Fálkinn - 28.12.1964, Blaðsíða 7
IR ARIÐ 1965
rithöfundur, bregður sér í spádómsgervi og skrifar
ðna hluti á komandi ári.
em hvurs merkis sérkennandi
Tvíburamerkið,
22. maí—21. júní. Því merki fylgir sá listræni skepnu-
skapur, að geta látist afkasta tveim dagsverkum á hálfum
degi, þó að viðkomandi vinni illa hálft á heilum degi og
önnur hraðlygi eftir því. Gerast slíkir margir bifvélavirkj-
ar og aðrir iðnaðarmenn, einnig skáldalaunaskáld og plat-
listamenn — en varla stjórnmálamenn, þar sem þeir trúa
ekki sínum eigin blekkingum.
Krabbamerkið,
22. júní—23. júlí. Því merki fylgir sá ankannalegi skepnu-
skapur, að gera alla hluti skakkt, aftur á bak og út á hlið
af frábærum dugnaði, og seinka þannig öllu, sem seinkað
verður. Gerast krabbamerkingar margir verkfræðingar,
verkstjórar, húsameistarar og forstöðumenn opinberra
framkvæmda.
Ljónsmerkið,
24. júlí—23. ágúst. Ljónsmerkingar eru haldnir þeirri kon-
unglegu áráttu, að þeir verði að bera af öllum að skepnu-
skap og hafa hlut samkvæmt því — urra, öskra, hrista
makkann og láta skína í tennurnar til að hræða aðrar
skepnur til lotningar, en sýna klærnar, ef það bregzt. Verða
alls konar stjórar, einkum bankastjórar, stjórnmálaforingj-
ar og ráðherrar.
Meyjarmerkið.
24. ágúst—23. sept. Því fylgir sá fínasti æðriskepnuskapur,
sem þekkist ekki með venjulegum skepnum — meydóms-
platið. Á meymerkinga festir aldrei sora — verða margir
hugsjónapólitíkusar, félagssamtakaleiðtogar, fasteignasalar,
lögfræðingar, afturhvarfspostular, fyrrverandi drykkju-
menn og afturbatapíkur.
Vogarmerkið,
24. sept.—21. okt. Þessu merki fylgir alls konar tæknileg-
ur skepnuskapur samkvæmt því lögmáli allrar skepnu, að
mjótt sé mundangshófið og verði því alltaf að halla á
einhvern. Verða vogmerkingar margir stórframkvæmda-
menn, kaupsýslumenn bókfærslusnillingar, framtalsmeist-
arar — auðugir og mikilsvirtir máttarstólpar í hverju þjóð-
félagi.
skepnuskapur in specie...
SporðdrekamerkiS,
22. okt—22. nóv. Því fylgir sá eitraði skepnuskapur sporð-
drekans að bíta alla í afturhlutann til bana — sjálfan sig
ef ekki vill betur. Fæddir undir þessu merki verða margir
pólitískir ritstjórar, listdómarar, gagnrýnendur, menning-
arhálfvitar, sálfræðingar, útvarpsplágur, kaffihúsaspeking-
ar og sambýlishræður.
BogmannsmerkiS,
23. nóv.—21. des. Þessu merki fylgir sá æðriskepnuskapur
að spenna bogann alltaf of hátt og skjóta ævinlega yfir
markið. Verða bogmenn margir siðgæðisprédikarar, bind-
indispostular, leikarar, tónlistarmenn, snillingar og ofvitar
— og með aldrinum fyrrverandi allt þetta og allt mögulegt
annað að auki.
SteingeitarmerkiS,
22. des.—20. janúar. Táknar þann heldur meinlausa skepnu-
skap að pota sér stöðugt hærra og hærra af undraverðri
fótvissurog enda óhjákvæmilega á toppinum. Sendlar, fædd-
ir undir þessu merki enda ævinlega sem forstjórar og
falli þeir á einhverri prófnámsgrein, enda þeir sem pró-
fessor með doktorsnafnbót í þeirri sömu námsgrein. Deyja
seint um síðir í hæsta eftirlaunaflokki.
Vatnsb eramerkiS,
21. janúar—19. febrúar. Því merki fylgir sá heimskulegi
skepnuskapur að bera öðrum vatn til að blanda í viský sitt
— og horfa á þá drekka það! Þeir, sem fæðast undir þessu
merki þjóna undir æðriskepnuskap annarra, án þess að
fá svo mikið sem tækifæri til að stela undan skatti — og
eiga ekki betra skilið. Aldrei getið í blöðum eða útvarpi
nema í dánartilkynningum, og deyja þá yfirleitt fyrir hönd
aðstandenda.
Fiskamerkið,
20. febrúar—20. marz. Þeir, sem fæddir eru undir því
merki, eru haldnir þeim skepnuskap að bíta á annarra
agn og gína við hverri tálbeitu. Því fylgja þau forréttindi
að vísu að vera ávarpaður sem háttvirtur kjósandi fyrir
kjördag. Er aldrei getið sem einstaklinga, en taldir í hundr-
uðum, þúsundum, smálestum, málum og tunnum og talað
um þá í göngum eða torfum. Blautir alla ævi.
FALKINN
7