Fréttablaðið - 10.11.2009, Blaðsíða 2

2 10. nóvember 2009 ÞRIÐJUDAGUR
Ólöf, varstu fljót að finna rétta
hillu í lífinu?
„Já, og gat þá lagt það mál á
hilluna!“
Uppáhaldshúsgagn Ólafar Guðrúnar
Helgadóttur, kirkjuvarðar og sminku, er
útskorin hilla sem hún erfði eftir fóstru
föður síns.
ÞÝSKALAND, AP Mikhaíl Gorbatsjov var hetja dagsins
þegar hann kom til Berlínar í gær þar sem heima-
menn fögnuðu því að tuttugu ár væru liðin frá falli
Berlínarmúrsins.
Angela Merkel Þýskalandskanslari þakkaði
Gorbatsjov sérstaklega fyrir hans hlut í atburða-
rásinni.
„Þú gerðir þetta mögulegt. Af hugrekki þínu
léstu hlutina gerast, og það er miklu meira en við
gátum vænst,“ sagði hún við Gorbatsjov þar sem
þau stóðu á götunni Bornholmerstrasse ásamt Lech
Walesa, fyrrverandi Póllandsforseta, sem einnig
átti með réttindabaráttu sinni stóran þátt í að flýta
fyrir hruni alræðisstjórna í austantjaldsríkjunum.
Það var einmitt á Bornholmerstrasse þar sem
mannfjöldanum var fyrst hleypt í gegn að kvöldi 9.
nóvember árið 1989.
Merkel sjálf ólst upp í Austur-Þýskalandi og var
ein þeirra sem fóru yfir múrinn þetta kvöld. Hún
tók síðar í gær á móti leiðtogum allra aðildarríkja
Evrópusambandsins, ásamt Dmitrí Medvedev Rúss-
landsforseta.
Efnt var til tónleika og minningarathafna í Berlín
í gær. Meðal annars var þeirra 136 manna minnst
sem létu lífið við að reyna að flýja yfir landamærin
til Vestur-Þýskalands. - gb
Fyrrverandi og núverandi þjóðarleiðtogar minntust falls Berlínarmúrsins:
Merkel þakkar Gorbatsjov
OPNUNAR MÚRSINS MINNST Mikhaíl Gorbatsjov, Angela
Merkel og Lech Walesa á Bornholmerstrasse, þar sem fyrsta
landamærahliðið var „óvart“ opnað fyrir tuttugu árum.
FRÉTTABLAÐIÐ/AP
HEILBRIGÐISMÁL Tilraunastöðin á
Keldum hefur staðfest að sýking
í svínum á svínabúinu á Hrauk-
bæ í Eyjafirði sé af völdum svína-
flensuveirunnar.
Tekin voru tíu sýni og reyndust
þau öll jákvæð. Um leið og grunur
vaknaði voru settar takmarkan-
ir á flutning lífdýra frá búinu og
allar smitvarnir hertar.
Engin tengsl eru talin vera milli
þessa tilfellis og fyrsta tilfellis
svínainflúensu í svínum á Minni-
Vatnsleysu á Vatnsleysuströnd.
Aðrir svínabændur eru beðnir að
vera vel vakandi fyrir einkennum
svínaflensu á sínum búum. - jss
Hraukbær í Eyjafirði:
Svín sýktust af
svínaflensunni
VIÐSKIPTI Jón Sigurðsson, for-
stjóri stoðtækjafyrirtækisins
Össurar, hringdi bjöllunni sem
markar lok viðskiptadagsins á
Nasdaq-hlutabréfamarkaðnum
við Times Square í New York í
Bandaríkjunum í gær.
Tilefnið er
að um miðjan
síðasta mánuð
var áratugur
liðinn frá því
að fyrirtækið
var skráð á
hlutabréfa-
markað hér.
Þá voru bréf
fyrirtækisins
sömuleiðis
tekin til viðskipta í kauphöllinni
í Kaupmannahöfn í september.
Með Jóni var Þórður Friðjóns-
son, forstjóri Kauphallarinnar
hér. Þetta er í annað skiptið sem
Þórður lokar viðskiptadeginum
en hann var þar með Kára
Stefáns syni, forstjóra DeCode,
þegar Kári hringdi Nasdaq-
bjöllunni í júlí fyrir fjórum
árum.
- jab
Jón Sigurðsson í BNA:
Forstjóri Össurar
lokaði Nasdaq
JÓN SIGURÐSSON
GARÐABÆR Garðbæingum gefst
kostur á að hafa áhrif á gerð fjár-
hagsáætlunar næsta árs á fundi
með bæjaryfirvöldum á morgun.
Ekki hefur fyrr verið boðað til
almenns íbúafundar í Garðabæ
vegna vinnu við fjárhagsáætlun.
Að lokinni kynningu á starfsemi
og fjárhagsstöðu verður efnt til
hópastarfs þar sem bæjarbúar fá
tækifæri til að koma sínum til-
lögum að og verða þær hafðar til
hliðsjónar. Leitað er eftir tillögum
um viðbrögð við fyrirsjáan legum
samdrætti í tekjum og hvar alls
ekki megi draga saman.
Fundurinn verður í Flataskóla
og stendur frá 17.30 til 19. - bþs
Fjárhagsáætlun Garðabæjar:
Bæjarbúar
fá að segja sitt
SAMFÉLAGSMÁL Aðstandendur fyrir-
hugaðs heilsuþorps á Flúðum halda
áformum sínum ótrauðir áfram
þótt dágóð leit að fjárfestum hafi
enn ekki borið árangur.
Tæpt ár er síðan skrifað var
undir viljayfirlýsingu milli Heilsu-
þorpa ehf. og Hrunamannahrepps
um uppbyggingu 200 íbúða heilsu-
þorps með hvíldar- og endurhæf-
ingaraðstöðu í
Laxárhlíð við
Flúðir. Skipu-
l a gsv i n nu í
Hrunamanna-
hreppi er lokið
og verið er að
teikna íbúða-
hús og þjón-
ustubyggingu.
Ætlað er að allt
að 140 störf
kunni að skapast á byggingatíma
en á annað hundrað beinna starfa
þegar starfsemin er komin í gang
auk 400 afleiddra starfa. Kostnað-
urinn er talinn nema 5,5 milljörð-
um króna.
Árni Gunnarsson, einn aðstand-
enda Heilsuþorpa, segir fyrir-
tækið hafa kynnt verkefnið fyrir
nokkrum erlendum fjárfestum en
allir hafi þeir varann á gagnvart
Íslandi og enginn hafi enn lýst
sig reiðubúinn til að koma með
fjármagn inn í landið. Fjárfestar
austan hafs og vestan séu þó að
fara yfir viðskiptaáætlunina og
skoða málið. Þá sé von á kínversk-
um fjárfestum í heimsókn.
Að auki hefur verkefnið verið
kynnt íslenskum lífeyrissjóðum
og verkalýðsfélögum sem einnig
hafi það til athugunar.
Árni kveðst jafnframt hafa
rætt við alla íslensku bankana en
án árangurs. „Þar er allt lokað,
jafnvel þó svo að bankarnir séu
að þenjast út af peningum,“ segir
hann. Efndir fylgi ekki orðum um
nýsköpun. „Það er mikið talað um
að það eigi að aðstoða sprotafyrir-
tæki en við verðum ekki varir við
aðgang að fjármagni,“ segir Árni.
Nýverið fundaði hann með Ólafi
Ragnari Grímssyni forseta. „Hann
hefur reynst okkur mjög vel og
gert það sem hann hefur getað.
Hann og hans kona þekkja margt
fólk og kannski kemur eitthvað út
úr því. Ég hef sagt honum að ekk-
ert sé að óttast því þetta er ekki
útrásarverkefni heldur innrásar-
verkefni,“ segir Árni.
Heilsuþorp er sjö ára fyrir-
tæki sem upphaflega hugðist
reisa heilsuþorp á Spáni í sam-
vinnu við þarlenda fjárfesta.
Þeir urðu illilega fyrir barðinu á
kreppunni og verkefninu var því
sjálfhætt. Í framhaldinu var kosta
á Íslandi leitað og urðu Flúðir fyrir
valinu. „Það var langsamlega besti
kostur inn,“ segir Árni. „Þar eru
golfvellir, flugvöllur, gróðurhús,
hestaleigur, gnótt af heitu og köldu
vatni og afar jákvæð sveitarstjórn.
Við höldum þessu ótrauð áfram
enda verkefnið komið á talsverðan
skrið.“ bjorn@frettabladid.is
Leita fjárfesta vegna
heilsuþorps á Flúðum
Fyrirtæki sem hyggur á byggingu 200 íbúða heilsuþorps hefur kynnt verkefnið
fyrir fjárfestum víða um heim. Allir eru á varðbergi gagnvart Íslandi. Kostnaðar-
áætlun nemur 5,5 milljörðum króna. Forseti Íslands hefur lagt verkefninu lið.
FRÁ FLÚÐUM Finnist fjárfestar og gangi allt eftir mun á annað hundrað starfa verða
til í tengslum við heilsuþorpið. FRÉTTABLAÐIÐ/STEFÁN
ÁRNI
GUNNARSSON
FÉLAGSMÁL „Hér með lýsi ég yfir
vantrausti á Gylfa Arnbjörnsson
og skora á hann að segja af sér án
tafar,“ segir Ragnar Þór Ingólfsson,
stjórnarmaður í Verslunarmanna-
félagi Reykjavíkur, á bloggi sínu
um aðkomu forseta Alþýðusam-
bands Íslands að kjaraviðræðum.
Ragnar telur minnisblað sem birt
er á netsíðunni wikileaks.org sýna
að ASÍ hafi haft frumkvæði að því
í febrúar á þessu ári að umsömd-
um launahækkunum yrði frestað. Í
minnisblaðinu er getið um að Sam-
tök atvinnulífsins hafi óskað eftir
því við ASÍ að fyrirtæki fengju
möguleika á sveigjanleika við að
efna samningana, meðal annars
varðandi tímasetningu hækkana.
„Þessu svaraði ASÍ með því að setja
fram þá hugmynd að öllum launa-
breytingum 1. mars yrði frestað til
1. júlí,“ vitnar Ragnar í minnisblað
ASÍ.
„Þetta staðfestir að hin gríðar-
lega spenna sem var á milli SA og
ASÍ var ekkert nema leikrit þar
sem félagarnir Gylfi og Vilhjálmur
voru í aðalhlutverkum. Menn stóðu
með kaffibolla í hönd og þrömmuðu
framhjá upplýstum gluggum, svo
sjónvarpsvélarnar myndu örugg-
lega ná að mynda skrípaleikinn,“
skrifar Ragnar. „Það eitt að ASÍ
hafi svo átt frumkvæðið að frestun
launahækkana er í sjálfu sér kistu-
lagning Alþýðusambandsins.“
Ekki náðist í Gylfa Arnbjörnsson
í gærkvöld til að fá viðhorf hans til
ásakana Ragnars. - gar
Stjórnarmaður í Verslunarmannafélagi Reykjavíkur segir ASÍ og SA í skrípaleik:
Skorar á forseta ASÍ að hætta
RAGNAR ÞÓR INGÓLFSSON Segir ASÍ
hafa haft frumkvæði að frestun launa-
hækkana og krefst tafarlausrar afsagnar
forseta sambandsins.
Það er mikið talað um að
það eigi að aðstoða sprota-
fyrirtæki en við verðum ekki varir
við aðgang að fjármagni.
ÁRNI GUNNARSSON
HEILSUÞORPUM EHF.
FÓLK Gunnar Haraldsson, stjórnar-
formaður Fjármálaeftirlitsins,
mun láta af því starfi á næstunni.
Hann hefur
verið ráðinn í
starf hagfræð-
ings hjá sjávar-
útvegsdeild
Efnahags- og
framfarastofn-
unar Evrópu í
París frá ára-
mótum.
Gunnar, sem
jafnframt er
forstöðumaður Hagfræðistofnun-
ar HÍ, staðfesti þetta í samtali við
Fréttablaðið í gærkvöldi.
Hann sagðist ekki enn hafa sagt
stjórnarformannsembættinu lausu
en myndu gera það á næstunni.
Þá skýrðist fljótlega hver tæki við
starfi hans hjá Hagfræðistofnun.
Gunnar er doktor í hagfræði frá
háskólanum í Toulouse í Frakk-
landi. Hann hefur sérhæft sig í
rannsóknum á sviði fiskihagfræði.
- pg
Fer til starfa hjá OECD:
Stjórnarfor-
maður FME
hættir störfum
GUNNAR
HARALDSSON
Flestar kýr á Suðurlandi
Mjólkurkýr eru flestar á Suðurlandi
en þar eru 37 prósent allra íslenskra
mjólkurkúa. Sauðfé er hins vegar flest
á Norðurlandi. Þar eru 22 prósent alls
íslensks sauðfjár. Þessar upplýsingar
koma fram í Landshögum 2009, riti
Hagstofu Íslands.
HAGTÖLUR
Kvæntir karlar tekjuhærri
Meðaltekjur kvæntra karla árið 2008
voru 6,9 milljónir króna. Þeir voru
með 2,6 milljónum króna hærri tekjur
en kvæntar konur en meðaltekjur
þeirra voru 4,3 milljónir. Þetta kemur
fram í Landshögum, riti Hagstofu
Íslands.
SPURNING DAGSINS