Fálkinn - 20.05.1960, Blaðsíða 4

4
FALKINN
LJÓSdfYNDARIMN
— Mtn Há$i í
6. þ.m. giftist Margret Bretapnnsessa og þá gerðist það
við bresku hirðina, sem ekki hefur skeð mörg ár, að
kóngsdóttir giftist manni af borgarlegri ætt. Að vísu hefur
einhver fróður maður fært líkur að því að ,,Jones Boy“,
sem Englendingar kalla þenna nýjasta meðlim konungs-
fjölskyldunnar, sé kominn af enskum konungi, en þessi
ættfaðir hans var uppi fynr mörgum öldum.
EF allt það sem skrifað hefur
verið um ástamál Margrét
Englaprinsessu væri komið saman í
eina bók, mundi hún verða á stærð
við margar biblíur. Og ástasaga
hennar og Peter Townsend mundi
fylla meirihlutann af þeirri bók.
Aðeins ein ástarsaga frá þessari öld
mundi geta keppt við Margrétar-
söguna, en það er saga Edwards
föðurbróður hennar, nú hertoga af
Windsor, og frú Simpson konu hans.
Blöðin sögðu, þegar Margrét gaf
yfirlýsinguna um að hún væri hætt
að hugsa um Peter Townsend, —
eftir að erkibiskupinn af Kantara-
borg hafði talað um fyrir henni —
að hún væri svo beygð og vonsvik-
in, að hún væri að hugsa um að
fara í klaustur og verða aldrei við
karlmenn kennd. En 27. febr. síð-
astliðinn var sú fregn birt frá hirð-
inni að Margrét væri trúlofuð og
mundi giftast í vor. Og þessi fregn
vakti nærri því eins mikla athygli
og fregnin um að Edward VIII.
sagði af sér forðum. Og allir spurðu
HVER ER MAÐURINN?
Sá útvaldi er ótiginn — ekki
svo mikið sem sir. Það gerði fregn-
ina enn nýstárlegri. Því að það hef-
ur ekki komið fyrir í ensku kon-
ungsfjölskyldunni í 457 ár, að
kóngsdóttir hafi gifst ótignum
manni. En árið 1503 giftist Cecilie
dóttir Edwards IV. manni sem hét
Thomas Kymbe.
Eiginmaður Margréttar heitir
Tony Armstrong-Jones og er ljós-
myndari, sem hefur náð sambandi
við heldra fólk, þ. á. m. konungs-
fjölskvlduna. Hann hefur tekið
myndir af börnum Eiizabeth drottn-
ingar og hún vísaði Margrét systur
sinni á hann, til að láta taka mynd
af sér. llann varð þrítugur 7. apríl
(Margrét verður þrítug í ágúst).
Þau hcd'a þekkst síðan hann tók
fyrst af henni mynd fyrir tveimur
árum.
Armstrong Jones er óvenjulegur
maður á marga lund. í fyrstu eign-
ast Margrét þrjár tengdamæður
(þar af tvær tengda-stjúpur) við
að giftast honum. Því að faðir hans,
Ronald Armstrong-Jones er þrí-
giftur (giftist seinast fáeinum dög-
um fyrir sextugsafmælið sitt, í
febrúar).
Móðir Tonys var talin fegursta
stúlkan í Bretlandi um 1920. Hún
hét þá Anna Messel. Bróðir hennar
var tískuteiknari hjá leikhúskóng-
inum Cochran og á dansleik sem
hann hélt í ,,miðnætursólar-um-
hverfi“, birtist Anna sem Jökul-
drottningin! Bróðir hennar hafði
teiknað á hana búninginn en hún
saumaði hann sjláf. Ronald Arm-
strong-Jones, sem þá var ungur lög-
fræðingur, varð hrifin af Onnu og
giftist henni rétt fyrir 1930. Þau
eignuðust tvö börn, Tony og Susan.
En svo fór hjónabandið í hundana
og þau skildu og 1935 giftist Anna
Messel í annað sinn, jarlinum af
Rosse. Með honum á hún tvo syni,
Oxmanton lávarð, sem er 23 ára,
og Desmond, 21 árs.
Afi Tony var frægur læknir, sir
Robert Armstrong-Jones, og Ronald
lögfræðir.gur stundaði nám í Oxford
og tók þátt í báðum heimsstyrj-
öldunum. Ronald lögfræðingur
kvæntist aftur 1936 — leikkonunni
Carol Combe og þau voru gift
þangað til í fyrra. Þá yngdi Ron-
ald upp konuna síi^a með því að
giftast Jennifer Unite, sem var flug-
freyja en ýmislegt fleira til lista
lagt, t.d. að sjá um dagskrár fyrir
Radio Luxembourg. Þessi stjúpa
Tonys er aðeins 4 mánuðum eldri
en Margrét. Kunningjar Tony segja
hann einstaklega heillandi mann.
í fyrra var hann tilnefndur sem
„maðurinn, sem kemst langt i
heiminum“. Það var eftir að hann
hafði tekið fyrstu myndirnar af
Margrct. En engan grunaði þá —
nema kannske hana sjálfa — að
hann mundi komast svona langt,
því að aldrei heyrðist ávæningur
af að nokkuð væri á milli þeirra.
— Frændi Tonys heitir Oliver, og
Tony telur sig hafa honum meira
að þakka en jafnvel föður sínum.
Oliver kenndi honum bæði ljós-
myndagerð og tízkuteikningu.
Stúlkurnar, sem þekkja Tony
bezt, segja, að hann hafi alltaf ver-
ið fremur mannafælinn og fálátur.
Þær furðuðu sig á að hann skyldi
verða kunnur sem tízkuljósmyndari,
því að hann hefði verið hræddur við
fólk, sérstaklega heldra fólkið.
Félagarnir segja, að hann hafi
alltaf verið vandur að virðingu sinni
og mjög háttvís. Rólegur og þægi-
legur og blátt áfram, — eins og
hertoginn af Edinburgh, sem nú er
orðinn prins.
í fyrra var Tony á sjónleikavik-
unni í Edinburgh. En þar lá við að
hann vekti hneyksli fyrir að fara úr
jakkanum meðan hann var að taka
myndirnar í samkvæmissölunum.
Þjónn einn kom til hans og benti
honum á að hann mætti ekki vera
snöggklæddur á svona stað, en Tony
umlaði eitthvað og hélt áfram að
ljósmynda. Sama daginn borðaði
hann hádegisverð í gildaskála og fór
úr jakkanum á meðan, því að heitt
var. Þegar brytinn kom til hans og
bað hann um að fara í jakkann,
svaraði Tony rólega: — Ég vil láta
mér líða vel, þegar ég er að borða.
Og ég sé hvergi auglýst hérna inni,
að maður megi ekki vera snögg-
klæddur.
Eftir dálitla stund var fjöldi ungra
manna þarna inni kominn úr jakk-
anum, en brytinn stóð löðrandi í
svita í svarta jakkanum sínum.
Tony er illa við að vera kallaður
hirðljósmyndari. En það er hann þó.
Áður en hann fór að taka myndir
reyndi hann að verða léikari, en
komst að raun um, að meira gaman
væri að taka myndir, og það hefur
hann gert síðan. Hann .á heima í
Pimlico-hverfinu í London, en það
er „obhéme-hverfi“. Hann er til-
haldslaus í klæðaburði, en vill nota
þröngar buxur. Hann hefur gaman
af jazz, eins og Margrét. Og hann
vill helzt brasa matinn sinn sjálfur
og steikt lifur með lauk er uppá-
haldsmaturinn hans.
Tony komst fyrst í blöðin, þegar
hann var 22 ára. Þá höfðu fimm
stúdentar frá Eton ráðizt á hann og
fært hann úr buxunum. Þeir báðu
fyrirgefningar á þessu á eftir, en
ástæðan til árásarinnar var sú, að
þeim fannst hann líta milljónamær-
ingsdótturina Sarah Chester Beatty
full hýru auga.
HERTOGINN AF KENT
GERÐI HANN FRÆGAN.
í október 1956 stofnaði hann ljós-
myndastofuna, sem hann rekur enn.
í sama mánuði var hann beðinn um
að taka mynd af hertoganum af
Kent. Þeir voru kunnugir frá Eton
og hertoginn sagði: — Ég verð að
gefa honum tækifæri til að verða
kunnur.
Og eftir þetta kom margt fínt
fólk til hans til að láta taka mynd
af sér. Douglas Fairbanks yngri
með sitt fólk, bjórmilljónamæring-
urinn Guiness o. fl. Og Elizabeth
drottningu leizt svo vel á myndina,
sem hann hafði tekið af hertogan-
um af Kent, að hún bað hann um að
taka myndir af börnunum sínum.
Þá kynntist Tony hertoganum af
Edinburgh, sem sagði um hann:
— Þetta er myndarlegur maður.
Ég vildi óska að ég ætti bróður eins
og hann!