir og fleiri smellir
Skellirnir á stjörnuferli Smiths eru fáir, og
komu um og eftir aldamótin. Enemy of the
State (’98) og Wild, Wild West (’99), fengu að
vísu þokkalega aðsókn, að öðru leyti er ekki
hátt á þeim risið. Þá er röðin komin að The
Legend of Bagger Vance (’00), slappri mynd
eftir Robert Redford, sem jafnvel þátttaka
Smiths dugði ekki til að hún stæði undir kostn-
aði.
Svipaða sögu er að segja af Ali (’01), mynd
um hnefaleikagoðsögnina, gerð af hinum
snjalla og virta Michael Mann, með toppmann-
skap í öllum störfum. Þrátt fyrir svimandi
framleiðslukostnað og einvala mannskap, létu
áhorfendur ekki sjá sig.
Á þessum tímapunkti gæti Smith hafa sagt
sem svo, „hingað og ekki lengra“, því allar göt-
ur frá mistökunum Ali, hefur ferill hans verið
óslitin sigurganga átta mynda. Gullnáman
Smith er langt frá því að vera þurrausin.
Að lokum má geta þess að fátt er í spilunum
sem bendir til þess að Smith slái vindhögg í
bráð. Næstu myndirnar hans eru Seven Po-
unds, sem er leikstýrt af Gabriele Muccino, hin-
um sama og stjórnaði The Pursuit of Happy-
ness, með firna góðum árangri. Hún verður
frumsýnd fyrir jólin, en hin myndin sem er
komin í gang hjá Smith er The Trial of the Chi-
cago Seven, sem er áætlað að sýna 2010. Þar er
sjálfur Steven Spielberg við stjórnvölinn, hann
ætlar greinilega að reka af sér slyðruorðið og
kljást við veigameira og pólitískara viðfangs-
efni en afþreyingarmyndir undanfarinna ára.
Lukkist það er eins víst að myndin um mála-
ferlin í Chicago verði tíunda 100 milljónamynd
Smiths í röð, og hver veit nema að hún færi
honum einnig Óskarinn.
Herra Smith fer til Hollywood
Hancock, nýjasta mynd Wills
Smiths, hefur göngu sína eftir
helgina. Ef hún tekur yfir 100
milljónir dala er leikarinn orð-
inn sá vinsælasti í bransanum,
stingur körlum eins og Tomm-
unum Hanks og Cruise, aftur
fyrir sig. Sæbjörn Valdimarsson
skoðaði málið nánar.
Reuters
Á rauða teppinu Will Smith og Charlize Theron stilla sér upp á rauða teppinu fyrir frumsýningu Hancock í Berlín.
Leikarar sem eiga flestar myndir
yfir 100 milljón dala markinu
Tom Hanks: 15 Tom Cruise: 14 Eddie
Murphy: 13 Will Smith og Harrison Ford: 12
(Hancock meðtalin) Jim Carrey og Robin
Williams: 11 Mel Gibson og Matt Damon: 9
Bruce Willis og Jack Nicholson: 8
Smith er hins vegar að setja nýtt met með
því að leika í 8 myndum í röð sem ná þessu
100 milljón dala myndaröð
Toms Cruises
2000: Mission: Impossible II; $215.4 m.
2001: Vanilla Sky; $100.6 m.
2002: Minority Report; $132.0 m.
2003: The Last Samurai; $111.1 m.
2004: Collateral; $101.0 m.
2005: War of the Worlds; $234.2 m.
2006: Mission: Impossible III; $134.0 m.
100 milljón dala myndaröð
Toms Hanks
1998: Saving Private Ryan ; $216.5 m.
1998: You’ve Got Mail; $115.8 m.
1999: Toy Story 2; $ 245.8 m.
1999: The Green Mile; $ 136.8 m.
2000: Cast Away; $233.6 m.
2002: Road To Perdition; $104.4 m.
2002: Catch Me If You Can; $164.6 m.
eftirsótta marki, sem eru :
2002: Men in Black II; $190.4 m.
2003: Bad Boys II; $138.6 m.
2004: I, Robot; $144.8 m.
2004: Shark Tale; $160.8 m.
2005: Hitch; $179.4 m.
2006: The Pursuit of Happyness; $163.5 m.
2007: I Am Legend; $256.3 m.
2008: Hancock $ ???