Nýtt kirkjublað - 01.06.1911, Blaðsíða 10

130 NÝTT KLRKJUBLAB
iátning mín og heit á fermingardegi mínum.
Eg trúi á hinn lifanda guS, hinn almáttuga skapara
lieimsins, sem viðheldur honum með krafti sínum, stjórnar
honum samkvæmt vísdómi sinum, fyllir hann með lífi sínu.
Eg trúi á guð, sem er andi og vill láta tilbiðja sig í anda og
í sannleika, á guð sem er kærleikur, hefir frá öndverðu opin-
berað kærleika sinn, og af einskærri náð sinni tekið einnig mig
að sér. Þessum guði vil eg barnslega treysta alla æfi mina,
]jví að hann er faðir minn, og eg veit að allir hlutir verða
þeim til góðs, sem elska hann. Hans orð skal vera lampi
fóta minna, hans vilji æðsta lögmál rnitt. Fyrir honum vil
eg opna hjarta mitt, játa fyrir honum allar syndir rnínar og
hugga mig við náð hans i einlægri iðrun, þvi að hann er trúr
og vill ekki dauða syndarans, heldur að hann taki sinnaskifti
og lifi.
Eg trúi á drottin Jesúm Krist, guðssoninn, Ijóma dýrðar
hans og ímynd veru hans, sem er orðinn mér vísdómur frá
guði og réttlæti, helgun og endurlausn. Hann er vegurinn,
sannleikurinn og lífið, án hans get eg ekki komið til föðurs-
ins; hann er vínviðurinn og vér greinarnar, og í lifssamfélag-
inu við hann berum vér ávöxt; hann er góði hirðirinn og vér
sauðirnir á haglendi hans; hann er meistari vor og vér læri-
sveinar hans; hann er höfuð vort og vér erum limir líkama
hans. Honum vil eg fylgja alla rnína æfi, ok hans vil eg
taka á mig og læra af honum, því að hann er hógvær og
lítillátur af hjarta. Hann vil eg elska, eins og hann hefir
elskað mennina, honum reynast trúr, eins og hann var trúr
alt til dauða. Með honum vil eg þolinmóður líða, með hon-
um vinna sigur á heimi og synd, með honum upprísa til nýs
lífs og í hans ríki kosta kapps um að verða með hans full-
tingi fullkominn, eins og faðir minn á himnum er fullkominn.
Eg trúi á heilagan anda, anda guðs og drottins vors
Jesú Krist-, sem slarfar í heiminum og safnar þar börnum
guðs saman í hinn kristna söfnuð. Eg trúi á anda sannleik-
ans, sem leiðir í allan sannleika, á anda kraftarins, kærleik-
ans og agans, sem gjörir hjarta mannsins að musteri guðs,
og er hjá mér að eilífu. Til þess nú að þessi andi verði