Fálkinn - 29.11.1930, Side 3

F A L K I N N
3
VIKUBLAÐ MEÐ MYNDUM.
Ritstjórar:
Vilh. Finsen og Skúli Skúlason.
Framkvæmdastj.: Svavar Hjaltested.
Aðalskrífstofa:
Bankastrœti 3, Reykjavík. Sími 2210.
Opin virka daga kl. 10—12 og 1—7.
Skrifstofa í Oslo:
Anton Schjöthsgade 14.
BlaðiS kemur út hvern laugardag.
ÁskriftarverS er kr. 1.70 á mánuði;
kr. 5.00 á ársfjórðungi og 20 kr. árg.
Erlendis 24 kr.
Allar áskriftir greiðist fyrirfram.
Auglýsingaverð: 20 aura millimeter
Herbertsprent, Bankastræti 3.
Skraddaraþankar.
Það er sagt um mann, sem við-
urkendur var fyrir þráa og stirfni,
að hann hafi eitt sinn komið á um-
ræðufund um þjóðmál og verið
kýeðinn i kútinn af andstæðingun-
um. En þegar honum voru þrotin öll
rök, hafði hann sagt: Jeg er ekki
kominn hingað til þess, að láta sann-
færast! Og að svo búnu rauk hann
á dyr.
„Jeg er ekki koininn hingað til þess
að láta sannfærast!" —• Ummælin
voru ekki viturleg, en þarna var tal-
að í hreinskilni. Maðurinn þessi
sagði sig ekki betri en hann var.
Og það var frómt' frá sagt.
En annars er þetta, að vilja ekki
iáta sannfærast af rökum, en berja
höfðinu við steininn og neita jafn
áreiðanlegri staðreynd eins og að
tveir og tvoir eru fjórir, afar almenn-
ur mannlegur breyskleiki, ekki sist
á voru landi. íslendingar eru að eðl-
isfari seigir menn, eins og flestir
þeir, sem hafa átt við örðugleika að
búa, en seigir inenn eru ,^ft þráir
menn. Og þrói er það og ekkert ann-
að, sem gerir mönnum svo erfitt, að
þeygja odd af oflæti sínu og viður-
kenna af fúsum vilja, að þeir hafi
haft ó röngu að standa, þegar það
er bert orðið.
Þeim mönnum, sem eru svo skyni
skroppnir, að þeir geta ekki skilið
sjálfir, þegar þeir hafa tekið „skakk-
an pól í hæðina“, er að visu vor-
kunnarmál, þegar þeir vilja ekki
sannfærast. Þeir eru eins og maður,
sem hefir vilst og finst austur vera
vestur, norður eða suður, eða alt
nema austur. En þessir menn eru
ekki nema fáir. Hinir eru fleiri, sem
af einhverjum ástæðum hafa tekið
upp stefnu eða kenning, sem reyn-
ist röng þegar betur er að gáð; en
í stað þess að beygja sig fyrir stað-
reyndinni halda þeir dauðahaldi í
jiað, sem þeir hafa sagt, vitandi að
það er ekki rjett. Oftast nær mun á-
stæðan til liessa vera sú, að þeim
finst minkun að því, að þurfa að
kyngja þvi, sem þeir höfðu talað,
finst þeir vera minni menn eftir og
eru hræddir við að fá á sig vind-
hanaheitið.
En þetta hátterni er ekki öðrum
.meinfangalaust. Hversu óskaplega
hefir ekki þessi þrái stundum taf-
ið fyrir framgangi mála. Bæði í við-
skiftum manna á milli, og fyrir nýj-
um stefnum i heimsskoðun. Og i
pólitíkinni (þar sem allir hafa altaf
rjett fyrir sjér 1).
Þegar Hákon sjöundi varð konungur.
Hinn 25. þ. m. voru 25 ár liðinn frá því, að Carl Danaprins, sonur Friðriks konungs áttunda steig
á land í Kristianíu sem konungur Noregs, undir nafninu Hálton sjöundi og hafa mikil hátíðahöld
verið í Noregi undanfarna daga í tilefni af afmælinu. Á myndinni sjást konungshjónin og Ólafur
krónprins, sem þá var á þriðja árinu, er þau aka frá skipinu heim i konungshöllina. Eins og mynd-
in ber með sjer var mikil snjókoma i Oslo þennan dag.
Jóhannes Þórðarson á NjálsgÖtu
38 verður 75 ára 2. desember.
Hallfríður E. Bachmann Ijós-
móðir, Laufásveg 5 verður 70
ára í dag, 29. növ.
Bjarni Einarsson fyr prófastur
á Mýrum verður sjötugur 4. des.
Málverkas$ningu
opnar Ólafur Túbals á inorgun á
Laugaveg 1, og sýnir þar um 100
olíu- og vatnslitarmyndir, allflestar
iiýjar. Ólafur hefir ferðast mikið i
sumar, nfl. frá Vík í Mýrdal vestur
og norður um land og austur að
Mývatni og eru myndirnar víðs-
vegar frá þeirri leið. Má því gera
ráð fyrir að sýning þessi verði fjöl-
breytt. Ólafur ferðaðist með Johs.
Larsen málara, sem er að teikna
myndirnar í dönsku skrautútgófima
af íslendingasögunum.
Sprenglærður enskur prófessor
spáir þvi, að í framtíðinni muni fólk
klæðasl fötum úr stálþræði og ganga
iheð stálhjálma á höfðinu til þess að
verjast hugskeytum þeim, sem aðrir
sendi þeim. Muni mennirnir þá orðn-
ir svo viðkvæmir fyrir hugskeytum,
að þeim veitir ekki af að hafa hlif-
ar fyrir þeim. Það er bót i máli, að
prófessorinn segir, að þetta verði
ekki fyr en eftir tíu þúsund ár.
Runótfur Halldórsson hrepp-
stjóri á Syðri-Rauðalæk varð
áttræður 2k. þ. m.
Samkvæmt skýrslum kaupir kvcn-
fólk fleiri bíla i Bandarikjunum en
karlmenn gera. En líklega er það fyr-
ir peninga karlmannanna.
Veiðimaðurinn, sem hafði verið á
flakki heilan dag án þess að sjá
nokkurn fugl, kom að kvöldi að tíörn
óg var þar stór andahópur á sundi.
Þótti veiðimanninum hópurinn girni
legur og spurði því bónda, sem stóð
þarna, hvað það mundi kosta að
skjóta á endurnar. Bóndinn glápti
á hann en svaraði engu og veiðimað-
urinn rjetti þá að honum tíu krónu
seðil, og sagði að þetta mundi nægja.
Bóndinn tók við peningunum og
veiðimaðurinn hleypti af byssunni.
Fimm feitar endur drápust.
— Þarna gerði jeg góð kaup, sagði
veiðimaðurinn ánægður.
— Já, jeg er ánægður lika, sagði
bóndinn og gekk burt; — Smiður-
inn á þessar endur og hann er að
koma þarna.
* ----x----
Á Suðurhafseyjunni New Britian
eru alls 500 ibúar og 500 bilar. Hvað
skyldi verða langt þangað til fólkið
það hættir að kunna að ganga. Og
Og hvað skyldu vera margir skósmið-
ir þar?
----x----