Skinfaxi - 15.05.1923, Síða 2

IO
SKINFAXI
Var þá all-mörgum félagsmönnum skrifað
og leitað til þeirra um stuðning. Þá ferð-
aðist og Jens Hólmgeirsson í erindum
Sambandsins um Borgarfjarðar- Mýra- Dala-
og Húnavatns-sýslur. Enn fremur heimsótti
hann U. M. F. »Ungling« í Geiradal og
U. M. F. »Gróður« í Kollafirði. Eitt af er-
indum hans var að koma skipulagi á inn-
beimtu og útbreiðslu Skinfaxa. Var ákveðið
að það verði þannig: Innheimtumaður og
fréttaritari séu kosnir fyrir blaðið, í hverju
félagi. Vinna þeir á ábyrgð félagsins og
undir eftirliti félagsstjórnar. Innheimtumað-
ur innheimtir áskriftagjöld blaðsins. Hann
reynir og eftir mætti að útvega blaðinu
nýja kaupendur, og skýrir afgreiðslu þess
frá þegar einhver kaupandi í hans umdæmi
hefir bústaðaskifti. Innheimtumenn hafa
ekki á hendi skiftingu blaðsins milli kaup-
enda, heldur er öllum sent það beina leið
frá afgreiðslunni.
Fréttaritara er ætlað að senda blaðinu
smápistla um öll helstu störf og merkustu
viðburði, sem gerast innan hans félags og
ætla má að ungmennafélagar annarsstaðar
hafi ánægju af og miða að þroska félags-
skaparins.
Blaðið gæti vel borið sig, ef hvert félag
trygði því 15 skilvísa kaupendur. Er hér
varla til of mikils mælst.
Þar sem Jens Hólmgeirsson fór um, var
þessum tilmælum mjög vel tekið, og hafa
flest félögin þegar kosið innlieitntumann
og fréttaritara.
Blaðinu hafa nú borist ýms tilboð um
aðstoð frá einstökum félagsmönnum. En
fast skipulag, eins og það sem nefnt hefir
verið hér að framan, þarf að komast á í
hverju einasta ungmennafélagi. Fyr er
ekki tilvera Skinfaxa fulltrygð. Fyr er ekki
að vænta að hann geti gegnt köllun sinni
í þarfir félaganna.
Með því að margir áhugasamir einstak-
lingar og meginþorri félaganna hafa heitið
blaðinu fylgi sínu, og telja það einstökum
félags- og sambandsmálum algerlega ómiss-
andi, þá hefir sambandsstjórnin ákveðið
að út komi í ár venjulegur tölublaðafjöldi
af Skinfaxa.
Það er sambandsstjórninni ánægja að
hafa fengið svo góðar undirtektir um stuðn-
ing blaðsins, sem raun hefir á orðið, enda
treystir hún því ful]komlega, að þau félög,
sem ekki hafa síðastliðinn vetur lýst af-
stöðu sinni gagnvart Skinfaxa, kunni eins
og hin að meta gildi hans.
Innsæi og undirvitund.
Tilfinningaeðlið. Dulfróðir menn segja,
að innsæiseðli manna hafi stundum mikil
áhrif og varanleg á tilfinningalíf þeirra.
En þau áhrif dyljast sízt. Það má svo
heita, að hver maður geti áttað sig á
þeim, af því að samfara þeim er ævinlega
mikil samúð með því, er hugur mannsins
beinist að, hvort sem það er lifandi vera
eða dauður hlutur. Fyrir því geta menn
ávalt treyst því, að innsæið verður sizt til
þess að beina tilfinningalífi þeirra í hat-
ursáttina-
Tvö dæmi. Hér skal bent á dæmi tvö
þessu til skýringar:
Theresa in helga hefir nunna heitið. Hún
var spönsk að ætt og uppi á sextándu
öld. Það er haft fyrir satt, að Jiún hafi
öðru hvoru komist í samvitund eða sam-
kend með sjálfum guði. Og margt er það,
sem bendir á, að hún hafi átt það innsæ-
iseðlinu að þakka. Virðist það hafa verið
orðið ríkt í sál hennar. Lýsir hún þessum
áhrifum óg segir meðal annars ,
»Sálin veit um alt, er varðar guð, er hún
hefir sökt sér niður í einingabæn. En hún
hefir enga hugmynd um það, er viðkemur
henni sjálfri, né þeim hlutum, er tilheyra
heiminum. Er því líkast sem sálin sé svipt
þeim hæfileika að geta hugsað um einstaka
hluti, þótt hún vildi, þessa stutta stund,
er vitundarsambandið varir. Hún er, í fám