Skinfaxi - 01.08.2001, Blaðsíða 10
SETNINGARAVARP FORSETA
ÍSLANDS Á LANDSMÓTINU
Ávarp forseta íslands Ólafs
Ragnars Grímssonar við setn-
ingu landsmóts UMFÍ á Egils-
stöðum 13. júlí 2001
Kæru landsmótsgestir,og allir sem komnir
eru víða að til að gleðjast og keppa í þessu
fagra héraði
Við hefjum nú fyrsta landsmót ungmenna-
félaganna á nýrri öld og heilsum þátt-
takendum á glæsilegum velli sem Aust-
firðingar hafa með metnaði og atorku
tileinkað þessari miklu íþróttahátíð.
Þegar Ungmennafélag íslands fagnar nýrri
öld á svo glæsilegan og þróttmikinn hátt
leitar hugur okkar aftur til þroskaára
kynslóðarinnar sem reisti merki hreyfingar-
innar í fyrsta sinn og gerði hugsjón hennar
að leiðarljósi lífs síns. Þá laut ísland enn
erlendu valdi og fátækt og harðræði voru
hlutskipti margra sem til sjávar og sveita
glímdu við erfiði daglegs lífs. Héruðin
bjuggu flest við fábrotnar samgöngur,
atvinnulífið var einhæft og hvíldi víða á
ótraustum grunni. Fjarlægur var sá
draumur að ísland yrði í framtíðinni
sjálfstætt og frjálst og þjóðin fullráða í öllum
málum, hæfist af eigin rammleik í
virðingarsess í samfélagi þjóða heims.
Samt var hugsjón þeirra sem ungmenna-
félögin stofnuðu víða um landið allt helguð
þeirri lífssýn að heilladísirnar væru á bandi
íslands og innan tíðar yrðu framfarir í frjálsu
landi til að gera þjóðina fullvalda í raun og
sann.
Draumurinn rættist, reyndar gott betur, og
ungmennafélögin voru burðarás í sókninni
til betra lífs, fjöldahreyfing sem átti rætur í
ættjarðarást og áherslum á heilbrigði og
hollustu í daglegri breytni, hreyfing sem
sótti sífellt nýjan þrótt í keppni og leik þar
sem markmiðið var ekki fyrst og fremst að
bera sigur úr býtum heldur að taka þátt, að
sem flestir væru með.
Á fyrsta landsmóti nýrrar aldar hugsum við
með þakklæti til þeirra þúsunda sem
helgað hafa hreyfingunni krafta sína og
10
I