Samvinnan - 01.08.1957, Blaðsíða 7

Að ojan: slátur- og frystihús kaupfélagsins og á neðri myndinni fiskimjölsverksmiðjan. Vinstra meg'.n
við það sést Drangey og Þórðarhöfði liœgra megin.
Geirmundur Jónsson, kaupfélagsstjóri.
hússins 1939, en sjö árum síðar var
það stækkað og endurbyggt.
A Hofsósi eru um 10 opnir vélbátar,
sem gerðir eru út að staðaldri. Frysti-
húsið kaupir af þeim aflann, sem að-
allega er þorskur og ýsa. Á síðasta ári
var það um 500 tonn.
I frystihúsinu vinna 20 stúlkur og
4 karlmenn, þegar allt er í gangi.
Frystihúsið er vestur með sjónum,
nokkru vestar en meginhluti þorpsins.
Verkstjóri þar er Björn Björnsson.
Vestan við þorpið, skammt frá
frystihúsinu, eru fleiri byggingar frá
kaupfélaginu. Annars vegar eru stór-
ar vörugeymslur en hinsvegar fiski-
mjölsverksmiðja, sem kaupfélagið
rekur á móti nágrannakaupfélaginu á
Sauðárkróki. Verksmiðjan framleiðir
8—10 50kg poka af fiskimjöli á klst.
Starfsemin þar er helzt yfir sumar-
mánuðina og þá vinna þar þrír menn.
Frá verksmiðjunni voru fluttir út
2570 sekkir af fiskimjöli á síðasta ári
og 200 sekkir voru seldir á félags-
svæðið.
Á sumrin er talsverður straumur
ferðafólks um Hofsós. Kaupfélagið
rekur gistihús yfir sumartímann, en
hingað til hefur það verið við mjög
erfiðar aðstæður. Gistihúsið er í einu
af elztu húsum þorpsins. Það var áð-
ur íbúðarhús danska faktorsins, en
síðar var þakið rifið af og byggð önn-
ur hæð ofan á. Þar eru nú gistiher-
bergi. Við gistihúsið starfa þrjár
stúlkur.
Kaupfélag Austur-Skagfirðinga
hefur ekki pantanaafgreiðslu fyrir fé-
Síeitu-Bjamarstaðir eru á mórkum Hjaltadals og
Oslandshlíðar. Þar er myndarlegur búskapur og
vel hýst. Félagssvæði Kaupfélags Austur-Skag-
firðinga nœr inn í Hjaltadal.
lagsmenn, heldur annast menn yfir-
leitt flutningana sjálfir. Kaupfélagið á
einn vörubíl 3 Vi tonns og hann er oft-
ast í vöruflutningum milli Hofsóss og
Reykjavíkur. Annars er hann í vöru-
flutningum um félagssvæðið. Ut í
Sléttuhlíð eru um 20 km og í Oslands-
(Framh. á bls. 27)

n
SAMVINNAN 7