Sjómannablaðið Víkingur - 01.02.1967, Síða 23

okkar fórnfúsu tilraunir, voru
dyr nefndarinnar aldrei okkur
opnar. Hvort nefndin hafi af á-
settu ráði ekki viljað hleypa okk-
ur inn fyrir sínar dyr, skal ósagt
látið. En orsök alls misskilnings
síðar hér um, verður að setja á
reikning byggingarnefndarinnar,
sem höfuðábyrgum aðila.
Frv. að lögum um Matsveina-
og veitingaþjónaskóla var lagt
fram að Emil Jónssyni, þáver-
andi ráðherra þessara mála, í
neðri deild 30. október 1946. —
Þetta frv. var ekki samið af okk-
ur í Matsveina- og veitingaþjóna-
félaginu, en eftir því sem virðist
af greinargerð frv. mun FFSl
hafa samið frv. að einhverju
leyti, og þá með vitund bygg-
ingarnefndarinnar.
Varðandi þetta margumtalaða
mötuneyti vil ég benda á, að
samkv. frv. eins og það var lagt
fram, var ekki minnst einu orði
á að reka skuli í sambandi við
Matsveina- og veitingaþjónaskól-
ann mötuneyti, og kom ekki fram
í meðferð frv. gegnum neðri
deild, en í seinni deildinni, efri
deild, segir í nefndaráliti hlutað-
eigandi þingnefndar m.a. þetta:
,,Þá þótti nefndinni rétf, að lögin
heimili ríkisstjórninni að láta
starfrækja mötuneyti og matsölu
í sambandi viö skólann. — Yrói
þeirri stofnun aö sjálfsögðu veitt
meistararéttindi samkvæmt iön-
fræöslulöggjöfinni, og sá \tími,
sem nemendur störfuöu þar því
reiknaöur sem námstími á sama
hátt og á öörum veitingastöðum.“
Við 2. umræðu í efri deild var
svo sett heimildarákvæði í frv.
um rekstur mötuneytis á framan-
greindan hátt, eins og þingnefnd
lagði til. — Meðal þingnefndar-
manna var Sigurjón Á. Ólafsson,
sem mun hafa átt sæti í bygg-
ingarnefnd, og gerði hann ekki
neinn fyrirvara fyrir atkvæði
sínu, heldur gerðist hann með-
flutningsmaður þess, að heimilt
væri að reka mötuneyti í sam-
bandi við skólann, en ekki skylda,
því síður, að það yrði skilyrði. —
Við eina umræðu í neðri deild,
VfKINGUR
BöSvar Steinþórsson.
eftir að báðar þingdeildir höfðu
fullrætt frv. við 3. umr. hvor,
felldi neðri deild þetta heimildar-
ákvæði úr frv. samkv. tillögu þing-
nefndar þeirrar deildar, og setti
ekki eitt orð í staðinn í frv. varð-
andi þetta mötuneyti. f umræðum
við þessa einu umræðu í neðri
deild kom fram í ræðu nefndar-
formanns, Sigurðar Kristjáns-
sonar, 5. þingmanns Reykvík-
inga, að sér fyndist allir skólar
innan Sjómannaskólans ættu að
koma sér upp sameiginlegu fé-
lagsmötuneyti fyrir sig, nemend-
ur ættu að kjósa sér stjórn fyrir
mötuneytið, en stjórn þessi léti
nemendur greiða fæðið eins og
það kostaði, þegar það væri gert
upp á vorin. — Endanleg af-
greiðsla á frv. varðandi þetta
mötuneyti var, að sett var í frv.
ákvæði um að heimilt væri að
reka mötuneyti í sambandi við
Matsveina- og veitingaþjóna-
skólann, en ekki séð, að í gegnum
meðferð frv. á Alþingi að til ann-
ars hefði verið ætlast, varðandi
þetta mötuneyti.
Ekki verður séð á skjölum
þessu frv. viðkomandi, hvort
FFSf eða byggingarnefnd, eða
aðrir en Matsveina- og veitinga-
þjónafélagið ásamt skólastjóra
Stýrimannaskólans hafi nokkuð
lagt til málanna varðandi það,
eða sýnt því áhuga meðan frv.
gekk gegnum Alþingi, en meðf erð
þess varð ströng, því það hafnaði
hjá Sameinuðu þingi, sem er
sjaldgæft með lagafrv., en slíkt
kemur ekki fyrir nema þegar
deildir Alþingis ná ekki endum
saman. Það átti sér stað með
þetta frv.
Til eru þeir sem leyft hafa sér
að bera mér og meðstarfsmönnum
mínum, sem og stéttarfélögum á
brýn óheilindi og jafnvel svik í
sambandi við þetta mötuneyti. ÞVÍ
SPYR EG. Hvar var byggingar-
nefndin stödd veturinn 1946—
1947? Svaf hún? — Hvar var
nefndin þegar sveinspróf fór
fram í matreiðslu og framreiðslu
í húsakynnum skólans haustið
1949, þegar ég hélt ræðu ásamt
núverandi formanni Sambands
veitinga- og gistihúsaeigenda,
Lúðvík Hjálmtýrssyni, þar sem
við Lúðvík ræddum um nauðsyn
þess að skólinn tæki hið allra
fyrsta til starfa, og færðum við
þar fram sterk rök fyrir sjónar-
miðum okkar. Þar talaði hlutað-
eigandi ráðherra, sem skildi nauð-
syn þess að skólinn tæki hið fyrsta
til starfa og hefði starfsemi skól-
ans hafist skömmu seinna, ef
stjórnartíð þess ráðherra hefði
ekki endað nokkrum vikum eftir
þetta hóf.
Ekki heyrðist nein rödd, sem
benti okkur á hug byggingar-
nefndarinnar fyrr en löngu
seinna, og var Matsveina- og veit-
ingaþjónaskólinn þá búinn að
starfa í nokkur ár, og sanna nauð-
syn sína. Svik af okkar hendi er
því ekki til að dreifa, því við,
bæði í ræðu og riti, ræddum um
málefni skólans með festu og
drengskap, við drógum aldrei
undan, en byggingarnefndin, með
þögn sinni eða svefni dró okkur
um sína hluti.
NIÐURLAGSORÐ:
Að lokum vil ég gera að tillögu
minni, að skipuð verði Hússtjórn
Sjómannaskólans, og skal hús-
stjórnin skipuð eftir tilnefningu
skólanefndaþeirra skóla er starfa
innan Sjómannaskólans, einn
fulltrúi tilnefndur frá hverri
skólanefnd fyrir sig. Auk þess
65