Morgunblaðið - 04.10.2008, Side 24

24 LAUGARDAGUR 4. OKTÓBER 2008 MORGUNBLAÐIÐ
Samstaða KR-inga er lönguþekkt og ár eftir ár hafaleikir KR-liðsins verið bestsóttu leikirnir í íslenskri
knattspyrnu. Sumarið í ár er þar
engin undantekning, KR trónir á
toppnum með flesta áhorfendur á
leiki sína. Stuðningsmennirnir munu
eflaust fjölmenna á úrslitaleikinn í
Visa-bikarnum í dag, annað yrði
skráð sem stórt skróp í kladdann.
Páll Kristjánsson, formaður KR-
klúbbsins og einn Miðju-manna,er
ánægður með þessa miklu samstöðu
og það vefst ekkert fyrir honum að
útskýra hvers vegna þetta er: „Þetta
er einfaldlega þannig að menn eru
annaðhvort með KR eða ákveðið á
móti. Við
leggjum mikið
upp úr því að
vera stærstir
og bestir og
það fer í taug-
arnar á and-
stæðingunum.
Við þurfum
því að standa undir nafni og þegar
við skynjum að allir aðrir eru á móti
okkur stöndum við þéttar saman.
Fyrir okkur marga er það lífsstíll að
vera KR-ingur og svo er þetta alið
upp í manni.“
Kraftmiklir og áberandi
Miðjan er stuðningsmannahópur
KR og ekki formlegt batterí sem
slíkt, en kraftmikið og áberandi á
leikjum. Flestir eru Miðju-
mennirnir á aldrinum milli tvítugs
og þrítugs, en innan um og saman
við má sjá eldri KR-inga. Þessi gall-
harði kjarni fær mikið út úr því að
vera KR-ingar eins og sjá má á
heimasíðu klúbbsins. KR-klúbb-
urinn er hins vegar formlegt stuðn-
ingsmannafélag KR og eru skráðir
félagar um 600. KR-klúbburinn
heldur utan um veitingasölu á
heimaleikjum, gefur út fréttabréf,
skipuleggur hópferðir á útileiki og
ýmislegt fleira til að efla samstöð-
una.
„Að vera KR-ingur nær út fyrir
gröf og dauða hjá sumum okkar og
venjulegir KR-ingar skilja stundum
ekki öfgarnar hjá strákunum í Miðj-
unni. Við KR-ingar erum klárlega
bestir og fjölmennastir í stúkunni
sama á hverju dynur og verðum það
að sjálfsögðu í bikarleiknum á móti
Fjölni,“ segir Páll.
Hann er ekki í vafa um úrslitin:
„Við tökum þetta 3:0. Ég held það sé
töluverður getumunur á þessum lið-
um, ef allt verður eðlilegt vinnum við
örugglega.“
Sex í lögfræði – sex KR-ingar
Fyrir utan KR snýst allt um lög-
fræði hjá Páli og fjölskyldu hans,
formúlan er einföld: Sex manns og
sex lögfræðingar eða verðandi lög-
fræðingar. „Ég á eftir eina önn í lög-
fræði við Háskóla Íslands. Pabbi og
mamma eru bæði lögfræðingar,
Kristján Stefánsson og Steinunn
Margrét Lárusdóttir. Bræður mínir,
Stefán Karl, sem var formaður KR-
klúbbsins á undan mér, og Jón
Bjarni, sem er með mér í stjórn KR-
klúbbsins, eru báðir lögfræðingar.
Svo er það Gunnar, sem er yngst-
ur okkar bræðra. Hann er að byrja í
lögfræði, en hefur verið í hálfgerðri
útlegð síðustu ár og spilað með Vík-
ingum. Ég hef þó ekki áhyggjur af
honum, hann á að sjálfsögðu eftir að
skila sér aftur í KR,“ segir Páll að
lokum.
Lífsstíll að vera KR-ingur
Morgunblaðið/Kristinn
Galvaskir KR-ingarnir Hjörvar Páll Ólafsson, Páll Kristjánsson og Jón Bjarni Kristjánsson segja ekkert annað
koma til greina en sigur Vesturbæjarliðsins í úrslitaleiknum í dag. Þeir sitja í stjórn KR-klúbbsins.
Stuðningsmenn KR og Fjölnis í Vesturbæ og Grafarvogi safna liði og ætla sér
ekkert annað en sigur í bikarúrslitunum – bæði á vellinum og í stúkunni
Eftir Ágúst Inga Jónsson
aij@mbl.is
Fjölnir úr Grafarvogi hefurstimplað sig rækilegainn í íslenska knatt-spyrnu á síðustu árum.
Silfur í bikarkeppninni
í fyrra, öruggt sæti í
Landsbankadeildinni í
sumar eftir toppbaráttu
um tíma og aftur er lið-
ið úr Grafarvoginum
komið í úrslit VISA-
bikarsins.
Í stúkunni á Fjölnir
líka þéttan hóp stuðn-
ingsmanna eins og sjá
mátti í deildinni í sumar. Yfir þús-
und manns mættu á hvern heima-
leik Fjölnis og fyrir neðan Fjölni á
aðsóknarlistanum voru fornfræg
félög eins og Valur, Fram og
Akranes.
„Grafarvogurinn er svolítið eins
og þorp á landsbyggðinni og íbú-
arnir eru þéttur hópur sem stend-
ur vel saman. Fjölnir er liðið okk-
ar og í dag verður guli liturinn
áberandi í stúkunni á Laugardals-
vellinum, það get ég sagt þér.
Sjálfur hef ég átt heima hérna frá
sex ára aldri og sé enga ástæðu til
að fara neitt annað eða halda með
öðru liði en Fjölni,“ segir Ingi
Finnsson, formaður Kára, sem er
einarður stuðningshópur Fjölnis.
Hann er verkefnisstjóri hjá ÍTR
og sér um félagsmiðstöðvarnar í
Grafarvoginum.
Klúbburinn er lokaður
og aðeins hópur 38 gall-
harðra stuðningsmanna
Fjölnis er innvígður í
Kára. Strákarnir í Kára
fylgja sínu liði í gegnum
súrt og sætt og hafa
vakið athygli fyrir kröft-
uga hvatningu, söng og
bumbuslátt á leikjum.
„Síðan er það endalaust mikill
fjöldi,“ eins og Ingi orðar það,
„sem tekur þátt í hvatning-
arhrópum á leikjum og er í kring-
um okkur til stuðnings Fjölni.“
En af hverju heitir klúbburinn
Kári?
„Kári heitir í höfuðið á manni
sem heitir Kári Jónsson. Hann var
einn af stofnendum Fjölnis og
mætir á hvern einasta heimaleik
Fjölnis og á flesta útileiki. Það er
ekki nóg því hann mætir líka á
leiki utandeildarliðs sem margir
okkar erum í. Hann er fyrirmynd
annarra stuðningsmanna þannig að
það kom ekkert annað til greina
en að nefna klúbbinn í höfuðið á
honum.“
Vonandi tvíheilagt
Aðeins tuttugu ár eru frá stofn-
un Fjölnis og hátíð verður í tilefni
af afmælinu í dag. Vonandi tvíheil-
agt, segja Fjölnismenn. „Ég er
ekki í vafa og tilbúinn að halda
góða veislu upp á Fjölnissigur,“
segir Ingi. „Við töpuðum 2-1 í bik-
arúrslitunum í fyrra, en nú vinnum
við með sömu markatölu. Það er
ágæt tala, eins marks sigur er al-
veg nóg.“
Íbúarnir standa
þétt um Fjölni
Morgunblaðið/Árni Sæberg
Samtaka Þeir Ingi Finnsson, Kári Jónsson og Stefán Örn Kárason eru klárir í slaginn á Laugardalsvellinum í dag.
Kári er fyrirmynd annarra stuðningsmanna Fjölnis að sögn formanns Kára-klúbbsins.
„Grafarvog-
urinn er svolít-
ið eins og þorp
á landsbyggð-
inni og íbúarnir
eru þéttur hóp-
ur sem stendur
vel saman
STUÐNINGSMENN Fjölnis
og KR taka daginn snemma í
dag fyrir úrslitaleikinn í
VISA-bikar karla. Hjá báð-
um félögum verður blásið til
fjölskylduhátíðar og hefjast
herlegheitin kl. 10. Leikur-
inn sjálfur hefst kl. 14 á
Laugardalsvelli og á heima-
síðu KSÍ eru áhorfendur
hvattir til þess að vera tím-
anlega á ferðinni.
Fjölnismenn fagna bæði
sæti í úrslitaleiknum og í
leiðinni 20 ára afmæli félags-
ins. Af því tilefni verður
blásið til fjölskylduhátíðar í
Íþróttahúsinu Dalhúsum þar
sem allir stuðningsmenn
Fjölnis sem og allir Graf-
arvogsbúar eru boðnir vel-
komnir. Þar verður ýmislegt
gert sér til skemmtunar auk
þess sem boðið verður upp á
grillaðar pylsur og heljarinn-
ar afmælistertu. Hátíðin
hefst kl. 10 og er áætlað að
henni ljúki um kl. 12.30 þeg-
ar allir storma niður í Laug-
ardal til þess að hvetja sína
menn til sigurs.
Í Vesturbænum ætla menn
og konur einnig að byrja kl.
10 í DHL-höllinni og verður
margt um dýrðir. Kynning
verður á hinu öfluga get-
raunastarfi KR og strák-
arnir í 6. flokki etja kappi
við jafnaldra sína úr Gróttu
á KR-vellinum. Lalli töfra-
maður mætir á svæðið og
hljómsveitin „5 á Richter“
leikur létta slagara. Um kl.
13 er svo boðið upp á fríar
sætaferðir í Laugardalinn og
aftur til baka að leik loknum.
Stuðningsmenn félaganna
eru hvattir til þess að nýta
sér þessa möguleika, stilla
saman strengi og gera dag-
inn eftirminnilegan.
Taka
daginn
snemma
Söngvar og slagarar til stuðnings Fjölni og KR eru margvíslegir.
Af heimasíðu Fjölnis:
Við erum Fjölnismenn
Við erum Fjölnismenn
Allan daginn út og inn
Komnir til að vinna
Það þýðir ekkert minna.
Og af heimasíðu KR:
Hagar, Skjól og Melar,
Gamli bærinn og Grandar,
allur Vesturbærinn vill fá bikarinn heim!
Bikarinn heim!
bikarinn heim!
Allt sem við viljum – það er bikarinn heim!
Sungið til stuðnings
Þetta er ein-
faldlega þann-
ig að menn eru
annaðhvort
með KR eða
ákveðið á móti.
bikarúrslit