Morgunblaðið - 17.10.2008, Síða 12

12|Morgunblaðið
Eftir Svanhvíti Ljósbjörgu
svanhvit@mbl.is
Þ
að er nauðsynlegt að vera
fínn í tauinu þegar alþjóð
horfir á, eins og María
Sigrún Hilmarsdóttir,
fréttamaður hjá Rík-
isútvarpinu, finnur fyrir en þegar
hún er heima skipta þægindin höf-
uðmáli.
Hvað er tíska í þínum augum?
„Snyrtilegur fatnaður sem hæfir til-
efninu og dregur það besta fram hjá
þeim sem fötunum klæðist.“
Fylgirðu tískunni?
„Upp að vissu marki, ég er ekki
þræll hennar en ég hef áhuga á
tísku alveg eins og sumir hafa áhuga
á blómum eða fuglum. En ég reyni
að vera skynsöm og velja föt sem
nýtast mér vel við rétt tilefni. Ég tel
mig vera nokkuð klassíska í fatavali
og geng aldrei út í neinar öfgar í
neinu. Sumir vinir mínir ganga
lengra og gera góðlátlegt grín að því
að ég sé gamaldags. Ég tek því sem
hrósi. Mér finnst gamalt fallegt.“
Skiptir klæðnaður og útlit miklu
máli?
„Þegar ég er í vinnunni já en alls
ekki þegar ég er heima. Ég verð að
vera fín í vinnunni starfs míns
vegna, það sést í mig. En þegar ég
er heima nýt ég þess að vera ótil-
höfð. Mér líður best þegar ég er
ómáluð í jogginggalla eða nátt-
fötum. Ég fer ekki í neinar graf-
götur með það. Þeir sem segja að
sér líði best í sparifötum eru að
plata.“
Hvar kaupirðu helst föt?
„Ég á mér enga eina uppáhalds-
búð. Fataskápurinn minn er mest-
megnis samsuða fata úr Karen Mil-
len, H&M, Express, Abercrombie &
Fitch og notuð föt. Mér finnst gam-
an að blanda saman og ég kaupi
bara það sem mér finnst fallegt og
fer mér vel. Nafnið á búðinni skiptir
mig engu máli.“
Hvað eyðirðu miklu í föt á mán-
uði?
„Það er ýmist í ökkla eða eyra.
Hingað til hef ég keypt mikið af
skóm, fötum og fylgihlutum þegar
ég er í útlöndum. Þá nýti ég tímann
vel í búðum, vanda valið og haga
mér stundum eins og veiðimaður
sem safnar forða fyrir veturinn.
Þess á milli líða oft margir mánuðir
þar sem ég kaupi ekki spjör. Þá lifi
ég eins og nánös, fer með fötin mín í
viðgerð, skóna til skósmiðs og safna
fyrir næsta flugmiða. Ef krónan
hressist ekkert af veikindum sínum
gæti þó orðið breyting á þessari
hegðun.“
Mér finnst
gamalt fallegt
María Sigrún Hilmarsdóttir
María keypti sér nýlega
þennan fallega kjól frá Prada
sem er fínasta dulan hennar
um þessar mundir.
Morgunblaðið/Árni Sæberg
Klassísk föt í kreppunni
Í miðri kreppu þegar fjármunir eru
litlir er mikilvægt að kaupa réttu
flíkurnar þegar þörf er á nýjum föt-
um. Flíkur sem endast lengi, passa
við hvað sem er og hægt er að nýta
oft. Rachel Echuru, stílisti hjá De-
benhams, segir að klassísk föt séu
alltaf góð eign. „Það er nauðsyn-
legt að eiga föt sem hægt er að nota
á hverjum degi því það er dýrt að
kaupa sér ný föt reglulega. Það get-
ur því verið gott að eiga nokkrar
flíkur sem eru notaðar oft, á mis-
munandi hátt og með mismunandi
fylgihlutum. Klassískar flíkur eru
líka alltaf í tísku, án þess þó að vera
beinlínis í tísku,“ segir Rachel sem
hefur mikinn áhuga á tísku enda
bæði fatahönnuður og hár-
greiðslukona. „Það er algengt að
fólk fái aðstoð við að velja föt en þó
hefur verið aðeins minna að gera
undanfarið. Í kreppu kaupir fólk
minna af fötum og veltir verðinu
meira fyrir sér.“
Rétt nærföt mikilvæg
Rachel segir það vera misjafnt
hverju fólk sé að leita eftir. Sumir
vilji koma sér upp fullkomnum fata-
skáp á meðan aðrir leita að vinnu-
fötum. „Ég fer eftir því sem við-
skiptavinurinn vill. Það er ekki mitt
hlutverk að breyta um stíl heldur
gef ég einungis ráð um hvað fari
best. Ég sýni viðskiptavininum
hvað mér finnst passa saman og
ákvörðunin er hans. Ég byrja á að
kanna hvaða snið hentar best og
finn svo út hvað viðskiptavininum
finnst flottast,“ segir Rachel og
bætir við að undirföt skipti gríð-
arlega miklu máli. „Nærfötin þurfa
að passa vel og styðja við á réttum
stöðum því það hefur áhrif á hvern-
ig föt líta út á manni. Svo eru til alls
kyns aðhaldsnærbuxur sem halda
við og eru mjög vinsælar hjá kon-
um. En umfram allt verða nærfötin
að passa vel.“ svanhvit@mbl.is
Morgunblaðið/Frikki
Rachel Echuru: „Klassísk föt eru alltaf góð eign.“
Sérverslun fyrir konur á hvaða aldri sem er
því stíll spyr ekki um aldur!
Laugavegi 44 • Sími 561 4000
Opið virka daga kl. 10:30-18:00
laugard. kl. 11:00-16:00
www.diza.is
Diza
Engri lík!
Gerið
Dalvegi 18, 201 Kópavogur, sími 568 6500, fondra.is
Opið virka daga kl. 10-18, lau. kl. 11-16.
jólagjafirna
r
sjálf
Fataefni
og snið
Prjóna-
garn
Allt til
skartgripa-
gerðar