Fálkinn - 28.03.1966, Page 11

andi húsmæður og húsmæðra-
kennara.
„Það er gaman þegar vel
gengur.“ Og hún brosir. „Allt
sem maður hefur áhuga á veit-
ir manni um leið einhverja
ánægju. Og stúlkurnar koma
hingað af því að þær vilja
stunda þetta nám. Þær eru út-
skrifaðar úr húsmæðraskóla og
hafa valið sér þessa sérgrein
sem er um leið gagnleg fyrir
allt kvenfólk.“
HINGAÐ til hefur námið tek-
ið tvö ár, en nú stendur
fyrir dyrum að lengja það í
þrjá vetur og eitt sumar. List-
inn yfir námsgreinar er afar
fjölþættur; það veitir áreiðan-
lega ekki af þremur og hálfu
ári til að komast sæmilega nið-
ur í íslenzku og íslenzkum
bókmenntum, stærðfræði, sál-
fræði, uppeldisfræði, kennslu-
fræði, raddbeitingu, framsögn,
háttvísi, næringarefnafræði,
vöruþekkingu, lífrænni efna-
fræði, matreiðslufræði, matar-
gerð, tilraunamatreiðslu, sjúkra
matreiðslu, eðlisfræði, efna-
fræði, gerlafræði, líffærafræði,
lífeðlisfræði, grasafræði, garð-
yrkju, veftafræði, þvottafræði,
áhaldafræði, vinnuhagfræði, hí-
býlafræði, heimilishagfræði, al-
mennri hagfræði, félagsfræði,
fjölskyldufræði, heilsufræði,
meðferð ungbarna, hjálp í við-
lögum, hjúkrun í heimahúsum,
bókasafnsfræði og töfluskrift,
og er hér þó ýmsu sleppt í upp-
talningunni. Jafnvel námfús-
ustu nemendum hlýtur að
ógna sú viðvörun í reglugerð-
inni, að heimilt sé að fjölga
námsgreinum að fengnu sam-
þykki menntamálaráðuneytis!
Jæja, þær eru furðu spræk-
ar þrátt fyrir allar lærdóms-
byrðar og taka námið með
mátulegum hátíðleik. Það er
létt yfir þeim, og þær líta bros-
andi upp úr bollubakstri og
gólfþvottum.
1%/I'ÉR finnst nú reglulega
”1*1. gaman að þessum verk-
legu fögum, sérstaklega mat-
reiðslunni,“ segir Guðrún Guð-
mundsdóttir frá Vorsabæ í
Gaulverjabæjarhreppi. Hún er
að leggja á borð og lagfærir
vandlega hvern disk. „Ég er
ekki farin að leita mér að
vinnu, en auðvitað langar
mann að kenna. Við verðum
lausar í vor, og þá er að sjá
hvernig gengur. Æfingakennsl-
an er ágæt, en það fer mest
eftir nemendunum — ef maður
getur vakið áhuga þeirra er
allt í lagi.“
Skólastjórnin útheimtir töluverða skrifiinnsku ásamt öðru. Hér situr Vigdis Jónsdóttir skólastjóri i skrif.
stofu sinni (efsta mynd), Birna og SigriSur baka bollur (i miðió). Nokkrar af stúlkunum sem taka þátt í
,námskei3inu spjalla vi3 nemendur skólans og kennara sina.