Morgunblaðið - 30.06.2008, Side 8

8 MÁNUDAGUR 30. JÚNÍ 2008 MORGUNBLAÐIÐ
FRÉTTIR
Eftir Silju Björk Huldudóttur
silja@mbl.is
„VANDAMÁL mansals er mikið í umræðunni
hjá soroptimistum víða um heim og þess
vegna var ákveðið að vinna sameiginlega í
þessu á Norðurlöndunum,“ segir Ásgerður
Kjartansdóttir, forseti Soroptimista-
sambands Íslands, en á norrænni ráðstefnu
soroptimista sem haldin var hérlendis fyrir
skemmstu undirrituðu forsetar allra norrænu
soroptimistasambandanna viljayfirlýsingar
þar sem ríkisstjórnir Norðurlandanna eru
hvattar til að beita sér til að berjast gegn
mansali.
Ásgerður bendir á að öll Norðurlöndin eru
bæði viðtöku- og gegnumstreymislönd, en í
mörgum tilfellum eru Eystrasaltsríkin upp-
runalöndin og því vilji soroptimistar á Norð-
urlöndunum og Eystrasaltsríkjunum taka
höndum saman og gera sitt til að berjast gegn
mansali.
Áskorun til yfirvalda
Í fyrrgreindri yfirlýsingu eru norræn yfir-
völd m.a. hvött til að efla vitundarvakningu
um mansal á öllum stigum samfélagsins,
styrkja og endurhæfa fórnarlömb mansals
með því að veita þeim húsaskjól, læknishjálp
og sálfræðilega ráðgjöf, auk upplýsinga um
lagalegan rétt þeirra, veita fórnarlömbum að-
stoð við að leita réttar síns gagnvart þeim
sem á þeim brjóta og beita þá sem uppvísir
eru að mansali hörðum refsingum. Norrænir
soroptimistar hvetja ríkisstjórnir jafnframt
til að undirrita og fullgilda samninga og inn-
leiða allar aðgerðir sem beinast gegn mansali
innan kynlífsiðnaðarins og mansali til nauð-
ungarvinnu.
Aðspurð segir Ásgerður yfirlýsingunni
þegar hafa verið komið til Geirs H. Haarde
forsætisráðherra og Jóhönnu Sigurðardóttur
félags- og tryggingamálaráðherra.
Unnið verði að vitundarvakningu
Spurð um næstu skref segir Ásgerður ís-
lenska soroptimista munu fylgjast vel með því
hverju vinna við aðgerðaráætlun íslenskra
stjórnvalda gegn mansali skili og hvort áætl-
uninni fylgi fjármagn til framkvæmda.
„Í samvinnu við zontakonur viljum við síðan
vinna að vitundarvakningu um mansal, því
lengst af hefur verið mikil þöggun um þetta
málefni hérlendis,“ segir Ásgerður og tekur
fram að vonandi standi það til bóta. Ein
þeirra hugmynda sem soroptimistar og zonta-
konur séu með á teikniborðinu sé að útbúa
fræðsluefni um mansal þannig að upplýsa
megi framhaldsskólanemendur um málið.
Hafa áhyggjur af mansali
Soroptimistasambönd á Norðurlöndunum hvetja þarlend stjórnvöld til að berjast gegn mansali
Mansal Sænska kvikmyndin Lilja að eilífu
fjallaði m.a. um mansal á konum og börnum.
Í HNOTSKURN
»Soroptimistar eru alþjóðasamtökfyrir nútímakonur í stjórnun og öðr-
um sérhæfðum störfum.
»Alls eru soroptimistar um 95.000 ogstarfa í 3.000 klúbbum í 120 löndum
um allan heim.
»Soroptimistar héldu ráðstefnu hér álandi á dögunum.
»Soroptimistar stuðla að heimsmyndþar sem konur og stúlkur ná í sam-
einingu fram því besta sem völ er á.
SKÓGARÞRÖSTURINN góði sem skáldið Jónas Hallgrímsson
ávarpaði svo innilega í eina tíð er svo sannarlega ennþá
mannelskur. Það mætti að minnsta kosti lesa út úr atferli
þrastarhjóna sem gerðu sig svo heimakomin á garðpalli fjöl-
skyldu einnar á Fáskrúðsfirði að töluverða vinnu þurfti til að
ónæði skapaðist ekki af návíginu við mannfólkið.
Katla Boghildur Ólafsdóttir sem er á þrettánda ári hefur
fylgst með skógarþrestinum í garði fjölskyldu sinnar og sendi
Morgunblaðinu söguna. Fjölskyldan tók dag einn eftir því að
þröstur hafði gert sér hreiður í blómakörfu á garðpallinum og
var eitt egg í því. Vegna ónæðisins sem af því hefði skapast
sáu þau sér ekki annað fært en að færa körfuna út í tré en þá
vildi ekki betur til en að fuglinn verpti tveimur eggjum í næsta
blómapotti án þess að nokkurt hreiður væri þar að finna. Þau
egg fluttu þau yfir í hreiðrið.
„Fuglinn fylgdi með og hélt áfram að verpa. Við þurftum
enn og aftur að flytja körfuna vegna ónæðis af okkur og
fylgdi fuglinn en það skondna var að alltaf bætti fuglinn við
eggjum,“ segir Katla. Eggin voru loks orðin sjö talsins og nú
eru sjö stórir ungar í hreiðrinu og því óvenjumargir í einu
hreiðri. Katla segir enda þröngt á þingi hjá þrastarungunum
en einn þeirra sitji yfirleitt ofan á hinum og því nokkuð séður.
Chihuahua-hundur Kötlu er svo einkar forvitinn vegna þess-
ara óvenjulegu heimilisvina.
Ung stúlka á Fáskrúðsfirði hefur fylgst með þrastarhreiðri í blómakörfu á garðpallinum
Ljósmynd/Katla Boghildur Ólafsdóttir
Þröngt á þingi hjá sjö þrastarungum
Eftir Steinþór Guðbjartsson
steinthor@mbl.is
GUÐMUNDUR Bjarnason, fram-
kvæmdastjóri
Íbúðalánasjóðs,
segir að niður-
stöður ESA, eftir-
litsstofnunar
EFTA, þess efnis
að starfsemi
Íbúðalánasjóðs
gangi gegn ríkis-
styrkjareglum
EES-samnings-
ins, komi ekki á
óvart og boltinn sé
hjá stjórnvöldum.
Íbúðalánasjóður greiðir ekkert rík-
isábyrgðargjald en samkvæmt ríkis-
styrkjareglunum er það ekki heimilt.
Guðmundur segir að niðurstöður
ESA hafi áhrif á Íbúðalánasjóð til
frambúðar en ekki á dagleg störf
sjóðsins að öðru óbreyttu. Stjórnvöld
hafi lýst því yfir, að þegar álitsgerð
frá ESA lægi fyrir yrði horft til þess
hvað þyrfti að gera og félagsmálaráð-
herra og fjármálaráðherra hefðu ný-
lega sagt að reglum um sjóðinn yrði
ef til vill breytt á næsta þingi.
Málið byrjaði 2004, dómur féll 2006
og álit ESA kemur um tveimur árum
síðar. Guðmundur segir að hluti af
niðurstöðunni sé að setja í gang nýja
rannsókn á því hvað ríkisstyrkir geti
verið háir og með hliðsjón af tímanum
sem málið hafi verið í vinnslu líði
sjálfsagt nokkur ár þar til niðurstaða
fáist.
Verði Íbúðalánasjóði gert að borga
fyrir ríkisábyrgðina fer sú greiðsla til
ríkisins. Guðmundur bendir á að sjóð-
urinn hafi ekki hagnast á núverandi
fyrirkomulagi heldur viðskiptavinirn-
ir, því hægt hafi verið að bjóða þeim
betri kjör. Með ríkisábyrgðargjaldi
hækki vextirnir en þurfi að borga aft-
ur í tímann verði það fé væntanlega
tekið af eigin fé sjóðsins.
Boltinn hjá
stjórnvöldum
Guðmundur
Bjarnason
Í HNOTSKURN
»Eftirlitsstofnun EFTA ermeð mál Íbúðalánasjóðs
áfram til rannsóknar.
»Forstjóri sjóðsins segirþetta ekki hafa áhrif á
dagleg störf.
OFT hefur verið talað um þýska stálið í sambandi við
landslið Þýskalands í knattspyrnu. Eftir slaka frammi-
stöðu í leik liðsins við Spán á EM í gær er þó óhætt að
fullyrða að eitthvað sé málmurinn farinn að mýkjast og
hugsanlega er nú hægt að tala um þýska álið.
Nokkrir íslenskir stuðningsmenn þýska landsliðsins
komu saman til að horfa á leikinn. „Hún var náttúrlega
góð fyrstu 20 mínúturnar,“ segir Gunnar Már Sig-
urfinnsson Þýskalandsaðdáandi um stemninguna. „Við
áttum alveg séns þangað til leiknum lauk. Besta liðið í
keppninni vann.“
Á myndinni má sjá frá vinstri Lindu Hængsdóttur,
Berglindi Magnúsdóttur, Heimi Jónasson og Gunnar
Má Sigurfinnsson. andresth@mbl.is
Morgunblaðið/Kristinn
Er hægt að tala um þýska álið?