Sjómannablaðið Víkingur - 01.03.1940, Blaðsíða 12

Þorsteirm Þorsteinsson
„Víkingur" mun í framtíðinni, er tækifæri
býðst, geta merkra manna úr sjómannastétt,
fyrr og nú.
Þorsteinn Þorsteinsson, skipstjóri, búsettur
í Þórshamri í Reykjavík, hefir, eins og mörg-
um er kunnugt, verið sjómaður marga ára-
tugi og lengst af skipstjóri, bæði á seglskút-
um og botnvörpungum. Munu margir minn-
ast erinda þeirra, er hann flutti í útvarpið
nýlega um skútuöldina og togaratímabilið og
þarf því ekki frekar um það að ræða.
Allir þeir, sem Þorstein í Þórshamri þekkja,
eða kynni hafa haft af honum, munu sam-
mála um, að hann hafi verið fyrirmyndar
maður í sinni stétt.
Ég, sem rita þessar fáu línur, sigldi einu
sinni með honum sem háseti á botnvörpung,
er leigður var frá Aberdeen og hét „Loch
Never“. Enda þótt langt sé um liðið, hefi ég
ávallt fylgst með Þorsteini síðan og þekki ég
hann því nokkuð af eigin reynd.
Hitt mun og öllum landslýð kunnugt, að
Þorsteinn hefir á síðari árum, eftir að hann
hætti sjómennsku, manna mest og bezt starf-
að að björgunarmáium, eða eftir að Slysa-
varnafélag Islands var stofnað og þar tii nú
og lagt þar fram mikla vinnu og fé. Væri það
eitt ærið nóg, til þess að nafni hans væri á
lofti haldi hjá íslenzku sjómannastéttinni
og að hann hjá henni nyti verðugs lofs. Er
þar með ekkert dregið úr þeim heiðri, sem
öðrum ber og þar hafa lagt gott til málanna,
Þorsteinn Þorsteinsson.
ásamt honum. Er enn þá að koma fram, að
starf Þorsteins fyrir Slysavarnaf jelag íslands,
er að bera góðan ávöxt, enda þótt hann sé
horfinn úr stjórn þess nú um stundar sakir.
■ Þeir sjómenn, er nú halda uppi merki stétt-
arinnar hérlendis, munu ekki gleyma þeim, er
unnið hafa þarft og mikils vert starf í þágu
sjómannastéttarinnar, eða verið sínum stétt-
arbræðrum til fyrirmyndar. Meðal þessara
manna er Þorsteinn í Þórshamri fremstur í
flokki. Stjórn F. F. S. í. og Sjómannablaðið
Víkingur árna honum alls velfarnaðar.
Á. S.
VÍKINGUR
12