Stúdentablaðið - 01.12.1994, Page 2

Bls. 2
HÁSKÓLINN
STBL. • Desember 1994
Ekkert tillit tekið
til bamsburðar
Hvað finnst þér um niður-
stöðu deildarfundar?
„Ég verð að segja að hún
kom mér mikið á óvart. Þeir
kennarar og nemendur sem ég
hafði talað við um þetta mál
voru allir bjartsýnir á að mín
beiðni yrði samþykkt. Þessi
niðurstaða er því þveröfug við
það sem ég bjóst við.“
Hvaða afieiðingar mun þetta
hafafyrirþitt nám?
„Ekki svo miklar. Ég mun
skv. þessu taka öll þriðja árs
prófin vorið 1996 og sleppa
öllu í vor. Það er hins vegar
gagnrýni vert að deildarfundur
sé að ákveða um miðjan nóv-
ember hvemig námi fólks geti
verið háttað þá um veturinn.“
Hvað œtlarðu að gera í mál-
inu?
„Ég mun sjá til hvað gerist.
Réttindaskrifstofa Stúdentaráðs
er að kanna þetta mál og mér
skilst að það muni fara fyrir há-
skólaráð.“
Og hvernig heilsast móður
og barni?
„Ljómandi vel, þakka þér fyrir.
Þetta er myndarpiltur.“
Lagadeild hafnar tillögu móður um að
fá aukið svigrúm við próftöku
Á deildarfundi í Lagadeild
þann 15. nóv. síðastliðinn var
tekin fyrir undanþágubeiðni
frá Guðrúnu Þorleifsdóttur
laganema á þriðja ári. Guð-
rún eignaðist á dögunum sitt
fyrsta barn og af þeim sökum
fór hún þess á leit við deildina
að fá að „skipta“ þriðja ári,
þ.e. taka eitt próf í vor (rétt-
arfar) og hin tvö þriðja árs
prófin að vori fjórða árs
(refsirétt og kröfurétt).
Þannig fengi hún aukið svig-
rúm í Ijósi barnsburðar til að
ljúka þessu ári. Beiðninni var
hafnað.
Lög eiga að hafa
þýðingu
Að sögn Málfríðar G. Gísla-
dóttur, laganema og kvenna-
fulltrúa SHI sem hefur kynnt
sér þetta mál, segja mörg lög til
um að sérstakt tillit eigi að taka
til þungunar kvenna við ýmsar
aðstæður, t.d. vinnumarkaðs-
löggjöf og jafnréttislögin. Þó
eru jafnréttislögin ófullkomin
að þvi leyti að þau fela
eingöngu í sér heimild til að
taka tillit til bamsburðar og það
er ekki það sama og að segja að
það skuli gert. „Mín skoðun er
reyndar sú, að lög eigi að túlka
þannig að þau hafi þýðingu, en
séu ekki pappír sem ekki þurfi
að taka tillit til. Ég er með
öðmm orðum að segja það, að
til þess að markmiði laganna
verði náð, þá verði að beita
þeim“, segir Málfríður.
Málfríður hefur uppi vissar
efasemdir um „prinsippið“
standist, að ekki megi skipta
námsári í lagadeild í tvo hluta.
Tilgangur þess, sem er
væntanlega sá að þeir sem ekki
eigi erindi í lagadeild detti út,
hefur litið með mál Guðrúnar
að gera. Út frá jafnréttis-
sjónarmiðum þá mega reglur
um tilhögun náms ekki vera of
stífar og ófrávíkjanlegar.
Þungun er ekki
veikindi
Málffíður bætti við, „Og
jafnvel þó að deildin vilji
halda í umrædda reglu, þá
sé ég ekkert því til
fyrirstöðu að hún
heimili undantekningar
frá henni þegar um er
að ræða barnsburð, enda væri
slíkt fyllilega í samræmi við
3.gr. jafnréttislaganna. Pró-
fessor Ármann Snævarr fjallar
um það í bók sinni, Almennri
Lögfræði, að honum þótti eldri
lögskýringar um að barnsburður
kvenna væri skýrður sem veik-
indi, vandræðalegar. Mér finnst
of rík tilhneiging til þess, að
þessi úrelti skilningur ráði
afstöðu manna til barnsburðar
kvenna. Heyrir maður æði oft,
að ef heimila ætti bamshafandi
konum ýmis sértæk úrræði, þá
væri rökbundin nauðsyn til þess
að heimila öllum sem eiga við
einhver félagsleg vandræði að
stríða, td. veikindi eða ljárskort,
sambærileg tækifæri. Þessi
afstaða er vitaskuld byggð á
einhverjum misskilningi.“
Fallist á
aðrar
beiðnir
Á flestar undanþágubeiðnir
var fallist á fundinum en þær
tengdust flestar vandræðum í
kjölfar nýupptekinnar reglu-
gerðar. Beiðni Guðrúnar hlaut
ekki sömu móttökur. Að sögn
Kolbeins Árnasonar, varafor-
manns Orators, eru laganemar
almennt undrandi á þessu máli.
„Mörgum finnst hart fyrir hönd
Guðrúnar að hennar beiðni
skuli hafa verið hafnað en aðrar
hafi komist í gegn. Sérstaklega
því hér er um að ræða jafnrétt-
ismál, sem snertir jafnan rétt til
náms með beinum hætti. Vissu-
lega er ný reglugerð gengin í
gildi, en skv. jafnréttislögum
verður svigrúm í svona málum
að vera til staðar likt og í öðrum
lögum.“
Mjög hissa
segir Guðrún
Þorleifsdóttir
Stefán Már Stefánsson er forseti
lagadeildar. Hann var spurður út í
undanþágubeiðni Guðrúnar Þorleifsdóttur.
Af hverju var undanþágubeiðni Guðrúnar
hafnað?
„Það er einfalt svar við því. Hún samræm-
ist ekki reglum lagadeildar. Það er ekkert
sem leyfir að skipta ári, þ.e. taka próf eins árs
á tveimur árum.“
En ber deildinni ekki að taka sérstakt tillit
til þungunar og barnsburðar kvenna?
„Jú, hún hefði sennilega getað fengið leyfi
til að frestá vorprófum fram á haust, eða eitt-
hvað slíkt. En það er ekki leyfilegt að skipta
próftímabili, það er grundvallarregla.“
Hvað með aðrar undanþágubeiðnir sem
var fallist á, þær samræmdust ekki heldur
reglum lagadeildar?
„Þær fólust ekki í því að skipta ári, eins og
beiðni Guðrúnar. Þetta voru minniháttar und-
anþágur og þess vegna var fallist á þær. Að-
alreglan er sú að menn taki öll próf á einu ári.
Hennar beiðni var því alls ekki sambærleg við
þær sem fallist var á.“
Hvað með fordæmisgildi sem samþykkt
beiðni Guðrúnar hefði haft, óttist þið það?
„Ég hef nú ekki heyrt neitt um fordæmis-
gildi í þessari umræðu, svo ég get engu svar-
að um það. Reglur lagadeildar eru einfaldlega
svona og ef menn sjá einhverja ástæðu til
þess að endurskoða þær, þá er bara að
breyta því.“
Styrkir námsmenn til starfa í Evrópu Ert þú næst(ur)?
Á vegum Evrópusambandsins
er rekin starfsáætlunin Comett
sem sett var af stað til þess að
styrkja samstarf atvinnulífs og
skóla. ísland er sem hluti af
EFTA-hópnum fullgildur
þátttakandi í þessari
áætlun og hérlendis er
starfandi nefnd að nafni
Sammennt sem sér um
framkvæmd Comett-
áætlunarinnar á íslandi.
Á undanförnum árum hafa
fjölmargir ísiendingar farið til
vinnu á meginlandinu og dvalist í
lengri og skemmri tíma í starfs-
þjálfun og endurmenntun. Þó svo
að áætlunin miði að mestu leyti
við að útvega fólki með tækni-
menntun störf við sitt hæfi, er
nokkuð um að námsmenn í öðru
námi fari utan á vegum
Sammenntar. Sem
dæmi má nefna
fáeina viðskipta-
fræðinema,
fjölmiðlafræðinema
og búfræðing.
Að sögn Tanyu
Dimitrovu hjá
Sammennt í Tæknigarði
Háskóla íslands er markmið
áætlunarinnar einkum að veita
íslenskum nemendum tækifæri til
að læra og vinna í löndum
Evrópusambandsins.

☆
Gildi þess að geta ferðast og
numið á erlendri grundu er ótví-
rætt, fólk öðlast dýrmæta reynslu
og þekkingu sem það færir svo til
heimalandsins. Aukinheldur
koma hingað til íslands á þessu
ári sex erlendir námsmenn sem
munu starfa hjá íslenskum fyrir-
tækjum. Yfirlýst markmið Comett
er að bæta menntun og þjálfun
starfsmanna og um leið
samkeppnisstöðu evrópskra
fyrirtækja enda menntun
starfsliðs einn mikilvægasti þátt-
urinn í því að halda velli í
harðnandi alþjóðlegri samkeppni.
í ár verða um 12 styrkir veittir
til íslenskra stúdenta og eru þeir
lausir til umsóknar.
Styrkupphæðin er ekki há, eða
um 20.000 - 33.000 kr. á mánuði í
3, 6 eða 12 mánuði auk þess sem
ferðastyrkur er veittur
styrkþegum. Að auki fá
styrkþegar yfirleitt greitt hjá
viðkomandi fyrirtækjum svo menn
ættu ekki að bera skaða af
ævintýri sem þessu. Aðspurð
kvað Tanya nokkuð mikið vera um
umsóknir en þó væri full ástæða
til þess að minna fólk á þennan
möguleika. Umsóknareyðublöð
og nánari upplýsingar er að fá hjá
Sammennt í Tæknigarði Hl,
Dunhaga 5.
Bóksalan
ódýrust
Það er engum blöðum um það að
fletta að Bóksala Stúdenta býður stúd-
entum og öðrum kúnnum upp á ágætis
þjónustu. Enn eitt dæmi þess birtist í
verðkönnun Morgunblaösins frá því
snemma í október. Þar kom fram að Bók-
sala Stúdenta væri einna ódýrust allra
bókabúða ef verð á orðabókum er haft til
hliösjónar. Að sögn starfsfólks Bóksöl-
unnar kemur þessi niðurstaða ekki á ó-
vart þvi þar er ávallt leitast við að hafa
verð sem lægst og þeirri stefnu væri
fylgt eftir af harðfylgi. Þessar fréttir
gleðja náttúrulega stúdenta sem og aðra
landsmenn.
Spurningin
Afhverju halda
stúdentar 1. des.
hátíðlegan?
Kjartan Emil
Sigurðsson, sagnfræði.
Það er vegna þess aó
ísland varð fullvalda
þann l. des. 1918. Þetta
veit ég því ég var í l.
des. nefhdinni fyrsta árið
mitt hér í skólanum!
Sigurbjörg
Helgadóttir,
sálfræði.
Ég held ekki upp á
fyrsta des, ég er að
fara í próf.
Illugi Gunnarsson,
hagfræði.
Til þess að fá frí.
Arnlaug
Hálfdánardóttir,
sölumaður.
Út af sjálfstæði
tslendinga þann
l.des. 1918.