Fréttablaðið - 29.10.2009, Blaðsíða 52

36 29. október 2009 FIMMTUDAGUR
bio@frettabladid.is
Jeff Bridges mun að öllum líkindum
leika fyrir Coen-bræður á nýjan leik í
myndinni True Grit. Hún er endurgerð
samnefnds vestra frá 1969 og myndi
Bridges feta í fótspor Johns Wayne í
hlutverki kúrekans Reuben J. „Rooster“
Cogburn.
„Ég vona að þetta gangi eftir. Við
vitum það ekki alveg. Coen-
bræður vilja gera hana
og kvikmyndaverið líka.
Þetta snýst bara um að
allt smelli saman,“ sagði
Bridges, sem er 59 ára.
Myndin, sem er
byggð á sam-
nefndri bók eftir
Charles Portis,
fjallar um drykk-
felldan lögreglu-
mann og kúreka sem hjálpa ungri konu
við að finna morðingja föður hennar.
Henry Hathaway leikstýrði upphaflegu
myndinni og fékk John Wayne Óskarinn
fyrir frammistöðu sína.
Jeff Bridges ætti að þekkja vel til
Coen-bræðra því hann fór með aðalhlut-
verkið í gamanmyndinni The
Big Lebowski fyrir rúmum
tíu árum. Þar lék hann lata
keiluspilarann The Dude
sem lenti í því að teppinu
hans var stolið.
Bridges og Coen saman á ný
JEFF BRIDGES Bridges mun líklega feta í fótspor
Johns Wayne í True Grit.
COEN-BRÆÐUR Coen-
bræður ætla að leikstýra
Jeff Bridges á nýjan leik.
> LEIKUR SYSTKINI
Næsta hlutverk Adams
Sandler verður í rómantísku
gamanmyndinni Jack and
Jill. Þar leikur hann Jack
en einnig tvíburasystur
hans Jill. Tökur á mynd-
inni hefjast á næsta ári
og er hún væntanleg í
bíó árið 2011.
Heimildarmyndin Roman Polanski:
Wanted and Desired verður frum-
sýnd hjá Græna ljósinu á morgun.
Um áhugaverða mynd er að ræða
sem fjallar um hið sögufræga mál
þegar leikstjórinn Roman Polanski
var árið 1977 kærður fyrir að hafa
haft mök við þrettán ára stúlku og
gefið henni eiturlyf.
Ellefu mánuðum síðar flúði hann
til Evrópu áður en dómur var kveð-
inn upp, eftir að hafa játað sök sína.
Myndin rannsakar hvað gerðist
á þessum ellefu mánuðum með
áður ósýndu myndefni, brotum úr
myndum hans og nýjum viðtölum
við flesta lykilaðila málsins, þar á
meðal lögmennina og fórnarlambið,
auk vini leikstjórans.
Polanski sjálfur er sveipaður
dulúð en skýr mynd birtist af inn-
viðum réttarkerfisins í Bandaríkj-
unum og dómara sem hafði meiri
áhuga á ímynd sinni í fjölmiðlum
en framgangi réttvísinnar.
Málið er nú komið aftur í kastljós
fjölmiðla þar sem Polanski hefur nú
þrjátíu árum síðar verið handtek-
inn vegna málsins í Sviss og bíður
framsals til Bandaríkjanna.
Vandræði Polanski
ROMAN POLANSKI Heimildarmyndin
Roman Polanski: Wanted and Desired
verður frumsýnd á morgun.
Nýjasta mynd leikstjórans
Stevens Soderbergh nefnist
The Informant! Soderbergh
hefur átt flottan feril í
Hollywood eftir að hann sló
í gegn með Sex, Lies and
Videotape árið 1989.
The Informant! er svört kómedía
sem er byggð á sannsögulegum
atburðum. Matt Damon leikur lyg-
arann Mark Whitacre, sem starfar
í matvælafyrirtæki. Hann ákveð-
ur að leka út upplýsingum um það
hvernig fyrirtækið eigi í ólöglegu
verðsamráði við erlenda keppi-
nauta.
Steven Soderbergh, sem er af
sænskum ættum, fæddist árið 1963.
Hann fékk áhuga á kvikmynda-
gerð þegar hann stundaði nám
við Háskólann í Louisiana. Hann
reyndi ungur að árum fyrir sér í
Hollywood en það var ekki fyrr en
hann fluttist aftur til Louisiana að
hann fékk hugmyndina að Sex, Lies
and Videotape. Myndin, sem var
gerð án aðildar stórra kvikmynda-
fyrirtækja, hlaut Gullpálmann í
Cannes og vakti gríðarlega athygli
á Soderbergh, sem þá var aðeins 26
ára og sá yngsti til að hljóta þessu
æðstu verðlaun hátíðarinnar.
Næstu myndir hans ollu von-
brigðum hvað miðasölu snerti og
það var ekki fyrr en áratug síðar
sem hann lét almennilega að sér
kveða með glæpamyndinni Out of
Sight með George Clooney og Jenni-
fer Lopez í aðalhlutverkum. Mynd-
in var byggð á skáldsögu Elmore
Leonard og fékk mjög góða dóma.
Skömmu síðar sendi Soderbergh
frá sér myndirnar Traffic og Erin
Brockovich sem áttu eftir að festa
hann í sessi sem einn snjallasta
leikstjóra Hollywood. Hann fékk
Óskarinn fyrir Traffic og tilnefn-
ingu fyrir Erin Brockovich á sama
árinu, sem hefur aðeins einu sinni
gerst áður í sögu Óskarsins.
Eftir þetta voru honum allir
vegir færir. Fyrir næstu mynd
safnaði hann saman hverri stjörn-
unni á fætur annarri og úr varð
Ocean‘s Eleven, vinsælasta mynd
Soderbergh til þessa. Vinur hans
George Clooney var þar í einu aðal-
hlutverkanna, rétt eins og í næstu
mynd hans, Solaris, sem fékk held-
ur dræmari viðtökur. Framhalds-
myndin Ocean‘s Twelve kom út árið
2004 og síðan Ocean‘s Thirteen
þremur árum síðar, enda ekkert að
því að hamra járnið á meðan það
er heitt. Næsta verkefni leikstjór-
ans áður en hann vatt sér í gerð
The Informant! var síðan af stærri
gerðinni, myndin Che, sem fjall-
ar um ævi argentínska uppreisn-
arleiðtogans. Lokaútgáfa myndar-
innar varð fjögurra klukkustunda
löng, sem þýddi það að hún var
sýnd í tveimur hlutum í bandarísk-
um kvikmyndahúsum.
freyr@frettabladid.is
Snjall Hollywood-leikstjóri
STEVEN SODERBERGH Leikstjórinn Steven Soderbergh hefur gert margar fínar myndir á ferli sínum.
HELSTU MYNDIR:
The Informant (2009)
Che (2008)
Ocean‘s Thirteen (2007)
The Good German (2006)
Ocean‘s Twelve (2004)
Solaris (2002)
Ocean‘s Eleven (2001)
Traffic (2000)
Erin Brockovich (2000)
Out of Sight (1998)
Sex, Lies and Videotape (1989)
Milla Jovovich hefur tekið að sér
aðalhlutverkið í spennumyndinni
Faces in the Crowd og hefjast tökur
í mars á næsta ári. Þar leikur hún
konu sem er hundelt af brjáluðum
fjöldamorðingja. Í byrjun mynd-
ar er ráðist á hana en morðingj-
anum tekst ekki að klára ætlunar-
verk sitt. Eftir árásina getur hún
ekki lengur þekkt andlit og getur
því ómögulega vitað hver það var
sem reyndi að drepa hana.
Jovovich virðist vera á flótta í
hverri myndinni á fætur annarri.
Morðingi gerir henni lífið leitt í
nýlegri spennumynd, A Perfect
Getaway, sem gerist á Havaí og í
Resident Evil: Afterlife
á hún í höggi við ófrýni-
legar afturgöngur. Sú
mynd er í tökum um
þessar mundir og er
væntanleg á næsta
ári. Hún er fjórða
myndin í Resident
Evil-seríunni sem
er byggð á sam-
nefndum tölvu-
leikjum.
Jovovich, sem
sló í gegn í The
Fifth Element,
hefur í nógu að
snúast því 6. nóv-
ember verður tryllirinn The
Fourth Kind frumsýndur í
Bandaríkjunum. Myndin
byggir á sannsögulegum
atburðum og segir frá bæ í
Alaska þar sem óvenjumarg-
ir hafa horfið sporlaust á síð-
ustu fjörutíu árum. Telja
margir að geimverur eigi
þar hlut að máli.
Hundelt af fjöldamorðingja
MILLA JOVOVICH Jovovich
er hundelt af fjöldamorð-
ingja í Faces in the Crowd.
Ósykrað
Hollur barnamatur fyrir 6 mánaða og eldri
www.barnamatur.is
Fjölbreytt og gott
veganesti fyrir lífið