Morgunblaðið - 30.06.2008, Blaðsíða 4

4 MÁNUDAGUR 30. JÚNÍ 2008 MORGUNBLAÐIÐ
FRÉTTIR
Heimsferðir bjóða nú allra síðustu sætin til Mallorca 2. júlí
á einstökum kjörum í viku. Mallorca er ein perla Miðjarðar-
hafsins og hér nýtur þú sumarsins til hins ítrasta í sólinni.
Þú kaupir 2 flugsæti en greiðir aðeins fyrir 1.
Skógarhlíð 18 • sími 595 1000 • www.heimsferdir.is
Mallorca
Ótrúlegt verð - aðeins 11 sæti í boði!
Verð kr. 19.990
Netverð á mann. Flugsæti báðar leiðir með sköttum, m.v. 2 fyrir 1 tilboð 2.-9. júlí.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
frá kr. 19.990
2. júlí
2 fyrir 1 til
Eftir Steinþór Guðbjartsson
steinthor@mbl.is
FUNDUR ungra og efnilegra vísindamanna í eðlis-
fræði með nóbelsverðlaunahöfum hófst í Lindau í
Þýskalandi í gær og stendur til 4. júlí. Síðan 1951
hafa meira en 25.000 vísindamenn hist á þessari ár-
legu ráðstefnu og 557 vísindamönnum var boðið á
fundinn í ár sem er númer 58 í röðinni. Þar á meðal
er Kjartan Thor Wikfeldt og segir hann að hann sé
fyrsti Íslendingurinn til að fá boð á fundinn.
Mikill heiður
„Þetta er mikill heiður,“ segir Kjartan, sem er í
doktorsnámi við Stokkhólmsháskóla, en hann er
sænskur í föðurætt. Hann bætir við að á fundinum
gefist mönnum tækifæri til að ræða hugðarefni sín
við nóbelsverðaunahafa og mun færri komist að en
vilji.
Kjartan tók stúdentspróf frá MH í árslok 2000 og
hefur undanfarin sex ár verið í háskólanámi í Stokk-
hólmi. Hann hefur verið að rannsaka vatn og eigin-
leika þess og ætlar meira út í orkurannsóknir á
næstu árum.
Hann segir að rannsóknarhópur sinn hafi verið
mjög umdeildur á nýliðnum árum vegna þess að nið-
urstöður hans kollvarpi fyrri hugmyndum um hvern-
ig sameindir í vatni bindist hver annarri. Hefð-
bundna myndin sé að vatn sé svipað og ís en
hópurinn hafi sýnt fram á annað. William Röntgen
hafi bent á þetta í fyrstu greininni um vatn 1892, en
hugmyndinnni hafi ekki verið haldið á lofti í hálfa
öld.
Kjartan segir að skilningur á vatni sé mjög mikil-
vægur, meðal annars í þróun á lyfjum. Öll efnahvörf
í líkamanum gerist í vatni og því skipti miklu máli að
hafa réttan skilning á samsetningunni. Auk þess hafi
þessi skilningur mikið að segja í sambandi við
hreinsun á drykkjarvatni.
Morgunblaðið/Kristinn
Vísindamaður Kjartan Thor Wikfeldt, doktorsnemi við Stokkhólmsháskóla, er mættur til Lindau þar sem
hann hittir og ræðir við nóbelsverðlaunahafa í eðlisfræði fram á föstudag.
Fyrstur í Lindau
Kjartan Thor Wikfeldt á fundi ungra og efnilegra
vísindamanna með nóbelsverðlaunahöfum í eðlisfræði
Í HNOTSKURN
» Fundir með nóbelsverðlaunahöfum í efna-fræði, lífeðlisfræði, læknisfræði og eðlis-
fræði hafa verið haldnir til skiptis í Lindau í
Þýskalandi síðan 1951.
» Ungir og efnilegir vísindamenn um allanheim fá þarna tækifæri til að ræða hugðar-
efni sín við virta fræðimenn.
» Meira en 25.000 ungum og efnilegum vís-indamönnum hefur verið boðið til Lindau
vegna þessara funda og að þessu sinni voru 557
manns valdir úr fjölda umsækjenda.
STÆRSTI steinninn sem féll úr Ing-
ólfsfjalli í jarðskjálftanum 29. maí sl.
reyndist vera 50 rúmmetrar og hafa
skoppað rúmlega 370 metra frá brot-
stálinu í sunnanverðu Ingólfsfjalli.
Þetta kom fram í mælingu starfs-
manna Veðurstofunnar, sem héldu í
Ölfus um helgina til að kanna um-
merki skjálftans. Tóku þeir niður
staðsetningarhnit stærstu hnullung-
anna og áætluðu stærð þeirra.
Sá stærsti skildi eftir sig mjög
djúpt og áberandi far í grasinu og
var heppni að bíll átti ekki leið um
veginn sem hann fór yfir, en hann fór
létt með að komast í gegnum grind-
verk á leiðinni.
Jarðhræringarnar áttu sér stað
undir Ingólfsfjalli vestanverðu svo
sem kunnugt er. Mældist stærsti
skjálftinn 6,3 á Richter.
andresth@mbl.is
Ljósmynd/Veðurstofan
Hnullungur Stærsti steinninn
skoppaði 370 metra leið.
Sá stærsti
fimmtíu
rúmmetrar
Hnullungar eftir jarð-
skjálftann skoðaðir
LÖGREGLAN á höfuðborgarsvæð-
inu þurfti síðdegis í gær að hafa af-
skipti af ökumanni sem tilkynnt
hafði verið um að væri drukkinn.
Reyndist maðurinn ofurölvi undir
stýri og próflaus í þokkabót. Mað-
urinn var færður í blóðsýnatöku og
látinn laus að því loknu en bíllykl-
arnir voru gerðir upptækir .
Svartur af ölv-
un undir stýri
NOKKUR snjókoma var á Öxna-
dalsheiði í fyrrinótt og voru fjöll í
nágrenninu hvít niður í miðjar
hlíðar. Verður það að teljast
nokkuð sjaldgæft miðað við árs-
tíma.
Frekar kalt hefur verið fyrir
norðan síðan um miðja nýliðna
viku og hitastigið nálgast frost-
mark á nóttunni. Krapasnjór var á
Öxnadalsheiði og lögreglan á Ak-
ureyri ráðleggur ökumönnum að
fara varlega, því hálka geti verið
á fjallvegum þó nú sé hásumar.
Veðurstofan spáir norðlægri átt
í dag og rigningu eða súld með
köflum norðan- og austanlands.
Spáð er stöku skúrum sunnantil,
en bjartviðri að mestu vestan-
lands. Gert er ráð fyrir 5 til 15
stiga hita og sagt að hlýjast yrði á
Suðurlandi. steinthor@mbl.is
Snjókoma á
Öxnadalsheiði
Morgunblaðið/ÞÖK
TÍMARITIÐ The
Economist hefur
sett á vefsíðu
sína viðtal við
Geir H. Haarde
forsætisráð-
herra. Þar svar-
ar Geir spurn-
ingum um
íslenskt efna-
hagslíf, fjármála-
geirann á Íslandi
og afstöðu hans til Evrópusam-
bandsins. Viðtalið er undir dálki á
vefnum er nefnist Certain Ideas of
Europe.
Economist
ræddi við Geir
Geir H.
Haarde
Hólmavík | Gleði og glaumur var á Hólmavík um
helgina en þá stóðu yfir Hamingjudagar í bænum.
Þetta er í fjórða sinn sem fólk höndlar hamingjuna og
gleðst saman með þessum hætti á Hólmavík. Á dag-
skránni núna var m.a. kassabílarall, litbolti, ljós-
myndasýning, gönguferð um bæinn og „Drekktu bet-
ur“, spurningakeppni með bjórívafi, svo fátt eitt sé
nefnt. Sigfríð Berglind Thorlacius og Kristjana Ey-
steinsdóttir voru meðal þeirra sem fengu verðlaun fyr-
ir glæsilegar hnallþórur á kökuhlaðborðinu. Fjölmenni
var í bænum og heppnaðist hátíðin almennt mjög vel
þrátt fyrir norðankulda. thorbjorn@mbl.is
Morgunblaðið/Kristín Sigurrós Einarsdóttir
Gleðibakstur á Hamingjudögum
BENEDIKT S. Lafleur stefnir að
því að hefja sund yfir Ermasund
árla í dag, en áætlaður sundtími er
frá um 16 klukkustundum upp í
einn sólarhring.
Í gærkvöldi fékk Benedikt stað-
festingu á að lagt yrði af stað frá
Dover á Englandi klukkan 7 árdeg-
is í dag og gera má ráð fyrir að
hann hafi hafið sundið um hálftíma
síðar. Hann ætlaði að byrja sundið
frá Shakespeare-strönd og stefna
að því að ljúka sundinu við Cap-
de-gris-nez. Bátur fylgir Benedikt
eftir og ætlar Jón Karl Helgason að
kvikmynda sundið fyrir mynd
þeirra Benedikts um sjósund Ís-
lendinga. Þetta er önnur tilraun
Benedikts og í þriðja skipti sem
hann fer til Dover til að reyna að
synda yfir Ermasund.
Stefnt að
Ermasundi