Samvinnan - 01.01.1947, Page 27
Fyrir okkur, sem ekki liöfum efni á að fá okkur nýjan
fatnað á hverri árstíð, kemur það sér vel að fylgjast
með nýjungum í kjólaskrauti og ýmsu öðru smávegis,
sem hægt er að veita sér með íitlum tilkostnaði. — Ný, falleg belti geta
breytt og lífgað upp gamla kjólinn. Þau er hægt að gera úr ýmsum efnum,
allt frá skinnafgöngum (stutthærð) og þétturn rifsböndum til gylltrar
keðju, en þá eru endarnir látnir dingla. — Kannske getum við breytt háls-
málinu á einhverjum kjólanna. Þau eru í vetur gerð þannig, að skart allt
njóti sín sent bezt. Annað hvort eru kjólar mjög háir í hálsinn eða mjög
flegnir, einkum samkvæmiskjólar og fínir kvöldkjólar, og þá oft „draper-
aðir", með útsaum eða ásaum (application). — Kjólarnir eru í vetur 6—8
cm. síðari en að undanförnu, svo að gott innafbrot (faldur) kann að
koma sér vel. 1 Ameríku eru stórir vasar (utanásettir) mjög í tíz.ku, sumir
til gagns, en oft munu þeir lítt notaðir. — Ermarnar eru ekki ólíkar og í
fyrra, yfirleitt víðar, y4 lengdar, með víðum handvegum og breiðum öxl-
um. Við ættum að geta lífgað upp vetrarfötin með hjálp þessara mynda.
27