Fréttablaðið - 17.04.2009, Blaðsíða 12

12 17. apríl 2009 FÖSTUDAGUR
nær og fjær
„ORÐRÉTT“
Þau eru afar fjölbreytt
störfin sem ungt fólk leggur
fyrir sig á þessum síðustu
tímum. Vilhjálmur Þór
Gunnarsson hefur lagt
fyrir sig áhættuleik og fékk
Fréttablaðið að fylgjast með
því þegar hann kveikti í sér
við Kleifarvatn.
„Sæll Biggi, ertu til í að koma að
kveikja í mér í dag?“ Með þessum
orðum fékk Vilhjálmur Þór félaga
sinn Birgi Frey Sumarliðason til
að aðstoða sig við æfingu í gær,
en áhættuleikarar verða að halda
sér við. Fleiri félagar komu með að
Kleifarvatni þar sem áhættuleik-
arinn lék í ljósum logum nokkra
stund áður en hann henti sér ofan
í vatnið. Ekki varð honum meint af
en líklega fer hann í klippingu í dag
því nokkur logi komst á kollinn.
Fyrir fjórum árum fór hann
í Kahana Stunt School í Flórída
sem er skóli í áhættuleik. Fór síðan
aftur ári síðar. En hvernig leist
ættingjum hans á það? „Amma
er ekki alveg að fíla þetta,“ segir
Vilhjálmur. „Hún hefur miklar
áhyggjur af þessu öllu svo ég segi
henni sem minnst af því sem ég er
að gera. Mamma var líka svona
fyrst en nú er hún eiginlega orðin
allt of kærulaus. Ég hringdi til
dæmis í hana í dag og sagðist vera
að fara að kveikja í mér og hún
sagði bara: „Já, allt í lagi, góði“ og
þar með var það útrætt. Hún veit
líka sem er að þetta er allt afar vel
undirbúið og ég veit fullkomlega
hvað ég er að gera.“
En enginn verður óbarinn
áhættuleikari. „Ég lenti stundum
í því fyrst að fá kúlu eða lemstra
mig eitthvað þegar ég var að láta
mig detta fram af hæðum.“ Detta
fram af hæðum? spyr blaðamaður
forviða. „Já, svona sjö metra og
með dýnu undir. En ef lendingin er
ekki rétt getur maður meitt sig.“
Vilhjálmur hefur komið að
nokkrum kvikmyndum erlend-
is, bæði í áhættuleik og síðan til
að aðstoða við áhættuleik. „Ég
var líka að deyja með sviplegum
hætti fyrir einn leikara í mynd-
inni „Reykjavik Whale Watching
Massacre“ en þar sem ekki er
farið að sýna hana hérlendis segi
ég ekki meir um það. Sömuleið-
is komum við Valdimar Jóhanns-
son, sem einnig er áhættuleikari,
að myndbandi sem kanadíski tón-
listarmaðurinn Patrick Watson var
að gera.“
Vilhjálmur íhugar að hefja sýn-
ingar í áhættuleik hér á landi. „Það
er örugglega til hellingur af fólki
sem vill sjá menn falla nokkra
metra eða leika í ljósum logum.“
jse@frettabladid.is
Amma fílar þetta ekki
LEIKIÐ Í LJÓSUM LOGUM Vilhjálmur Þór er hér í ljósum logum við Kleifarvatn. Svo fólk andi léttar er rétt að taka það fram að
hann er heill heilsu í dag og líklegur til að fara í klippingu. FRÉTTABLAÐIÐ/VILHELM
■ Fyrstu línuskautarnir voru
hannaðir af rússneskum skauta-
hlaupara í þeim tilgangi að æfa
skautahlaup á götum úti. Árið
1980 birti tímaritið Life myndir af
bandaríska skautahlauparanum
Eric Heiden við æfingar á línu-
skautum, en hann var þá að búa
sig undir Ólympíuleikana í Moskvu
(sem Bandaríkin að lokum snið-
gengu). Hjólaskautaframleiðand-
inn Rollerblade Inc. í Minnesota í
Bandaríkjunum tók
þessa nýjung upp
á sína arma og hóf
fjöldaframleiðslu
á línuskaut-
um undir
lok níunda
áratugarins.
LÍNUSKAUTAR
HANNAÐIR Í RÚSSLANDI
Útdráttur
„Okkur fannst mjög, mjög
óréttlátt að á meðan bank-
arnir eru að draga fjölskyldur
út af sínum heimilum vegna
skulda eru yfir níu þúsund
tómar íbúðir í Reykjavík.“
TÓMAS DAÐI HALLDÓRSSON VAR
ÓSÁTTUR VIÐ AÐ HÚSTÖKUFÓLK
FENGI EKKI AÐ VERA Í HÚSI VIÐ
VATNSSTÍG Í REYKJAVÍK.
Fréttablaðið 15. apríl
Samanburður
„Það væri gaman að ræða
við Kjalnesinga hvort fleiri
hafa dáið í bílslysum eða
skotvopnaslysum á Kjalarnesi
undanfarin ár.“
FANNAR BERGSSON, FORMAÐUR
SKOTREYNAR, ER ÓSÁTTUR VIÐ
KVARTANIR KJALNESINGA VEGNA
SKOTÆFINGASVÆÐIS.
Fréttablaðið 15. apríl
„Ég var að koma úr mánaðarlangri ferð til
Úganda í Afríku þar sem að ég var að skjóta
heimildarmyndina Ísland-Úganda og fjallar um
ungt fólk í löndunum tveimur,“ segir Garðar
Stefánsson, kvikmyndagerðarmaður og nemi.
„Þetta er samanburðarheimildarmynd
sem ég er að gera með Rúnari Inga
Einarssyni. Íslandshlutinn verður tek-
inn upp í sumar. Hún fjallar í stuttu
máli um ungt fólk í fyrrverandi
nýlenduríkjum, það er Íslandi og
Úganda, og við reynum svo að
bera þetta unga fólk saman,“
segir Garðar. Stefnt er að frum-
sýningu myndarinnar í haust.
Í Úganda lenti Garðar í
ýmsum ævintýrum. „Ég festist
á miðju Viktoríuvatni, át fáránlega
mikið af ávöxtum og banönum og
meira að segja sushi, ég svitnaði eins og ég veit
ekki hvað og „chillaði“ með fjallagórillum. Svo
var ég með risastóra könguló á bakinu án þess
að taka eftir því.“
Garðar er núna staddur í Árósum þar sem
hann stundar skiptinám í alþjóðasamskipt-
um. Hann verður á Íslandi í sumar, ætlar að
vinna við kvikmyndahátíðina RIFF og ljúka
tveimur heimildarmyndum.
„Íslenska krónan er önnur heimildar-
mynd sem ég er að vinna með Atla
Bollasyni og stefni á að ljúka í sumar. Hún
fjallar um sögu íslensku krónunnar og hver
staða hennar er í dag. Í henni verður fjallað á
skemmtilegan hátt um krónuna og flóknum
hagfræðilegum hugtökum gerð skil. Enn
frekar verður kafað í stöðu krónunnar í
dag og hvaða skref verður hægt að taka í
framhaldinu,“ segir Garðar.
HVAÐ ER AÐ FRÉTTA? GARÐAR STEFÁNSSON, KVIKMYNDAGERÐARMAÐUR
Svitnaði með risaköngulóm
Kynntu þér málið hjá sölumönnum Eirvíkur
Íslenskt stjórnborð - Stórt hurðarop
Íslenskar leiðbeiningar - 20 ára ending
Miele þvottavélar hafa verið framleiddar í yfir hundrað ár.
Miele þvottavélar eru framleiddar til að endast.
Þvottavélar - Verð frá kr. 154.995
Þurrkarar - Verð frá kr. 129.995
TILBOÐ
Sparaðu
með Miele
Suðurlandsbraut 20, Reykjavík | Sími 588 0200 | www.eirvik.is
„Það misbýður réttlætiskennd
minni að sjá lögregluna handtaka
fólkið sem hefur komið sér fyrir í
þessu húsi,“ segir Stefania Kromy-
daki, grískur háskólanemi sem var
við mótmælin á Vatnsstíg þegar
lögreglan leiddi hústökufólkið burt
í járnum.
„Þetta hús er látið grotna niður
til að þrýsta á leyfi til þess að
rífa það. Þannig er það orðið lýti
á Reykjavík og svo þegar fátækt,
ungt fólk með góðar hugmynd-
ir kemur til að gera eitthvað gott
úr því þá er gripið til þessara
aðgerða. Þetta fólk hefur engan
stað til að halla höfði sínu, hvar
ætlar lögreglan að láta það búa?
Úti á götu?“
Mótmæli hafa sett svip sinn
á sögu Grikklands. Það voru til
dæmis mótmæli ungs fólks, sem
síðar leitaði sér skjóls í Tæknihá-
skólanum í Aþenu árið 1973, sem
kom herforingjastjórn frá völdum
það ár. Þeirrar byltingar er minnst
af mikilli lotningu þar í landi allar
götur síðan. „Það er ekki laust við
að ég minnist þeirra atburða þegar
ég sé þetta, það er margt af því
sem hér er að gerast sem minnir á
byltinguna í Grikklandi sem kennd
er við Tækniháskólann.“
Stefania var á meðal þeirra sem
sátu fyrir lögreglubílum sem fóru
um Vatnsstíg og sá blaðamaður að
hún lenti nærri staur þegar henni
var hent af götunni. „Það eru nú
bara smámunir miðað við það
sem er að gerast hérna,“ segir hún
aðspurð um það atvik. - jse
Grískur háskólanemandi tekur þátt í mótmælum vegna handtöku hústökufólks:
Minnir á grísku byltinguna
STEFANIA VIÐ VATNSSTÍG Gríski nem-
andinn hrópaði og kallaði á íslensku við
mótmælin, en það sem var að gerast
fékk hana til að hugsa til stóratburða frá
sínum heimahögum árið 1973.
FRÉTTABLAÐIÐ/VALLI