Neisti - 23.04.1979, Blaðsíða 12

AsKrmargjaid fyrri hluta '79
- venjuleg áskrift kr. 2.000
- stuöningsáskrift " 3.000
Merktar greinar túlka ekki endi-
lega stefnu Fylkingarinnar.
Útgefandi: Fylking byltingarsinnaðra komrnúnista
Aðsetur: Laugavegur 53A, sími 17513
Ábm.: Bima Þórðardóttir
Gírónúmer Neista er 17513-7
Landtihó^ &s.'j
v/Hveri.-iigot
Ps.
Umrœður um samkomulag BSRB og ríkisstjórnarinnar
fyrir allsherjaratkvœðagreiðsluna
4. og 5. maí
Andóf 79 Afstaða Fylkingarinnar:
Frá aðalfundi
SFR:
Umræðum um samkomulag BSRB
og ríkisstjórnarinnar um aukinn samn-
ingsrétt gegn afnámi 3% grunnkaups-
hækkunar, sem hófust á aðalfundi
SFR 29. mars s.l., var haldið áfram á
framhaldsaðalfundi hinn 9. apríl.
SFR, Starfsmannafélag ríkisstofnana,
er langstærsta félagið innan BSRB, en í
því eru hátt á 4. þúsund manns, lang-
flestir á Reykjavíkursvæðinu. Fundina
sóttu þó aðeins tæplega 100 manns.
Eftirfarandi drög trúnaðarráðs SFR
að kjaramálaályktun voru samþykkt á
síðari fundinum með aðeins einu mót-
atkvæði.
Aðalfundur SFR mótmælir harð-
lega öllum einhliða ákvörðunum ríkis-
valds um skerðingar á samnings-
hundnum launum, hvort heldur íformi
vísitöluskerðinga eða með öðrum
hœtti. Fundurinn undirstrikar enn einu
sinni þá margítrekuðu skoðun félags-
ins að orsakir verðbólgunnar sé ekki að
finna í launum launafólks, heldur í
skipulagslausum fjárfestingum, sem
viðgengist hafa um árabil.
Þá varar fundurinn alvarlega við
samdrætti á félagslegri þjónustu og
skorar á opinbera starfsmenn og allt
launafólk að vera á varðbergigagnvart
hugmyndum um frekari niðurskurð á
þeim vettvangi.
Fundurinn mótmœlir öllum tilraun-
um sem gerðar eru til þess að kljúfa
raðir launafólks og skapa með því
deilur og úlfúð milli stéttarfélaga.
Frjálsir samningar eins félags mega
aldrei vera grundvöllur að skerðingu á
samningsrétti annarra.
Fundurinn harmar að hluti verka-
lýðshreyfingarinnar skuli með tillög-
um sínum reyna að ganga á hlut stétt-
arbræðra sinna í stað þess að einbeita
sér að því að ná bættum kjörum með
betri kjarasamningum og með úrbót-
um á skattakerfinu. Það er rétta leiðin
til þess að jafna tekjur manna og eftir
henni er hægt að ná til allra hópaþjóð-
félagsins.
Þá vill fundurinn benda á, að þœr
hrœringar sem að undanförnu hafa átt
sér stað í þjóðfélaginu sýna, svo ekki
verður um villst, hver nauðsyn það er
launafólki að hafa sem fyllstan verk-
fallsrétt um sín mál. Sú kjaraskerðing
sem stjórnvöld nú beita sér fyrir og
koma á til framkvœmda 1. júní sýnir
glögglega, að sá réttur sem félags-
mönnum stendur nú til boða með
nýgerðu samkomulagi BSRB og fjár-
málaráðuneytisins er nauðsynlegur til
þess að verjast sífelldum árásum á
starfskjör og kaupmátt.
A ðalfundur SFR bendir á að reynsla
okkar sýnir, að aðeins félagsmönnum
sjálfum er treystandi til að vernda kjör
sín og bæta. Aukinn samningsréttur
eykur möguleika okkar til þess.
Fundurinn hvetur því alla félagsmenn
BSRB til að greiða atkvæði með
samkomulaginu um samningsréttar-
málið.
3 breytingatillögur komu frá Fylk-
ingarfélaga, sem fólu í sérannarsvegar
skýrari andstöðu gegn einstaka kjara-
ránsaðgerðum ríkisstjórnarinnar, svo
sem afdráttarlausa andstöðu gegn
notkun vísitölu viðskiptakjara við
útreikning verðbóta á laun, en hins
vegar hvatningu til heildarsamtaka
verkalýðsins að hefja nú þegar undir-
búning aðgerða til að brjóta á bak aftur
6% kjaraskerðinguna 1. júní n.k.
Þessar breytingatillögur voru felldar
með u.þ.b. 20 atkvæðum gegn 45.
Forysta félagsins barðist ákaft gegn
slíkum breytingum, einkum á þeim
yflrlýstu forsendum að drög trúnaðar-
ráðs byggðust á víðtæku samkomulagi
og sérhver breyting á þeim mundi rjúfa
þá samstöðu svo minni eining yrði um
endanlega tillögu. Hjá einum úr
forystukjarna SFR kom reyndar fram
hörð andstaða gegn því að brjóta á bak
aftur gerð kjararánslög. Lögbrot er
lögbrot var inntakið í ræðu hans og
gegn þeim yrðum við að berjast.
Sérstök tillaga um afstöðu ríkis-
stjórnarinnar til samningsréttar opin-
berra starfsmanna frá Fylkingarfélaga
var felld með aðeins eins atkvæðis
mun, 35 gegn 36. En sð tillaga var
svona:
Þótt aðalfundur SFR leggi á það
áherslu að samkomulag ríkisstjórnar-
innar og BSRB verði samþykkt, vill
hann vekja á því athygli að mikið
vantar á að þetta samkomulag tryggi
opinberum starfsmönnum sama samn-
ingsrétt og annað launafólk í landinu
býr við.
Ber þar helst til að samnings- og
verkfallsrétturinn nær ekki til hinna
einstöku félaga BSRB nema að mjög
takmörkuðu leyti. En einnig að kjara-
deilunefnd, skipuð að meiri hluta af
ríkisvaldinu, skuli vera við lýði áfram
til að hafa hönd í bagga með verk-
fallsrekstri.
■ Fundurinn lýsir vanþóknun sinni á,
að ríkisstjórn sem kennir sig við vinn-
andi stéttir og komst til valda á
kröfunni um samningana í gildi,
SKULIEKKI vera reiðubúin að veita
opinberum starfsmönnum þann lág-
markssamningsrétt, sem annað launa-
fólk býr við, SKULIEKKI vera reiðu-
búin til að veita þessar réttarbœtur
nema að í staðinn komi skerðing á
umsömdum launum.
Víðtæk
fundahöld
Niðurstöður funda hafa ekki alls
staðar orðið á sama veg og hjá SFR.
Sem dæmi um hið gagnstæða má nefna
að fundir símamanna og starfsmanna
ríkisútvarpsins hafa gert samþykkt um
að fella samkomulagið.
Forysta BSRB hefur skipulagt fundi
víða um land þar sem hún hefur útskýrt
samkomulagið og mælt með því. Á
Reykjavíkursvæðinu eru skipulagðir
vinnustaðafundir á stærri vinnustöð-
um einkum á vegum SFR.
Hópur fólks hefur bundist samtök-
um um að skipuleggja starf sem beinist
gegn samþykkt samkomulagsins.
Nefnist hópurinn Andóf 79. Segjast
þeir andófsmenn „engan veginn geta
sætt sig við einræðiskenndar aðgerðir
BSRB forystunnar og hrossakaup við
ríkisstjórnina." Heldur þessi hópur nú
fundi á vinnustöðum með félögum
BSRB til að útskýra sína afstöðu.
Einn helsti talsmaður hópsins, Pétur
Pétursson útskýrir stuttlega afstöðu
sína í málinu í viðtali sem birtist hér
annars staðar í Neista.
Andóf 79 hefur gefið upp eftirfar-
andi nöfn og símanúmer ef menn vilja
komast í tengsl við þá:
Helga Gunnarsdóttir, 41527, Pétur
Pétursson, 16248, Eiríkur Brynjólfs-
son, 21465, Guðrún Jónsdóttir, 82727,
Sigurjón Fr. Andrésson, 34287 og
Sigríður Jóhannesdóttir, 81499.
Ég tel framtak þeirra andófsmanna
hið mikilvægasta þótt ekki sé ég þeim
sammála hvað snertir að fella sam-
komulagið. En það er mikilvægt að um
þessi mál fari fram sem víðtækust
umræða og að þar fái báðar skoðanir
að njóta sín..
Segjum já í
allsherjarat-
kvæða-
greiðslunni
4. og 5. maí.
Eins og komið hefur fram í Neista
hefur Fylkingin gagnrýnt mjög vinnu-
brögð BSRB forystunnar við gerð
samkomulagsins um aukinn samnings-
rétt.
Fylkingin telur að stilla hefði átt upp
kröfunni um samningsrétt til jafns við
annað launafólk og það án þess að fyrir
hann þyrfti að borga. Og ekki bara
formlega. Heldur væri unnið að því að
skapa íjöldavirkni bak við slíkar
kröfur. í þessu skini krafðist Fylking-
in opinna umræðna um samningavið-
ræðurnar meðan þær stóðu enn yfir,
þar sem afstaða hvers ríkisstjórnar-
flokks kæmi skýrt fram. Að fulltrúum
stjórnarflokkanna yrði í allri áheyrn
stillt upp frammi fyrir tveimur valkost-
um: Að styðja jafnréttiskröfu BSRB
eða vera í augum íjöldans afhjúpaðir
sem andstæðingar þessa jafnréttis og í
sumum tilvikum sem svikarar við fyrri
yfirlýsingar sínar í þessu máli.
Þetta var ekki gert. Af samúð með
vanda ríkisstjórnarinnar var málið að
mestu lokað inni á samningafundum
þar til samkomulag náðist og hinum
almenna félaga var stillt upp við vegg:
já eða nei.
Ef spurningin væri eingöngu sú að
hegna forystu BSRB fyrir háttalag sitt
væri vissulega rétt að segja nei. En svo
einfalt er málið ekki. í bráðum þorsta
sínum í þessi 3%féllst ríkisstjórnin á að
láta af hendi aukinn samningsrétt til
BSRB, sem er þrátt fyrir allt miklu
meira virði en 3% grunnkaupshækkun.
Aðalatriðið er að þessi aukni samn-
ingsréttur, þótt takmarkaður sé, verði
notaður til að verjast áframhaldandi
og miklu stærri kjaraskerðingum ríkis-
stjórnarinnar, 1. júní (ca. 6%) og þeim
öðrum sem viðbúnar eru í næstu
framtið.
Fylkingin tekur því eindregið undir
ályktun SFR hér að ofan.
R.S.
Helstu kröfur í göngu
Rauðrar verkalýðseimngar 1. mai
Verjum kaupmátt launa fullar vísitölubætur
Gegn kjaraskerðingum og samráðsmakki
Eflum verkalýðshreyfinguna
gegn kaupráni stjórnarinnar
Enga ábyrgð á auðvaldskreppu
enga ábyrgð á auðvaldsstjórn
Látum auðvaldið bera byrðarnar
Engan stuðning verkalýðsafla
við kaupránsstjórnina
Gegn stéttasamvinnu
Lifi sjálfstæð barátta verkalýðsins
Engan niðurskurð á félagslegri þjónustu
atvinnurekendur borgi
Næg og góð dagvistarheimili fyrir öll börn
Sjálfsákvörðunarrétt kvenna til fóstureyðinga
Kvennabarátta er stéttabarátta
stéttabarátta er kvennabarátta
Námslán nægi til framfærslu
Gegn leiguokri eflum réttindi leigjenda
6 mánaða fæðingarorlof fyrir alla foreldra
Gegn allri skoðanakúgun
frelsun pólitískra fanga
Gegn innbyrðis átökum verkalýðsríkja
öreigar allra landa sameinist
Gegn kaupránsstjórn gegn Natostjórn
RAUÐ,
VERKALYÐS
EINiNG
ÍMAÍ
Undirbúningsnefnd RVEI
Þriðjudaginn 10. apríl var haldinn
undirbúningsfundur fyrir aðgerðir
Rauðrar Verkalýðseiningar 1. maí.
Fundurinn var haldinn á Hótel Borg
og sóttu hann um 50 manns.
í byrjun fundarins íluttu Guðmund-
ur Hallvarðsson og Dagný Kristjáns-
dóttir framsögur. Að loknum framsög-
um var kynnt uppkast að kröfugrund-
velli Rauðrar Verkalýðseiningar og
urðu nokkrar umræður um einstaka
kröfur.
í lok fundarins var kosin undir-
búningsnefnd til að annast áframhald-
andi undirbúning aðgerðanna. I þessa
nefnd voru kosin:
Berglind Gunnarsdóttir
Hildur Jónsdóttir
Kolbrún Oddsdóttir
Ragnar Stefánsson
Rúnar Sveinbjörnsson
Sigurjón Helgason
Sveinn Blöndal
Tómas Einarsson
örn Ólafsson