Skinfaxi

Árgangur

Skinfaxi - 01.07.1915, Blaðsíða 1

Skinfaxi - 01.07.1915, Blaðsíða 1
Verslunin. Eiuokuuiu. Það skiftir stórmiklu fyrir hverja þjóð hversu verslun hennar er háttað. Kemur þar margt til greina bæði viðskifti gagn- vart öðrum löndum og verkaskiftingin í landinu sjálfu að því er snertir verslun og ■verslunargróða. Þetta skiftir ótrúlega miklu máli, þegar rætt er um viðreisn landsins. Það eru ekki svo fá hóruð á íslandi sem hafa verið og eru í sárustu bláfátækt sök- um óheppilegrar verslunar. Það stoðar htið fyrir fólkið að strita ár út og ár inn, «f meira en hálfur arðurinn fer í vasa innlendra og erlendra milliliða. Því betur sem að er gáð, þvi ljósari verður mönn- um þýðing góðrar verslunar. Svo má að orði kveða að síð- an um siðabót hafi verslun íslendinga verið í mesta ólagi og í tvær aldir frá 1600—1800, einokunartímabilið var hún eins vond og verslun getur fram- ast verið. Kaupmennirnir voru erlendir menn, að heita mátti einvaldir í því hér- aði sem þeir versluðu. Þeir voru illa mentir, fjandsamlegir gagnvart þjóðinni. Þeir voru allir frá sama landi, og þeir keyptu þar og seldu alt sem til íslands átti að fara, eða frá Islandi kom, hvernig sem markaðnum var háttað. Afleiðingin er alkunn. Einokunin lamaði islensku þjóðina meira en nokkurt annað ólán, sem fyrir hana hefir komið. Miklar umbætur eru nú orðn- Umuætur. , , . . . . , , ar 1 þessu efm fynr atorku góðra Islendinga, einkum Skúla og Jóns forseta. Dönsku selstöðuhúsunum hefir smátt og smátt verið að fækka. og eyði- leggjandi máttur þeirra að þverra. Næsta vandræðasporið í íslenskri verslun var að þjóðin var bundin áratugum saman á klafa hjá kaupmönnum í Kaupmannahöfn, og svo er enn að miklu leyti. Gamall vani og einveldi Dana í siglingum hér við land hefir valdið þessu. En þetta er nú að breytast. Bein viðskifti milli Islands ann- arsvegar og hins vegar Englands, Þýska- lands, Noregs og Bandaríkjanna eru stöð- ugt að vaxa. Verslunin færist í það eðli- Iega horf að Islendingar skifti við þá sem best bjóða, hvar í veröld sem þeireru. Is- lensku eimskipin munu létta ákaflega mik- ið fyrir þessari breytingu. Önnur verkleg framför er að gerast hér sem mjög mun breyta íslenskri verslun. Það er hafnargerðin í Reykjavík. Þegar höfnin er fullger með mörgum og miklum vöruhúsum, þá verða þar vöruhús fyrir landið alt. Mjög mikill hluti af allri við- skiftaveltu Islendinga fer þá í gegn um Reykjavík. I stað stórkaupmannanna í Kaupmannahöf, Leith og Newcastle verða heildsalar búsettir í höfuðstað Islands. Þeir finna mjög glögglega hvaðan vindurinn stendur og hin síðari ár fjölgar stórsölum og umboðssölum i Rvík afarmikið. Og að því er virðist gengur starf þeirra ágætlega. Sárfáir fara á höfuðið; flestir þeirra virð- ast vera orðnir eða vera á leiðinni að verða vel efnaðir menn.

x

Skinfaxi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Skinfaxi
https://timarit.is/publication/334

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.