Stúdentablaðið - 01.05.1970, Page 4

4
STÚDENTABLAÐ
SENNILEGA BYRJAÐ í SUMAR
á nýbyggingu Verkfræði- og raunvísindadeildar
Nýbyggingu Verkfræði- og raunvísinda-
deildar hefur nú verið valinn staður á
horni Hjarðarhaga og Suðurgötu, þar sem
einu sinni var áætlað að hjónagarðar
mundu rísa.
Undirbúningsnefnd er starfandi, og er
Loftur Þorsteinsson prófessor formaður
hennar. Verið er að teikna húsið á teikni-
stofu Skarphéðins Jóhannssonar. Það verk
vinnur Ulrik Stahr arkitekt. Tillöguupp-
drættir munu liggja fyrir um miðjan apríl,
og síðan verða þeir lagðir fyrir Háskólaráð
og Bygginganefnd Reykjavíkur.
Málið er sem sagt ekki komið á loka-
stig, en þó má gera ráð fyrir, að fram-
kvæmdir verði hafnar síðla sumars, og
byggingin verði fullgerð á tveimur til
íjórum árum.
Núverandi hugmyndir eru, eins og hér
verður rakið, en ekki er séð fyrir, hvaða
breytingum þær kunna að taka á næstu
mánuðum:
I fyrsta áfanga verður byggingin tvær
álmur, ásamt fyrirlestrasölum og tengi-
byggingu. Næst Suðurgötunni (og samsíða
henni) verður efna- og eðlisfræð hús, og
verður lagt kapp á að fullgera það fyrst.
Það verður tveggja hæða. Á neðri hæð
verða tvær kennslustofur fyrir eðlisfræði
og átta lítil rannsóknaherbergi, og á efri
hæð fjórar kennslustofur. Auk þess tækja-
og undirbúningsherbergi. Hugsanleg er
stækkun álmunnar um íjórar kennslu-
stofur. Þá yrði grunnflötur efna- og eðlis-
fræðiálmu 19,5x43 fermetrar.
Verkfræðiálman er vestasti hluti bygg-
ingarinnar, 18x60 fermetrar, tvær hæðir
og kjallari. í kjallara verður bókasafn
og lítið herbergi fyrir félagsstarfsemi. Á
fyrstu hæð verða þrjár 18 sæta kennslu-
stofur, þrjár 36 sæta, og tvær æfingastofur
með undirbúningsherbergjum. í norður-
enda verða skrifstofur og fundaherbergi.
Tólf kennaraherbergi verða á annarri hæð
og einnig fimm æfmgastofur. Það, sem
mestan svip setur á þetta mannvirki, eru
þrír útbyggðir fyrirlestrarsalir. Sá stærsti
tekur 200 manns í sæti, og verður hann
notaður fyrir allar deildir skólans, en hinir
verða 80 og 100 manna. Undir sölunum
verða kaffístofur nemenda og kennara og
aðstaða fyrir félagsstarfsemi. — Þá er
aðeins ólýst tengibyggingunni, sem verður
kjallari og ein hæð. Niðri verða fata-
geymslur fyrir 500 manns og snyrting, en
uppi er áætluð setustofa, auk þess sem þar
verður aðalinngangur.
Húsið er miðað við þarfir Verkfræði-
og raunvísindadeildar Háskóla íslands,
eins og búizt er við að þær verði árið 1975.
Stækkunarmöguleikar eru síðan til austurs
um eina álmu. Kostnaðarverð þess, sem nú
er fyrirhugað að byggja, er um 110 millj.
króna.
Bráðabirgðalikan af nýbyggingu Verkfræði- og raunvísindadeildar, sem rísa á á horni Hjarðar-
haga og Suðurgötu.