Skinfaxi

Árgangur

Skinfaxi - 01.03.1916, Blaðsíða 4

Skinfaxi - 01.03.1916, Blaðsíða 4
28 SKINFAXl jafnt til hressingar og ánægju félagsmönn- um í Reykjavík og aðkomufólkinu. Von- andi verður þessari venju haldið áfram í höfuðstaðnum, og breytt eftir henni í öðrum kauptúnum, þar sem ungm.félög starfa. Fastar starl'smuður. í vetur hefir fengist reynsla fyrir því, hve mikla þýðingu það hefir fyrir ung- mennafélögin og hið andlega líf í sveitun- um, að áhugasamir og vel færir menn fari fyrirlestraferðir nm landið. Bersýni- lega verður að halda fast við upptekna stefnu, og fremur auka við en draga úr. Sambandinu veitir alls ekki af, innan skamms, að geta fengið fastan starfsmann, sem bæði hefir með höndum yíirstjórn sambandsmála, og færi jafnframt yfir hálft landið á ári fyrirlestra- og eftirlitsferð. Þar að auki ]>yrfti aðra menn til að ferðast um og fylla upp í skörðin. Þetta mundi þoka félögunum saman, og lækna þau af deyfðarmókinu, sem víða hvílir nú á þeim eins og martröð. Enaf fjörugu félagslífileiðir aftur betri sveitarbrag og meiri framsókn í landinu. Til að geta komið þessu í kring þurfa félögin meiri opinberan styrk. Það er ekki sýnilegt, hvers vegna styrkja skal stúdentafélagið til að halda uppi fyrirlestr- um í kauptúnum, en klípa af fjárveitingu til ungmennafélaganna, sem hægt eiga með að vinna að þessari alþýðufræðslu í sveit- unutn. Má heita að furðu gegni, hve miklu sambands- og fjórðungsstjórnir hafa getað komið áleiðis í þessu efni nú í ár. Ejða i lögrln. Á hverju þingi eru búin til fjölda mörg lög, en þingmönnunum hefir láðst enn þá, að gera ein lög, sem bagalegt er að hafa ekki. Það eru lög, sem gera fjárglæfrar að glæp. Nú hafa filistear, að minsta ko4i á einum stað á landinu, komið ár sinni svo vel fyrir borð, að heilt hérað er í uppnámi, stefnur og málaferli út af sví- virðilegum fjárdraetti daglegir viðburðir og mjög margir hrekklausir menn orðnir fé- lausir fyrir vélabrögð nokkurra glæfra- manna. Allir vita hverir sekir eru, en lögin ná ekki til þeirra. Þó að þeir hafi látið menn, viti sínu íjær af víni, undir- rita miklar ábyrgðir, þá verður svikurun- um samt ekki hengt fyrir það, og ábyrgðin er í fullu gildi. Sama er að segja um á byrgðir, sem til er stofnað með blekking- um og lognum fortölum. Þetta er alveg: óviðunandi. Ef löggjöfin ekki reisir ramm ar skorður gegn fjárglæfraseggjum, þá verður ísland fyr en varir hið fyrirheitna land stórhættulegra misindismanna, sem> sýkja og veikja þjóðlíkamann. BræðrabandiO. Fimti hluti íslenska þjóðstofnsins býr nú í Vesturálfu, og er af mörgum álitini* glataður, drukknaður í úthafi engilsax- neskrar menningar. Fjölda margir bestu menn okkar, báðumegin hafsins, álíta þetta viðgeranlegt böl. Þeir vilja halda við and- legu sambandi milli íslendinga austan hafs og vestan. Þeir vilja að íslensku nýlend- urnar séu útibú í Vesturheimi. Þangað- berist æ þjóðlegir straumar heiman af gamla landinu, og þaðan berist aftur tit íslands stöðug áhrif af hinni öflugu verk- legu menningu Veslmanna. Nú nýskeð hafa Vestur-íslendingar boðið dr. Guðmundi Finnbogasyni að heimsækja þá og dvelja þar nm nokkra mánaða skeið, og er búist við að hann verði þangað kominn í lok marsmánaðar. Helst virðast Vestmenrv skoða þessa heimsókn dr. G. F. sem byrjun sikpulagsbundinnaferða vestur um haf. Þykir sennilegt, að þar verði héðan af að staðaldri einhver íslenskur fræðimaður kennari við> skóla Jóns Bjarnasonar, en að skift verði um á tveggja áia fresti. Sú dvöl vestan hafs mundi þykja eftirsóknarverð mörg- um ungum manni, og áhrifanna fljótt gæta hér heima. Á sama hátt þarf að greiða götu Vestur-íslendinga hingað heim.

x

Skinfaxi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Skinfaxi
https://timarit.is/publication/334

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.