Fálkinn - 18.07.1952, Side 5
FÁLKINN
5
Uppdráttur er sýnir afstöðu ýmissa þeirra staða, sem koma við sögu á Ólympíuleikjunum í Helsingfors: 1. Ólym-
piustadion, 2. Sundlaugin, 3. Knattleiksvöilur, 4. Miisshallen, 5. Reiðvöllur, 6. Brunnskar, 7. Meilans (kappróð-
ur), 8. Edesviken (kanóróður), 9. Westend (skylmingar), 10. Otnas (bústaður rússn. íþróttamannanna), 11.
Gr&hara (kappsiglingar), 13. Listasafnið (þar verður sýning í sambandi við leikina), 14—15. Ólympíuhverfi
íþróttamannanna, 16. Hjólrciðabraut, 19. Hoplax (skotfimi), 20. Tali (kappreiðar), 21. Gistihús blaðamanna,
22. Palace Hótel, bústaður heiðursgestanna.
löngum vegalengdum sanna að hún
sé með bestu lilaupabrautum í heimi.
Það er því ekki ósennilegt að ný
met verði sett í hlaupum á Olympíu-
leikjunum nú. Brautin er sjöskipt, og
meðfram aðaláhorfendasvæðinu er
ein stutt braut enn, svo að þar geta
8 keppt samtímis.
Innan við hlaupabrautirnar er knatt-
spyrnuvöllur. Þar verða markverð-
ustu kappleikirnir, en aðrir fara fram
á knattvelli fast við Stadion og á
ýmsum stöðum utanborgar. Á suður-
enda vallarins eru fjórir staðir fyrir
hástökk og istangarstökk, en köstun-
um er ætlaður staður að norðanverðu.
Sundlaugin, eða „Simstadion" er
rétt hjá Stadion, og er sprengd nið-
ur í berg. Vegna væntanlegra ólýmp-
íuleikja 1940 var byrjað á henni árið
1939, en svo kom stríðið, og laugin
var ekki fullgerð fyrr en 1947. Laug-
in er 50 metra löng og 20 metra öreið
og 2 metra djúp og 8 geta keppt sam-
tímis. Við annan enda laugarinnar
er minni laug til að steypa sér i úr
mikilli hæð, hún er 20x20 metrar og
4V2 m. á dýpt. Loks er þarna lærl-
ingalaug, 0,7—1,2 metra djúp. Og svo
40 cm. djúpur pollur handa ósyndum
krökkum að busla í.
Við sundlaugina eru aðeins 3.000
áhorfendapláss, en vegna Ólympiu-
leikanna hafa verið sett upp auka-
lega pláss fyrir 4.600 manns. Hitunar-
tæki laugarinnar sjá fyrir því að
vatnshitinn sé aldrei undir 21 st. C.
Hjólreiðabrautin er rétt hjá Ólyrn-
piuhverfinu, þar s'em íþróttamenn-
irnir búa. Þar er rúm lianda 5.000 á-
horfendum. Brautin er öll steinsteypt
og 400 metra löng. Hjólreiðakeppni
á vegi fer fram á 10.4 km. löngurn
liringvegi og verða farnar 18 um-
ferðir — alls 187.2 km. Hlaupið hefst
og endar aðeins 10 mínútna gang
frá Ólympíuhverfinu. Af veginum eru
6 km. malbiikaðir en hitt venjulegur
púkkaður malborinn vegur. Hæðar-
munurinn efist og iægst er 90 metr-
ar.
í Másshallen, sem er stærsta sýn-
ingarhöll Norðurlanda og stendur
við Mannerlieimsveginn, rétt hjá
Stadion, verður háð ýmiss konar
keppni. Þar verða t. d. fimleikasýn-
ingarnar og ennfremur glíma og
hnefaleikur, lyftingar og körfubolti.
Flest af þessu fer fram á kvöldin. í
Masshallen er rúm fyrir 6.500 áhorf-
endur i öðrum helmingnum en fyrir
300 i hinum.
Hverjir sigra.
Það er sagt að heimaþjóðin hafi
besta aðstöðu til að vinna alþjóðleg
leikmót enda istendur lnin um sumt
betur að vígi en aðkomumenn. En
þó að Finnar hafi á undanförnum
áratugum verið taldir ein besta
iþróttaþjóð veraldar þá munu þeir
ekki gera sér von um sigur nú. Óðru
máli hefði verið að gegna ef Ólym-
píuleikarnir liefðu verið háldnir 1940
og vetrarstriðið ekki komið. Þá höfðu
Finnar haft góða aðstöðu til að húa
sig vel undir, og áttu marga sigur-
vegara vissa. Margir þeirra féllu i
striðinu og aðrir komnir af besta
skeiði. Meðal þeirra sem fellu i stríð-
inu voru Gunnar Höckert, Ólympíu-
meistari í 5.000 metra hlaupi i Berlín
1936, Martti Melartin maraþonhlaup-
ari, Veikko Tuominen, sem vnr talinn
meistraefni á 10 km. og hljóp þá á
30,07,6, Matti Milckola, sem hafði
kastað spjóti 75,61 metra árið 1940,
Eero Landesmaki stangarstökkvari,
Lauri Koskela, ólympíumeistari i
glímu 1936 og margsinnis heimsmeist-
ari. Ágæta vetrariþróttamenn misstu
þeir einnig, svo sem liinn glæsilega
skauta-heimsmeistara Birger Vaseni-
us. — Svo komu striðsárin og eftir
stríðið ár strits og sultar og annað
þótti nauðsynlegra en að sinna iþrótt-
um. Finnar hafa þvi misst mörg ár
úr og spurning hvort þeir hafa beð-
ið þess bætur ennþá, þó að þeir hafi
æft íþróttir af kappi síðustu þrjú ár-
in. Og velgengni i iþróttum gengur
í öldum eins og flest annað.
Ameríkumenn hafa bæði úr mörg-
um að velja, eru áhugamenn i iþrótt-
um og hafa svo mikið fé að þeir þurfa
ekki neitt að spara. Margir telja þá
vissa með sigurinn. En ýmsir vilja
þó setja spurningarmerki við þessa
staðhæfingu.
Austan úr Rússlandi hafa undan-
farið ár borist fréttir um hin ótrú-
legustu iþróttaafrek, og víst er um
það að Rússar hafa mörgum ágæt
um mönnum á að skipa. En saman-
burður liefir ekki fengist fyrr en nú,
að rússneskt iþróttafólk mætir vest-
urveldafólki, og þá fyrst og fremst
Bandarikjamönnum. Það verða marg-
ir forvitnir í að heyra hvernig úr-
slitin verða í samkeppni þessara
tveggja stórvelda og keppinauta á
leikvanginum í Helsinki.
DEMANTAR TIL SÖLU. — „Jacub“-
demanturinn er 180 karöt og einn af
stærstu demöntum í heimi. Eigandi
hans, nízaminn af Hyderabad hefir nú
auglýst þessa steinvölu til sölu, en
ekki fengið neitt tilboð ennþá. Hefir
nízaminn áformað að koma öllu gim-
steinasafni sínu i peninga — en hann
á þrjár kistur fullar — og stofna sjóð
lianda barnabörnum sínum fyrir and-
virðið, en þau eru mörg. „Jacub“-
demanturinn er virtur ó 45 milljón
íslenskar krónur. Ef enginn þykist
hafa efni á að kaupa hann verður hann
klofinn í marga smærri demanta, sem
hægara er að selja. En allt gimsteina-
safn nízamsins er talið 480 milljón
íslenskra króna virði. Aðallega eru
þetla demantar og rúbínar en líka
talsvert af perlum. Verður safninu nú
skipt í flokka og boðið fram til sölu
í París og Sviss. Indverska stjórnin
á að hafa eftirlit með sjóðnum, sem
stofnaður verður.
Níaminn af Hyderabad hefir nálægt
33 milljón króna árstekjur en er svo
sparneytinn, að hann þarf ekki nema
15 krónur á dag til allra sinna þarfa.
Það var afi hans, sem keypti „Jacub“-
demantinn i Ameriku fyrir 75 árum,
en upphaflega cr steinninn frá Suður-
Afríku. —
Juuranto aðalræðismaður íslands í Helsingfors afhendir Éric von Pranckell
borgarstjóra og formanni Ólympíunefndar riddarakross fólkaorðunnar. —