Stúdentablaðið - 01.09.1983, Blaðsíða 15
STÚDENT ABLAÐIÐ
15
Stefán Steinsson:
Fátlafól ad hausti
Jæja gott fólk. Nú er að hcfjast
smá greinastubbur, sem menn mega
gjarnan lesa, því að ritvélin mfn
hefur staðið óhreyfð í allt sumar.
Síðasta vor kom út lag á plötu
hérlendis. Bar textinn við lagið
nafnið Fatlafól. Ef ég man rétt var
höfundirinn hinn svokallaði
Magnús, eða Megas, eða Gasi eins
og hann er kallaður fyrir norðan.
Textinn kom skemnrtilega á óvart,
því að óathuguðu máli mátti taka
hann sem sneið að fötluðum. Ég
Fatlafól á 10 gíra spíttskíðastól.
hugsaði þá með mér: Það á nú ein-
hver eftir að nöldra yfir þessu!
En það sem kom enn meira á
óvart var þögn gagnrýnenda.
Blaðagagnrýnendur, sem hafa það
hlutverk að skipuleggja samvisku
þjóðarinnar, fóru eins og kettir í
kringum feitan graut. Og ríkisút-
varpið bannaði ekki lagið, merki-
legt nokk. Vissulega voru ýmsir
sjúkraþjálfanemar óhressir og ein-
staka stúlkukind þorði að lýsa við-
kvæmni sinni. En í heild var al-
þýðan glöð. Hvers vegna? Því er
ekki auðveld að svara af viti. En
reynum.
Þegar Megast gaf út Drög að
sjálfsmorði varð hann klassiker.
Undirritaður fór unt leið að snobba
dálítið fyrir honurn, líklega hafa
það fleiri gert. Megas mátti allt og
allt sem hann hafði sagt var heilagt.
Það hittist líka vel á: Eftir Drögin
minnist ég þess ekki að hann gæfi
út plötu og fylgist ég þó sæmilega
nteð. Gott ef hann dró sig bara ekki
í hlé, hætti að spila opinberlega.
Hann varð eins konar Bobby Fish-
er, snillingurinn sem þegir.
Þeir sem skoðað hafa texta þessa
manns er því ekki óvanir að hann
spari silkihanskana er hann tekurá
viðfangsefninu.
Á þennan hátt vinnur Megas oft
nteð hluti sem öðrum eru heilagir,
eða hafa einhvern tíma verið.
Stundum eru þetta einhvers konar
andkristilegar klofþenkingar um
mannskepnuna, sem er mjög virð-
ingarvert að teknar séu fyrir í ljóði.
Það er yfirleitt góður húmor í text-
unum. En oft gætir líka biturleika
út í samfélagið og tilveruna, ekki
hef ég reyndar hugmynd um úr
hvers konar jarðvegi maðurinn óx.
Ég tek tvö dæmi, sent eru svo sem
ekki betri en önnur:
„Á laugardögum þegar Kristur
klæmst;
vita konur á barnsfeðrum sínum
pottþétt skil.
Og Silli og Valdi þeir segjast hafa
legið,
sæla Maríu áður en Guð kom til.“
Hins vegar:
„Gái ég mér á lókinn með göfgina í
sálinni,
gulir eru straumar þínir, hland mitt
í skálinnl.“
Vel ort og vonandi rétt eftir haft.
Og umfrarn allt: Ekki öllum þókn-
anlegt. Er það grundvallaratriði hjá
Megasi?
Það er lögmál að ef maður ætlar
að vera frumlegur verður alltaf að
finna upp á einhverju nýju. Það
þýðir ekkert að klæmast endalaust
yfir kristnidómnum. Slíkt verður
Meistari Megas ’78. (Ljósm. Hrafn
Óskarss.)
bara eins og sjötíu og átta snúninga
plata. Ekki þurfti því neinum að
koma á óvart þótt Megast gæfi út
þennan Fatlafólstexta. þótt það
kæmi reyndar nokkuð á óvart. Og
þarf nokkrum að koma á óvart þótt
hann taki sig einn góðan veðurdag
til með penna og skjóti svolítið á
blessaða hommana og lespíurnar?
Gæti orðið „næsti minnihlutahóp-
ur“, svipað því þegar Frank Zappa
er að skammt Gyðingana. Ég spái
því.
Fáeinirvoru þeirsem sögðu: Hér
er um grimmilega árás á fatlaða að
ræða, hæðni og svívirðing og svei
attan. En er það rétt?
Mín skoðun er að svo sé ekki,
hver hafi sína. Skáldið er miklu
frekar að ráðsta á þann móral sem
viðgengst í kringum fatlaða á fs-
landi. Hér tala allir fagurtungu um
þennan minnihlutahóp. En aðstaða
hans er óttaleg og því meira sem
talað er því ntinna er gert. Það þarf
ekki að fara nema til nágranna-
landanna til að finna borgir sem
hæglega má komast unt endilangar
í hjólastól, jafnvel á einum gír.
Einnig komast menn þar inn og út
úr flestum byggingum, opinberum
Stefán Steinsson.
og óopinberum; á slíku farartæki.
En ég sé fatlafólin okkar í anda hér
í Reykjavik, hvað þá úti á landi.
Fatlaðir á fslandi ntinna dálítið á
heilögu kýrnar á Indlandi. Það má
ekki tala ljótt um þá eða við þá,
ekki stríða þeint eða stugga við
þeirn. En síðan eru þeir látnir eiga
sig. Mér finnst líka algengt að fólk
tali við mann í hjólastól með ein-
hverri uppgerðar tilitssemi og
vorkunnsemi í röddinni. Það er
beinlínis niðurlægjandi fyrir full-
greinda meðvitaða mannerskju
sem fyrir því verður.
Fatlafól náði vinsældum án
nokkurra svona pælinga. Lagið er
einfalt og skemmtilegt, textinn er
stuttur. Og í sífellu er klifað á sömu
vísunni í stað þess að semja fjórar
eða fimm.
Það var aldrei meiningin að tala
hér um Megas eins og hann væri
stjörnumerki. Undirrituðum erlíka,
best að hætta að upphefja sig á
kostnað annarra og þið, lesendur
góðir, skuluð hætta að lesa grein-
ina, ef þið eruð ekki þegar hættir
því, því að nú er hún búin. Kéllfyri.
Kéllfyri.
LAUSAR STÖÐUR
Stúdentaleikhúsið
auglýsir starf fram-
kvæmdastjóra við
Tjarnarbíó laust ti!
umsóknar. Umsóknir
þurfa að hafa borist
skriflega fyrir 1. októ-
ber n.k. á skrifstofu
Stúdentaleikhússins í
Félagsstofnun.
Stjórn Stúdentaleik-
hússins.
Staða ritstjóra
Stúdentablaðsins er
laus til umsóknar. Um
er að ræða eitt og hálft
stöðugildi og laun
samkvæmt 20. flokki
verslunarfélags
Reykjavíkur. Að hverri
umsókn standa einn
eða fleiri einstakling-
ar.
Umsóknarfrestur er
til 30. sept.
Útgáfustjórn
Langar þig
áBALL!
Vonbrigði og Tappi
tíkarrass halda uppi
fjörinu í F.S. föstudags-
kvöldið 30. sept. n.k.
SHÍ
Ennum
fjöldatakmarkanír
Þar sem fjöldatakmarkanir tíðk-
ast í háskólanum er bak við þær
reglugerðarstafur sem undir venju-
legum kringumstæðum er sam-
þykktur af háskólaráði og síðan
lagður fyrir ráðherra til staðfest-
ingar. í dag hafa einungis lækna
og tannlæknadeild slíka stafi í sín-
um fórum, — og eru það færri en
vildu.
Á háskólaráðsfundi í gær, 13.
september var borin upp tillaga frá
deildarráði verkfræði og raunvís-
indadeildar að ákvæði hliðstæðu
við fjöldatakmarkanir læknadeild-
ar verði komið fyrir í reglugerð
verk og raun. Tillagan ersamhljóða
ályktun deildarráðs og undirskrif-
uð af deildarforseta.
Ákvæði læknadeildar er svo-
hljóðandi:
1) Ef fjöldi stúdenta, sem stenst
1. árs próf til einhverrar prófgráðu
deildarinnar, er meiri en svo, að
veita megi þeim öllunt viðunandi
framhaldskennslu við ríkjandi að-
stæður, getur háskólaráð, að feng-
inni rökstuddri tillögu deildarinn-
ar, takmarkað fjölda þeirra, sent
halda áfram námi til prófgráðunn-
ar. Réttur stúdenta til framhalds-
náms skal miðaðru við árangur I.
árs prófa eftir nánari ákvörðun
deildarinnar. Ákvörðun háskóla-
ráðs skal tilkynna fyrir upphaf þess
háskólaárs, sent prófin eru haldin,
og einnig reglur deildarinnar um
mat árangust í prófum.
Háskólakórinn:
Nýr stjórnandí
Af háskólakórnum eru þau tíð-
indi að Hjálmari H. Ragnarssyni
hafa verið úthluluð starfslaun
listamanna og lætur því af störfum
sem stjórnandi kórsins. Því starfi
hefir hann gengt undanfarin þrjú
ár við frábæran orðstír. Við starfi
hans tekur Árni Harðarson. en
hann er nýkominn frá London þar
sem hann hefur dvalið við píanó-
nám.
Starfssemin verður með svipuðu
sniði og undanfarin ár; æfingar í
FS á þriðjudögum og föstudögum
og ef til vill aukaæfingar á föstu-
dögurn. Tilkynningar um inntöku
nýrra félaga verða auglýstar á
veggspjöldum í skólanum.
Hjálmar H. Ragnarsson.