Morgunblaðið - 29.06.2008, Blaðsíða 40

40 SUNNUDAGUR 29. JÚNÍ 2008 MORGUNBLAÐIÐ
MINNINGAR
Elsku mamma mín,
nú ertu búin að
kveðja þennan heim
og farin til hans
pabba.
Það er til margs að minnast í
gegnum tíðina en stiklað á stóru.
Þú varst alltaf svo dugleg og dríf-
andi og ég man þegar ég var stelpa
að margar ferðir fórum við labb-
Jónína Símonardóttir
✝ Jónína Sím-onardóttir
fæddist í svæði á
Ufsaströnd 19. októ-
ber 1916. Hún lést á
dvalarheimilinu
Hlíð 23. júní síðast-
liðinn og var jarð-
sungin frá Akureyr-
arkirkju 27. júní.
andi á sumrin ásamt
fleirum úr fjölskyld-
unni út á túnið hans
pabba sem var í Gler-
árhverfi. Þar heyjuð-
um við því þið voruð
bæði með kindur og
hesta. Það var alltaf
ljómi yfir þessum
stundum, því þegar
búið var að snúa og
raka var sest niður
með kaffibolla og
kakó handa krökkun-
um og svo var hlegið
og hent gaman því þú
varst alltaf svo léttlynd.
Þú hafðir óskaplega gaman af því
að fara í berjamó og búa til sultur
og saft. Oft fylgdu skemmtilegar
uppákomur þessum berjaferðum,
þú kútveltist í einhverri brekkunni
með tilheyrandi hlátursköllum og
svo fengum við að heyra sögurnar
þegar heim kom og hlógum við okk-
ur máttlausar. Þú varst mikil slát-
urgerðarkona og var oft setið á
haustin í vaskahúsinu í Eyraveg-
inum og saumaðar vambir og þú að
hræra slátrið, það var sko búið að
setja í marga keppi þar. Þú varst
líka alltaf tilbúin að hjálpa okkur
við þess háttar iðju og mörg hand-
tökin áttir þú þar.
Grímsey átti allaf mikil ítök í þér
því þar varstu alin upp. Þegar þú
fékkst sendingar frá ættingjum í
Grímsey eins og egg og fugl varstu
fljót að hóa í okkur systkinin til
þess að gefa okkur að smakka, þú
vildir alltaf vera að gefa með þér.
Þú vildir alltaf hafa fjölskylduna
nálægt þér og fylgjast með öllum
börnunum.
Ég flutti austur á Eskifjörð en
þegar ég kom og heimsótti þig
norður, kvaddir þú mig alltaf með
tárum, því kannski fannst þér ég
vera langt í burtu frá þér. Bænir
þínar fylgdu mér alltaf alla leið, því
þú varst bænheit kona.
Síðustu árin dvaldir þú á Hlíð og
fékkst oft heimsóknir ættingja og
vina en þér fannst gaman að fá
fréttir af fólkinu þínu. Heilsu þinni
hrakaði síðustu árin og svo kom að
því að tími þinn var komin og þú
kvaddir þennan heim södd þinna
lífsdaga.
Elsku mamma mín megi Guð
vaka yfir þér.
Hafðu þökk fyrir allt.
Þín dóttir,
Þóra.
Englasteinar
Helluhrauni 10
Sími 565 2566 - www.englasteinar.is
Fallegir legsteinar
á góðu verði
Það er skrítið þetta
líf. Núna þegar allt er
að vakna til lífsins
kveður þú okkur,
elsku Hjölli frændi
minn. Það hefur verið yndislegt að
alast upp í kringum þig og fá að
kynnast þér. Það er svo mikils virði
fyrir hverja fjölskyldu að hafa mann
eins og þig innan handar. Þú varst
alltaf hress og kátur og smitaði
glaðlyndi þitt út frá sér. Hver man
ekki jólaboðin hjá ömmu Lovísu þar
sem þið kallarnir voruð að metast
um hver borðaði mest. Ferðirnar
sem við fórum í sumarbústað og þú
varst alltaf til í að taka þátt í leikj-
um og gantast við okkur. Ég sé þig
alveg fyrir mér standandi við ána að
veiða og njóta þess að vera úti í
náttúrunni, það held ég að þú hafir
fengið frá afa Þórði. Börnin mín
nutu þeirrar ánægju að kynnast þér
og það verð ég að segja að þér tókst
að finna þér stað í hjörtum þeirra.
Elsku frændi, þín verður sárt sakn-
að en ég er þakklát fyrir að þú
þurftir ekki að finna til lengur fyrst
svona var komið. Gott að þú ert
kominn á góðan stað í tilverunni.
Stundum er dauðinn líkn og í þá
setningu kýs ég að halda núna.
Takk fyrir allar góðu stundirnar í
gegnum árin og þann heiður að fá
að kynnast þér. Það mun verða tak-
mark mitt í lífinu að reyna að feta í
fótspor þín, það er að vera heið-
arleg, kát, hjartahlý og traust.
Fjölskylda þín á eftir að minnast
þín með virðingu og söknuði. Elsku
Lillý og fjölskylda, standið þétt
saman og huggið hvert annað, það
mun létta ykkar mikla missi. Megi
góður guð styrkja ykkur og styðja.
Minningin um góðan eiginmann,
föður, tengdaföður og afa lifir ávallt
í sálu ykkar. Ég kveð þig með mikl-
um söknuði og tár á kinn en veit að
við munum hittast síðar þegar minn
tími kemur.
Guðrún Ísleifsdóttir.
Elsku Hjölli frændi. Þegar mér
var boðið í veiði með ömmu og afa í
Laxárdalinn forðum daga varst það
þú sem kenndir mér að kasta flugu
og mun ég minnast þín við þá iðju í
framtíðinni. Þessar ferðir urðu svo
til þess að við Unnur kynntumst og
erum gift í dag. Við eigum ykkur
Lillý því mikið að þakka að tengja
fjölskyldur okkar saman.
Einnig geymi ég minningar um
skíðaferðirnar í Hamragilið þar sem
ég var upp á náð og miskunn ykkar.
Tóti og Dísa kenndu frænda sínum
að það er hægt að skíða niður
brekkur án þess að vera skjálfandi
Hjörleifur Þórðarson
✝ Hjörleifur Þórð-arson fæddist í
Reykjavík 5. maí
1938. Hann lést á
Landspítalaunum 4.
maí síðastliðinn og
var útför hans gerð
frá Bústaðakirkju
15. maí.
á beinunum í plóg.
Með þér lýkur
þeirri hefð að þeir
sem bera nafnið Þórð-
ur gerist sveinar í raf-
virkjun undir þinni
styrku leiðsögn, verð-
ur því Þórður okkar
að leita til nafna síns
kjósi hann rafvirkjun í
framtíðinni
Hugur okkar er hjá
Lillý, Tóta, Dísu og
fjölskyldum þeirra,
missirinn er mikill.
Hjölli mun alltaf
eiga sérstakan stað í hjörtum okkar.
Vertu sæll frændi, minningarnar
lifa að eilífu.
Bergur Þórðarson,
Unnur Dóra Einarsdóttir.
Mig langar til að skrifa nokkrar
línur um góðan vin minn og yf-
irmann hann Hjörleif eða Hjölla
eins og hann var alltaf kallaður. Það
er svo sorglegt að þurfa að setjast
niður og skrifa minningagrein um
góðan mann sem naut þess að lifa
lífinu og átti svo mikið eftir.
Ég kynntist Hjölla þegar ég hóf
störf hjá honum árið 1995 og ég sá
að þarna var góður maður á ferð
með sterkan persónuleika sem fólk
laðaðist að, Einnig var hann maður
með mikinn reynslubrunn sem nýtt-
ist mér þegar ég hóf að starfa sem
rafvirki.
Hjölli var alltaf vinamargur mað-
ur og var í öllu sem vakti áhuga
hans og gleði. Þeir feðgar voru mik-
ið í golfi og vöktu þeir áhuga minn á
því sporti.Við fórum stundum sam-
an vinnufélagarnir einn og einn
hring jafnvel á miðjum vinnudegi.
Það er mér einnig mjög minnistætt
þegar við vinnufélagarnir fórum
fyrir nokkrum árum í veiðiferð þar
sem ég veiddi minn fyrsta lax, hvað
Hjölli var ánægður fyrir mína hönd.
Það eru forréttindi að hafa fengið
að kynnast manni eins og Hjölla.
Ég vil þakka fyrir þau ár sem ég
fékk að njóta með honum. Hjölli er
einn af þeim mönnum sem skilja
eftir sig djúp spor í lífi mínu og ég
var heppinn að fá að kynnast hon-
um.
Elsku Lillý og fjölskylda, ég vil
votta ykkur mína dýpstu samúð.
Þar sem englarnir syngja sefur þú
sefur í djúinu væra.
Við hin sem lifum, lifum í trú
að ljósið bjarta skæra
veki þig með sól að morgni
veki þig með sól að morgni
Farðu í friði vinur minn kær
faðirinn mun þig geyma.
Um aldir og ævi þú verður mér nær
aldrei ég skal þér gleyma.
Svo vöknum við með sól að morgni
Svo vöknum við með sól að morgni.
(Bubbi Morthens.)
Þinn vinur,
Ívar.
✝
Innilegar þakkir til allra sem sýnt hafa okkur hlýhug
og samúð við andlát og útför ástkærrar eiginkonu,
móður, tengdamóður, ömmu, dóttur, tengdadóttur
og systur,
JÓNÍNA BJÖRG GUÐMUNDSDÓTTIR,
Álakvísl 10,
Reykjavík,
lést föstudaginn 13. júní á krabbameinsdeild
Landspítalans.
Hnikarr Antonsson,
Ýr Hnikarsdóttir, Arnar Már Bergmann,
Arnór Hnikarsson, Anna Kristín Höskuldsdóttir,
Rebekka Hnikarsdóttir,
Hnikarr Örn Arnarsson Bergmann,
Guðmundur S. Magnússon, Kristín Gunnarsdóttir,
Jóhanna Guðjónsdóttir,
systkini og aðrir aðstandendur.
Þegar ég gekk út í
garð í sólskininu dag-
inn sem þú kvaddir
varð mér litið á hostuna sem þú
gafst mér. Mér varð ljóst að ég
mun ávallt geta minnst þín þegar
ég lít fallegu plönturnar sem röt-
uðu til mín sem afleggjarar úr
gróskumiklum garði ykkar Einars
í Hvannhólmanum.
Margar góðar minningar tengj-
ast þér, sérstaklega úr hestaferð-
unum – í Borgarfirði, á Snæfells-
nesi og fyrir austan fjall. Við
náttúrlega að kokka ofan í hina, á
Arnarstapa að töfra fram dýrind-
isrétti á pælupönnu og að elda ofan
í Svía á Uxahryggjarleið í kulda og
trekki. Það voru ófáar ánægju-
stundirnar í hestaferðum á þeim
árum er við vorum mágkonur. Það
var gaman að fá nýlega tækifæri
til að skoða myndir saman og rifja
upp góðar minningar.
Seinni árin snerust samræðurn-
ar gjarnan um Ingólf – þú sakn-
aðir sárt bróður þíns. Taugin á
milli ykkar var sterk og kærleikur
og umhyggja á báða bóga á meðan
hann lifði.
Þann tíma sem þú háðir baráttu
við krabbameinið sýndir þú æðru-
leysi og þrautseigju sem ég hélt
ekki að hægt væri að sýna við slík-
ar aðstæður. Þú meira að segja
reddaðir þér flottri íbúð og fluttir
inn nokkrum vikum áður en þú
kvaddir! Þú áttir þann draum að
koma þér fyrir á eigin heimili með
þínum munum til að geta tekið al-
mennilega á móti Höllu Sigrúnu
dóttur þinni frá Ameríku – og það
tókst! Þú varst full bjartsýni þegar
við röðuðum fötunum í skápinn –
þessi flík væri fín í góða veðrinu í
sumar, þykka flíspeysan næsta
vetur og þessi færi í Rauða kross-
Valgerður Margrjet
Guðnadóttir
✝ ValgerðurMargrjet
Guðnadóttir fædd-
ist í Reykjavík 31.
janúar 1947. Hún
lést á líknardeild
Landspítalans í
Kópavogi 12. júní
síðastliðinn og fór
útför hennar fram
frá Fossvogskirkju
20. júní.
inn. Því miður varð
tíminn í íbúðinni bara
þrjár vikur því þú
varst orðin of veik til
að geta búið ein þeg-
ar Halla Sigrún fór
aftur til Ameríku.
Reyndar var engan
bilbug á þér að finna
eftir að þú fórst á
líknardeildina. Þar
gekkstu um teinrétt í
bláum silkijakka og
hvítum leggings (þín
orð yfir spítalanær-
urnar) staðráðin í að
fara aftur í íbúðina
þína og varst alvar-
lega að leggja drög að því í vikunni
áður en kallið kom. Þú ætlaðir sko
ekkert að hanga á líknardeildinni –
ekki beint skemmtilegt að hafa
ekkert annað að gera en sofa og
horfa á sjónvarpið – þú áttir eftir
að setja gardínur fyrir stofuna og
þig langaði að sitja í sólinni á svöl-
unum þínum. Þú varst bjartsýn í
tali þegar við áttum síðasta samtal
okkar á laugardeginum – ég á leið
í sveitina og þú að bíða eftir að
pabbi þinn kæmi að sækja þig – þú
varst þess fullviss að í næstu viku
færir þú heim. Svo frétti ég að þú
hefðir meira að segja hrist fram úr
erminni veislumat fyrir foreldra
þína um kvöldið. Síðustu kraftana
notaðir þú til að fara á minning-
artónleika um þinn fyrrverandi. Þú
varst búin að hlakka til að fara á
tónleikana með fólkinu þínu.
Elsku Margrjet, ég mun ævin-
lega þakka fyrir ferðalag okkar
saman á þessari jörð og ekki síst
fyrir að fá að kynnast bjartsýni
þinni, þrautseigju og æðruleysi eft-
ir að þú veiktist. Mínar innilegustu
samúðarkveðjur til barna þinna og
barnabarna sem þú varst svo
hreykin af, foreldra þinna og Ein-
ars sem þér þótti svo vænt um og
annarra ástvina. Það var notalegt
að heyra að þínir nánustu voru hjá
þér þegar þú kvaddir.
Sjöfn.
Elsku Magga frænka.
Nú ertu farin frá okkur eftir
stranga baráttu við illvígan sjúk-
dóm sem tók þig allt of fljótt frá
börnum þínum, barnabörnum og
fjölskyldu. Eftir sitja minningar
um margar góðar og ljúfar stundir
sem við áttum með þér og viljum
við minnast nokkurra þeirra hér.
Fyrst má nefna hestaferðina góðu
upp á Arnarvatnsheiði þar sem þú
eldaðir lúxus spænska paellu upp
úr engu í hráum gangnamanna-
kofa. Ferðin endaði í vel heppnaðri
fjölskylduútilegu í Húsafelli sem
var öllum ógleymanleg. Notalegar
stundir áttum við með þér á Maj-
orka þar sem þú naust lífsins til
hins ýtrasta og svo má ekki
gleyma öllum veislunum, heim-
sóknunum og fjölskylduboðunum
sem haldin hafa verið í gegnum ár-
in. Sammerkt með öllum þessum
ferðum og viðburðum er minning
um frábæran ferðafélaga,
skemmtilega, notalega og glaða
frænku.
Það var alltaf gaman og svolítið
spennandi að koma í heimsókn til
þín þegar við vorum börn, hvort
sem var í Barmahlíðina eða
Hólana. Þú tókst alltaf vel á móti
okkur systkinunum og gafst þér
tíma til að spjalla við okkur og
sýna okkur áhuga. Sama áhuga
sýndir þú Marteini og Daníel,
fyrstu barnabörnum fjölskyldunn-
ar. Daníel gleymir aldrei afasystur
sinni sem var eina manneskjan
sem hugsaði fyrir því að gefa hon-
um gjöf þegar bróðir hans fermd-
ist.
Elsku Magga, minningarnar um
þig eru margar. Þú varst tvíbura-
systir hans pabba sem okkur
fannst mjög sérstakt. Þú bjóst yfir
svo ótal mörgum hæfileikum og
kostum sem þú nýttir kannski ekki
alltaf til fulls. Þú varst einstaklega
glæsileg og tignarleg kona, fag-
urkeri, frábær kokkur og gast
töfrað fram ótrúlegar kræsingar
úr litlum hráefnum. Þetta eru
minningarnar sem við viljum eiga
um þig. Það er sárt að kveðja þig
elsku frænka.
Okkar innilegustu samúðar-
kveðjur fara til barna þinna,
barnabarna og foreldra sem þurfa
nú í annað sinn að horfa á eftir
barni sínu kveðja þennan heim.
Að lokum viljum við minnast þín
eins og þú minntist hans Ingólfs
bróður þíns fyrir tæpum sjö árum:
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
(Vald. Briem)
Sigrún og Unndór.