Morgunblaðið - 04.10.2008, Side 13
MORGUNBLAÐIÐ LAUGARDAGUR 4. OKTÓBER 2008 13
– bankinn þinn
...og viðskiptavina!
UMFERÐARÓHÖPPUM þar sem
slys hafa orðið á fólki hefur fækk-
að nokkuð á höfuðborgarsvæðinu
eða um 15% síðastliðna sjö mánuði
samanborið við sama tíma á síð-
asta ári, samkvæmt upplýsingum
frá Umferðarstofu. Ef skoðaðir
eru helstu slysastaðir höfuðborg-
arsvæðisins síðastliðið eitt og
hálft ár má sjá að flest hafa þau
orðið á gatnamótum Suðurlands-
brautar/Kringlumýrarbrautar og
Laugavegar eða fjórtán talsins.
Tíu slys hafa á sama tíma átt sér
stað á gatnamótum Kringlumýr-
arbrautar og Bústaðavegar austan
Bústaðavegarbrúar.
Lögreglan hefur haldið uppi
sérstöku eftirliti á þeim gatnamót-
um þar sem slysin hafa verið flest
og á tímum þegar umferðarþung-
inn er hvað mestur. Markmiðið er
að hvetja ökumenn til aukinnar
aðgæslu. Því verður haldið áfram.
Þá hefur Vegagerðin og Reykja-
víkurborg tekið þessa staði til
skoðunar með úrræði í huga.
Slysum
fækkar í
umferð
Eftir Skapta Hallgrímsson
skapti@mbl.is
HÁTT í fjögur þúsund lítrum af
hráolíu var um síðustu helgi stolið
úr tanki verktakafyrirtækisins G.
Hjálmarssonar á Akureyri. Verð-
mæti olíunnar sem hvarf er líklega
hátt í 800 þúsund krónur. Töluvert
hefur borið á eldsneytisstuldi á Ak-
ureyri að undanförnu, að sögn lög-
reglu.
„Olíudreifing er að kanna málið
en ég sé ekki betur en það hafi
horfið þrjú til fjögur þúsund lítrar.
Það kostar mig sex til átta hundr-
uð þúsund. Mér finnst nú alveg
nóg að borga hátt í 200 krónur fyr-
ir lítrann þó svo að ekki sé stolið
svona miklu af manni líka,“ sagði
Guðmundur Hjálmarsson, eigandi
fyrirtækisins, í samtali við blaða-
mann Morgunblaðsins í gær.
Tankurinn, sem er við höfuð-
stöðvar fyrirtækisins við Draupn-
isgötu á Akureyri, tekur 5.500 lítra
og var fylltur á fimmtudegi fyrir
viku en var orðinn tómur á mánu-
dagskvöldinu. „Þegar ég áttaði mig
á því hringdi ég í Olíudreifingu og
bað þá vinsamlega að drífa í því að
fylla tankinn,“ sagði Guðmundur.
Hann hélt að það hefði farist fyrir.
„Þeir urðu undrandi; sögðu að það
gæti ekki verið að tankurinn væri
tómur því þeir hefðu fyllt hann á
fimmtudeginum.“
Þegar Guðmundur athugaði mál-
ið sá hann að lásinn af tanknum
var horfinn.
5.500 lítrar duga Guðmundi yf-
irleitt í eina viku á vörubíla fyr-
irtækisins. Hann segist nú naga sig
í handarbökin yfir því að hafa ekki
verið búinn að koma fyrir eftirlits-
myndavélum á staðnum en það hafi
staðið til.
„Kannski maður hætti bara að
geyma olíuna sjálfur og láti af-
greiða sig í staðinn. Það er betra
að borga eitthvert afgreiðslugjald
en að láta stela svona frá sér,“
sagði Guðmundur.
Um er að ræða ólitaða hráolíu
(dísilolíu) sem notuð er á vörubíla
og jeppa.
Tveir aðrir verktakar á Akureyri
sem Morgunblaðið ræddi við í gær
höfðu ekki lent í hinu sama og
Guðmundur. Annar sagðist vera
með niðurgrafna tanka og raf-
magnið væri tekið af á kvöldin
þannig að ekki væri hægt að dæla
úr þeim. Þá væri hann með litla
tanka úti um bæ þar sem unnið
væri á vélum hans hverju sinni og
líklega yrði enginn var við þótt
smávegis væri stolið þar.
Hinn sagðist vera með mynda-
vélakerfi við fyrirtækið og það eitt
dygði. Þar sem hann var áður með
aðsetur var hvað eftir annað brot-
ist inn, bæði í fyrirtækið og í
vinnuvélar, og stolið tækjum,
geislaspilurum og slíku, en aldrei
olíu. „Þetta steinhætti eftir að við
fluttumst og ég setti upp eftirlits-
myndakerfi. Það er reyndar tölu-
vert ráp hér fyrir utan á nóttinni
en það fer aldrei neinn út úr bíln-
um.“
Þúsundum olíulítra
stolið frá verktakta
Morgunblaðið/Skapti Hallgrímsson
Stuldur Frá athafnasvæði G. Hjálmarssonar við Draupnisgötu á Akureyri.
BORGARRÁÐ hefur samþykkt
deiliskipulag vegna Laugavegar 4
og 6. Tillagan var samþykkt með 6
samhljóða atkvæðum, en Óskar
Bergsson, borgarráðsfulltrúi Fram-
sóknarflokksins, sat hjá við af-
greiðslu málsins.
Ólafur F. Magnússon borgar-
fulltrúi bókaði að uppbygging á lóð-
inni Laugavegi 4-6 í gömlum tíð-
aranda á elsta hluta Laugavegarins
væri fagnaðarefni og varpaði skýru
ljósi á þá hugarfarsbreytingu sem
orðið hefði varðandi verndun menn-
ingarminja í miðborg Reykjavíkur.
Samþykktu
deiliskipulag
FJÓRIR hafa sótt um starf rík-
issáttasemjara, en umsóknarfrest-
urinn rann út um mánaðamótin.
Upphaflega voru umsækjendur
fimm, en einn dró umsókn sína til
baka. Umsækjendur eru Að-
alheiður K. Þórarinsdóttir, Haukur
Nikulásson, Magnús Pétursson og
Valtýr Þór Hreiðarsson. Skipað
verður í embættið til fimm ára, frá
1. nóvember næstkomandi.
Fjórir sóttu um
sáttasemjarann
PILTAR á aldrinum 15-17 ára brut-
ust í vikunni inn í húsnæði Útilífs-
miðstöðvarinnar á Hömrum á Ak-
ureyri og námu á brott lítinn
peningaskáp. Þeir höfðu 400 þús-
und krónur upp úr krafsinu en þýf-
ið komst til skila þegar lögreglan
hafði uppi á þjófunum.
Stálu 400 þús-
und krónum