Fálkinn - 20.05.1960, Blaðsíða 5

FÁLKINN
5
Tony hafði ekki hugmynd um að
hertoganum hafði litizt svona vel á
hann. Og sagt er, að það hafi verið
hertoginn, sem benti drottningunni
á, að hún skyldi ráðleggja Margaret
að láta hann taka mynd af sér. —
Armstrong getur látið ljósmynda-
vélina tala, sagði hertoginn.
Það var 1958, sem Tony var beð-
inn um að taka afmælismynd, sem
síðan varð fræg, af Margaret prins-
essu. Og það er fullyrt, að drottning-
in hafi komið þessu í kring af yfir-
lögðu ráði. Drottningin og hertog-
inn vildu ná í ungan mann, sem gæti
vakið athygli prinsessunnar, sem
var raunamædd eftir allt tilstandið
út af Peter Townsend. Armstrong
var efnilegur ungur maður, en
Margaret sú þriðja í röðinni, sem
ríkiserfingi. Nú eru drottningar-
börnin orðin þrjú, svo að ósenni-
legt er að Margaret erfi nokkurn
tima brezku krúnuna.
Tony var um þær mundir mikið
með kínverskri stúlku, sem heitir
Jackie Chan. Þau voru saman í
ferðalagi í Sviss í marz í fyrra og
það var altalað, að þau ætluðu að
giftast. En sú fyrirætlun gufaði
upp, — hafi hún nokkurn tíma ver--
ið til.
Tveimur mánuðum síðar var Tony
með Margaret í samkvæmi, og marg-
ir tóku eftir að hún var sérlega kát.
En engum datt í hug, að Arm-
strong ljósmyndari ætti nokkurn
þátt í því.
Eftir það kvöld var hún oft með
Tony. En þau fóru með það eins og
mannsmorð, til þess að blöðin færu
ekki að orða þau saman. Og þetta
tókst svo vel, að þegar þau opin-
beruðu trúlofun sína sex mánuðum
seinna, kom fregnin flatt upp á
alla, nema nánustu vildarvini.
Brúðkaupið hefur nú verið hald-
ið, með konunglegri viðhöfn. Kon-
ungum Norðurlanda var boðið, en
hvorki Ólafur Noregskonungur né
Gustaf Adolf Svíakonungur gátu
komið, því að báðir höfðu bundið
sig við annað áður en boðið kom.
Einhver ensk blöð notuðu sér afboð
Noregskonungs til að gefa það í
skyn, að hann væri móðgaður við
ensku hirðina út af því, að Harald-
ur sonur hans fengi ekki að eiga
Alexöndru prinsessu af Kent! En
Svíakonungur hafði löglega afsök-
un: Sjahinn af Parsíu var í opin-
berri heimsókn í Stockhólmi um
sama leyti sem brúðkaupið fór
fram.
Tony var vitanlega sæmd'ur göf-
ugum titli um leið og hann varð
meðlimur fjölskyldunnar. Hann hef-
ur verið gestur í Buckingham Palace
síðan hann trúlofaðist, og mun nú
verða orðinn útfarinn í öllum hirð-
siðum, Hvort hann hættir að taka
myndir er óvíst enn. Hann þarf ekki
að stunda þá atvinnu til þess að
hafa ofan í sig' að éta, því að Marg-
aret, sem hingað til hefur haft 6.000
sterlingspund í lífeyri á ári, fær eft-
irleiðis 15.000 pund.
Einar á Dvergasteini er að koma
ofan úr heiði og mætir kaupstaðar-
manni, sem spyr, hvort hann hafi
ekki séð rjúpu á leiðinni.
— Ónei, drengur minn. Hefur þú
týnt rjúpu, eða hvað?
Davíi og GoSíat
Hún er ekki ginkeypt fyrir pen-
ingaflóðinu hreppsnefndin í Árby
við Kallundborg í Danmörku. Svo
er mál með vexti að ameríski olíu-
kóngurinn Paul Getty, sem er marg-
faldur dollaramilljónamæringur og
á meirihlutann af olíufélaginu
„Tidewater Oil“, hefur keypt lóðir
í Árby og næstu sveit fyrir 5 millj.
danskar krónur og ætlar að setja
þar upp olíuhreinsunarstöð, birgða-
stöð og byggja olíuhöfn. En hrepps-
nefndin í Árby hefur samþykkt að
banna olíustöðina innan sveitarinn-
ar, af heilbrigðisástæðum. — Nú
hefur „Tidewater Oil“ snúið sér til
heilbrigðismálastjórnarinnar í Kal-
lundborg og héraðslæknisins þar,
og síðan verður málið látið ganga
til innanríkisráðuneytisins. — Stöð-
in á að kosta með öllu og öllu 225
milljón d-krónur, og mundi sumuin
þykja viðurhlutamikið að hafna
þeim gjaldeyri. Nú er eftir að vita
hvor betur hefur, Davíð eða Golíat
— hreppsnefndin í Árby eða Paul
Getty með allar dollaramilljónirnar
sínar.
'ÁT
Óhugnanleg heimsókn
Stórt og glorhungrað sirkusljón
strauk nýlega úr búrinu sínu í
Ragusa á Sikiley. Fólkið á götunni
ætlaði að tryllast þegar ljónið kom
æðandi, en sirkusmennirnir sem
eltu konung dýranna urðu að hætta
eftirförinni um sinn, er Ijónið hvarf
inn í þrönga hliðargötu. Þar sá það
opnar dyr og hljóp inn. í húsinu
var gömul kona með tveggja ára
barn og alli í einu var ljónið komið
inn í stofuna.En kofian og barnið
æðrust ekki en horfðu á ljónið þar
sem það rásaði og hnusaði þangað
til það fann búrdyrnar og náði í
eitthvað til að gæða sér á. —
Klukkutíma síðar komu sirkuá>-
mennirnir vaðandi með barefli og
net til að vinna ljónið. Það lá þá
steinsofandi á gólfdúknum í stof-
unni, en gamla konan og barnið
sátu á stól og horfðu á gestinn.
★
Dawn Fraser, hin 22 ára ástr-
alska sundstjarna, sem á að verða
„tromp“ Ástralíu á Ólympíuleik-
unum í Róm.
I